12 - ഇത്തിരിവെട്ടം

പരസ്പരവിരുദ്ധമായി സംസാരിക്കാറുണ്ടോ?

ഉണ്ടാവാം...

എന്താണ്‌ സൌന്ദര്യം?

കാഴ്ചയാണ് സൌന്ദര്യം ... അല്ലെങ്കില്‍ കാഴ്ചപ്പാടാണ് സൌന്ദര്യം...

ഗായകന്‍, അദ്ധ്യാപകന്‍, കുശിനിക്കാരന്‍, ആശാരി, കോമാളി എന്നീ അഞ്ചു തൊഴിലുകളേ ലഭ്യമുള്ളു എന്നു വന്നാല്‍ താങ്കള്‍ ഏതു തിരഞ്ഞെടുക്കും?

അധ്യാപകനോ കുശിനിക്കാരനോ... (രണ്ടിനും ഈക്വല്‍ പ്രയോറിറ്റി)

എന്താണ്‌ ദൈവം?

തിരാത്ത വാത്സല്യമാണ് ദൈവം...

കുയിലിനെയോ കൊറ്റിയേയോ കൂടുതലിഷ്ടം?

കുയിലിനെ തന്നെ...

ഈയിടെയായി ഒറ്റയ്ക്കിരിക്കുമ്പോള്‍ ഒരു ഏകാന്തത അനുഭവപ്പെടാറുണ്ടെന്ന് തോന്നുന്നു?

ഇല്ല...

കഷ്ടകാലം എന്നാലെന്താണ്‌?

രണ്ട് സുഭിക്ഷതകള്‍ക്കിടയിലെ ഞെരുക്കം...

മോഹന്‍ലാല്‍ എന്തു തരം കഴിവുകള്‍ കൊണ്ടാണ്‌ സൂപ്പര്‍സ്റ്റാര്‍ ആയി അറിയപ്പെടുന്നത്‌?

അഭിനയിക്കാനുള്ള കഴിവ് കൊണ്ടും കൂടിയാണ്... ( എല്ലാതരം പ്രേക്ഷരെയും ഒരു രീതിയിലല്ലങ്കില്‍ മറ്റൊരു രീതിയില്‍ സംതൃപ്തിപെടുത്തുന്നത് കൊണ്ടാവാം...)

വിവാഹം ഒന്നിനും പരിഹാരമല്ലെന്ന്നതില്‍ ആര്‍ക്കും തര്‍ക്കമില്ല. പിന്നെന്തിനു്‍ ആളുകള്‍ വിവാഹം കഴിക്കുന്നു?

വിവാഹം പലതിനും പരിഹാരമാണ്... അത് കൊണ്ടാവും.

മോതിരം, മാല, വാച്ച്‌, ബ്രേസ്‌ലെറ്റ്‌ തുടങ്ങിയവ ധരിക്കാന്‍ ഇഷ്ടമാണോ?

വാച്ച് ധരിക്കാറുണ്ട്... ഇഷ്ടമാണ്. മോതിരം കിട്ടിയാല്‍ രണ്ട് ദിവസം ഉപയോഗിച്ച് വേണ്ടന്ന് വെക്കും... ഇഷ്ടമല്ലായിരിക്കും.

പുരുഷന്മാര്‍ മാര്‍സില്‍ നിന്നും സ്ത്രീകള്‍ വീനസില്‍ നിന്നുമുള്ളവരാണെന്ന് വിശ്വസിക്കുന്നോ?

ഇല്ല.

ആന മെലിഞ്ഞാല്‍ തൊഴുത്തില്‍ കെട്ടുന്നതില്‍ തെറ്റുണ്ടോ?

ആന മെലിഞ്ഞാലും തൊഴുത്തില്‍ കെട്ടാതിരികുന്നത് തന്നെയാണ് നല്ലത്. മെലിഞ്ഞെന്ന് കരുതി വെറുതെ ഒരു ഫീലിംഗ് ഉണ്ടാക്കണൊ... തൊഴുത്തില്‍ കെട്ടിയില്ലങ്കിലും കെട്ടിയ സ്ഥലത്ത് ഒരു കണ്ണാടി സ്ഥാപിച്ചാല്‍ നന്നായിരിക്കും...

ഏറ്റവും വലുതെന്താണ്‌?

ഏറ്റവും ചെറുതിന്റെ വിപരീതം.

കാശ്മീരസന്ധ്യകളേ കൊണ്ടുപോരൂ എന്റെ ഗ്രാമസുന്ദരിക്കൊരു നീലസാരി എന്താ ഈവരിയുടെ അര്‍ത്ഥം?

കശ്മീരില്‍ കറങ്ങി ‘തടി കിട്ടിയാല്‍ മതി‘ എന്ന് തിരിഞ്ഞോടുമ്പോള്‍.... വീട്ടിലെത്തിയാല്‍ ‘കശ്മീരില്‍ നിന്ന് എനിക്ക് എന്ത് കൊണ്ടു വന്നു’ എന്ന ഭാര്യ (ഗ്രാമ സുന്ദരി)യുടെ ചോദ്യത്തിന് കൊടുക്കേണ്ട മറുപടിയെ കുറിച്ചുള്ള അലോചനയാവും... ഏറ്റവും കുറഞ്ഞത് ഈ വരി പാടി സമാധാനിപ്പിക്കാം എന്നൊരു വ്യാമോഹവും...

പാമ്പിന്റെ രത്നം, കൊതിയന്റെ വിത്തം, സതീകുചം, കേസരി തന്റെ കേശം. തങ്കളുടെ അഭിപ്രായത്തില്‍ ഈ ഗണത്തില്‍ പെടുന്ന ഒരു മൂന്നെണ്ണം കൂടി പറയാമോ?

കുരുടിയുടെ കണ്ണ്... കുതിരയുടെ കൊമ്പ്... നായയുടെ വാല്...

അല്ലാ, പൂച്ച ഏതു നിറമായാലും എലിയെപ്പിടിച്ചാല്‍ പോരേ?

മതി... പക്ഷേ പിടിക്കപ്പെടുന്നത് എല്ലാവരുടെ കണ്ണിലും എലിയാവണം... പൂച്ചക്ക് മാത്രം ബോധ്യമായാല്‍ പോരെന്ന് അര്‍ത്ഥം...

പാലുകുടിക്കുമ്പോള്‍ പൂച്ച കണ്ണടയ്ക്കുന്നതെന്തിനാണ്‌?

ആസ്വാദനം...

പൂച്ചക്ക്‌ പൊന്നുരുക്കുന്നിടത്ത്‌ കാര്യമുണ്ടോ?

തട്ടാന്റെ വളര്‍ത്ത് പൂച്ചയാണെല്‍ വെറുതെ വായില്‍ നോക്കിയിരിക്കാം... അല്ലെങ്കില്‍ ഒരു കാര്യവും ഉണ്ടെന്ന് തോന്നുന്നില്ല.

മാര്‍ജ്ജാരപ്രണയമോ ഹംസലീലയോ കൂടുതല്‍ മനോഹരം?

മര്‍ജ്ജാര പ്രണയം അല്ല... ഹംസലീല കണ്ടിട്ടില്ല... ഒരു പക്ഷേ മനോഹരം ആവാം...

മലയാളം പത്രത്തില്‍ റവന്യൂ സൂപ്രണ്ട്‌ എന്ന ഇംഗ്ലീഷ്‌ പദവിക്കു പകരം ജമാബന്ദിശിരസ്തദാര്‍ എന്നെഴുതേണ്ടതുണ്ടോ? എക്സൈസ്‌ എന്നെഴുതുന്നതോ പിറവക എന്നെഴുതുന്നതോ കൂടുതല്‍ അഭികാമ്യം?

ഇത് ഒരു പണിയും ഇല്ലാതിരുന്നപ്പോള്‍ കലിപ്പ് തീര്‍ക്കാന്‍ പറ്റുന്ന ചോദ്യമാണ്...

കുട്ടിയായിരുന്നപ്പോള്‍ ആയിത്തീരണമെന്ന് ആഗ്രഹിച്ചതിനുമപ്പുറത്ത്‌ താങ്കളുയര്‍ന്നോ? എങ്കില്‍ അതില്‍ സന്തോഷിക്കുന്നുണ്ടോ?

ആനക്കാരന്‍ /മായാവി / ഡിങ്കന്‍ / പോസ്റ്റ്മാന്‍ /പൈലറ്റ് അങ്ങനെ പല ആഗ്രഹങ്ങളായിരുന്നു... ഇതൊന്നും ഇത് വരെ ആയിട്ടില്ല... അതിലേറെ നല്ലത് ഇപ്പോഴത്തെ ജീവിതം തന്നെ...

എന്താണ്‌ ശരിയല്ലാത്തത്‌?

തെറ്റ് ശരിയല്ലാത്തത് തന്നെ...

എന്താണ്‌ സന്തോഷം?

ദുഃഖത്തിന്റെ (വിഷമത്തിന്റെ) ശതമാനം അമ്പതില്‍ കുറഞ്ഞാല്‍ സന്തോഷമാവും

ആധുനിക കവിതകളെ കുറിച്ച് എന്താണു അഭിപ്രായം

എന്നോട് സംവദിക്കുന്നതെങ്കില്‍ ആധുനികമായാലും പൌരാണികമായാലും ഇത് രണ്ടും അല്ലെങ്കിലും ഇഷ്ടം...

ബ്ലോഗിൽ ഓർമ്മക്കുറിപ്പുകൾ എഴുതുന്നതിനെ കുറിച്ച് എന്താണു് അഭിപ്രായം

എഴുതാം ... എഴുതാതിരിക്കാം... ചില കുറിപ്പുകള്‍ ഓര്‍മ്മകള്‍ക്ക് പുതുജീവന്‍ നല്‍കും..

മലയാളം ബ്ലോഗിൽ ഇഷ്ടപ്പെട്ട കവി ആരാണു്.

മിക്ക കവികളേയും ഇഷ്ടമാണ്... ലിസ്റ്റ് പ്രയാസം.

മലയാളം ബ്ലോഗിൽ ഇഷ്ടപ്പെട്ട ഓർമ്മ കുറുപ്പ്ist ആരാണു്

ഉമ്മ എന്ന കവിത... (അത് ഒരു ഓര്‍മ്മക്കുറിപ്പ് അല്ലേ)

താങ്കളുടെ Camera ഏതാണു്?

Mobile Phone Camera, അങ്ങനെ ഒന്നും ഇല്ല

ഫോട്ടോ ബ്ലോഗുകളെ കുറിച്ചുള്ള അഭിപ്രായം

അത്ഭുതം... ഇഷ്ടം... ആഗ്രഹം...