9 - കൈപ്പള്ളി

എന്താണ്‌ സന്തോഷം? മനഃസമാധാനത്തോടെ മക്കളും ഭാര്യയും മാതാപിതാക്കളും സഹോദരിമാരുമായി ഭക്ഷണം കഴിക്കുന്നതു്. എന്താണ്‌ സൌന്ദര്യം? ആ ചോദ്യം ചോദിക്കുന്നവനും ഉത്തരം പറയുന്നവനും തമ്മിലുള്ള സൌന്ദര്യാസ്വാദന പൊരുത്തത്തിന്റെ ശിമകളിൽ എവിടെയോ ഒളിഞ്ഞു കിടക്കുന്ന വക്കുകൾക്ക് അതീതമായ ഒരു നിഗൂഢ സങ്കൽപ്പം, എന്നു വേണമെങ്കിൽ പറയാം. ചിരിക്കുന്ന കുഞ്ഞിന്റെ കണ്ണുകൾ എന്നും പറയാം. പൂവിതളിന്റെ ഒരറ്റത്തു ഒരുതുള്ളി മഴവെള്ളം എന്നും പറയാം. പിടക്കുന്ന മത്സ്യത്തെയും കൊണ്ടു പറന്നുയരുന്ന കഴുകൻ എന്നും പരയാം. സൂര്യന്റെ കിരണങ്ങൾ വിരലോടിച്ച സിന്ദൂര സന്ധ്യ എന്നും പറയാം. ഈ പ്രപഞ്ചം മുഴുവൻ സ്സൌന്ദര്യമല്ലെ കണ്ണുള്ളവനു കാഴ്ചയിലൂടേയും, കാതുള്ളവനു് അതു കേളവിയിലൂടെയും, അവനവന്റെ ശേഷിക്കൊത്തു് നിർവച്ചിച്ച് രസിക്കാനുള്ളതല്ലെ സൌന്ദര്യം. എന്താണ്‌ ദൈവം? മനുഷയ്നു് ഉത്തരം കിട്ടാത്ത എല്ല ചോദ്യങ്ങളും, പ്രത്യാഘാതങ്ങളും പ്രതിബദ്ധത്തകളും ബാദ്ധ്യകളൊന്നുമില്ലാത്ത മനഃസമാധാനത്തോടെ കുറ്റബോധങ്ങളില്ലാതെ ചുമത്താൻ പറ്റിയ ഏക ചുമടുതാങ്ങി. എല്ലാ പ്രപഞ്ച നിയമങ്ങൾക്കും അതീതനാണു് ദൈവം. നിയമങ്ങൾക്ക് അതീതനായ ഒരു ശക്തിക്ക് അതെ പ്രപഞ്ചത്തിന്റെ ഘടകം ആകാനാവില്ല.

ബ്ലോഗിൽ ഓർമ്മക്കുറിപ്പുകൾ എഴുതുന്നതിനെ കുറിച്ച് എന്താണു് അഭിപ്രായം നമ്മൾ വ്യാഖ്യാനിച്ച ഓർമ്മകളിൽ നമ്മൾ തന്നെ നായകനും കോമാളിയും അകുന്ന ഒരുതരം സ്വയംഭോഗം.

ഗായകന്‍, അദ്ധ്യാപകന്‍, കുശിനിക്കാരന്‍, ആശാരി, കോമാളി എന്നീ അഞ്ചു തൊഴിലുകളേ ലഭ്യമുള്ളു എന്നു വന്നാല്‍ താങ്കള്‍ ഏതു തിരഞ്ഞെടുക്കും? ഗായകനാകാൻ ശ്രമിച്ചിട്ടുണ്ടു്, ഒരു തരത്തിൽ തൊഴിലുകൊണ്ടു ആശാരിയാണു്, സുഹൃത്തുക്കളെ ചിരിപ്പിക്കാൻ കോമാളി വേഷവും കെട്ടാറുണ്ടു്. ഭക്ഷണ പ്രിയനാണു്. സ്വന്തമായി ഭക്ഷണം ഉണ്ടാക്കാനും ഇഷ്ടമാണു്. ജീവിക്കാൻ ഒരു മാർഗ്ഗവും ഇല്ലാ എന്നു വന്നാൽ തീർശ്ചയായും ആശാരി തന്നെയാകും. മലയാളം ബ്ലോഗിൽ ഇഷ്ടപ്പെട്ട കവി ആരാണു്. രാധേയൻ എഴുതിയ കവിത ഇഷ്ടമാണു്. അനിലൻ എഴുതുന്ന കവിതകളും ഇഷ്ടമാണു്. കൂഴൂർ എഴുതുന്ന കവിത അനിലൻ ആലാപിച്ചാൽ കേൾക്കാനും ഇഷ്ടമാണു്. കുയിലിനെയോ കൊറ്റിയേയോ കൂടുതലിഷ്ടം? കൊറ്റിയെ തന്നെ. ഒരുപാടു ഇഷ്ടമാണു്. കഷ്ടകാലം എന്നാലെന്താണ്‌? ഇപ്പോൾ അനുഭവിച്ചുകൊണ്ടിരിക്കുന്ന അഗോള സാമ്പത്തിക മാന്ദ്യം മിക്കവാറും ഉണ്ടായിട്ടുള്ള ഏറ്റവും വലിയ കഷടകാലമായിരിക്കാം. അനേകം സുഹൃത്തുക്കൾക്ക് ജോലി നഷ്ടമാകുമ്പോൾ ഒന്നും ചെയ്യാൻ കഴിയാതെ നോക്കി നില്കുക. കഷടകാലം തുടങ്ങുന്നതേയുള്ളു. പുരുഷന്മാര്‍ മാര്‍സില്‍ നിന്നും സ്ത്രീകള്‍ വീനസില്‍ നിന്നുമുള്ളവരാണെന്ന് വിശ്വസിക്കുന്നോ? 100% യോജിക്കുന്നു. ഏറ്റവും വലുതെന്താണ്‌? വിദ്ധ്യാഭ്യാസം. ഈ ലോകത്തിലെ എല്ലാ പ്രശ്നങ്ങൾക്കും ഉള്ള ഏക പരിഹാരം അറിവാണു്. അറിവു നേടാനുള്ള സഹായം ചെയ്യുന്നതാണു് ഏറ്റവും വലിയ സേവനം. അതു് ഇല്ലാത്തതിന്റെ ഭവിഷത്താണു് ഇന്നു നാം ചുറ്റും കാണുന്ന എല്ലാ സാമുഹിക പ്രശ്നങ്ങളും. അല്ലാ, പൂച്ച ഏതു നിറമായാലും എലിയെപ്പിടിച്ചാല്‍ പോരേ? പൂച്ചയുടേ നിറം നിർണ്ണയുക്കുന്നതു് അതു് ജീവിക്കുന്ന പരിസ്ഥിധിയാണു്. വെളുത്ത് നീണ്ട രോമമുള്ള പുച്ചക്ക് അധികം ദൂരം വേഗത്തി ഓടാൻ കഴിയില്ല. കൂടുതൽ രോമമ്മുള്ളതുകൊണ്ടു് ശരീരത്തിന്റെ താപനില ഉയരുന്നതനുസരിച്ച് ഹൃദയത്തിന്റെ സ്പന്ദനം വർദ്ധിക്കും. കറുത്ത രോമമുള്ള പുച്ചകളുടെ രോമം ചെറുതും മൃതുലവുമാണു്. മാത്രമല്ല പുച്ച ഇരുട്ടിൽ എലീ പിന്തുടരാനും അതു സഹായിക്കും. അപ്പോൾ എലിയെ പിടിക്കാൻ ഏറ്റവും നല്ല പുച്ച കറുത്ത പൂച്ച തന്നെയായിരിക്കും. മലയാളം പത്രത്തില്‍ റവന്യൂ സൂപ്രണ്ട്‌ എന്ന ഇംഗ്ലീഷ്‌ പദവിക്കു പകരം ജമാബന്ദിശിരസ്തദാര്‍ എന്നെഴുതേണ്ടതുണ്ടോ? എക്സൈസ്‌ എന്നെഴുതുന്നതോ പിറവക എന്നെഴുതുന്നതോ കൂടുതല്‍ അഭികാമ്യം? മലയാള ഭാഷ തന്നെ അനേകം ഭാഷകളിൽ നിന്നും പദങ്ങൾ കടമെടുത്തുണ്ടായതാണു്. അന്യ ഭാഷ പദങ്ങൾ ഉപയോഗിക്കുന്നതിൽ തെറ്റില്ല പക്ഷെ മലയാള ഭാഷയിൽ അനേകം നല്ല പദങ്ങൾ ഉണ്ടായിട്ടും അവ ഉപയോഗിക്കാതെ ആംഗലയ വാക്കുകൾ കുത്തിനിറക്കുന്നതും ശരിയല്ല. ഇതുപോലുള്ള ചോദ്യങ്ങൾ ഉണ്ടാകുന്നതിന്റെ കാരണം തന്നെ മലയാള ഭാഷ പഠിക്കുന്നതു് ഒരു കുറവായി കാണുന്നതു്കൊണ്ടാണു്. കുട്ടിയായിരുന്നപ്പോള്‍ ആയിത്തീരണമെന്ന് ആഗ്രഹിച്ചതിനുമപ്പുറത്ത്‌ താങ്കളുയര്‍ന്നോ? എങ്കില്‍ അതില്‍ സന്തോഷിക്കുന്നുണ്ടോ? കുട്ടിയായിരുന്നപ്പോൾ ബഹിരാകാശ സഞ്ചാരി ആകാനായിരുന്നു മോഹം. ഏയർ ഫോഴ്സിൽ ചേർന്നാൽ വളരെ പെട്ടന്നു് സെലെക്ഷൻ കിട്ടും എന്നു കരുതി അതിന്റെ പിന്നാലെ ആറു മാസം ചിലവാക്കി. ഉയരം കുറഞ്ഞതിനാൽ അതു സാധിച്ചില്ല. തുടങ്ങുതൊന്നും പൂർത്തിയാക്കാൻ കഴിഞ്ഞിട്ടില്ല. ജീവിതത്തിൽ ഉയർന്നു പക്ഷെ ഉയരേണ്ടിടത്ത് എത്തിയില്ല എന്നൊരു തോന്നൽ എപ്പോഴുമുണ്ടു്. ഒരു hotelൽ രണ്ടു blog meet നടക്കുന്നു. അതിൽ ഒരു barൽ ബ്ലോഗ് കവികളും വേറൊരു barൽ ബ്ലോഗ് ഓർമ്മക്കുറുപ്പ്istകളും ഉണ്ടു്. നിങ്ങൾ ഏതു barൽ കയറും. (എന്തുകൊണ്ടു? 200 വാക്കിൽ കുറയാതെ എഴുതുക) പാവി ചെല്ലുന്നിടം പാതാളം എന്നു പറയുന്നതുപോലെയാണു കാര്യങ്ങൾ. ഞാൻ ആ പരിസരത്തു ചെന്നാൽ പിന്നെ രണ്ടു ബാറും കാലിയാവും. നിങ്ങൾക്ക് 20 വർഷം പുറകോട്ടു് നീക്കാൻ അവസരം കിട്ടിയാൽ എന്തു ചെയ്യും. ബഹിരാകാശ യാത്രികനാകാൻ ഒന്നുകൂടി ശ്രമിക്കും. നിങ്ങൾ Dinnerനു് ഈ പട്ടികയിൽ കൊടുത്തിരിക്കുന്ന രണ്ടു പേരിൽ ആരെ ക്ഷനിക്കും? അവർക്ക് എന്തു ഭക്ഷണം കൊടുക്കും? അവരോടു എന്തെല്ലാം ചോദിക്കും? 1) ഗാന്ധി 2) Pierce Brosnan 3) Jack the Ripper 4) മമ്മൂട്ടി 5) Shakespeare 6) Pres. Barack Obama 7) Adoor Gopalaksrihsnan 8) Jimmy Wales 9) Paulo Coelho 10) Khalil Gibran 11) Salman Rushdie 12) കുറുമാൻ 13) സാമ്പശിവൻ (കാഥികൻ) 14) കൈപ്പള്ളി 15) Silk Smitha 16) കുമാരനാശാൻ 17) Vijayalakshmi Pandit 18) Charlie Chaplin 19) വിശാല മനസ്കൻ (സജീവ് ഇടത്താടൻ) 20) ഇഞ്ചിപ്പെണ്ണു് ഞാനും ഗാന്ധിയുമായി ചെരുമെന്നു തോന്നുന്നില്ല. ബറാൿ ഒബാമ വന്നാൽ പിന്നെ എന്റെ വീടു CIAയും അവരുടേ രഹസ്യ പോലീസും വന്നു ചവിട്ടി മെദിച്ചില്ലാതാക്കും. അടൂരാനേയും മമ്മൂട്ടിയേയും വിളിക്കണം എന്നുണ്ടു്. പക്ഷെ അവരുടെ ego എന്റെ വീട്ടു് വാതിലിൽ കൂടി കടക്കുമോ എന്നറിയില്ല. കുറുമാനും, വിശാലനേയും എപ്പോഴും കാണുന്നവരല്ലെ. സില്കിനെ വിളിച്ചാൽ വീട്ടുകാരി പിണങ്ങും. Jimmy walesനെ വിളിക്കാം പക്ഷെ പട്ടികയിൽ ചന്ദ്രശേഖരൻചേട്ടനില്ലല്ലോ. Shakespeareന്റെ കഥാപത്രങ്ങളെ വളരെ ഇഷടമാണു. എല്ലാം വിത്യസ്തരാണു്. സാമ്പശിവന്റെ കഥാപ്രസംഗങ്ങളും ഇഷ്ടമാണു്. സാമ്പൻ സാർ Othelloയും Romeo and Julietഉം അവതരിപ്പിച്ച കാര്യം Shakespearഉമായി പങ്കു വെക്കുന്നതു് കേൾക്കാൻ എന്തു രസമായിരിക്കും. അവർക്ക് ഞാൻ പെഒത്തിറച്ചിയും പത്തിരിയും കൊടുക്കും. ബ്ലോഗിൽ അവസാനമായ എഴുതിയ post എന്തിനെഴുതി? ഇനിയും എഴുതുമോ? കുറേ സുഹൃത്തുക്കൾ ഒത്തുചേർന്നു് സൌഹൃതം പങ്കുവെച്ചു്. അതിനെ കുറിച്ചെഴുതി. തീർശ്ചയായും ഇനിയും എഴുതും.