37 - കുഞ്ഞൻ

ചോദ്യങ്ങൾ	ഉത്തരങ്ങൾ
എന്താണു ദൈവം	സമ്പത്തു കാലത്തും ആപത് കാലത്തും കൂടെക്കൂടെ ഓര്‍ക്കാനുള്ളതും, എല്ലാവരും കൈവെടിഞ്ഞാല്‍ പിന്നീടുള്ള ഒരഭയസ്ഥാനവും, തെറ്റുകളും പാപങ്ങളും ചെയ്യുന്നതില്‍ നിന്നും ഒരുപരിധിവരെ അകറ്റിനിര്‍ത്തുന്നതും,പ്രതീക്ഷയറ്റ സമയത്ത് രക്ഷ നല്‍കുകയും,വിശന്നു വലഞ്ഞിരിക്കുമ്പോള്‍ ഭക്ഷണം നല്‍കുന്നവാനൊ(ളൊ) ദാഹിച്ച് വലഞ്ഞിരിക്കുമ്പോള്‍ വെള്ളം തരുന്നവള്‍(ന്‍), രോഗംവരുമ്പോള്‍ കൂടെക്കൂടെ എന്നെ അല്ലെങ്കിലിന്നവരെ രക്ഷിക്കണമേ എന്ന് മറ്റുള്ളവരിറിയാതെ വിളിച്ചപേക്ഷിക്കാനുമുള്ള ഒരു പേര് അല്ലെങ്കിലദൃശ്യ രൂപമുള്ള പ്രത്യാശയുടെ ഒരു ശക്തി ഇതാണ് എന്റെ അറിവിലെ ദൈവം..!
കടമ, ദൈവം, മതം, കുടുംബം, സ്വത്ത്. നിങ്ങൾക്ക് തോന്നുന്ന പ്രാധാന്യമനുസരിച്ച് ക്രമത്തിൽ എഴുതുക.	കുടുബം,കടമ,ദൈവം,സ്വത്ത്, മതം.
വംശനാശ ഭീഷണി നേരിടുന്ന ഒരു മൃഗത്തെ സംരക്ഷിക്കുന്നതിനായി രണ്ടിടങ്ങളിൽ ഒന്നു തിരഞ്ഞെടുക്കാൻ നിങ്ങളെ ചുമതലപ്പെടുത്തുന്നു. തിരഞ്ഞെടുക്കുന്ന സ്ഥലം പൂർണ്ണമായും ഇടിച്ചു നിരത്തുകയും ചെയ്യും. 1) ഒരു മത വിഭാഗത്തിന്റെ ആരാധനാലയം 2) 10,000 തൊഴിലാളികൾ ജോലി ചെയ്യുന്ന ഒരു വ്യവസായ സ്ഥാപനം.. ഇതിൽ ഏതു തിരഞ്ഞെടുക്കു? എന്തുകൊണ്ടു്?	സത്യം പറഞ്ഞാല്‍ ഞാന്‍ രണ്ടും ഇടിച്ച് നിരത്തില്ല,കാരണം മനുഷ്യന്റെ ജീവിതവും സംരക്ഷണവും സുഖവും കഴിഞ്ഞേ മറ്റുള്ള ജീവികളെ സംരക്ഷിക്കേണ്ടതുംമവറ്റകളുടെ സ്ഥാനവും. പിന്നെ ചോദ്യാവലിയില്‍ ഉത്തരം നിര്‍ബന്ധമായതുകൊണ്ട് ആരാധനാലയം തന്നെ ഇടിച്ച് നിരത്തും. എന്തുകൊണ്ടെന്നാല്‍ ആരാധാനലയം അവനവന് മാത്രം നേട്ടം എന്നാല്‍ ഒരു വ്യവസായ സ്ഥാപനത്തിലെ ജോലികൊണ്ട് അവന്റെ കുടുംബം സമൂഹം ജീവിക്കുന്നു.
ഗായകന്‍, അദ്ധ്യാപകന്‍, കുശിനിക്കാരന്‍, ആശാരി, കോമാളി എന്നീ അഞ്ചു തൊഴിലുകളേ ലഭ്യമുള്ളു എന്നു വന്നാല്‍ താങ്കള്‍ ഏതു തിരഞ്ഞെടുക്കും?	കുശനിക്കാരന്‍ തിരഞ്ഞെടുക്കും പക്ഷെ കുശനിക്കാരന്‍ എന്ന പദവി ക്രിസ്ത്യന്‍ പള്ളികളുമായിട്ടുള്ളതല്ലെ ആയതിനാല്‍ തിരഞ്ഞെടുത്താലും പ്രയോജനമുണ്ടെന്ന് തോന്നുന്നില്ല..!
ഒരാഴ്ച തുടര്‍ച്ചയായി ഉറങ്ങാനുള്ള അവസരം ലഭിച്ചാല്‍ അതില്‍ സന്തോഷമുണ്ടോ?	ഇല്ലേയില്ല, പിന്നെ പെട്ടെന്ന് ഉറങ്ങാനുള്ള ചെപ്പടി വഴികള്‍ എനിക്കറിയാം..!
താങ്കളെ വീണ്ടും അഞ്ചുവര്‍ഷത്തേക്ക് കോളേജ് ജീവിതത്തിലേക്ക് തിരികെ വിടുന്നു എന്നു സങ്കല്‍പ്പിക്കുക. ഏതുവിഷയം തെരഞ്ഞെടുക്കും? എന്തുകൊണ്ട്?	മെഡിസിന്‍ തിരഞ്ഞെടുക്കും, മറ്റുള്ള വിഷയങ്ങള്‍ വായനകൊണ്ടും അനുഭവംകൊണ്ടും നേടാം. എന്നാല്‍ മെഡിസിന്‍ പഠിച്ചും പ്രവര്‍ത്തിച്ചും മാത്രമെ ആധികാരത നേടാന്‍ പറ്റു.
കുട്ടിയായിരുന്നപ്പോള്‍ ആയിത്തീരണമെന്ന് ആഗ്രഹിച്ചതിനുമപ്പുറത്ത്‌ താങ്കളുയര്‍ന്നോ? എങ്കില്‍ അതില്‍ സന്തോഷിക്കുന്നുണ്ടോ?	പ്രത്യേകിച്ച് ആഗ്രഹങ്ങളൊന്നുമുണ്ടായിരുന്നില്ല മാഷെ, എന്നാലും അച്ഛനെപ്പോലെയാകണമെന്ന് ആഗ്രഹമുണ്ടായിരുന്നു. ആ തലത്തിലേക്ക് ഞാനുയര്‍ന്നില്ല, കാരണം സ്വഭാവം കൊണ്ടും പ്രവര്‍ത്തികൊണ്ടുമാണ് അച്ഛന്‍ മറ്റുള്ളവരുടെ കാഴ്ചപ്പാടില്‍ നല്ല മനുഷ്യനായത്.
കപ്പയും മീനും, പറോട്ട ബീഫ് ഫ്രൈ, BK Double Whopper, KFC Family bucket, Foie gras, പീത്സ, Kabsa (Middle Eastern Biriyani) ഇതിൽ ഏതു ഭക്ഷണമാണു് ഇഷടം. എന്തുകൊണ്ടു്	കപ്പയും മീനും. ഞാനൊരു സാദാ കുടുംബത്തിലാണ് ജനിച്ചത് ഞങ്ങള്‍ അഞ്ചുമക്കളെയും അമ്മയെയും പിന്നെ അച്ഛന്റെ കുടുംബത്തിന്റെയും ആശ്രയം അച്ഛന്റെ ശമ്പളം മാത്രമായിരുന്നു. ഈ ശമ്പളം എല്ലാക്കാര്യങ്ങളും നിവര്‍ത്തിക്കാന്‍ അപര്യാപ്തമായിരുന്നു. ആയതിനാല്‍ ഞങ്ങളുടെ പറമ്പില്‍ ഞങ്ങള്‍ ചെയ്യുന്ന കൃഷിയിലൂടെ ഞങ്ങളുടെ ഭക്ഷണത്തിന്റെ കാര്യത്തില്‍ നേട്ടം വരുത്തിയിരുന്നു. അതായിത് അരി മേടിക്കാന്‍ പറ്റാത്തയവസ്ഥയില്‍ പറമ്പിലെ കപ്പ,കാച്ചില്‍,ചക്ക ഇവയൊക്കെ തന്നെയായിരുന്നു ശരണം. പിന്നെ അമ്മയുടെ ഭക്ഷണ മുണ്ടാക്കുന്നതിലെ കൈപ്പുണ്യം അത് പറഞ്ഞറിയിക്കാന്‍ പറ്റാത്തതാണ്. ഇതൊക്കെയാണ് കപ്പയെയും മീങ്കറിയേയും ഇഷ്ട വിഭവമാക്കാന്‍ കാരണം മാഷെ
ഇഷ്ടപ്പെട്ട വാഹനം ഏതാണു് ? (philosophy പറഞ്ഞു ഓവറാക്കണ്ട)	ബൈക്ക്
ചിന്താഭാരം ഉണ്ടായാൽ എന്തു സംഭവിക്കും? അപ്പോൾ ലോറി എവിടെയായിരുന്നു?	മാവോയിസം റോഡിലാകും, മൂങ്ങാക്കൂട്ടില്‍
പരസ്യങ്ങള്‍ താങ്കളെ സ്വാധീനിക്കാറുണ്ടോ? ഉണ്ടേങ്കില്‍ ഏതുവിധത്തില്‍?	തിര്‍ച്ചയായും, ഗുണത്തോടൊപ്പം വമ്പിച്ച വിലക്കുറവും മറ്റെന്തെങ്കിലും ഓഫറും കൂടെയുണ്ടെങ്കില്‍..! അങ്ങനെയൊരു പരസ്യത്തില്‍ കൂടുങ്ങിയതിനെ പറ്റി പോസ്റ്റിയിരുന്നു.
കെ. എസ്. കോപാലകൃഷ്ണൻ എന്തുകൊണ്ടു്, അടൂർ ഗോപാലകൃഷ്ണനെ പോലെയും, പദ്മരാജന പോലെയും സിനിമ എറ്റുക്കുന്നില്ല?	ഒരാള്‍ക്ക് ഒരിക്കലും മറ്റൊരുത്തനാകാന്‍ പറ്റില്ല കൈപ്പള്ളി മാഷെ..
നിങ്ങളുടെ തൊഴിൽ മേഖല ഏത് ഗണത്തിൽ പെടും. ഉല്പാതനം കച്ചവടം ജന സേവനം വിനിമയം വിദ്യാഭ്യാസം	കച്ചവടം
ഇന്നു നമ്മുടെ നഗരങ്ങളിൽ യുവാക്കൾ നേരിടുന്ന ഏറ്റവും വലിയ പ്രശ്നം എന്താണു്?	അണു കുടുമ്പങ്ങളില്‍ ജീവിക്കുന്നത് ,കുടുംബത്ത് ചോദിക്കാനും പറയാനും ആരുമില്ലാത്തത്. പണ്ട് കൂട്ടുകുടുംബം ആയിരുന്നപ്പോള്‍ അന്തിക്ക് വിളക്ക് കത്തിക്കുന്നതിന് മുമ്പ്,പ്രാര്‍ത്ഥന ചൊല്ലുന്നതിന് മുമ്പ്, ബാങ്ക് കൊടുക്കുന്നതിന് മുമ്പ് വീട്ടിലെത്തിയില്ലെങ്കില്‍ ചോദിക്കാന്‍ വീട്ടില്‍ മുത്തശ്ശനൊ അച്ഛനൊ മറ്റുള്ളവരൊ ഉണ്ടായിരുന്നു . ഇന്നതില്ലാത്തതിനാല്‍ തോന്ന്യവാസിയെപ്പോലെ നടക്കുന്നു. (ബ്ലോഗര്‍ തോന്ന്യാസി ക്ഷമിക്കുക)
മലയാള ഭാഷ വളരുകയാണോ, രൂപാന്തരപ്പെടുകയാണോ, വഷളാവുകയാണോ?	ഭാഷ വളരുകയാണ് എന്നാല്‍ രൂപാന്തരം സംഭവിക്കുകയും ചെയ്യുന്നുണ്ട്.
മനുഷ്യവാസമില്ലാത്ത ഒരു ദ്വീപിലേക്ക് നിങ്ങളെ ജീവപര്യന്തം നാടുകടത്തപ്പെടാൻ പോവുകയാണെന്നു സങ്കല്പ്പിക്കുക. നിങ്ങൾക്ക് വായിക്കാൻ രണ്ടു പുസ്തകങ്ങൾ കൂടെ കൊണ്ടുപോകാൻ അനുവതിക്കുന്നു. ഏതു് പുസ്തകങ്ങൾ കൊണ്ടുപോകും?	വികാരം ജനിപ്പിക്കുന്ന ഒരു നീലപ്പുസ്തകവും, ഒരു എന്‍സൈക്ലോപീഡിയയും കൊണ്ടുപോകും..!
കേരളത്തിൽ ഇപ്പോൾ ടിവി. പ്രേക്ഷരുടെ ഹരമായ റിയാലിറ്റി ഷോ എന്നറിയപ്പെടുന്ന അനേകം മത്സര പരമ്പരകളുണ്ടു്. താങ്കൾക്ക് ഒരു സാമാന്യം ഭേതപ്പെട്ട ഗായിക/ഗായകൻ ആണെന്നു സങ്കൽപ്പിക്കുക. താങ്കൾ ഈ മത്സരങ്ങളിൽ പങ്കെടുക്കുമോ? എന്തുകൊണ്ടു?	തിര്‍ച്ചയായും പങ്കെടുക്കും, അതില്‍ പങ്കെടുത്താല്‍ പ്രശസ്തി ലഭിക്കും പ്രശസ്തിയിലൂടെ വരുമാനം ഗണ്യമായി കൂടും.
നിങ്ങളുടേ മുന്നിൽ മൂന്നു buttonകളു ഉണ്ട്. അമർത്തിയാൽ ഈ ലോകത്തിലുള്ള ഏകാധിപതികൾ എല്ലാം നിന്ന നിൽപ്പിൽ തന്നെ ചത്തു് വീഴും. അമർത്തിയാൽ മലയാള മനോരമ പത്രം ഒറ്റ് രാത്രികൊണ്ടു Unicodeലേക്ക് മാറും. അമർത്തിയാൽ (ഇടിവാളിന്റെ ആഗ്രം സഫലമാകും) ബ്ലോഗിൽ ഉള്ള ഓർമ്മ കുറിപ്പിസ്റ്റുകൾക്കെല്ലാം "Amoniasia" വന്നു് എല്ലാം മറന്നു പോകും. ഇതിൽ ഒന്നുമാത്രമെ അമർത്താൻ കഴിയുകയുള്ളു. നിങ്ങൾ ഏതമർത്തും.? എന്തുകൊണ്ടു?"	ഞാന്‍ രണ്ടാമത്തേത് അമര്‍ത്തും മാഷെ, കാരണം യൂണിക്കോഡിലേക്ക് മാറിയാലും ഇല്ലെങ്കിലും അവരുടെ ശൈലിമാറില്ല(പട്ടിയുടെ വാല്...) ആയതിനാല്‍ സമൂഹത്തിന് ഗുണമില്ല. എന്നാല്‍ മറ്റു ബട്ടണുകള്‍, ഒന്നാമത്തെ ബട്ടണ്‍ പ്രകാരം ലോകത്തിലെ സകല ഏകാധിപതികളും മരിക്കും ഇത് ഒരിക്കലും അംഗീകരിക്കാനാവില്ല എത്രയൊ നല്ല ഭരണം കാഴ്ചവയ്ക്കുന്ന ഏകാധിപതികളുണ്ട് അവരെയും കൊല്ലുക എന്നുള്ളത് ദ്രോഹമാണ്. മൂന്നാമത്തെ ബട്ടണ്‍ അത് പ്രകാരം ബ്ലോഗിലെ എല്ലാവരും മരിക്കും ഒരു ബ്ലോഗരും സ്വന്തം അനുഭവം എഴുതാതിരുന്നിട്ടില്ല. മലയാള ഭാഷക്ക് ഉണ്ടര്‍വ്വ് നല്‍കുന്ന ബ്ലോഗിനെ കൊല്ലാന്‍ കൂട്ടുനില്‍ക്കില്ലെന്നുമാത്രമല്ല ഇത്തരം ആഗ്രഹം പ്രകടിപ്പിക്കുന്ന ഇടിവാളിന് ഇടികിട്ടെട്ടെയെന്നും ഞാനാഗ്രഹിക്കുകയും ചെയ്യും മാഷെ
ഇവരിൽ താങ്കൾക്ക് ആരെയാണു് കൂടുതൽ ബഹുമാനം: K. കരുണാകരൻ, EMS, AKG, സി.എച്ച്. മുഹമ്മദ്കോയ, മന്നത്ത് പത്മനാഭൻ, പാണക്കാട് സയ്യിദ് മുഹമ്മദലി ഷിഹാബ് തങ്ങൾ. Dr. പല്പ്പു. വെള്ളാപ്പള്ളി നടേശൻ	ഇ എം സ്
ഏറ്റവും ഭാഗ്യവാനായ മനുഷ്യന്‍ ആരാണ്?	പ്രകൃതി ദുരന്തവും യുദ്ധക്കെടുതിയും അനുഭവിക്കാത്തവര്‍
ഇന്ത്യയുടേയും ചൈനയുടേയും സാമ്പത്തീക മുന്നേറ്റത്തിൽ ഇവിടങ്ങളിലെ ഉയർന്ന ജനസംഖ്യയും ഒരു ഘടകമാണെന്ന് താങ്കൾ വിശ്വസിക്കുന്നുവോ?	ഇല്ലേയില്ല, ദീര്‍ഘ വീക്ഷണമുള്ള ഭരണകൂടം ഇല്ലെങ്കില്‍ ഒരു രാജ്യവും പുരോഗതി നേടില്ല.
ബ്ലോഗിൽ പോട്ടങ്ങൾ പിടിക്കുന്ന ഏതെങ്കിലും അണ്ണന്റെ ഫോട്ടോ നിരൂപണങ്ങൾ കേട്ട ശേഷം അദ്ദേഹത്തിന്റെ തലയിൽ കാമറ തല്ലി പോട്ടിക്കാൻ തോന്നിയിട്ടുണ്ടോ? (തല്ലിപ്പോട്ടിക്കാൻ ഉദ്ദേശിച്ച camera, lense, എന്നീ വിവരങ്ങൾ കൂടി വിശതീകരിക്കുക)	ഇല്ല, പടം പിടുത്തവും ഒരു കലയാണ് എന്നു കരുതുന്നതുകൊണ്ട്. അപ്പുമാഷിന്റെ പടങ്ങളെയും ക്യാമടെയും പറ്റിയുള്ള അറിവ് പങ്കുവക്കല്‍ കാണുമ്പോള്‍ ഒരിക്കലും ഒരു ക്യാമറ തല്ലിപ്പൊട്ടിക്കാന്‍ തോന്നുകയില്ല. തല്ലിപ്പൊട്ടിക്കാത്തതിനാല്‍ വിശദികരണം വേണ്ടല്ലൊ മാഷെ..?
എന്താണു് വിലമതിക്കാനാവത്തതു്?	അമ്മ
നിങ്ങൾ പ്രധാന മന്ത്രിയാകുന്നു. എന്തു ചെയ്യും?	കേരളത്തിലെ ട്രേഡ് യൂണിയനുകള്‍ നിരോധിക്കും, ജോലിയുള്ളവര്‍ ജോലിക്കുപോകാതെ ജാഥയിലും പിക്കറ്റിലും പങ്കെടുക്കുന്നതും ശിക്ഷാകരമാക്കും, ഇന്ത്യയില്‍ 20 വയസ്സുവരെ പ്രായമുള്ളവര്‍ മൊബൈല്‍ ഫോണ്‍ സ്വന്തം വീട്ടിലൊഴിച്ച് ഉപയോഗിക്കുന്നത് കര്‍ശനമായി തടയാനുള്ള നടപടി നടത്തും..!
നിങ്ങൾക്ക് മൂന്നു വരം കിട്ടുന്നു എന്തെല്ലാം അവശ്യപ്പെടും? (കൂടുതൽ വരം കുട്ടാനുള്ള വരം ഇപ്പോൾ stockൽ ഇല്ല. അതു ചോദിച്ച് ചളമാക്കരുതു്)	എന്റെ കുടുംബത്തില്‍ എന്നും സന്തോഷവും ഐശ്വരവും ഉണ്ടാകണം..! ഏതു മാറാ രോഗവും എന്നാല്‍ ഭേദമാക്കാന്‍ പറ്റണം..! വിചാരിക്കുമ്പോള്‍ പറക്കാന്‍ പറ്റണം അതുപൊലെ നിലത്തിറങ്ങാനും പറ്റണം..!
കേരളത്തിൽ beef നിരോധിച്ചാൽ നിങ്ങൾ എന്തു് ചെയ്യും?	ബീഫ് - ജീവനുള്ളവയെ നിരോധിച്ചാല്‍ അതിനെതിരെ ശബ്ദമുയര്‍ത്തും എന്നാല്‍ ബീഫ് എന്നു ഉദ്ദേശിച്ചത് ഇറച്ചി എന്നാണെങ്കില്‍ ഞാന്‍ ഒന്നും ചെയ്യില്ല കാരണം എനിക്ക് വേറെ ഇറച്ചി കിട്ടും.
1 Billion US$ നിങ്ങൾക്ക് ലഭിക്കുന്നു എന്തു ചെയ്യും	മാഷെ നല്ല ചോദ്യം, ഞാന്‍ ബാങ്കിലിടും അതും നല്ല പലിശയും ഉറപ്പും കിട്ടുന്ന ബാങ്കില്‍ (നാഷണലൈസഡ്). ഈ കാശുകൊണ്ട് ആദ്യം എന്റെ മോഹങ്ങളെല്ലാം ഒരു പരിധിവരെ സാധിക്കും പിന്നീട് അര്‍ഹരായവര്‍ അവര്‍ എന്നെ ആശ്രയിക്കുകയാണെങ്കില്‍ തീര്‍ച്ചയായും അവരെയും സഹായിക്കും.
പ്രാവാസ ജീവിതത്തിൽ എന്തെങ്കിലും നഷടമായിട്ടുണ്ടോ?	അമ്മയുടെ സാമീപ്യം
രാഷ്ട്രീയക്കാരെ ഇഷ്ടമാണൊ? ഈ ഇലക്ഷന്‍ കാലത്ത് താങ്കള്‍ നാട്ടിലുണ്ടെന്നും ഒരു സ്ഥാനാര്‍ത്ഥി വോട്ട് ചോദിച്ച് വീട്ടില്‍ വരുന്നുവെന്നും കരുതുക.എന്തു പറയും?	രാഷ്ട്രീയക്കാരെ ഇഷ്ടമാണ്. എന്നാല്‍ ഇപ്പോഴത്തെ മുഖ്യധാരയിലെ നേതാക്കള്‍ അധികാരം കിട്ടുവാന്‍ വേണ്ടി എന്തു വിട്ടുവീഴ്ചയും കാണിക്കുന്നതുകാണുമ്പോള്‍ വിഷമവും ദേഷ്യവും തോന്നാറുണ്ട്. എന്റെ വീട്ടില്‍ വരുന്ന സ്ഥാനാര്‍ത്ഥിയോട് എനിക്ക് വോട്ടില്ലന്ന് പറയും..!
Nostalgia-mania-dingolapi എന്ന അതിഭീകരവും ഭയാനകവുമായ രോഗം ബാദിച്ച മലയാളി ചേട്ടന്മാരെ എങ്ങനെ ചികിത്സിക്കും? ഇവരെ ബീമ പള്ളിയിൽ കൊണ്ടുപോയി ചങ്ങലക്കിടുന്നതിനെ കുറിച്ച് എന്താണു് അഭിപ്രായം.	അത് ഒരു രോഗമാണെന്ന് തോന്നുന്നില്ല ഇത്തരം വികാരമില്ലത്തവര്‍ക്കാണ് രോഗികള്‍. ഭീമപ്പള്ളിയില്‍ ചങ്ങലക്കിട്ടാല്‍ രോഗം മാറുമെന്നുള്ള വിശ്വാസം ഇല്ലാത്തതിനാല്‍ അവിടെയിടില്ല മാഷെ
നിങ്ങൾ ഇപ്പോൾ ഇരിക്കുന്ന സ്ഥലത്തുള്ള ജനാലയിൽ നിന്നും പുറത്തേക്ക് നോക്കുക. അവിടെ കാണുന്ന ദൃശ്യം 100 വാക്കിൽ കുറയാതെ വിവരിക്കുക.	ഇവിടെ ജനല്‍ ഇല്ല കൈപ്പള്ളി ഭായ്, പിന്നെ ഒരു ഡോര്‍ ഉണ്ട് അത് തുറന്നിട്ടപ്പോള്‍ ടൈം കാര്‍ഡ് ബോര്‍ഡ് കാണാം പഞ്ചിങ് മെഷിയന്‍ കാണാം പിന്നെ രണ്ടുമൂന്ന് ഫര്‍ണീച്ചര്‍ പെയിന്റ് ചെയ്തത് പൊതിഞ്ഞ് കെട്ടി വച്ചിരിക്കുന്നത് കാണാം കൂടാതെ രണ്ടു ഫിലിപ്പിനൊകള്‍ അങ്ങോട്ടും ഇങ്ങോട്ടും നടക്കുന്നുണ്ട് പെയിന്റ് ചെയ്യാന്‍
മലമുകളിൽ നിന്നും കല്ല് ഉരുട്ടിയിട്ട ശേഷം നാറാണത്തു ഭ്രാന്തനെ കണ്ടുമുട്ടുന്നു്. എന്തെല്ലാം ചോദിക്കും?	ഈ സ്റ്റാമിനയുടെ രഹസ്യം..? എന്നും ഇങ്ങനെ ചെയ്യുമ്പോള്‍ മടുപ്പുണ്ടാകില്ലെ..?
ബ്ലോഗിൽ അവസാനമായ എഴുതിയ post എന്തിനെഴുതി? ഇനിയും എഴുതുമോ?	ഒന്നും എഴുതാനില്ലാത്തതിനാല്‍ ബ്ലോഗ് സജീവമായി നിലനിര്‍ത്താന്‍ വേണ്ടിയാണ് അവസാന പോസ്റ്റിട്ടത്.പിന്നെ വായിക്കുന്നവര്‍ക്ക് അറിവ് ഉണ്ടാക്കുകയെന്നതും.. തീര്‍ച്ചയായും എഴുതും..!
ബ്ലോഗിൽ അവസാനമായി വായിച്ച ലേഖനം ഏതാണു്?	താലിയെപ്പറ്റിയുള്ള ഒരു ലേഖനം, പക്ഷെ കമന്റിയില്ല
ബ്ലോഗിൽ അവസാനമായി വായിച്ച അതുന്താധുനിക കവിത വായിച്ച ശേഷം നിങ്ങൾ എന്തു ചെയ്തു? കരഞ്ഞു. ചിരിച്ചോ. തലകറങ്ങി നിലത്തു വീണു്. എഴുതിയവനെ ഫോണിൽ വിളിച്ചു തെറി പറഞ്ഞു. മുകളിൽ പറഞ്ഞ എല്ലാം സംഭവിച്ചു് എന്നു് ഭ്രാന്താശുപത്രിയിൽ എത്തിയപ്പോൾ സുഹൃത്തുക്കൾ പറഞ്ഞു.	ചിരിക്കാനും കരയാനും പറ്റാത്ത അവസ്ഥയായിരുന്നു .
ഒരു hotelൽ രണ്ടു blog meet നടക്കുന്നു. അതിൽ ഒരു barൽ ബ്ലോഗ് കവികളും വേറൊരു barൽ ബ്ലോഗ് ഓർമ്മക്കുറുപ്പ്istകളും ഉണ്ടു്. നിങ്ങൾ ഏതു barൽ കയറും.	ഞാന്‍ രണ്ട് സ്ഥലത്തും പോകും, ഏതെങ്കിലും ഒന്നില്‍ മാത്രമെ കയറാവൂ എന്നുണ്ടെങ്കില്‍ കവികളിരിക്കുന്ന ബാറില്‍ കയറും കാ‍രണം രണ്ട് സ്മോളടിച്ച കവികളുടെ കവിത ചൊല്ലല്‍ കേള്‍ക്കാന്‍ നല്ലരസാമാകും..!
നിങ്ങൾ കൈപ്പള്ളിയെ കണ്ടു മുട്ടുന്നു. എന്തു ചോദിക്കും?	കൈപ്പള്ളി മാഷെ.. നിങ്ങള്‍ ബ്ലോഗില്‍ ഇങ്ങനെ 24 മണിക്കുറും സജീവമായി നില്‍ക്കുമ്പോള്‍ നിങ്ങളുടെ കുടുംബ ബന്ധത്തില്‍ വിടവുകള്‍ സൃഷ്ടിക്കുകയില്ലെ എന്നു ചോദിക്കും
ഒരു International blog meet വിളിച്ചു കൂട്ടുന്നു. അതിനായി താഴെ പറയുന്നവരിൽ നിന്നും കാര്യപരിപാടികൾ അവതരിപ്പിക്കാൻ ആരെയെല്ലാം ഉൾപെടുത്തും? എന്തെല്ലാം പരിപാടികൾ ഉണ്ടായിരിക്കും? ©കുമാർ, Dr. സൂരജ്, Kichu, Prophet of Frivolity, Sul | സുൽ, Zebu Bull::മാണിക്കൻ, അഗ്രജൻ, അഞ്ചൽക്കാരൻ, അനില്‍_ANIL, അപ്പു, അഭിലാഷങ്ങൾ, അമ്പി, അരവിന്ദ്, ആഷ സതീഷ്, ഇഞ്ചിപ്പെണ്ണു്, ഇടിവാൾ, ഇത്തിരിവെട്ടം, ഉന്മേഷ് ദസ്തക്കീര്‍, ഉമേശ്, ഏറനാടന്‍, കരീം മാഷ്, കുറുമാൻ, കുഴൂർ വിൽസൺ, കാപ്പിലാൻ, കേരളഫാര്‍മര്‍, ഗുപ്തൻ, തഥാഗതൻ, തറവാടി, ദില്ബാസുരൻ, ദിവാസ്വപ്നം, ദേവൻ, പ്രിയംവദ, ബെർളിതോമസ്, മുഹമദ് സഗീർ, പണ്ടാരത്തിൽ, യാരിദ്, രാജ് നീട്ടിയത്ത്, രാധേയൻ, വല്ല്യമ്മായി, വിശാല മനസ്കൻ, സുമേഷ് ചന്ദ്രൻ, സിദ്ധാർത്ഥൻ.	ഇവര്‍ എല്ലാവരെയും ഉള്‍പ്പെടുത്തും കാരണം എല്ലാവരും കേമന്മാരും കേമത്തികളുമാണ് ഇല്ലായിരുന്നെങ്കില്‍ ഇവരുടെ പേര് ഇവിടെവരില്ലായിരുന്നു. കവിത,ചര്‍ച്ച‍, വിഷയത്തെക്കുറിച്ചുള്ള വിവരണം ഇതൊന്നും നടത്താതെ ചിരിയരങ്ങ് നടത്തും ഇതാകുമ്പോള്‍ എല്ലാവരും പങ്കെടുക്കും മീറ്റ് ബോറാകുകയുമില്ലതാനും..!
ബ്ലോഗിൽ ആരംഭിക്കുന്ന സൌഹൃദങ്ങളെ താങ്കൾ എങ്ങനെ കാണുന്നു?	കാണാപ്പുറങ്ങളിരുന്നുള്ള ബ്ലോഗ് സൌഹൃദങ്ങള്‍ നല്ലതുതന്നെ, ലോകത്തിന്റെ എവിടെപ്പോയാലും ഒരു താങ്ങായി ഏതെങ്കിലും ബ്ലോഗേഴ്സ് ഉണ്ടാകും. ബ്ലോഗിലെ പോസ്റ്റിലൂടെ കമന്റിലൂടെ അവരെ അടുത്തറിയാന്‍ പറ്റുന്നു പിന്നെ ഒരു അദൃശ്യമായ പരസ്പര ബഹുമാനം കാത്തു സ‍ൂ‍ക്ഷിക്കുന്നു ഇതുതന്നെ ഏറ്റവും വലുത്..!
ഈ പറയുന്ന എഴുത്തുകാരിൽ ആരെയാണു് കൂടുതൽ ഇഷ്ടം: മാധവികുട്ടി, എം. മുകുന്ദൻ, സാറ ജോസഫ്, സക്കറിയ, ഓ.വി. വിജയൻ, ബഷീർ, ആനന്ദ്, വി.കെ.എൻ, തകഴി, എം.ടി വാസുദേവൻ നായർ, പെരുമ്പടവം.	പെരുമ്പടവം
കാട്ടിലാണോ ഉത്സവപറമ്പിലാണോ ആനകളെ കാണാൻ കൂടുതൽ ഭംഗി?	കാട്ടിലിതുവരെ ആനയെ കാണാനുള്ള അവസരം ഉണ്ടായിട്ടില്ലാത്തതിനാല്‍ ഉത്സവ പറമ്പിലെ ആനയെക്കാണാന് ഭംഗി. കണ്ടിട്ടുള്ളവര്‍ പറഞ്ഞത് കാട്ടിലെ ആനകളെ കണ്ടാല്‍ മേയ്ക്കപ്പില്ലാത്ത നടിമാരെപ്പോലെ തോന്നും അതിനാല്‍ കാട്ടിലെ ആനയെ കണ്ടാലും ഭംഗി തോന്നുകയില്ലെനിയ്ക്ക്
ആരുടേയും ബ്ലോഗുകൾ വേണമെങ്കിലും താങ്കൾക്ക് ഡിലീറ്റ് ചെയ്യാം എന്നൊരു അവകാശം ലഭിച്ചാൽ ആദ്യം താങ്കൾ ഡിലീറ്റ് ചെയ്യുന്ന 5 ബ്ലോഗുകളുടെ പേരു പറയുക?	കൈപ്പള്ളി മാഷിന്റെ ഈ ബ്ലോഗ് മാത്രം ( കാരണം ഈ ബ്ലോഗിനാല്‍ മറ്റു പോസ്റ്റുകളില്‍ എത്തി നോക്കുന്നത് വായിക്കുന്നത് കമന്റുന്നത് വളരെ കുറഞ്ഞു ) മറ്റുള്ളവരുടെ പോസ്റ്റുകള്‍ അമ്മയ്ക്ക് തന്‍ കുഞ്ഞും പൊന്‍ കുഞ്ഞ് എന്ന രീതിയില്‍ കാണുന്നു അതിനാല്‍ അക്കാര്യം(ഡിലീറ്റ്)ചെയ്യുകയേയില്ല..!

കൈപ്പള്ളി മാഷെ.. നിങ്ങള്‍ ബ്ലോഗില്‍ ഇങ്ങനെ 24 മണിക്കുറും സജീവമായി നില്‍ക്കുമ്പോള്‍ നിങ്ങളുടെ കുടുംബ ബന്ധത്തില്‍ വിടവുകള്‍ സൃഷ്ടിക്കുകയില്ലെ എന്നു ചോദിക്കും പലരും ചോദിച്ചിട്ടുള്ള ചോദ്യമായതു കൊണ്ടു മറുപടി പറയുന്നു. ഈ മത്സരത്തിൽ എന്റെ ഇടപെടൽ വളരെ കുറവാണു്. infact യാതൊരു written contributionഉം ഇല്ലാതെ maximum exposureഉം maximum participationഉം ഉണ്ടാക്കിയ ഒരു blog ആണു് ഇത്. ഇതിലെ ചോദ്യങ്ങൾ നിങ്ങളിൽ പലരും സംഭാവന ചെയ്തതാണു്. ഇതിന്റെ score keeper ഞാനല്ല. മത്സരാർത്ഥികളെ approve ചെയ്യുന്നതും ഞാനല്ല. So my involvement is perhaps 30minutes to 60 minutes in a 24 hour period. ഈ മത്സരങ്ങൾ തുടങ്ങിയ സമയം മുതൽ ഇന്നു വരെ ഞാൻ രണ്ടു design projectകൾ complete ചെയ്തു. Decemberൽ നടക്കുന്ന ഒരു mega eventന്റെ visual style ആരംഭിച്ചു. എല്ലാ ദിവസവും ഒരു മണിക്കൂർ പിള്ളേരുമൊത്തു parkൽ പോകും, അഴ്ചയിൽ ഒരിക്കൽ വിട്ടുകാരിയേയും കുട്ടി shoppingനു പോകും. എന്റെ facebook നോക്കിയാൽ കൂട്ടുകാരും ഒത്ത് എല്ലാ അഴ്ചയും അടിച്ചു പൊളിക്കുന്നതും കാണാം. Everyone is happy. വിടവുകൾ എങ്ങും ഉണ്ടെന്നു തോന്നുന്നില്ല. Its all about managing life. :)