25 - കുറുമാൻ

ചോദ്യങ്ങൾ	ഉത്തരങ്ങൾ
എന്താണു ദൈവം	പ്രപഞ്ചത്തില്‍ മനുഷ്യരുണ്ടായതുമുതല്‍തന്നെ ഈ ഒരു ചോദ്യവും ഉദിച്ചിരിക്കണം. എന്റെ അഭിപ്രായത്തില്‍ ഈ പ്രപഞ്ചത്തെ സൃഷ്ടിച്ച ഒരു അദൃശ്യ ശക്തിയുണ്ട്, ആ സൃഷ്ടകര്‍ത്താവിനെ ദൈവമെന്ന പേരിട്ട്, അവനില്‍ വിശ്വസിക്കാനെനിക്കിഷ്ടം.
കടമ, ദൈവം, മതം, കുടുംബം, സ്വത്ത്. നിങ്ങൾക്ക് തോന്നുന്ന പ്രാധാന്യമനുസരിച്ച് ക്രമത്തിൽ എഴുതുക.	കുടുംബം കടമ സ്വത്ത് ദൈവം മതത്തിലോ, ജാതിയിലോ ഞാന്‍ വിശ്വസിക്കുന്നില്ല.
ഗായകന്‍, അദ്ധ്യാപകന്‍, കുശിനിക്കാരന്‍, ആശാരി, കോമാളി എന്നീ അഞ്ചു തൊഴിലുകളേ ലഭ്യമുള്ളു എന്നു വന്നാല്‍ താങ്കള്‍ ഏതു തിരഞ്ഞെടുക്കും?	ജന്മനാല്‍ കോമാളിയാണ് എന്നതിനാല്‍ തന്നെ മറ്റ് നാല് തൊഴിലുകളില്‍ നിന്ന് തിരഞ്ഞെടുക്കേണ്ടതായി വരുമ്പോള്‍ സാമാന്യം അറിയാവുന്ന തൊഴിലായ കുശിനിക്കാരന്റേത് തിരഞ്ഞെടുക്കും.
നിങ്ങൾക്ക് 20 വർഷം പുറകോട്ടു് നീക്കാൻ അവസരം കിട്ടിയാൽ എന്തു ചെയ്യും	കോളേജില്‍ ചേര്‍ന്ന് മനസ്സിരുത്തി പഠിക്കും, പ്രണയിക്കും.
കുട്ടിയായിരുന്നപ്പോള്‍ ആയിത്തീരണമെന്ന് ആഗ്രഹിച്ചതിനുമപ്പുറത്ത്‌ താങ്കളുയര്‍ന്നോ? എങ്കില്‍ അതില്‍ സന്തോഷിക്കുന്നുണ്ടോ?	കുട്ടിയായിരുന്നപ്പോള്‍ പെട്ടെന്ന് വലുതാവണം പ്രായമാകണം എന്ന് ഒരുപാടാഗ്രഹിച്ചിരുന്നു. ഇപ്പോള്‍ ആഗ്രഹിച്ചതിനേക്കാള്‍ പ്രായമായി, ആയികൊണ്ടേ ഇരിക്കുന്നു, ആയതിനാല്‍ തന്നെ സന്തോഷിക്കുന്നില്ല.
നിങ്ങളുടെ തൊഴിൽ മേഖല ഏത് ഗണത്തിൽ പെടും. ഉല്പാതനം കച്ചവടം ജന സേവനം വിനിമയം വിദ്യാഭ്യാസം	സത്യം പറഞ്ഞാല്‍ കച്ചവടം. പക്ഷെ ഇപ്പോള്‍ വിശ്രമമാണ്.
നിങ്ങളുടേ മുന്നിൽ മൂന്നു buttonകളു ഉണ്ട്. അമർത്തിയാൽ ഈ ലോകത്തിലുള്ള ഏകാധിപതികൾ എല്ലാം നിന്ന നിൽപ്പിൽ തന്നെ ചത്തു് വീഴും. അമർത്തിയാൽ മലയാള മനോരമ പത്രം ഒറ്റ് രാത്രികൊണ്ടു Unicodeലേക്ക് മാറും. അമർത്തിയാൽ (ഇടിവാളിന്റെ ആഗ്രം സഫലമാകും) ബ്ലോഗിൽ ഉള്ള ഓർമ്മ കുറിപ്പിസ്റ്റുകൾക്കെല്ലാം "Amoniasia" വന്നു് എല്ലാം മറന്നു പോകും. അതൽ ഒന്നുമാത്രമെ അമർത്താൻ കഴിയുകയുള്ളു. നിങ്ങൾ ഏതമർത്തും.? എന്തുകൊണ്ടു?"	ബട്ടണ്‍സ് അമര്‍ത്താന്‍ തീരെ താത്പര്യമില്ല. വേറെ എന്തേലുമുണ്ടോ അമര്‍ത്താന്‍?
ഇവരിൽ താങ്കൾക്ക് ആരെയാണു് കൂടുതൽ ബഹുമാനം: K. കരുണാകരൻ, EMS, AKG, സി.എച്ച്. മുഹമ്മദ്കോയ, മന്നത്ത് പത്മനാഭൻ, പാണക്കാട് സയ്യിദ് മുഹമ്മദലി ഷിഹാബ് തങ്ങൾ. Dr. പല്പ്പു.	രാഷ്ട്രീയകാരെ ഒരെണ്ണത്തിനെ പോലും ബഹുമാനമില്ല, എങ്കിലും എ കെ ജിയേം, ഇ എം എസ്സിനേം ബഹുമാനിക്കാതിരിക്കുന്നുമില്ല.
എന്താണു് സമൂഹിക പ്രതിബദ്ധത?	സാമൂഹിക പ്രതിബദ്ധത എന്തണെന്നറിഞ്ഞത്കൊണ്ടോ, പറഞ്ഞത് കൊണ്ടോ വിശേഷിച്ച് കാര്യമുണ്ടെന്ന് തോന്നുന്നില്ല മറിച്ച് സാമൂഹിക പ്രതിബദ്ധത ഓരോ വ്യക്തിയും നിറവേറ്റുന്നുണ്ടോ എന്നുള്ളതിനാണ് പ്രാധാന്യം.
നിങ്ങൾ ഒരു ദിവസത്തേക്ക് പ്രധാന മന്ത്രിയാകുന്നു. എന്തു ചെയ്യും?	ഇപ്പോഴത്തെ സാഹചര്യത്തിലാണെങ്കില്‍ സോണിയ കൊച്ചമ്മ പറയുന്നിടത്തൊക്കെ കയൊപ്പ് ചാര്‍ത്തും അത്ര തന്നെ.
നിങ്ങൾക്ക് മൂന്നു വരം കിട്ടുന്നു എന്തെല്ലാം അവശ്യപ്പെടും?	ഒരേ ഒരു വരം മാത്രം മതീ പ്രഭോ എന്ന് പറയും എന്നിട്ട് ആഗ്രഹിച്ചതെല്ലാം ഓണ്‍ ദി സ്പോട്ടില്‍ നടപ്പാവുന്ന വരം വാങ്ങും.
1 Billion US$ നിങ്ങൾക്ക് ലഭിക്കുന്നു എന്തു ചെയ്യും	ചുമ്മാ കൊതിപ്പിക്കല്ലെ.
നിങ്ങൾ ഇപ്പോൾ ഇരിക്കുന്ന സ്ഥലത്തുള്ള ജനാലയിൽ നിന്നും പുറത്തേക്ക് നോക്കുക. അവിടെ കാണുന്ന ദൃശ്യം 100 വാക്കിൽ കുറയാതെ വിവരിക്കുക.	പുറത്തേക്ക്ക്ക് നീക്കിയപ്പോള്‍ കണ്ടത് എന്റെ കെട്ടിടത്തിന്റെ എതിര്‍ദിശയിലുള്ള കണ്ണാടി കെട്ടിടമാണ്. അതിലേക്ക് നോക്കുമ്പോള്‍ ജനലിലൂടെ പുറത്തേക്ക് നോക്കികൊണ്ട് നില്‍ക്കുന്ന എന്റെ പ്രതിഭിംബം മാത്രം കാണുന്നു. എന്നെ കുറിച്ച് വിവരിക്കാന്‍ 100 വാക്ക് മതിയാവില്ല, മാത്രമല്ല വിവരിച്ചാല്‍, ഞാനാരെന്ന് കണ്ടുപിടിക്കാനുള്ള ഈ ചോദ്യോത്തരപംക്തി തന്നെ അപ്രസക്തമാകില്ലെ?
പ്രാവാസ ജീവിതത്തിൽ എന്തെങ്കിലും നഷടമായിട്ടുണ്ടോ?	ഉവ്വ് സ്ലിം ബോഡി ആന്റ് മുടി
ബ്ലോഗിൽ അവസാനമായി വായിച്ച ലേഖനം ഏതാണു്?	അത് പറഞ്ഞാല്‍ ഞാനാരെന്ന് നിക്ഷ്പ്രയാസം കണ്ട് പിടിക്കും. എങ്കിലും ആരുടെയെന്ന്‍ പറയാം - കുമാര്‍ നീലകണ്ഠന്‍.
ബ്ലോഗിൽ അവസാനമായി വായിച്ച കവിത ഏതാണു്?	ചാരുകേശി അഥവാ മൈനാഗന്റെ ലൈഫ് ലോങ്ങ്
നിങ്ങൾ കൈപ്പള്ളിയെ കണ്ടു മുട്ടുന്നു. ഒരു ചോദ്യം ചോദിക്കാൻ അവസരം തരുന്നു. എന്തു ചോദിക്കും?	അല്പം നേരം മിണ്ടാതിരിക്കാന്‍ എന്ത് തരണം കൈപ്പള്ളീന്ന് ചോദിക്കും
ഒരു ദിവസം ശ്രീ പെരുമ്പടവം Dostoevsky കണ്ടുമുട്ടുന്നു്, എന്തു സംഭവിക്കും?	കണ്ടമാത്രയില്‍ തന്നെ പെരുമ്പടവമ്ം ഒരു കീറ് ആകാശം ഒപ്പിട്ട് ദസ്തോവസ്കിക്ക് നല്‍കും, അപ്പോ ദസ്തൊവസ്ക്കിക്ക് തോന്നും കണ്ട് മൂട്ടേണ്ടിയിരുന്നില്ലാന്ന്.
ഈ പറയുന്ന എഴുത്തുകാരിൽ ആരെയാണു് കൂടുതൽ ഇഷ്ടം: മാധവികുട്ടി, എം. മുകുന്ദൻ, സാറ ജോസഫ്, സക്കറിയ, ഓ.വി. വിജയൻ, ബഷീർ, ആനന്ദ്, വി.കെ.എൻ, തകഴി, എം.ടി വാസുദേവൻ നായർ, പെരുമ്പടവം.	വി കെ എന്‍
നിങ്ങൾ Dinnerനു് ഈ പട്ടികയിൽ കൊടുത്തിരിക്കുന്ന രണ്ടു പേരിൽ ആരെ ക്ഷനിക്കും? അവർക്ക് എന്തു ഭക്ഷണം കൊടുക്കും? അവരോടു എന്തെല്ലാം ചോദിക്കും? Amithabh Bachan Pierce Brosnan Che Guevara മമ്മൂട്ടി Gabriel Garcia Marquez Pres. Barack Obama Adoor Gopalaksrihsnan Jackie chan Nelson Mandela Khalil Gibran Desmond Tutu സലീം കുമാർ സാമ്പശിവൻ(കാഥികൻ) K.J. Yesudas Shakeela കുമാരനാശാൻ Robert Mugabe K. Karunakaran വിശാല മനസ്കൻ(സജീവ് ഇടത്താടൻ) ഇഞ്ചിപ്പെണ്ണു്	മമ്മുട്ടി - പൊരിച്ച കോഴിയും ചപ്പാത്തിയും കൊടുക്കും. ഭക്ഷണം കഴിച്ച് കഴിഞ്ഞാല്‍ ചോദിക്കും സ്വരം നന്നായിരിക്കുമ്പോഴോ പാട്ട് നിറുത്തിയില്ലയെന്നത് പോട്ടെ, ഇപ്പോ മധുര പതിനാറുകാരിമാരുടെ കൂടെ നായകനായി അഭിനയിക്കുന്നതും പോട്ടെ ഡാന്‍സ് കൂടി ചെയ്ത് പ്രേക്ഷകരെ കൊല്ലകൊല ചെയ്യല്ലെ സാറെ. സാംബശിവന്‍ - പൊടിയരികഞ്ഞി, നേന്ത്രക്കായയുടെ തൊലിയും, ചുവന്നപയറും ചേര്‍ത്ത് വച്ച ഉപ്പേരി, ചുട്ടപപ്പടം - കഴിച്ച് കഴിഞ്ഞാല്‍ ഒഥല്ലോവും, റോമിയോ ജൂലിയറ്റും അവതരിപ്പിക്കാന്‍ ആവസ്യപെടും, ഇരുന്ന് കേള്‍ക്കും, കേള്‍ക്കുന്നതിന്റെ ഇടയില്‍ ഇരുന്നുറങ്ങും.