24 - അഗ്രജൻ

ചോദ്യങ്ങൾ	ഉത്തരങ്ങൾ
എന്താണു ദൈവം, നേരിൽ കണ്ടാൽ അവളോടു് എന്തു ചോദിക്കും?	ഈ പ്രപഞ്ചം സൃഷ്ടിക്കുകയും അതിനെ നിയന്ത്രിക്കുകയും ചെയ്യുന്ന മഹത്തായ ശക്തി. ദൈവത്തിനെ നേരിട്ട് കാണാനാവുമെന്ന് വിശ്വസിക്കുന്നില്ല.
കടമ, ദൈവം, മതം, കുടുംബം, സ്വത്ത്. നിങ്ങൾക്ക് തോന്നുന്ന പ്രാധാന്യമനുസരിച്ച് ക്രമത്തിൽ എഴുതുക.	ദൈവം, കുടുംബം, കടമ, മതം, സ്വത്ത്
വംശനാശ ഭീഷണി നേരിടുന്ന ഒരു മൃഗത്തെ സംരക്ഷിക്കുന്നതിനായി രണ്ടിടങ്ങളിൽ ഒന്നു തിരഞ്ഞെടുക്കാൻ നിങ്ങളെ ചുമതലപ്പെടുത്തുന്നു. തിരഞ്ഞെടുക്കുന്ന സ്ഥലം പൂർണ്ണമായും ഇടിച്ചു നിരത്തുകയും ചെയ്യും. ഒരു മത വിഭാഗത്തിന്റെ ആരാധനാലയം 10,000 തൊഴിലാളികൾ ജോലി ചെയ്യുന്ന ഒരു വ്യവസായ സ്ഥാപനം.. ഇതിൽ ഏതു തിരഞ്ഞെടുക്കു? എന്തുകൊണ്ടു്?	രണ്ടു മാര്‍ഗ്ഗവും സ്വീകരിക്കില്ല, ഒരാപത്തിനെ മറികടക്കേണ്ടത് മറ്റൊരു വലിയ ആപത്ത് വരുത്തി വെച്ചു കൊണ്ടാവരുത് എന്നുറച്ച് വിശ്വസിക്കുന്നു.
ഗായകന്‍, അദ്ധ്യാപകന്‍, കുശിനിക്കാരന്‍, ആശാരി, കോമാളി എന്നീ അഞ്ചു തൊഴിലുകളേ ലഭ്യമുള്ളു എന്നു വന്നാല്‍ താങ്കള്‍ ഏതു തിരഞ്ഞെടുക്കും?	ഗായകന്‍ എന്നത് തിരഞ്ഞെടുത്താല്‍ ഞാന്‍ കോമാളിയാകുമെന്നത് നൂറു തരം. കുശിനിപ്പണി ഇഷ്ടമാണെങ്കിലും ഒരു തൊഴിലായി സ്വീകരിച്ച് മറ്റുള്ളവരുടെ രസമുകുളങ്ങളെ ഉദ്ദീപിപ്പിക്കാനുള്ള കഴിവ് ഇല്ലാത്തതിനാല്‍ അതിനെ വിട്ടേക്കാം. പിന്നെ അദ്ധ്യാപകന്‍, ഇതുവരെ ചെയ്തിട്ടില്ലെങ്കിലും (പ്രായമുള്ളവര്‍ക്ക് അക്ഷരങ്ങള്‍ കൂട്ടിവായിക്കാന്‍ പഠിക്കാന്‍ സഹായിച്ചതിനെ അദ്ധ്യാപനം എന്നു വിളിക്കാമെങ്കില്‍ മുന്‍പ് അദ്ധ്യാപകനായിരുന്നിട്ടുണ്ട് എന്നു പറയാം) ഇഷ്ടം തോന്നിയ ഒന്നാണ് അദ്ധ്യാപനം... അല്ലറചില്ലറ ആശാരിപ്പണികള്‍ പരീക്ഷിച്ച് വിജയം കണ്ടിട്ടുണ്ടെങ്കിലും... തീര്‍ച്ചയായും അദ്ധ്യാപകന്‍ തന്നെയായിരിക്കും തിരഞ്ഞെടുക്കുക.
നിങ്ങൾക്ക് 20 വർഷം പുറകോട്ടു് നീക്കാൻ അവസരം കിട്ടിയാൽ എന്തു ചെയ്യും	അങ്ങിനെയൊരു സൗകര്യം തരുന്ന നിലക്ക് അത് 30 വര്‍ഷമായി ദീര്‍ഘിപ്പിച്ച് തരുവാന്‍ ഞാനഭ്യാര്‍ത്ഥിക്കുന്നു... എന്റെ വല്ലിപ്പാടെ കയ്യും പിടിച്ച് നടക്കണമെങ്കില്‍ എനിക്കൊരു മുപ്പത് വര്‍ഷം തിരികെ കിട്ടിയേ മതിയാവൂ...
കുട്ടിയായിരുന്നപ്പോള്‍ ആയിത്തീരണമെന്ന് ആഗ്രഹിച്ചതിനുമപ്പുറത്ത്‌ താങ്കളുയര്‍ന്നോ? എങ്കില്‍ അതില്‍ സന്തോഷിക്കുന്നുണ്ടോ?	കുട്ടിയായിരിക്കുമ്പോല്‍ വലുതാവണെമെന്ന ആഗ്രഹം മാത്രേയുണ്ടായിരുന്നുള്ളൂ... മുഴുക്കയ്യന്‍ ഷര്‍ട്ടിടുമ്പോഴും മുണ്ടുടുക്കുമ്പോഴുമൊക്കെ വലുതായി എന്ന നെഗളിപ്പ് തോന്നിയിരുന്നു. അതെ, ആഗ്രഹിച്ചതു പോലെ വലുതായി...ആറടിക്ക് ഒരു പണത്തൂക്കം കുറവോളം.
ആക്ഷേപ ഹാസ്യവും വ്യക്തിഹത്യയായിയും എങ്ങനെ വേർത്തിരിച്ചറിയും?	ആക്ഷേപത്തിനിരയാകുന്ന വ്യക്തിയുടെ പ്രതികരണം നോക്കി മനസ്സിലാക്കാം
ഇഷ്ടപ്പെട്ട വാഹനം ഏതാണു് ? (philosophy പറഞ്ഞു ഓവറാക്കണ്ട)	ചെറുപ്പം മുതലേ ഇഷ്ടപ്പെട്ട വാഹനം ചേതക് സ്കൂട്ടറായിരുന്നു... ആ ഇഷ്ടം ഇപ്പോഴും നിലവിലുണ്ട്
കഷണ്ടിക്ക് മരുന്നു കണ്ടുപിടിച്ചാൽ നിങ്ങൾ എന്തു ചെയ്യും?	അതാദ്യം എന്റുപ്പാടെ തലയില്‍ പുരട്ടും, എന്നിട്ട് കഷണ്ടി പാരമ്പര്യമാണെന്ന വാദത്തെ നോക്കി കണ്ണിറുക്കി കാണിക്കും.
കെ. എസ്. കോപാലകൃഷ്ണൻ എന്തുകൊണ്ടു്, അടൂർ ഗോപാലകൃഷ്ണനെ പോലെയും, പദ്മരാജന പോലെയും സിനിമ എറ്റുക്കുന്നില്ല?	പാവപ്പെട്ട യുവജനങ്ങളെ പരിഗണിക്കാന്‍ ആരുമില്ലാതാവരുതല്ലോ എന്നു കരുതിയാവും
എന്താണു് അഭിപ്രായ സ്വാതന്ത്ര്യം?	സ്വന്തം അഭിപ്രായം സധൈര്യം പ്രകടിപ്പിക്കാന്‍ കഴിയുന്ന അവസ്ഥ, എന്നാലോ വായീ തോന്ന്യേത് എവിടെ വെച്ചും തോന്നുമ്പോലെ വിളിച്ച് പറയാനുള്ള ഒന്നല്ല അഭിപ്രായ സ്വാതന്ത്ര്യം
നിങ്ങളുടെ തൊഴിൽ മേഖല ഏത് ഗണത്തിൽ പെടും. ഉല്പാതനം കച്ചവടം ജന സേവനം വിനിമയം വിദ്യാഭ്യാസം	കച്ചവടം
ഇന്നു നമ്മുടെ നഗരങ്ങളിൽ യുവാക്കൾ നേരിടുന്ന ഏറ്റവും വലിയ പ്രശ്നം എന്താണു്?	മറ്റുള്ളവരില്‍ നിന്നും വ്യത്യസ്ഥമായി അവര്‍ വലിയ പ്രശ്നമൊന്നും നേരിടുന്നില്ല... ഇനി ഉണ്ടെങ്കില്‍ തന്നെ അതൊക്കെ വ്യക്തിപരവും... പൊതുവായ ഒരു പ്രശ്നവും നഗരങ്ങളിലായി എന്നതിന്റെ പേരില്‍ അവര്‍ നേരിടുന്നില്ല എന്നാണെന്റെ വിശ്വാസം.
Nostalgia-mania-dingolapi എന്ന അതിഭീകരവും ഭയാനകവുമായ രോഗം ബാദിച്ച മലയാളി ചേട്ടന്മാരെ എങ്ങനെ ചികിത്സിക്കും? ഇവരെ ബീമ പള്ളിയിൽ കൊണ്ടുപോയി ചങ്ങലക്കിടുന്നതിനെ കുറിച്ച് എന്താണു് അഭിപ്രായം.	കൈപ്പള്ളീ, താങ്കള്‍ക്കീ മാവിലേറിനോടും വള്ളി നിക്കറിനോടുമിള്ള കലിപ്പ് ഇനീം തീര്‍ന്നില്ലേ!
മലയാള ഭാഷ വളരുകയാണോ, രൂപാന്തരപ്പെടുകയാണോ, വഷളാവുകയാണോ?	മലയാള ഭാഷ വളരുക തന്നെയാണ്. ഭാഷ മരിക്കും തളരും എന്നതൊക്കെ നമ്മുടെ വെറും പേടി മാത്രം.
എന്താണു് സമൂഹിക പ്രതിബദ്ധത?	താന്‍ കാണിച്ചില്ലെങ്കിലും മറ്റുള്ളവര്‍ കാണിക്കണമെന്ന് നമ്മള്‍ പ്രതീക്ഷിക്കുന്ന അല്ലെങ്കില്‍ ശഠിക്കുന്ന ഒന്ന്
വസ്ത്രങ്ങൾക്കുള്ളിൽ എന്താണുള്ളതു് എന്നു് അറിയാമായിരിന്നിട്ടും മനുഷ്യർ വസ്ത്രങ്ങൾ ധരിക്കുന്നതെന്തിനാണു്?	വസ്ത്രങ്ങള്‍ക്കുള്ളില്‍ എന്താണെന്ന് നമ്മള്ളറിയുന്നില്ല‍, ഊഹിക്കുന്നതല്ലേ... അതങ്ങനേണ് ഇതിങ്ങനേണെന്നൊക്കെ... ചുമ്മാ ഊഹിപ്പിക്കാന്‍ വേണ്ടി മനുഷ്യന്‍ വസ്ത്രങ്ങള്‍ ധരിക്കട്ടേന്ന്... ഹല്ല പിന്നെ!
നിങ്ങൾ Dinnerനു് ഈ പട്ടികയിൽ കൊടുത്തിരിക്കുന്ന രണ്ടു പേരിൽ ആരെ ക്ഷനിക്കും? അവർക്ക് എന്തു ഭക്ഷണം കൊടുക്കും? അവരോടു എന്തെല്ലാം ചോദിക്കും? (ബ്ലോഗ് കവി) മുഹമദ് സഗീർ പണ്ടാരത്തിൽ K.S. Gopalakrishnan മാമൻ മാത്യു സലീം കുമാർ കാട്ടുകള്ളൻ വീരപ്പൻ Hillary Clinton Adoor Gopalaksrihsnan നയൻതാര (ബ്ലോഗർ)ദില്ബാസുരൻ പിണറായി വിജയൻ A.P.J. അബ്ദുൽ കലാം Umesh Abhishek Bachan Jassie Gift Silk Smitha M.K. Harikumar K. Muralidharan S/o K. Karunakaran Blogger / Veteran Megastar Mammootty വിശാല മനസ്കൻ (സജീവ് ഇടത്താടൻ) തീറ്റ റപ്പായി	പിണറായി വിജയനേയും കെ. മുരളീധരനേയും വിളിക്കും. ഒന്നും തിന്നാന്‍ കൊടുക്കില്ല... അവരെത്ര പേര്‍ക്ക് ഇലയിട്ട് സദ്യയില്ലെന്ന് പറഞ്ഞിരിക്കുന്നു... ഒരു ചിന്ന പ്രതികാരം. അവരോട് ഞാനായിട്ടൊന്നും ചോദിക്കില്ല, ചോദിക്കാനുള്ളതെല്ലാം ജനങ്ങള്‍ ചോദിച്ചോളും... ഇലക്ഷന്‍ വരുവല്ലേ!
കേരളത്തിൽ ഇപ്പോൾ ടിവി. പ്രേക്ഷരുടെ ഹരമായ റിയാലിറ്റി ഷോ എന്നറിയപ്പെടുന്ന അനേകം മത്സര പരമ്പരകളുണ്ടു്. താങ്കൾക്ക് ഒരു സാമാന്യം ഭേതപ്പെട്ട ഗായിക/ഗായകൻ ആണെന്നു സങ്കൽപ്പിക്കുക. താങ്കൾ ഈ മത്സരങ്ങളിൽ പങ്കെടുക്കുമോ? എന്തുകൊണ്ടു?	തീര്‍ച്ചയായും പങ്കെടുക്കും, ഈ (ഗോമ്പി) പരിപാടിയില്‍ പങ്കെടുക്കാമെങ്കില്‍ അതില്‍ പങ്കെടുക്കാനെന്തിനു മടിക്കണം :)
സിനിമയിൽ അഭിനയിക്കാൻ നിങ്ങൾക്ക് ഒരവസരം ലഭിക്കുന്നു. നിങ്ങൾ ഏതു് വേഷം കൈകാര്യം ചെയ്യും. അവശ കവി, വില്ലൻ-കൊലപാതകി, വില്ലൻ-ബലാത്സങ്ക്‍ist, വില്ലൻ-കള്ളവാറ്റ്ist, വില്ലൻ - മാമ, വില്ലി - മാമി, വില്ലി - കൊലപാതകി / നാത്തൂൻ / അമ്മായിയമ്മ അച്ഛൻ (മൂപ്പീന്ന്), അച്ഛൻ (medium), കോമാളി(മാള അരവിന്ദൻ-grade), കോമാളി (ജഗതി-grade), കോമാളി (ശ്രീനിവാസൻ-grade), കാമുകി (light), കാമുകി (4X4), കാമുകി (heavy). അനിയത്തി (സിനിമയുടേ പകുതിയിൽ ചാകും) അനിയൻ (സിനിമയുടേ പകുതിയിൽ ചാകും) കവി/കാമുകൻ (light), കാമുകൻ/മൂപ്പീന്ന്/കോമാളി (മമ്മൂട്ടി-grade), കാമുകൻ (gym), കാമുകൻ (cocholate hero -grade), അമ്മ - (ശാരധ -grade), അമ്മ -(Philomina-grade)	എനിക്ക് ചേരുന്ന വേഷം ഇതിലില്ല
നിങ്ങളുടേ മുന്നിൽ മൂന്നു buttonകളു ഉണ്ട്. അമർത്തിയാൽ ഈ ലോകത്തിലുള്ള ഏകാധിപതികൾ എല്ലാം നിന്ന നിൽപ്പിൽ തന്നെ ചത്തു് വീഴും. അമർത്തിയാൽ മലയാള മനോരമ പത്രം ഒറ്റ് രാത്രികൊണ്ടു Unicodeലേക്ക് മാറും. അമർത്തിയാൽ (ഇടിവാളിന്റെ ആഗ്രം സഫലമാകും) ബ്ലോഗിൽ ഉള്ള ഓർമ്മ കുറിപ്പിസ്റ്റുകൾക്കെല്ലാം "Amoniasia" വന്നു് എല്ലാം മറന്നു പോകും. ഇതിൽ ഒന്നുമാത്രമെ അമർത്താൻ കഴിയുകയുള്ളു. നിങ്ങൾ ഏതമർത്തും.? എന്തുകൊണ്ടു?"	രണ്ടാമത്തെ ബട്ടന്‍ ആക്റ്റീവാകും വരേം ഞെക്കിക്കൊണ്ടിരിക്കും...
എന്താണു് സ്നേഹം?	ഞാന്‍ സ്നേഹിക്കുന്നു, സ്നേഹിക്കപ്പെടുന്നു... എന്നിട്ടും എനിക്കറിയില്ല എന്താണ് സ്നേഹമെന്ന്... സത്യം!
ഇവരിൽ താങ്കൾക്ക് ആരെയാണു് കൂടുതൽ ബഹുമാനം: K. കരുണാകരൻ, EMS, AKG, സി.എച്ച്. മുഹമ്മദ്കോയ, മന്നത്ത് പത്മനാഭൻ, പാണക്കാട് സയ്യിദ് മുഹമ്മദലി ഷിഹാബ് തങ്ങൾ. Dr. പല്പ്പു. വെള്ളാപ്പള്ളി നടേശൻ	എ.കെ.ജി.
നിങ്ങൾ ഒരു ദിവസത്തേക്ക് പ്രധാന മന്ത്രിയാകുന്നു. എന്തു ചെയ്യും?	അടിയന്തിരാവസ്ഥ പ്രഖ്യാപിക്കും, കരിനിയമങ്ങള്‍ ഉപയോഗിച്ച് എന്റെ ഭരണത്തിന്റെ ആയുസ്സ് വര്‍ദ്ധിപ്പിക്കും... കാരണം, ഒരു ദിവസം കൊണ്ട് ഒരു മാറ്റവും വരുത്താനെനിക്കാവില്ല... ഇതിനൊക്കെ കൊറച്ച് സമയം വേണ്ടേ മനുഷ്യാ :)
നിങ്ങൾക്ക് മൂന്നു വരം കിട്ടുന്നു എന്തെല്ലാം അവശ്യപ്പെടും? ("കൂടുതൽ വരങ്ങൾ ചോദിക്കാനുള്ള വരം" എന്നുള്ള മഹ തറ നമ്പർ ഇറക്കരുതു്. അങ്ങനെ ചോദിച്ചാൽ ഒരു കോപ്പും കിട്ടില്ല എന്നും മനസിലാക്കണം.)	ഒരുമാതിരി പരിപാടി ചെയ്യരുത്... അതെന്താ ചുവപ്പ് നിറത്തിലെഴുതി വെച്ചിരിക്കുന്നത്
1 Billion US$ നിങ്ങൾക്ക് ലഭിക്കുന്നു എന്തു ചെയ്യും	അതു വാങ്ങി AIG executives-ന് ബോണസ് കൊടുക്കും
പ്രാവാസ ജീവിതത്തിൽ എന്തെങ്കിലും നഷടമായിട്ടുണ്ടോ?	പ്രവാസജീവിതം എനിക്ക് നഷ്ടമാക്കിയത് എന്റെ സ്വദേശം
നിങ്ങൾ ഇപ്പോൾ ഇരിക്കുന്ന സ്ഥലത്തുള്ള ജനാലയിൽ നിന്നും പുറത്തേക്ക് നോക്കുക. അവിടെ കാണുന്ന ദൃശ്യം 100 വാക്കിൽ കുറയാതെ വിവരിക്കുക.	വലതു വശത്തേക്ക് തിരിഞ്ഞാണ് നോക്കുന്നതെങ്കില്‍ അപ്പുറത്തെ ബാല്‍ക്കണിയില്‍ ഒരു ചൈനക്കാരി നിന്ന് മൊബൈലില്‍ പേശുന്നു, അതിനും താഴെയുള്ള ബാല്‍ക്കണിയില്‍ രണ്ട് പ്രാവുകളിരുന്ന് കിന്നരിക്കുന്നു. ഇടതു വശത്തേക്കാണ് നോക്കുന്നതെങ്കില്‍ നല്ല വെയില്‍ കൊണ്ടു നില്‍ക്കുന്ന കുറേ ചെറിയ ചെറിയ കെട്ടിടങ്ങളെ കാണാം... മുകളിലൂടെ എമിറേറ്റ്സ് എയര്‍ ലൈന്‍സിന്റെ ഒരു വിമാനം പറന്നുയരുന്നു... താഴെ മെട്രോ സ്റ്റേഷന്റെ പണി നടന്നു കൊണ്ടിരിക്കുന്നു. പത്തു പന്ത്രണ്ട് തൊഴിലാളികള്‍ ചേര്‍ന്ന് ഒരു വലിയ ഷീറ്റ് പിടിച്ച് നില്‍ക്കുന്നുണ്ട്, ആ ഷീറ്റ് എന്തു ചെയ്യണം എന്ന കാര്യത്തില്‍ അവരിപ്പോഴും ഒരു തീരുമാനത്തിലെത്തിയിട്ടില്ലെന്ന് തോന്നുന്നു... ഇത്രേം മത്യാവും ല്ലേ... ഇനീം പുറത്തേക്ക് നോക്കിയിരുന്നാല്‍ താങ്കളുടെ ഈ ചോദ്യവലി പൂരിപ്പിക്കല്‍ നടക്കില്ല...
ബ്ലോഗിൽ എഴുതി വരുന്ന പാചക കുറിപ്പുകൾ പരീക്ഷിച്ചു നോക്കിയിട്ടുണ്ടോ? പിറ്റേന്നു് രാവിലെ എന്തായിരുന്നു വിശേഷം?	ബ്ലോഗില്‍ വരുന്നവ ഞാന്‍ പരീക്ഷിച്ച് നോക്കിയിട്ടില്ല, പക്ഷെ ഞാന്‍ പരീക്ഷിച്ചവ ബ്ലോഗില്‍ പ്രസിദ്ധീകരിച്ചിട്ടുണ്ട്... അത് പരീക്ഷിച്ചവരെയൊന്നും പിറ്റേന്ന് രാവിലെ വിശേഷം പറയാനായി ചാറ്റില്‍ കാണാറില്ലായിരുന്നു.
ബ്ലോഗിൽ പോട്ടങ്ങൾ പിടിക്കുന്ന ഏതെങ്കിലും അണ്ണന്റെ ഫോട്ടോ നിരൂപണങ്ങൾ കേട്ട ശേഷം അദ്ദേഹത്തിന്റെ തലയിൽ കാമറ തല്ലി പോട്ടിക്കാൻ തോന്നിയിട്ടുണ്ടോ? (തല്ലിപ്പോട്ടിക്കാൻ ഉദ്ദേശിച്ച camera, lense, എന്നീ വിവരങ്ങൾ കൂടി വിശതീകരിക്കുക)	കൈപ്പള്ളീ... താങ്കളുടെ ക്യാമറ, ലെന്‍സ് ഇവയെപ്പറ്റി വ്യക്തമായി പറയൂ... എന്നാലേ എനിക്കിതിന്റെ ഉത്തരം പൂര്‍ത്തിയാക്കാനാവൂ :)
അടുത്ത ബ്ലോഗ് മീറ്റിൽ "ഓഫടിയുടെ നിർവൃതി" എന്ന വിഷയത്തെ കുറിച്ച് പ്രബധം അവതരിപ്പിക്കാൻ യോഗ്യരായ രണ്ടു വ്യക്തികളെ നിർദ്ദേശിക്കു.	ഓഫടിയോട് ചേര്‍ത്ത് പറയാന്‍ മഹത്തായ പേരുകള്‍ ഒട്ടനവധി, എങ്കിലും ബ്ലോഗ് മീറ്റാഘോഷം യു.എ.ഇ. ബ്ലോഗേര്‍സിനെ മാത്രം ബാധിച്ചിട്ടുള്ള ഒരസുഖമായതിനാല്‍ ഞാനിവിടെ അഭിലാഷിനേയും ഇടിവാളിനേയും നിര്‍ദ്ദേശിക്കുന്നു
വാർത്തകൾ ഇല്ലായിരുന്നെങ്കിൽ മാധ്യമങ്ങളെന്തു ചെയ്യുമായിരുന്നു?	അവര്‍ വാര്‍ത്തകള്‍ ഉണ്ടാക്കുമായിരുന്നു... അവര്‍ക്കാണോ അതിനിത്ര പഞ്ഞം?!
ബ്ലോഗിൽ അവസാനമായ എഴുതിയ post എന്തിനെഴുതി? ഇനിയും എഴുതുമോ?	അതിനും മുമ്പൊരു പോസ്റ്റിട്ട് ഏകദേശം ഒരു മാസം ആവാറായിരുന്നു... ആരാധകര്‍ക്ക് ഇദ്ദേഹം എവിടെ പോയി കര്‍ത്താവേ എന്ന വേവലാധി ഇല്ലാതിരിക്കാന്‍ ഒരു പോസ്റ്റിട്ടു... തികച്ചും സ്വകര്യം... എന്താ തംസ്യം... ഇനീം എഴുതും :)
ബ്ലോഗിൽ അവസാനമായി വായിച്ച ലേഖനം ഏതാണു്? വായിച്ചിട്ട് എന്തു് ചെയ്തു?	"മാംസാഹാരത്തിന്റെ രാഷ്ട്രീയവും വൈദ്യവും" വായിച്ചിങ്ങ് പോന്നു... പിന്നെ ഇടയ്ക്കിടെ പോയി അവിടെ നടക്കുന്ന സംവാദങ്ങള്‍ കണ്ടു
ബ്ലോഗിൽ അവസാനമായി വായിച്ച അതുന്താധുനിക കവിത വായിച്ച ശേഷം നിങ്ങൾ എന്തു ചെയ്തു? കരഞ്ഞു. ചിരിച്ചു. തലകറങ്ങി നിലത്തു വീണു്. എഴുതിയവനെ ഫോണിൽ വിളിച്ചു തെറി പറഞ്ഞു. മുകളിൽ പറഞ്ഞതെല്ലാം സംഭവിച്ചു എന്നു് ഭ്രാന്താശുപത്രിയിൽ എത്തിയപ്പോൾ അറിഞ്ഞു.	സോറി, ഞാനാ ടൈപ്പല്ല
അവസാനം വായിച്ച പുസ്തകം ഏതാണു്? (Telephone Directory, Mobile Phoneന്റെ operation Manual പോലുത്ത പുസ്തകങ്ങൾ അല്ല ഉദ്ദേശിക്കുന്നതു്)	എം.ടിയുടെ കിളിവാതിലിലൂടെ എന്ന പുസ്തകം ഒരാവര്‍ത്തികൂടെ വായിച്ചു...
ഒരു hotelൽ രണ്ടു blog meet നടക്കുന്നു. അതിൽ ഒരു restaurantൽ ബ്ലോഗ് കവികളും വേറൊരു restaurantൽ ബ്ലോഗ് ഓർമ്മക്കുറുപ്പ്istകളും ഉണ്ടു്. നിങ്ങൾ ഏതു restaurantൽ കയറും.	എന്റെയൊരു സ്വഭാവം വെച്ച് രണ്ടിടത്തും മാറി മാറി സാന്നിദ്ധ്യം അറിയിക്കും, പങ്കെടുക്കുന്ന ആളുകളുടെ നിലവാരം പോലെയിരിക്കും എവിടെ കൂടുതല്‍ സമയം ചിലവഴിക്കും എന്നുള്ളത്.
നിങ്ങൾ കൈപ്പള്ളിയെ കണ്ടു മുട്ടുന്നു. ഒരു ചോദ്യം ചോദിക്കാൻ അവസരം തരുന്നു. എന്തു ചോദിക്കും?	ഓ... പിന്നേ ചോദ്യം ചോയിക്കാന്‍ പറ്റിയ ഒരു ചരക്ക്... :)
ബ്ലോഗിൽ നടക്കുന്ന "ഗോമ്പറ്റീഷൻ" എന്ന ഈ "മഹാ സംഭവം" നിങ്ങളുടെ blogging ജീവിതത്തെ എങ്ങനെ സ്വധീനിച്ചു?	ഇതില്‍ പങ്കെടുത്തത് വഴി എന്റെ ബ്ലോഗുകള്‍ കൂടുതല്‍ പേര്‍ വായിച്ചു... എന്നാലോ ഇതില്‍ പങ്കെടുക്കുന്നത് വഴി വേറെ ഒരൊറ്റ ബ്ലോഗും വായിക്കാന്‍ എനിക്ക് സമയമില്ല.
ഓ.വി. വിജയൻ നിങ്ങൾക്ക് എന്തു് തന്നു?	എന്റെ സുഹൃത്തിന്റെ കയ്യില്‍ നിന്നും അസ്സലു മുട്ടന്‍ തെറി വാങ്ങിച്ച് തന്നു (സുഹൃത്ത് എനിക്ക് 'സന്ദേഹിയുടെ സംവാദം' വായിക്കാന്‍ തന്നിരുന്നു... എന്റെ വായനയ്ക്ക് ശേഷം ഞാനത് മറ്റൊരു സുഹൃത്തിന് വായിക്കാനായി കൊടുത്തു... ആ കശ്മലന്‍ അതെവിടേയോ കളഞ്ഞു... തെറി കേക്കാന്‍ ഞാനും)
ഈ പറയുന്ന എഴുത്തുകാരിൽ ആരെയാണു് കൂടുതൽ ഇഷ്ടം: മാധവികുട്ടി, എം. മുകുന്ദൻ, സാറ ജോസഫ്, സക്കറിയ, ബഷീർ, ആനന്ദ്, വി.കെ.എൻ, തകഴി, എം.ടി വാസുദേവൻ നായർ, പെരുമ്പടവം.	ബഷീര്‍
കാട്ടിലാണോ ഉത്സവപറമ്പിലാണോ ആനകളെ കാണാൻ കൂടുതൽ ഭംഗി?	ആനകളെ കാടിന്റെ ഭാഗമായി കാണാന്‍ തന്നെയാണ് ഭംഗി എങ്കിലും നമുക്ക് അവറ്റകളെ മനസ്സമാധാനത്തോടെ കാണണെമെങ്കില്‍ ഉത്സവപ്പറമ്പ് തന്നെയായിരിക്കും നല്ലത്...
ആരുടേ ബ്ലോഗുകൾ വേണമെങ്കിലും താങ്കൾക്ക് ഡിലീറ്റ് ചെയ്യാം എന്നൊരു അവകാശം ലഭിച്ചാൽ ആദ്യം താങ്കൾ ഡിലീറ്റ് ചെയ്യുന്ന 5 ബ്ലോഗുകളുടെ പേരു പറയുക?	സോറി, സ്ഥിരമായിട്ടല്ലെങ്കിലും വല്ലപ്പോഴും കിട്ടുന്ന കമന്റുകള്‍ നഷ്ടപ്പെടുത്താന്‍ ഒട്ടും താല്‍പര്യമില്ല :)