31 - പുള്ളിപ്പുലി

ചോദ്യങ്ങൾ	ഉത്തരങ്ങൾ
എന്താണു ദൈവം	പ്രപഞ്ചത്തിന്റെ സൃഷ്ടാവ് ഈ ലോകത്തിന്റെ നാഥന്‍.
കടമ, ദൈവം, മതം, കുടുംബം, സ്വത്ത്. നിങ്ങൾക്ക് തോന്നുന്ന പ്രാധാന്യമനുസരിച്ച് ക്രമത്തിൽ എഴുതുക.	കുടുംബം, കടമ, ദൈവം സ്വത്ത് വെറുതെ കിട്ടിയാല്‍ ഇഷ്ടാമാണ് ഭാക്കിയുള്ള ഒന്നിന് വലിയ പ്രാധാന്യം ഒന്നും കാണുന്നില്ല.
ഗായകന്‍, അദ്ധ്യാപകന്‍, കുശിനിക്കാരന്‍, ആശാരി, കോമാളി എന്നീ അഞ്ചു തൊഴിലുകളേ ലഭ്യമുള്ളു എന്നു വന്നാല്‍ താങ്കള്‍ ഏതു തിരഞ്ഞെടുക്കും?	പാടാന്‍ അറിയില്ലെങ്കിലും ഗായകനാകുന്നതാ ഇഷ്ടം. വലിയ ഗായകനായാല്‍ കുറെ സ്ത്രീ ആരാധകരെ കിട്ടുമല്ലോ യേത്?
നിങ്ങൾക്ക് 20 വർഷം പുറകോട്ടു് നീക്കാൻ അവസരം കിട്ടിയാൽ എന്തു ചെയ്യും	നന്നായി പഠിച്ച് എല്ലാ ക്ലാസ്സിലും ഫസ്റ്റ് ആയി 10 ആം തരത്തില്‍ 1 ആം റാങ്ക് വേടിക്കണം. അങ്ങിനെ വര്‍ഷങ്ങള്‍ പുറകോട്ടു നീക്കാന്‍ സാധിക്കാത്തതിനാല്‍ 10 ആം തരം 256 മാര്‍ക്കുമായി ഇപ്പോഴുള്ള ജീവിതം തുടരും.
കുട്ടിയായിരുന്നപ്പോള്‍ ആയിത്തീരണമെന്ന് ആഗ്രഹിച്ചതിനുമപ്പുറത്ത്‌ താങ്കളുയര്‍ന്നോ? എങ്കില്‍ അതില്‍ സന്തോഷിക്കുന്നുണ്ടോ?	കുട്ടി ആയിരുന്നപ്പോള്‍ എനിക്ക് സിനിമ നടന്‍ ആകാനായിരുന്നു ആഗ്രഹം. എന്റെ ഈ കോലം വെച്ച് ആ ആഗ്രഹത്തിന്റെ ഏഴയലത്ത് പോലും എത്തിയില്ല.
നിങ്ങളുടെ തൊഴിൽ മേഖല ഏത് ഗണത്തിൽ പെടും. ഉല്പാതനം കച്ചവടം ജന സേവനം വിനിമയം വിദ്യാഭ്യാസം	ഉല്പാതനം കച്ചവടം എന്നീ രണ്ട് ഗണങ്ങളിലും പെടുത്താം
നിങ്ങളുടേ മുന്നിൽ മൂന്നു buttonകളു ഉണ്ട്. അമർത്തിയാൽ ഈ ലോകത്തിലുള്ള ഏകാധിപതികൾ എല്ലാം നിന്ന നിൽപ്പിൽ തന്നെ ചത്തു് വീഴും. അമർത്തിയാൽ മലയാള മനോരമ പത്രം ഒറ്റ് രാത്രികൊണ്ടു Unicodeലേക്ക് മാറും. അമർത്തിയാൽ (ഇടിവാളിന്റെ ആഗ്രം സഫലമാകും) ബ്ലോഗിൽ ഉള്ള ഓർമ്മ കുറിപ്പിസ്റ്റുകൾക്കെല്ലാം "Amoniasia" വന്നു് എല്ലാം മറന്നു പോകും. അതൽ ഒന്നുമാത്രമെ അമർത്താൻ കഴിയുകയുള്ളു. നിങ്ങൾ ഏതമർത്തും.? എന്തുകൊണ്ടു?"	ഒന്നാം ബട്ടണ്‍ അമര്‍ത്തും എല്ലാ ഏകാധിപതികളും ചത്ത്‌ വീണാല്‍ ഞാന്‍ അവരുടെ എല്ലാ സ്ഥാവര ജ൯ഗ്മങ്ങളും സ്വന്തമാക്കി സുഖായി ജീവിക്കും. രണ്ടാം ബട്ടണ്‍ അമര്‍ത്താതെ തന്നെ ഭാവിയില്‍ നടക്കാന്‍ പോകുന്ന കാര്യമാണ് എന്ന് ഞാന്‍ വിശ്വസിക്കുന്നു. മുന്നാമത്തെ ബട്ടണ്‍ എന്തായാലും അമര്‍ത്തില്ല ഞാന്‍ ആയിട്ട് ഇടിവാളിന്റെ ആഗ്രഹം നിറവേറ്റി കൊടുക്കില്ല.
ഇവരിൽ താങ്കൾക്ക് ആരെയാണു് കൂടുതൽ ബഹുമാനം: K. കരുണാകരൻ, EMS, AKG, സി.എച്ച്. മുഹമ്മദ്കോയ, മന്നത്ത് പത്മനാഭൻ, പാണക്കാട് സയ്യിദ് മുഹമ്മദലി ഷിഹാബ് തങ്ങൾ. Dr. പല്പ്പു.	CH, AKG, EMS ഭാക്കി ഉള്ളവരില്‍ ഭൂരിഭാഗത്തെയും എനിക്ക് ഇത് വരെ ബഹുമാനിക്കാന്‍ തോന്നിയിട്ടില്ല.
എന്താണു് സമൂഹിക പ്രതിബദ്ധത?	മനുഷ്യന്‍ അവനും അവനെ ചുറ്റി പറ്റിയുള്ള സഹജീവികള്‍ക്കും ചുറ്റുപാടുള്ള എല്ലാ ജീവജാലങ്ങള്‍ക്കും നല്‍കുന്ന എല്ലാ സഹായ സഹകരണങ്ങളും ആണ് സാമൂഹിക പ്രതിബദ്ധത
താങ്കള്‍ ഒരു പാവമാണെന്ന് വിചാരമുണ്ടോ? ഉണ്ടെങ്കില്‍ അതിനു തെളിവായി മു‌ന്നു സ്വഭാവ വിശേഷതകള്‍ പറയൂ.	അങ്ങിനെ ഒരു വിചാരമേ ഇല്ല. ഈ 21 ആം നുറ്റാണ്ടില്‍ ഞാന്‍ പാവമായി നടന്നാല്‍ എന്റെ കുടുംബം പട്ടിണി ആകും
നിങ്ങൾ പ്രധാന മന്ത്രിയാകുന്നു. എന്തു ചെയ്യും?	എന്ത് ചെയ്യാന്‍ ഒന്നും ചെയ്യാന്‍ പോണില്ല. ഇവിടെ 5 വര്‍ഷം തികച്ച് കിട്ടിയിട്ട് പോലും പ്രധാനമന്ത്രിമാര്‍ക്ക് ഒരു ഡാഷും ചെയ്യാന്‍ പറ്റണില്ല. പിന്നെ അല്ലെ ഈ പത്താം ക്ലാസ്സുകാരന്‍. അങ്ങിനെ ഇനി സംഭവിച്ചാല്‍ ആ ഒരു ദിവസത്തെ ഭരണം കഴിഞ്ഞ് കിട്ടാനുള്ള എല്ലാ ആനുകൂല്യങ്ങളും പറ്റി സുഖായി ജീവിക്കും.
നിങ്ങൾക്ക് മൂന്നു വരം കിട്ടുന്നു എന്തെല്ലാം അവശ്യപ്പെടും?	വരം 1. നല്ലൊരു ക്യാമറ. വരം 2. നന്ദന്‍, നൊമാദ്,സ്രാല്‍, ശ്രീനി, പച്ചാളം എന്നീ ഫോട്ടോ ഭുലോഗക്കാരുടെ പടങ്ങളേക്കള്‍് സുന്ദരമായി പടങ്ങള്‍ എടുക്കാനുള്ള കഴിവ്. വരം 3. ബഷീര്‍, O. V. Vijayan, അപ്പുവേട്ടന്‍, സജീവ് ഇടത്താടന്‍, കുറുമാന്‍ എന്നീ എഴുത്തുകാരുടെ എഴുത്തിനേക്കാള്‍ നന്നായി എഴുതാനുള്ള കഴിവ്. ഇതൊക്കെ കിട്ടിയാല്‍ പിന്നേ ഞാന്‍ ആരാ മോന്‍ ഹോ ആലോചിക്കാന്‍ കൂടി വയ്യ.
1 Billion US$ നിങ്ങൾക്ക് ലഭിക്കുന്നു എന്തു ചെയ്യും	എനിക്ക് അത്യാവശ്യത്തിനുള്ളത്‌ എടുത്തിട്ട് ഭാക്കി ബാങ്കില്‍ ഇടും.
നിങ്ങൾ ഇപ്പോൾ ഇരിക്കുന്ന സ്ഥലത്തുള്ള ജനാലയിൽ നിന്നും പുറത്തേക്ക് നോക്കുക. അവിടെ കാണുന്ന ദൃശ്യം 100 വാക്കിൽ കുറയാതെ വിവരിക്കുക.	പാര്‍ക്കിങ്ങ് അന്വേഷിച്ചു നടക്കുന്ന കാറുകള്‍, കുറച്ച് പഴകി പൊളിഞ്ഞു വീഴാറായാ വില്ലകള്‍, പാറി പറക്കുന്ന പതാക, കടല്‍ പിന്നേ റോഡുകള്‍ പിന്നേം റോഡുകള്‍ പൊരി വെയിലത്ത്‌ പണിയെടുക്കുന്ന നിര്‍മ്മാണ തൊഴിലാളികള്‍, റോട്ടിലൂടെ തലങ്ങും വിലങ്ങും പായുന്ന വാഹനങ്ങള്‍.
പ്രാവാസ ജീവിതത്തിൽ എന്തെങ്കിലും നഷടമായിട്ടുണ്ടോ?	എന്റെ മാജി വെച്ചുണ്ടാക്കുന്ന ചോറും ചാളക്കറിയും. പിന്നേ നാട്ടിലായിരുന്നെങ്കില്‍ കിട്ടുമായിരുന്ന കല്ല്യാണ അടിയന്ത്ര നിശ്ചയ സദ്യകള്‍. ഹോ എല്ലാം നഷ്ടായി.
ബ്ലോഗിൽ അവസാനമായി വായിച്ച ലേഖനം ഏതാണു്?	നന്ദേട്ടന്റെ (നന്ദപര്‍വ്വം) സ്നേഹമെന്ന വാക്കിന്റെ അര്‍ത്ഥം.
ബ്ലോഗിൽ അവസാനമായി വായിച്ച കവിത ഏതാണു്?	ഒരു പത്താം കളാസ്സുകാരനയത് കൊണ്ട് കവിത വായിച്ചാല്‍ എനിക്ക് മനസ്സിലാവില്ല. അത് കൊണ്ട് കവിതകള്‍ വായിക്കാറില്ല. കവിതകള്‍ കേള്‍ക്കാന്‍ ഇഷ്ടമാണ്.
നിങ്ങൾ കൈപ്പള്ളിയെ കണ്ടു മുട്ടുന്നു. ഒരു ചോദ്യം ചോദിക്കാൻ അവസരം തരുന്നു. എന്തു ചോദിക്കും?	അടുത്ത തവണ പാജിമോളുമായി മരുഭുമി കാണാന്‍ പോകുമ്പൊള്‍ എന്നേം കൂടെ കൊണ്ട് പോകുമോ? എന്ന് ചോദിക്കും.
ഇഷ്ടപ്പെട്ട എഴുത്തുകാരൻ/എഴുത്തുകാരി ആരാണു്? താങ്കളെ ആ കൃതികൾ എങ്ങനെ സ്വാധീനിച്ചു?	ബഷീറും ഓ. വി. വിജയനും ബഷീറിന്റെ എഴുത്തില്‍ ലളിതമായ ഭാഷയാണ് അത് കൊണ്ട് സാധാരണ എന്നെ പോലുള്ള വായനക്കാരന് മനസ്സിലാക്കാന്‍ ഭുദ്ധിമുട്ടുണ്ടായില്ല. എന്റെ വായനയുടെ ആദ്യ കാലങ്ങളില്‍ ബഷീറിന്റെ കഥകള്‍ മാത്രം ആയിരുന്നു. ആ സ്റ്റോക്ക് തീര്‍ന്നപ്പോള്‍ പിന്നേ വായന വെള്ളിനക്ഷത്രം, നാന പിന്നേ വനിതയിലെ ഡോക്ടറോട് ചോദിക്കുക എന്നിവയില്‍ മാത്രമായി ചുരുങ്ങി. ഒരു ദിവസം ഓ. വി. യുടെ ഖസ്സാക്കിന്റെ ഇതിഹാസം കിട്ടി അതൊരു അനുഭവം ആയിരുന്നു. എന്റെ വായനാശീലം ചെറുതായി തരിച്ച് കൊണ്ട് വന്നത് ഓ. വി. യുടെ കൃതികള്‍ ആണ്. പൂര്‍ണ്ണമായ വായനാശീലം ഇടത്താടത്തിന്റെയും കുറുമാന്റെയും ഭുലോഗങ്ങള്‍ വായിച്ചതിന് ശേഷമാണ് ഉണ്ടായത്.
താങ്കള്‍ക്കു സ്വന്തമായി ഒരു ഹെയര്‍ സ്റ്റൈല്‍ ഉണ്ടോ?	കൈപിള്ളിക്ക് എന്റെ ഈ കഷണ്ടി കണ്ടിട്ട് ഇങ്ങിനെ ഒരു ചോദ്യം എന്നോട് തന്നെ ചൊദിക്കണമായിരുന്നൊ? താങ്കള്‍ മനപുര്‍വ്വം ആക്കിയതാണല്ലേ. ഹെയര്‍ ഇല്ലാതെ എന്തോന്ന് സ്റ്റൈല്‍.
ഈ പറയുന്ന എഴുത്തുകാരിൽ ആരെയാണു് കൂടുതൽ ഇഷ്ടം: മാധവികുട്ടി, എം. മുകുന്ദൻ, സാറ ജോസഫ്, സക്കറിയ, ഓ.വി. വിജയൻ, ബഷീർ, ആനന്ദ്, വി.കെ.എൻ, തകഴി, എം.ടി വാസുദേവൻ നായർ, പെരുമ്പടവം.	ബഷീര്‍, ഓ. വി. വിജയന്‍ രണ്ടുപേരെയും ഒരുപോലെ ഇഷ്ടമാണ്
എന്താണു് വിരഹം	വായി നോക്കി നടന്ന കാലത്തും കല്ല്യാണം കഴിച്ച് ഒരു ഭര്‍ത്താവ് ആയി ജീവിക്കുന്ന ഈ കാലത്തും വായനോക്കിയിരുന്ന പെണ്‍ പടകള്‍ ആയിരുന്നവരെ അക്കാലത്തും. ഭാര്യ ആയ എന്റെ പാതിയെ ഇക്കാലത്തും കുറച്ച് നേരത്തേക്ക് കാണാതെ ആകുമ്പോള്‍ ഉണ്ടാകാറുള്ള ഒരു ഒരു ലിതാണ് ലത്.
നിങ്ങൾ Dinnerനു് ഈ പട്ടികയിൽ കൊടുത്തിരിക്കുന്ന രണ്ടു പേരിൽ ആരെ ക്ഷനിക്കും? അവർക്ക് എന്തു ഭക്ഷണം കൊടുക്കും? അവരോടു എന്തെല്ലാം ചോദിക്കും? Amithabh Bachan Pierce Brosnan Che Guevara മമ്മൂട്ടി Gabriel Garcia Marquez Pres. Barack Obama Adoor Gopalaksrihsnan Jackie chan Nelson Mandela Khalil Gibran Desmond Tutu സലീം കുമാർ സാമ്പശിവൻ(കാഥികൻ) K.J. Yesudas Shakeela കുമാരനാശാൻ Robert Mugabe K. Karunakaran വിശാല മനസ്കൻ(സജീവ് ഇടത്താടൻ) ഇഞ്ചിപ്പെണ്ണു്	അമിതാബിനെയും മമ്മൂട്ടിയേയും ഡിന്നറിനു കൊണ്ട് പോകാനും മാത്രമുള്ള കാശില്ല. അത് മാത്രമല്ല രണ്ടും അഹങ്കാരത്തിന്റെ നിറകുടങ്ങള്‍ ആയതിനാല്‍ കയ്യിലുള്ള കാശ് കൊടുത്ത് കടിക്കുന്ന പട്ടിയെ വാങ്ങിയ ആളുടെ അവസ്ഥ ആകും അപ്പൊ അവര് വേണ്ട. യേശുദാസിനെ വിളിച്ചാല്‍ അങ്ങേര്‍ക്ക് കഴിക്കാനുള്ള എണ്ണയില്ലാത്ത ഭക്ഷണം തേടി ഞാന്‍ തെണ്ടി പോകും അപ്പൊ മൂപ്പരും വേണ്ട. ഷക്കീലയെ വിളിക്കാന്‍ താല്‍പര്യമുണ്ടെങ്കിലും അവളെ വിളിച്ചാല്‍ എന്റെ പാതി എന്നെ കൊല്ലും. പിന്നേ പറ്റിയത് ഇടത്താടനും സലിം കുമാറും മാത്രമാ അവരാകുമ്പോ എന്റെ പോക്കറ്റിന്റെ വലിപ്പത്തിനനുസരിച്ച് കാര്യങ്ങള്‍ നടക്കും ഇടത്താടത്തിന്റെയും സലിം കുമാറിന്റെയും ഇന്‍സ്റ്റന്റ് തമാശകള്‍ കേള്‍ക്കാല്ലോ.