36 - ഉപാസന

ചോദ്യങ്ങൾ	ഉത്തരങ്ങൾ
എന്താണു ദൈവം	വിശ്വാസികള്‍ക്ക് : അഭയകേന്ദ്രം. എല്ലാ അല്‍ഭുതപ്രവര്‍ത്തികളേയും ദൈവമെന്ന പ്രതിഭാസം കൊണ്ട് വിശദീകരിക്കാന്‍ ഇക്കൂട്ടര്‍ ശ്രമിക്കുന്നു. എത്തീസ്റ്റുകള്‍ക്ക്: ഇല്ലാത്ത ഒന്ന്. ദൈവമെന്ന പ്രതിഭാസത്തെ അല്‍ഭുതപ്രവൃത്തികള്‍ കൊണ്ട് വിശദീകരിക്കാന്‍ ശ്രമിക്കുന്നവര്‍.
കടമ, ദൈവം, മതം, കുടുംബം, സ്വത്ത്. നിങ്ങൾക്ക് തോന്നുന്ന പ്രാധാന്യമനുസരിച്ച് ക്രമത്തിൽ എഴുതുക.	(കൈപ്പള്ളി ലിസ്റ്റില്‍ ഇല്ലാത്ത ഒന്ന് ഞാന്‍ കൂട്ടിച്ചേര്‍ക്കുന്നു. ദയവായി അനുവദിക്കുക) രാജ്യം, കടമ, മതം/കുടുംബം/ദൈവം.
വംശനാശ ഭീഷണി നേരിടുന്ന ഒരു മൃഗത്തെ സംരക്ഷിക്കുന്നതിനായി രണ്ടിടങ്ങളിൽ ഒന്നു തിരഞ്ഞെടുക്കാൻ നിങ്ങളെ ചുമതലപ്പെടുത്തുന്നു. തിരഞ്ഞെടുക്കുന്ന സ്ഥലം പൂർണ്ണമായും ഇടിച്ചു നിരത്തുകയും ചെയ്യും. 1) ഒരു മത വിഭാഗത്തിന്റെ ആരാധനാലയം 2) 10,000 തൊഴിലാളികൾ ജോലി ചെയ്യുന്ന ഒരു വ്യവസായ സ്ഥാപനം.. ഇതിൽ ഏതു തിരഞ്ഞെടുക്കു? എന്തുകൊണ്ടു്?	ആരാധനാലയം. (പ്രമുഖമായ ആരാധനാലയങ്ങളെ ഒഴിച്ച് നിര്‍ത്തിയാണ് ഇത് പറയുന്നത്. പല മതസ്ഥര്‍ ഒന്നിച്ച് താമസിക്കുന്ന നമ്മുടെ രാജ്യത്ത് ഇത്തരം ചില ഒഴിച്ച് നിര്‍ത്തലുകള്‍ അനിവാര്യമാണ്)
പരസ്പരവിരുദ്ധമായി സംസാരിക്കാറുണ്ടോ?	ഞാന്‍ ഒരു രാഷ്ട്രീയക്കാരനല്ല.
ഗായകന്‍, അദ്ധ്യാപകന്‍, കുശിനിക്കാരന്‍, ആശാരി, കോമാളി എന്നീ അഞ്ചു തൊഴിലുകളേ ലഭ്യമുള്ളു എന്നു വന്നാല്‍ താങ്കള്‍ ഏതു തിരഞ്ഞെടുക്കും?	അനുഭവങ്ങള്‍ എന്നെ പഠിപ്പിച്ചത് ജീവിതം ഒരു തമാശയെന്നാണ്. അതിലെ കോമാളിയുടെ റോള്‍ ചെയ്യാന്‍ സന്തോഷമേയുള്ളൂ.
നിങ്ങൾക്ക് 20 വർഷം പുറകോട്ടു് നീക്കാൻ അവസരം കിട്ടിയാൽ എന്തു ചെയ്യും	ഇരുപത് വര്‍ഷം പിന്നില്‍... എന്റെ കുട്ടിക്കാലം. രാവിലെ അമ്പലക്കുളത്തില്‍ പോയി 501 ന്റെ ബാര്‍ സോപ്പ്, അന്നത്തെ കിട്ടാക്കനിയായ ലൈഫ്ബോയ് ആണെന്ന് സങ്കല്പിച്ച് ആസ്വദിച്ച് കുളിച്ചിരുന്ന എന്റെ കുട്ടിക്കാലം. ഉച്ചയ്ക്ക് സ്കൂളില്‍ നിന്ന് വന്ന് വടക്കിനിയില്‍ പലകമുട്ടിയില്‍ ഇരിക്കുമ്പോള്‍, അമ്മ ‘ഞാന്‍ കഴിക്കാതെ എണീറ്റ് പോകുമോ‘ എന്ന ശങ്കയോടെ കൊണ്ട് വയ്ക്കുന്ന പതിവ് ഐറ്റംസ്, പച്ചരിച്ചോറും കപ്പങ്ങ ഉപ്പേരിയും, അമ്മയെ സമാധാനിപ്പിക്കാനായി ആസ്വദിച്ച് കഴിച്ചിരുന്ന എന്റെ കുട്ടിക്കാലം. സന്ധ്യക്ക് പൊട്ടിപ്പൊളിഞ്ഞ ഉമ്മറത്തിണ്ണയില്‍, അമ്മയുടെയും മുത്തശ്ശിയുടേയും മടിത്തട്ടില്‍ തല ചായ്ച്ച് മലര്‍ന്ന് കിടന്ന്, പടിഞ്ഞാറ് നിന്ന് കിഴക്കോട്ട് കൂടണയാന്‍ പറന്ന് പോകുന്ന കാക്കകളുടെ എണ്ണമെടുത്തിരുന്ന എന്റെ കുട്ടിക്കാലം. പിന്നെ... പിന്നെ രാത്രി എട്ട് മണിയോടെ കൊച്ചപ്പന്റെ കള്ള്ഷാപ്പില്‍ നിന്ന് ഒന്ന് ലഘുവായി ‘വീശി’ (ചിലപ്പോള്‍ വീശാതെയും), ശാസ്താം‌പാട്ട് പാടി വരുന്ന എന്റെ പ്രിയപ്പെട്ട അച്ചന്റെ കയ്യിലെ പോത്തെറച്ചിക്ക് വേണ്ടി ഉറക്കമിളച്ച് കാത്തരുന്ന എന്റെ കുട്ടിക്കാലം... ഇഷ്ടമാണ് കൈപ്പള്ളി. ഒന്ന് തിരിഞ്ഞ് നടക്കാന്‍ ഇഷ്ടമാണ്.
കുട്ടിയായിരുന്നപ്പോള്‍ ആയിത്തീരണമെന്ന് ആഗ്രഹിച്ചതിനുമപ്പുറത്ത്‌ താങ്കളുയര്‍ന്നോ? എങ്കില്‍ അതില്‍ സന്തോഷിക്കുന്നുണ്ടോ?	അമ്മയ്ക്ക് മനസ്സറിഞ്ഞ് കൊടുത്ത വാഗ്ദാനങ്ങളില്‍ ഒന്ന് ഇന്നും നിറവേറ്റപ്പെടാതെ കിടക്കുകയാണ് കൈപ്പള്ളി. ആ വാഗ്ദാനം നിറവേറ്റണമെന്ന് തന്നെയാണ് എന്റെ ഏറ്റവും വലിയ ആഗ്രഹവും.
കപ്പയും മീനും, പറോട്ട ബീഫ് ഫ്രൈ, BK Double Whopper, KFC Family bucket, Foie gras, പീത്സ, Kabsa (Middle Eastern Biriyani) ഇതിൽ ഏതു ഭക്ഷണമാണു് ഇഷടം. എന്തുകൊണ്ടു്	എന്റെ ഫേവറൈറ്റുകള്‍ നല്ലപോലെ വെന്ത പാലക്കാടന്‍ മട്ടയുടെ ചോറ്. കൂടെ വെള്ളത്തില്‍ ഇട്ട് വേവിച്ച അധികം എണ്ണ ചേര്‍ക്കാത്ത നാടന്‍ കോഴിക്കറി/കാളന്‍/കടച്ചക്ക കറി. ബിരിയാണി/നെയ്ച്ചോറ് എന്നിവ ഇഷ്ടമല്ല. കൈപ്പള്ളിയുടെ ലിസ്റ്റില്‍ നിന്ന് കപ്പയും മീങ്കറിയും സെലക്ട് ചെയ്യുന്നു.
ഇഷ്ടപ്പെട്ട വാഹനം ഏതാണു് ? (philosophy പറഞ്ഞു ഓവറാക്കണ്ട)	പള്‍സര്‍ ബൈക്ക്. പിന്നെ കൊതുമ്പുവള്ളം, പാടം ഉഴുന്ന ടില്ലര്‍, കാളവണ്ടി എന്നിവയില്‍ സഞ്ചരിക്കാനും വളരെ ഇഷ്ടമാണ്. പലതവണ സഞ്ചരിച്ചിട്ടുമുണ്ട്.
പൂച്ചക്ക്‌ പൊന്നുരുക്കുന്നിടത്ത്‌ കാര്യമുണ്ടോ?	ഖസാക്കിന്റെ ഇതിഹാസകാരന്‍ പുതിയ ഒരു രചനയുടെ പേറ്റുനോവില്‍ നിമഗ്നനായിരിക്കുമ്പോള്‍, അദ്ദേഹത്തിന്റെ മേശപ്പുറത്ത് ഒരു പൂച്ചക്ക് സ്ഥാനം പിടിക്കമെങ്കില്‍ ഒരു തട്ടന്റെ അരികിലും ആവാം സര്‍.
പാലുകുടിക്കുമ്പോള്‍ പൂച്ച കണ്ണടയ്ക്കുന്നതെന്തിനാണ്‌?	പൂച്ചയോട് തന്നെ ചോദിക്കൂ.
കെ. എസ്. കോപാലകൃഷ്ണൻ എന്തുകൊണ്ടു്, അടൂർ ഗോപാലകൃഷ്ണനെ പോലെയും, പദ്മരാജന പോലെയും സിനിമ എറ്റുക്കുന്നില്ല?	അദ്ദേഹത്തെ അത്തരത്തിലുള്ള ഒരു സിനിമ എടുക്കന്‍ ഫാന്‍സ് സമ്മതിക്കത്തില്ല. പുള്ളി പണ്ട് കൊറച്ച് സിനിമ എടുത്തത് കൊണ്ട് പലരും കഞ്ഞി കുടിച്ച് പോകുന്നു.
ഭ്രാന്തു് ഒരു പകർച്ച വ്യാതിയാണോ?	ഭ്രാന്ത് പകര്‍ച്ചവ്യാധിയല്ല. അത് പമ്മന്‍ എന്ന എഴുത്തുകാരന്റെ ഒരു പ്രശസ്തനോവല്‍ ആണ്. മലയാളസാഹിത്യത്തിലെ ഒരു പ്രമുഖേഴുത്തുകാരിയുടെ ജീവിതം അതിലുണ്ടെന്നൊക്കെ ഒരു പറച്ചിലുണ്ട്. ഞാന്‍ അത് വായിച്ചിട്ടില്ല.
ഗായകന്‍, അദ്ധ്യാപകന്‍, കുശിനിക്കാരന്‍, ആശാരി, കോമാളി എന്നീ അഞ്ചു തൊഴിലുകളേ ലഭ്യമുള്ളു എന്നു വന്നാല്‍ താങ്കള്‍ ഏതു തിരഞ്ഞെടുക്കും?	ഗായകന്‍ ആവും. മനസ്സ് മറന്ന് പാടാന്‍ ഇഷ്ടമാണ്.
നിങ്ങളുടെ തൊഴിൽ മേഖല ഏത് ഗണത്തിൽ പെടും. ഉല്പാതനം കച്ചവടം ജന സേവനം വിനിമയം വിദ്യാഭ്യാസം	ഇതിലില്ല.
ഇന്നു നമ്മുടെ നഗരങ്ങളിൽ യുവാക്കൾ നേരിടുന്ന ഏറ്റവും വലിയ പ്രശ്നം എന്താണു്?	യുവാക്കള്‍ക്ക് മാത്രമായി എന്തെങ്കിലും പ്രശ്നങ്ങള്‍ ഉണ്ടെന്ന് തോന്നിയിട്ടില്ല
മമ്മൂട്ടി എന്തു തരം കഴിവുകള്‍ കൊണ്ടാണ്‌ സൂപ്പര്‍സ്റ്റാര്‍ ആയി അറിയപ്പെടുന്നത്‌?	മമ്മൂട്ടിയും മോഹന്‍ലാലും സിനിമയില്‍ നല്ല അഭിനേതാക്കള്‍ ആയിരിക്കാം. പക്ഷേ എന്റെ അഭിപ്രായത്തില്‍ ‘നടനം‘ എന്ന കലാരൂപത്തിന്റെ ഏറ്റവും അനായാസവും ലളിതവുമായ ആവിഷ്കാരമാണ് സിനിമയിലുള്ളത്. പ്രശസ്തവ്യക്തികള്‍ക്ക് മുന്നില്‍ അനേകം ചാനല്‍ ക്യാമറകളുടെ നടുവിലല്ലാതെ, നാട്ടിന്‍പുറങ്ങളിലെ ഉത്സവപ്പറമ്പുകളില്‍ മിതമായ രീതിയില്‍ നടത്തപ്പെടുന്ന നാടകങ്ങളിലൂടെ നടിച്ച് വളര്‍ന്ന് വന്ന സിനിമാനടന്മാരെയാണ് എനിക്കിഷ്ടം. ആ ശ്രേണി ഇങ്ങിനെ പോകുന്നു. തിലകന്‍, നരേന്ദ്രപ്രസാദ്, നെടുമുടി വേണു, ഭരത് ഗോപി, ഭരത് മുരളി, ഒടുവില്‍ ഉണ്ണികൃഷ്ണന്‍…
മലയാള ഭാഷ വളരുകയാണോ, രൂപാന്തരപ്പെടുകയാണോ, വഷളാവുകയാണോ?	രൂപാന്തരപ്പെട്ട് വഷളാവുകയാണെന്ന് അഭിപ്രായമുണ്ട്. ഇതിന്റെ ആദ്യപടി വിദ്യാലയങ്ങളില്‍ നിന്ന് തന്നെ തുടങ്ങുന്നു.
എന്താണു് സമൂഹിക പ്രതിബദ്ധത?	ഏത് സമൂഹത്തിലാണോ ഒരു വ്യക്തി ജീവിക്കുന്നത് ആ സമൂഹത്തോട് ആ വ്യക്തി പുലര്‍ത്തേണ്ട/നിര്‍വഹിക്കേണ്ട മിനിമം കടമ. വ്യക്തികള്‍ക്ക് മാത്രമല്ല എഴുത്തിനും സാമൂഹികപ്രതിബദ്ധത നിറവേറ്റാനുണ്ട്.
കേരളത്തിൽ ഇപ്പോൾ ടിവി. പ്രേക്ഷരുടെ ഹരമായ റിയാലിറ്റി ഷോ എന്നറിയപ്പെടുന്ന അനേകം മത്സര പരമ്പരകളുണ്ടു്. താങ്കൾക്ക് ഒരു സാമാന്യം ഭേതപ്പെട്ട ഗായിക/ഗായകൻ ആണെന്നു സങ്കൽപ്പിക്കുക. താങ്കൾ ഈ മത്സരങ്ങളിൽ പങ്കെടുക്കുമോ? എന്തുകൊണ്ടു?	ഞാന്‍ അത്തരം ഷോകളെ വെറുക്കുന്നു. റിയാലിറ്റി ഷോയെ ആപദമാക്കി ഒരു പോസ്റ്റ് ഞാന്‍ എഴുതിക്കൊണ്ടിരിക്കുകയാണ്. എല്ലാവരും വെയിറ്റ് ചെയ്യൂ.
ഇവരിൽ താങ്കൾക്ക് ആരെയാണു് കൂടുതൽ ബഹുമാനം: K. കരുണാകരൻ, EMS, AKG, സി.എച്ച്. മുഹമ്മദ്കോയ, മന്നത്ത് പത്മനാഭൻ, പാണക്കാട് സയ്യിദ് മുഹമ്മദലി ഷിഹാബ് തങ്ങൾ. Dr. പല്പ്പു. വെള്ളാപ്പള്ളി നടേശൻ	ഇന്ന് വരെ ഒരു കമ്മ്യൂണിസ്റ്റ് അനുഭാവി അല്ലാതിരുന്നിട്ടും മനസ്സില്‍ ചേക്കേറിയ ചില കമ്മ്യൂണിസ്റ്റ് നേതാക്കളുണ്ട്. അവരില്‍ മുമ്പന്‍ ചെഗുവേര തന്നെ. പിന്നെ പാവങ്ങളുടെ പടത്തലവനായ എ.കെ.ജിയും.
ഇന്ത്യയുടേയും ചൈനയുടേയും സാമ്പത്തീക മുന്നേറ്റത്തിൽ ഇവിടങ്ങളിലെ ഉയർന്ന ജനസംഖ്യയും ഒരു ഘടകമാണെന്ന് താങ്കൾ വിശ്വസിക്കുന്നുവോ?	ഇല്ല.
നിങ്ങൾ ഒരു ദിവസത്തേക്ക് പ്രധാന മന്ത്രിയാകുന്നു. എന്തു ചെയ്യും?	താനാരോ തന്നാരോ തന താനാരോ തന്നാരോ...
നിങ്ങൾ Dinnerനു് ഈ പട്ടികയിൽ കൊടുത്തിരിക്കുന്ന രണ്ടു പേരിൽ ആരെ ക്ഷനിക്കും? അവർക്ക് എന്തു ഭക്ഷണം കൊടുക്കും? അവരോടു എന്തെല്ലാം ചോദിക്കും? 1) Salman Khan 2) K.J. Yesudas 3) Jack the Ripper 4) മമ്മൂട്ടി 5) John Abraham (ഹിന്ദി നടൻ) 6) Pres. Barack Obama 7) Adoor Gopalaksrihsnan 8) Jimmy Wales 9) Mother Theresa 10) Khalil Gibran 11) Salman Rushdie 12) കുറുമാൻ 13) കലാഭവൻ മണി 14) കൈപ്പള്ളി 15) Silk Smita 16) കുമാരനാശാൻ 17) Arundhati Roy 18) Charlie Chaplin 19) വിശാല മനസ്കൻ (സജീവ് ഇടത്താടൻ) 20) ഇഞ്ചിപ്പെണ്ണു്	സില്‍ക്ക് സ്മിത : മറ്റുള്ള സെക്സ് ബോബുകളില്‍ നിന്ന് വേറിട്ട് കാണുവാന്‍ ഞാനാഗ്രഹിക്കുന്ന നടി. എന്റെ കൌമാരകാലത്തെ രതികാമനകളെ ഉത്തേജിപ്പിച്ച്, എന്നെ ആഹ്ലാദിപ്പിച്ച് പരീക്ഷിണിതനാക്കിയ, എന്റെ ഒത്തിരി സ്വയഭോഗങ്ങളിലെ ഏക സിനിമാകണ്ണി. ഏതോ ഒരു സിനിമയില്‍ പള്ളിയില്‍ വച്ചുള്ള ഒരു ംഇന്ന്കെട്ട് സീനിന് ശേഷം നടന്‍ മധുപാലിനോട് “എന്ന സാര്‍ ഇനി നമ്മുടെ ശരിക്കൂള്ള മിന്ന്കെട്ട്“ എന്ന് അര്‍ത്ഥഗര്‍ഭമായി അന്വേഷിച്ച സ്മിത മധുപാലിനെ മാത്രമല്ല നൊമ്പരപ്പെടുത്തിയത്, അവരെ ഇഷ്ടപ്പെടുന്ന മറ്റ് പലരെയും കൂടിയാണ്. ഭക്ഷണം : നല്ല എരിവുള്ള ആന്ധ്രാ ഡിഷുകള്‍. ചോദ്യം : മൌനം വാചാലം. വിശാലമനസ്കന്‍ : രണ്ട് ഉണക്കച്ചപ്പാത്തി. നല്ല വാളന്‍ പുളി കലകിയ വെള്ളം. ചോദ്യം : വിശാലണ്ണാ‍ാ. അന്ന് ഹസ്തിനപുരിയില്‍ ദുശ്ശസനന്‍ ദൌപദിയെ “സാരി മാറ്റി ഉടുപ്പിക്കുക” എന്ന ഉദ്ദേശത്തോടെ മടിക്കുത്തില്‍ കൈവച്ചപ്പോള്‍, പിസുകള്‍ കാണാന്‍ തീരെ ഇന്ററസ്റ്റ് ഇല്ലാത്ത അണ്ണന്‍ എന്ത് കോണ്ട് മൊനംപാലിച്ചു എന്ന ചരിത്രപ്മായ സംശയം ചൊദിക്കും.
1 Billion US$ നിങ്ങൾക്ക് ലഭിക്കുന്നു എന്തു ചെയ്യും	അക്കൌണ്ടില്‍ ഇടും.
പ്രാവാസ ജീവിതത്തിൽ എന്തെങ്കിലും നഷടമായിട്ടുണ്ടോ?	നാട് വിട്ട് അധികം നാള്‍ നില്‍ക്കേണ്ടി വന്നിട്ടില്ല ഇന്ന് വരെ.
നിങ്ങൾ ഇപ്പോൾ ഇരിക്കുന്ന സ്ഥലത്തുള്ള ജനാലയിൽ നിന്നും പുറത്തേക്ക് നോക്കുക. അവിടെ കാണുന്ന ദൃശ്യം 100 വാക്കിൽ കുറയാതെ വിവരിക്കുക.	അടുത്ത വീട്ടിലെ ടെറസ്സില്‍ ഒരു തമിഴത്തി ചേച്ചി മൊബൈലില്‍ ആരോടോ സംസാരിക്കുന്നു
ബ്ലോഗിൽ അവസാനമായ എഴുതിയ post എന്തിനെഴുതി? ഇനിയും എഴുതുമോ?	അരോചകമായ ചിലത് കേട്ടിട്ട് മിണ്ടാണ്ടിരിക്കാന്‍ പറ്റിയില്ല.
ബ്ലോഗിൽ അവസാനമായി വായിച്ച ലേഖനം ഏതാണു്?	കാണാപ്പുറം നകുലന്റെ മംഗലാപുരം പോസ്റ്റാണെന്ന് തോന്നുന്നു. ഇപ്പോള്‍ ബ്ലോഗ് വായന കുറവാണ്.
ബ്ലോഗിൽ അവസാനമായി വായിച്ച കവിത ഏതാണു്?	ചന്ദ്രകാന്തം/ദ്രൌപദി ടെ ഒരു കവിതയാണ്. പേര് ഓര്‍ക്കുന്നില്ല.
നിങ്ങൾ കൈപ്പള്ളിയെ കണ്ടു മുട്ടുന്നു. ഒരു ചോദ്യം ചോദിക്കാൻ അവസരം തരുന്നു. എന്തു ചോദിക്കും?	അണ്ണനല്ലായിരുന്നോ മരമാക്രി..?
ഒരു hotelൽ രണ്ടു blog meet നടക്കുന്നു. അതിൽ ഒരു barൽ ബ്ലോഗ് കവികളും വേറൊരു barൽ ബ്ലോഗ് ഓർമ്മക്കുറുപ്പ്istകളും ഉണ്ടു്. നിങ്ങൾ ഏതു barൽ കയറും. (എന്തുകൊണ്ടു? 200 വാക്കിൽ കുറയാതെ എഴുതുക)	രണ്ട് ബാറിലും കയറി എല്ലാവരേയും കാണും. പക്ഷേ മദ്യപിക്കില്ല. വലിയുമില്ല. പിന്നെന്തിനാ ജീവിക്കുന്നെ എന്ന ബൂര്‍ഷ്വാ ചോദ്യം ചോദിക്കരുത്.
മോതിരം, മാല, വാച്ച്‌, ബ്രേസ്‌ലെറ്റ്‌ തുടങ്ങിയവ ധരിക്കാന്‍ ഇഷ്ടമാണോ?	സ്വര്‍ണാഭരണങ്ങളോട് തീരെ താല്പര്യമില്ല. പക്ഷേ വെള്ളി കെട്ടിയ രുദ്രാക്ഷമാല വളരെ ഇഷ്ടമാണ്. ഒരെണ്ണം ഇപ്പോള്‍, ഇതെഴുതുമ്പോള്‍, എന്റെ കഴുത്തില്‍ തൂങ്ങുന്നുമുണ്ട്.
ഒരു ദിവസം ശ്രീ പെരുമ്പടവം Dostoevsky കണ്ടുമുട്ടുന്നു്, എന്തു സംഭവിക്കും?	ദസ്തയേവ്സ്കി പെരുമ്പടവത്തിനോട് ചൂത് കളിക്കാന്‍ കാശ് (റൂബിള്)‍ കടം ചോദിക്കും. കട്ട ഉറപ്പ്.
ഈ പറയുന്ന എഴുത്തുകാരിൽ ആരെയാണു് കൂടുതൽ ഇഷ്ടം: മാധവികുട്ടി, എം. മുകുന്ദൻ, സാറ ജോസഫ്, സക്കറിയ, ഓ.വി. വിജയൻ, ബഷീർ, ആനന്ദ്, വി.കെ.എൻ, തകഴി, എം.ടി വാസുദേവൻ നായർ, പെരുമ്പടവം.	ഓ.വി.വിജയന്‍. പിന്നാലെ വി.കെ.എന്‍, ആനന്ദ് തുടങ്ങിയവര്‍
ആന മെലിഞ്ഞാല്‍ തൊഴുത്തില്‍ കെട്ടുന്നതില്‍ തെറ്റുണ്ടോ?	തെറ്റുണ്ട് കൈപ്പള്ളി. നമ്മള്‍ എല്ലാവര്‍ക്കും അര്‍ഹിക്കുന്ന ബഹുമാനം കൊടുക്കണം. എന്റെ നാട്ടില്‍ സാബു എന്ന പേരുള്ള ഒരു ചേട്ടനുണ്ട്. മീന്‌വില്പനയാണ് തൊഴില്‍. ആള് അത്യാവശ്യം കച്ചറ സ്വഭാവമൊക്കെയുള്ള ഒരു മുരടന്‍ ആണ്. പലപ്പോഴും ഞാന്‍ അദ്ദേഹത്തെ മൈന്‍ഡ് ചെയ്യാറുമില്ല. പക്ഷേ വോളീബാള്‍ കോര്‍ട്ടില്‍ ഇറങ്ങിയാല്‍ ഞാന്‍ അദ്ദേഹം പറയുന്നത് അക്ഷരം പ്രതി അനുസരിക്കും... അനുസരിക്കണം. കാരണം ആ ചെറിയ കളത്തില്‍ അദ്ദേഹം എനിക്ക് അപൂര്‍വ്വം ചിലര്‍ക്കൊപ്പം ഗുരുവാണ്. എന്നേക്കാളും ബ്രില്ല്യന്റ് ആയ, സീനിയറായ ഒരു കിടയറ്റ പ്ലെയര്‍. ആ മേഖലയില്‍ എനിക്ക് അദ്ദേഹത്തിന്റെ തലയെടുപ്പിനെ ബഹുമാനിച്ചെ മതിയാകൂ. ആനയോടും ഇങ്ങിനെ തന്നെ പെരുമാറണമെന്ന് ഞാന്‍ കരുതുന്നു.
ആരുടേയും ബ്ലോഗുകൾ വേണമെങ്കിലും താങ്കൾക്ക് ഡിലീറ്റ് ചെയ്യാം എന്നൊരു അവകാശം ലഭിച്ചാൽ ആദ്യം താങ്കൾ ഡിലീറ്റ് ചെയ്യുന്ന 5 ബ്ലോഗുകളുടെ പേരു പറയുക?	കൈപ്പള്ളി പ്രശ്നമൊന്നുമില്ലാതെ അങ്ങിനെ പോകട്ടെ
വാർത്തകൾ ഇല്ലായിരുന്നെങ്കിൽ മാധ്യമങ്ങളെന്തു ചെയ്യുമായിരുന്നു?	നമ്മുടെ മാധ്യമങ്ങള്‍ അല്ലേ കൈപ്പള്ളീ. ഒളിക്യാമറകള്‍ സജ്ജീകരിച്ചും കാള്‍ ഗേളുകളെ അറേഞ്ച് ചെയ്തും ശബ്ദം എഡിറ്റ് ചെയ്തും ഭീകരാക്രമണത്തെ തകര്‍ക്കാന്‍ ശ്രമിക്കുന്ന കമാന്‍ഡൊകളെ ക്യാന്‍‌വാസ് ചെയ്ത് എതിരാളികള്‍ക്ക് ഒറ്റുകൊടുത്തും അവര്‍ നിരന്തരം സെന്‍സേഷണല്‍ ന്യൂസുകള്‍ ഉണ്ടാക്കും. അവരെക്കരുതി ലജ്ജിക്കേണ്ടി വന്നിട്ടുണ്ട് പലപ്പോഴും.
നിങ്ങൾക്ക് മൂന്നു വരം കിട്ടുന്നു എന്തെല്ലാം അവശ്യപ്പെടും? ("കൂടുതൽ വരങ്ങൾ ചോദിക്കാനുള്ള വരം" എന്നുള്ള മഹ തറ നമ്പർ ഇറക്കരുതു്. അങ്ങനെ ചോദിച്ചാൽ ഒരു കോപ്പും കിട്ടില്ല എന്നും മനസിലാക്കണം.)	പൊന്നാനി സീറ്റ് സി‌പി‌ഐക്ക് തിരിച്ച് കൊടുക്കുക. മാവേലിക്കര മണ്ഢലത്തില്‍ നിന്ന് കൊടിക്കുന്നില്‍ സുരേഷിനെ മാറ്റുക. കൊല്ലത്ത് ഉണ്ണിത്താനെ സ്ഥാനാര്‍ത്ഥിയാക്കുക.
കാട്ടിലാണോ ഉത്സവപറമ്പിലാണോ ആനകളെ കാണാൻ കൂടുതൽ ഭംഗി?	കാട്ടില്‍ തന്നെ.

എന്നോടുള്ള ചോദ്യത്തിനുള്ള മരുപടി: ഞാനല്ല. (മരമാക്രിയുടെ മലയാളം അത്ര മോശമാണോ?)