28 - നട്ടപ്പിരാന്തന്‍

ചോദ്യങ്ങൾ	ഉത്തരങ്ങൾ
എന്താണു ദൈവം	സ്നേഹമാണു ലോകത്തിലെ എല്ലാ മനുഷ്യര്‍ക്കും അറിയാവുന്ന ഭാഷയെന്ന് പഠിപ്പിച്ചയാള്‍
കടമ, ദൈവം, മതം, കുടുംബം, സ്വത്ത്. നിങ്ങൾക്ക് തോന്നുന്ന പ്രാധാന്യമനുസരിച്ച് ക്രമത്തിൽ എഴുതുക.	കടമ, ദൈവം, കുടുംബം, സ്വത്ത്, മതം,
വംശനാശ ഭീഷണി നേരിടുന്ന ഒരു മൃഗത്തെ സംരക്ഷിക്കുന്നതിനായി രണ്ടിടങ്ങളിൽ ഒന്നു തിരഞ്ഞെടുക്കാൻ നിങ്ങളെ ചുമതലപ്പെടുത്തുന്നു. തിരഞ്ഞെടുക്കുന്ന സ്ഥലം പൂർണ്ണമായും ഇടിച്ചു നിരത്തുകയും ചെയ്യും. 1) ഒരു മത വിഭാഗത്തിന്റെ ആരാധനാലയം 2) 10,000 തൊഴിലാളികൾ ജോലി ചെയ്യുന്ന ഒരു വ്യവസായ സ്ഥാപനം.. ഇതിൽ ഏതു തിരഞ്ഞെടുക്കു? എന്തുകൊണ്ടു്?	സുരേഷ് കുമാറും, നമ്മുടെ ആ മീശക്കാരന്‍ സിംഗും ഉണ്ടെങ്കില്‍ ഞാന്‍ ഒന്ന് ശ്രമിച്ച് നോക്കാം,അല്ലാതെ ഞാന്‍ ഒന്നും ഇടിച്ച് നിരത്താന്‍ ആഗ്രഹിക്കുന്നില്ല.
ഗായകന്‍, അദ്ധ്യാപകന്‍, കുശിനിക്കാരന്‍, ആശാരി, കോമാളി എന്നീ അഞ്ചു തൊഴിലുകളേ ലഭ്യമുള്ളു എന്നു വന്നാല്‍ താങ്കള്‍ ഏതു തിരഞ്ഞെടുക്കും?	ഞാന്‍ ആശാരി പണി തിരെഞ്ഞെടുക്കും, കാരണം ഉളിയും, കൊട്ടുവടിയും കൊണ്ട് അടിക്കുമ്പോഴുള്ള താളാത്മകമായ ആ ശബ്ദം എനിക്കൊത്തിരി ഇഷ്ടമാണ്‍. Because what an enjoyment without rhythmic sound from that job.
നിങ്ങൾക്ക് 20 വർഷം പുറകോട്ടു് നീക്കാൻ അവസരം കിട്ടിയാൽ എന്തു ചെയ്യും	പുറകിലോട്ട് നീട്ടുന്ന പ്രശ്നമെനിക്കില്ല......മുന്നിലോട്ട് നീട്ടുമോ എന്നു ചോദിക്കൂ ഉത്തരം പറയാം
കുട്ടിയായിരുന്നപ്പോള്‍ ആയിത്തീരണമെന്ന് ആഗ്രഹിച്ചതിനുമപ്പുറത്ത്‌ താങ്കളുയര്‍ന്നോ? എങ്കില്‍ അതില്‍ സന്തോഷിക്കുന്നുണ്ടോ?	കുട്ടിയായിരുന്നതിനെക്കാള്‍ ഞാന്‍ വലുതായിട്ടുണ്ട്....അതില്‍ സന്തോഷിക്കുന്നു
കപ്പയും മീനും, പറോട്ട ബീഫ് ഫ്രൈ, BK Double Whopper, KFC Family bucket, Foie gras, പീത്സ, Kabsa (Middle Eastern Biriyani) ഇതിൽ ഏതു ഭക്ഷണമാണു് ഇഷടം. എന്തുകൊണ്ടു്	എന്റെ ഭാര്യയുണ്ടാക്കി തരുന്ന കപ്പയും എല്ലും കൂട്ടി തയ്യാറാക്കുന്ന കപ്പബിരിയാണി..........എന്റെ വയറിലൂടെ അവള്‍ ഹൃദയത്തില്‍ ഒത്തിരി നാളായി താമസിക്കുന്നു.
ഇഷ്ടപ്പെട്ട വാഹനം ഏതാണു് ? (philosophy പറഞ്ഞു ഓവറാക്കണ്ട)	അംബാസിഡര്‍ അതും കോയസീറ്റ് ഒക്കെ പിടിപ്പിച്ച് ചോങ്കനാക്കിയത്.
കഷണ്ടിക്ക് മരുന്നു കണ്ടുപിടിച്ചാൽ നിങ്ങൾ എന്തു ചെയ്യും?	കഷണ്ടി ഒരു രോഗമായി എങ്ങിനെ നിങ്ങളൊക്കെ കരുതുന്നു? അല്ല കഷണ്ടിയ്ക്ക് എന്താ ഒരു കുറവ് പറയാന്‍? പണ്ടത്തെ കാര്‍ണവന്മാര്‍ പുരുഷലക്ഷണമെന്ന് പറയുന്നത്, കഷണ്ടി, വെടിക്കല,പുറത്ത് രോമം എന്നിവയാണു‍. അപ്പോള്‍ കഷണ്ടി ജയ് ഹോ.
കെ. എസ്. കോപാലകൃഷ്ണൻ എന്തുകൊണ്ടു്, അടൂർ ഗോപാലകൃഷ്ണനെ പോലെയും, പദ്മരാജന പോലെയും സിനിമ എറ്റുക്കുന്നില്ല?	പിന്നെ ചോദ്യം ചോദിക്കുന്നത് കേട്ടാ‍ല്‍ അഭിലാക്ഷയ്ക്ക് പണ്ട് നിങ്ങളായിരുന്നോ ചാന്‍സ് കൊടുത്തിരുന്നത്. അഭിലാഷയുമായി കാട്ടില്‍ നിന്നും ഇറങ്ങാന്‍ സമയം വേണ്ടേ പുള്ളിക്കാരന്പിന്നെയെങ്ങിനെ അടൂരിനെപോലെയും പദ്മരാജനെ പോലെയും സിനിമയെടുക്കും
ഭ്രാന്തു് ഒരു പകർച്ച വ്യാതിയാണോ?	ലോകത്ത് എല്ലാവര്‍ക്കുമുള്ള അസുഖം എങ്ങിനെ ഒരു പകര്‍ച്ചവ്യാധിയായി കരുതാന്‍ പറ്റും
ഗായകന്‍, അദ്ധ്യാപകന്‍, കുശിനിക്കാരന്‍, ആശാരി, കോമാളി എന്നീ അഞ്ചു തൊഴിലുകളേ ലഭ്യമുള്ളു എന്നു വന്നാല്‍ താങ്കള്‍ ഏതു തിരഞ്ഞെടുക്കും?	ഞാന്‍ ആശാരി പണി തിരെഞ്ഞെടുക്കും, കാരണം ഉളിയും, കൊട്ടുവടിയും കൊണ്ട് അടിക്കുമ്പോഴുള്ള താളാത്മകമായ ആ ശബ്ദം എനിക്കൊത്തിരി ഇഷ്ടമാണ്‍. Because what an enjoyment without rhythmic sound from that job.
നിങ്ങളുടെ തൊഴിൽ മേഖല ഏത് ഗണത്തിൽ പെടും. ഉല്പാതനം കച്ചവടം ജന സേവനം വിനിമയം വിദ്യാഭ്യാസം	എനിക്ക് ആകെയുള്ളത് ഒരു പണിയായുധമാണു‍, അത് വച്ച് ഉല്പാദനമല്ലാതെ എനിക്കൊരു പണിയുമറിയില്ല
ഇന്നു നമ്മുടെ നഗരങ്ങളിൽ യുവാക്കൾ നേരിടുന്ന ഏറ്റവും വലിയ പ്രശ്നം എന്താണു്?	നല്ല കിടിലന്‍ Jocky Brand Brief കിട്ടാനില്ലാതെ ജീന്‍സും പാന്റ്റുമിട്ട് നഗരത്തിലൂടെ നടക്കുന്നത്.
മമ്മൂട്ടി എന്തു തരം കഴിവുകള്‍ കൊണ്ടാണ്‌ സൂപ്പര്‍സ്റ്റാര്‍ ആയി അറിയപ്പെടുന്നത്‌?	ചിലമനുഷ്യരുടെ കഴിവ്കേട് കൊണ്ട്.
മലയാള ഭാഷ വളരുകയാണോ, രൂപാന്തരപ്പെടുകയാണോ, വഷളാവുകയാണോ?	മലയാളഭാഷ പടരുകയാണ്
എന്താണു് സമൂഹിക പ്രതിബദ്ധത?	ഇത് ഔട്ട് ഓഫ് സിലബസ് ചോദ്യമാണ്…ശരിക്കും ഇത് എനിക്കുള്ള ചോദ്യമല്ല.
കേരളത്തിൽ ഇപ്പോൾ ടിവി. പ്രേക്ഷരുടെ ഹരമായ റിയാലിറ്റി ഷോ എന്നറിയപ്പെടുന്ന അനേകം മത്സര പരമ്പരകളുണ്ടു്. താങ്കൾക്ക് ഒരു സാമാന്യം ഭേതപ്പെട്ട ഗായിക/ഗായകൻ ആണെന്നു സങ്കൽപ്പിക്കുക. താങ്കൾ ഈ മത്സരങ്ങളിൽ പങ്കെടുക്കുമോ? എന്തുകൊണ്ടു?	ഊ ചോദ്യം കാണുമ്പോള്‍, പത്ത് പെറ്റ പെണ്ണിനോട് കന്നിപേറിന്റെ വേദന പറഞ്ഞ പേടിപ്പിക്കുന്നത് പോലുണ്ട്. കാരണം ഒരു ഹിറ്റ് റിയാലിറ്റി ഷോ സ്വന്തമായി നടത്തിയ എന്നോടാണോ ഇത്തരം ചോദ്യം ചോദിക്കുന്നത്.
നിങ്ങളുടേ മുന്നിൽ മൂന്നു buttonകളു ഉണ്ട്. അമർത്തിയാൽ ഈ ലോകത്തിലുള്ള ഏകാധിപതികൾ എല്ലാം നിന്ന നിൽപ്പിൽ തന്നെ ചത്തു് വീഴും. അമർത്തിയാൽ മലയാള മനോരമ പത്രം ഒറ്റ് രാത്രികൊണ്ടു Unicodeലേക്ക് മാറും. അമർത്തിയാൽ (ഇടിവാളിന്റെ ആഗ്രം സഫലമാകും) ബ്ലോഗിൽ ഉള്ള ഓർമ്മ കുറിപ്പിസ്റ്റുകൾക്കെല്ലാം "Amoniasia" വന്നു് എല്ലാം മറന്നു പോകും. ഇതിൽ ഒന്നുമാത്രമെ അമർത്താൻ കഴിയുകയുള്ളു. നിങ്ങൾ ഏതമർത്തും.? എന്തുകൊണ്ടു?"	ബി. അത്രയിഷ്ടമാണ് എനിക്ക് മാത്തുക്കുട്ടിച്ചായന്റെ പത്രത്തിനോട്.
ഇവരിൽ താങ്കൾക്ക് ആരെയാണു് കൂടുതൽ ബഹുമാനം: K. കരുണാകരൻ, EMS, AKG, സി.എച്ച്. മുഹമ്മദ്കോയ, മന്നത്ത് പത്മനാഭൻ, പാണക്കാട് സയ്യിദ് മുഹമ്മദലി ഷിഹാബ് തങ്ങൾ. Dr. പല്പ്പു. വെള്ളാപ്പള്ളി നടേശൻ	ഇച്ഛാശക്തിയില്‍ കരുണാകരന്‍, ഹൃദയവിശാലതയില്‍ എ.കെ.ജി.
ഇന്ത്യയുടേയും ചൈനയുടേയും സാമ്പത്തീക മുന്നേറ്റത്തിൽ ഇവിടങ്ങളിലെ ഉയർന്ന ജനസംഖ്യയും ഒരു ഘടകമാണെന്ന് താങ്കൾ വിശ്വസിക്കുന്നുവോ?	തീര്‍ച്ചയായും.......അതാണല്ലോ നമ്മുടെ ആദ്യത്തെ പരിപാടി
നിങ്ങൾ ഒരു ദിവസത്തേക്ക് പ്രധാന മന്ത്രിയാകുന്നു. എന്തു ചെയ്യും?	ബാത്ത്ടബ്ബ് ഉള്ള കിടപ്പ്മുറി തരുമോ? എങ്കില്‍ ഞാന്‍ ആലോചിക്കാം പ്രധാനമന്ത്രി ആവണോയെന്ന്.
നിങ്ങൾക്ക് മൂന്നു വരം കിട്ടുന്നു എന്തെല്ലാം അവശ്യപ്പെടും?	കിട്ടിയ മൂന്ന് വരം തന്നെ ശരിക്കും ഉപയോഗിക്കാന്‍ കഴിയുന്നില്ല. പിന്നെന്തിനാ എനിക്കിനി വേറെ മൂന്ന് വരം.
1 Billion US$ നിങ്ങൾക്ക് ലഭിക്കുന്നു എന്തു ചെയ്യും	ചിത്രക്കാരന് ആ പൈസ കൊടുത്ത് നായന്മാരുമായിട്ടുള്ള തര്‍ക്കം തീര്‍ക്കും
പ്രാവാസ ജീവിതത്തിൽ എന്തെങ്കിലും നഷടമായിട്ടുണ്ടോ?	മഴ
നിങ്ങൾ ഇപ്പോൾ ഇരിക്കുന്ന സ്ഥലത്തുള്ള ജനാലയിൽ നിന്നും പുറത്തേക്ക് നോക്കുക. അവിടെ കാണുന്ന ദൃശ്യം 100 വാക്കിൽ കുറയാതെ വിവരിക്കുക.
ബ്ലോഗിൽ അവസാനമായ എഴുതിയ post എന്തിനെഴുതി? ഇനിയും എഴുതുമോ?	ബ്ലോഗിലെ ആദ്യത്തെ റഫറന്‍സായി ഉപയോഗിക്കാവുന്ന പോസ്റ്റ് ഇട്ടത് ഞാനല്ലേ…..വായനക്കാര്‍ക്ക് വേണ്ടി അതിന്റെ നിരന്തരമായ അപ്ഡേറ്റിലാണ് ഞാനിപ്പോള്‍.
ബ്ലോഗിൽ അവസാനമായി വായിച്ച ലേഖനം ഏതാണു്?	ബെര്‍ളിയുടെ വിഖ്യാത പ്രണയലേഖനങ്ങള്‍
ബ്ലോഗിൽ അവസാനമായി വായിച്ച കവിത ഏതാണു്?	അടുക്കിവച്ചത് (പിന്നെ ഞാന്‍ ഗവിത മാത്രമേ വായിക്കു…കവിതയെ എനിക്കിഷ്ടമല്ല.)
ഒരു hotelൽ രണ്ടു blog meet നടക്കുന്നു. അതിൽ ഒരു barൽ ബ്ലോഗ് കവികളും വേറൊരു barൽ ബ്ലോഗ് ഓർമ്മക്കുറുപ്പ്istകളും ഉണ്ടു്. നിങ്ങൾ ഏതു barൽ കയറും.	ഞാന്‍ ബ്ലൊഗ് കപികളുടെ കൂടെയായിരിക്കും, കാരണം മിക്കവാറും അവരെല്ലാം ഗ്ലാസിലെ കളറ് കണ്ടാല്‍ തന്നെ ഫിറ്റാവുന്നവരായിരിക്കും…..
നിങ്ങൾ കൈപ്പള്ളിയെ കണ്ടു മുട്ടുന്നു. ഒരു ചോദ്യം ചോദിക്കാൻ അവസരം തരുന്നു. എന്തു ചോദിക്കും?	എന്റെ കൂടെ കൂടുന്നോ
Franz Kafka വായിച്ചു വായിച്ചു ഒരുദിവസം രാവിലെ ഉണർന്നെഴുനേറ്റപ്പോൾ നിങ്ങൾ ഒരു പുഴുവായി രൂപാന്തരപ്പട്ടു്. നിങ്ങൾ എന്തു ചെയ്യും?	കാത്തിരിക്കും .കാരണം ഒരു നാള്‍ ചിത്രശലഭമായി പുറത്ത് വരാ‍മല്ലോ.
ഒരു ദിവസം ശ്രീ പെരുമ്പടവം Dostoevsky കണ്ടുമുട്ടുന്നു്, എന്തു സംഭവിക്കും?	ശ്രീ. പെരുമ്പടവം പണ്ട് പറഞ്ഞത് പുള്ളിക്കാരന്‍ ഒരു തരത്തിലുമുള്ള വിസ്കിയും ഇഷ്ടപെടുന്നില്ല എന്നാണ്‍. പിന്നെങ്ങിനെ അവര്‍ തമ്മില്‍ കാണും
ഈ പറയുന്ന എഴുത്തുകാരിൽ ആരെയാണു് കൂടുതൽ ഇഷ്ടം: മാധവികുട്ടി, എം. മുകുന്ദൻ, സാറ ജോസഫ്, സക്കറിയ, ഓ.വി. വിജയൻ, ബഷീർ, ആനന്ദ്, വി.കെ.എൻ, തകഴി, എം.ടി വാസുദേവൻ നായർ, പെരുമ്പടവം.	ബഷീര്‍, എം.ടി. വാസുദേവന്‍ നായര്‍
ആന മെലിഞ്ഞാല്‍ തൊഴുത്തില്‍ കെട്ടുന്നതില്‍ തെറ്റുണ്ടോ?	ആനയുടെ വലിപ്പത്തിന്റെ കാര്യത്തിലുള്ള ബുദ്ധിമുട്ടു കൊണ്ടാണോ ഇത്തരം ചോദ്യങ്ങള്‍ ചോദിച്ചത്........ആന കേറിയാല്‍ ഇന്നേ വരെ ഒരു തോഴുത്തും ഇടിഞ്ഞുപോളിഞ്ഞതായി കേട്ടിട്ടില്ല. ഇനി അത്ര ബുദ്ധിമുട്ടാണെങ്കില്‍ വലിയ തൊഴുത്തില്‍ കെട്ടിയാല്‍ പോരെ.
ആരുടേയും ബ്ലോഗുകൾ വേണമെങ്കിലും താങ്കൾക്ക് ഡിലീറ്റ് ചെയ്യാം എന്നൊരു അവകാശം ലഭിച്ചാൽ ആദ്യം താങ്കൾ ഡിലീറ്റ് ചെയ്യുന്ന 5 ബ്ലോഗുകളുടെ പേരു പറയുക?	ബെര്‍ളിത്തരങ്ങള്‍ കൊടകരപുരാണം ബ്രിജ് വിഹാരം പോങ്ങുമ്മൂടന്‍ നന്ദപര്‍വ്വം
വാർത്തകൾ ഇല്ലായിരുന്നെങ്കിൽ മാധ്യമങ്ങളെന്തു ചെയ്യുമായിരുന്നു?	വാര്‍ത്തകള്‍ ഉണ്ടാക്കുകയല്ലെ മാധ്യമങ്ങളുടെ പണി.......ഇത് ഒരു മാതിരി........വാട്ടെ കൈപ്പള്ളി വിത്തൌട്ട് ബര്‍മുഡ എന്ന ചോദ്യം ചോദിച്ചത് പോലുണ്ടല്ലോ.