26 - യാരിദ്

ചോദ്യങ്ങൾ	ഉത്തരങ്ങൾ
എന്താണു ദൈവം	ഫിലോസഫിക്കലായുള്ള ഉത്തരമൊന്നും തരാനറിയില്ല, ദൈവം എന്നൊരു ശക്തി നിലവിലുണ്ട് എന്നു വിശ്വസിക്കുന്നു. ഇവിടെയൊക്കെ തന്നെയുണ്ട് ദൈവം.
കടമ, ദൈവം, മതം, കുടുംബം, സ്വത്ത്. നിങ്ങൾക്ക് തോന്നുന്ന പ്രാധാന്യമനുസരിച്ച് ക്രമത്തിൽ എഴുതുക.	ഇതിനു മറുപടിയൊന്നുല്ല. എന്തായാലും ദൈവവും മതവും എന്റെ ആദ്യത്തെ അഞ്ചെണ്ണത്തിലോ പത്തിലൊ വരുന്ന ഘടകങ്ങളല്ല. എന്നാലും പറയാം കടമ, കുടുംബം, സ്വത്ത് അങ്ങനെപോകും
ഗായകന്‍, അദ്ധ്യാപകന്‍, കുശിനിക്കാരന്‍, ആശാരി, കോമാളി എന്നീ അഞ്ചു തൊഴിലുകളേ ലഭ്യമുള്ളു എന്നു വന്നാല്‍ താങ്കള്‍ ഏതു തിരഞ്ഞെടുക്കും?	ഈ അഞ്ചു ജോലിയിലൊരെണ്ണമെ കിട്ടു എന്നുറപ്പാണെങ്കിൽ അദ്ധ്യാപകൻ.ഞാൻ വർക്ക് ചെയ്യുന്ന സ്ഥാപനവുമായി ബന്ധപ്പെട്ട് അത്യാവശ്യം ട്രയിനിംഗ് ഒക്കെ കൊടുക്കുന്നത് കൊണ്ട്. പക്ഷെ എന്തു ജോലി ചെയ്യുന്നതിലും മടിയൊന്നുമില്ല. ഏതു ജോലിയായാലും സന്തോഷത്തോടെ ചെയ്യും. ഒരു ജോലിയുമില്ലാതെ ആൾക്കാറ്റ് വട്ടം ചുറ്റുന്നതു കണ്ട് നിൽക്കുന്നതു കൊണ്ട് അതിന്റെ ബുദ്ധിമുട്ടുകൾ അറിയാം.
നിങ്ങൾക്ക് 20 വർഷം പുറകോട്ടു് നീക്കാൻ അവസരം കിട്ടിയാൽ എന്തു ചെയ്യും	20 വർഷം പുറകോട്ടു നീക്കിക്കിട്ടിയാൽ ചെയ്യാനായി ഒരു പാടു കാര്യങ്ങളുണ്ട്. അങ്ങനെയൊരു അവസരം കിട്ടിയാൽ അതൊക്കെ ആലോചിച്ചും കണ്ടും ചെയ്യേണ്ട കാര്യങ്ങളല്ലെ. അതോണ്ട് അവസരം കിട്ടട്ടെ, അപ്പ പാർക്കലാം..;)
കുട്ടിയായിരുന്നപ്പോള്‍ ആയിത്തീരണമെന്ന് ആഗ്രഹിച്ചതിനുമപ്പുറത്ത്‌ താങ്കളുയര്‍ന്നോ? എങ്കില്‍ അതില്‍ സന്തോഷിക്കുന്നുണ്ടോ?	ആയിത്തീർന്നില്ല, പക്ഷെ അതിലൊട്ടു സന്തോഷക്കുറവുല്ല.ആഗ്രഹിച്ചതെല്ലാം നടക്കണമെന്നില്ലല്ലൊ
നിങ്ങളുടെ തൊഴിൽ മേഖല ഏത് ഗണത്തിൽ പെടും. ഉല്പാതനം കച്ചവടം ജന സേവനം വിനിമയം വിദ്യാഭ്യാസം	സേവനമേഖല തന്നെയാണു. പക്ഷെ സേവനമാണൊ എന്നു ചോദിച്ചാൽ ഒരു പ്രത്യേകരീതിയിലുള്ള സേവനം
നിങ്ങളുടേ മുന്നിൽ മൂന്നു buttonകളു ഉണ്ട്. അമർത്തിയാൽ ഈ ലോകത്തിലുള്ള ഏകാധിപതികൾ എല്ലാം നിന്ന നിൽപ്പിൽ തന്നെ ചത്തു് വീഴും. അമർത്തിയാൽ മലയാള മനോരമ പത്രം ഒറ്റ് രാത്രികൊണ്ടു Unicodeലേക്ക് മാറും. അമർത്തിയാൽ (ഇടിവാളിന്റെ ആഗ്രം സഫലമാകും) ബ്ലോഗിൽ ഉള്ള ഓർമ്മ കുറിപ്പിസ്റ്റുകൾക്കെല്ലാം "Amoniasia" വന്നു് എല്ലാം മറന്നു പോകും. അതൽ ഒന്നുമാത്രമെ അമർത്താൻ കഴിയുകയുള്ളു. നിങ്ങൾ ഏതമർത്തും.? എന്തുകൊണ്ടു?"	ഒരുത്തൻ കാഞ്ഞു പോയാൽ അതിന്റെ സ്ഥാനത്തു മറ്റൊരുത്തൻ വരും. ഇപ്പൊ നിലവിലുള്ള ഏകാധിപതികൾ മുഴുവൻ കാഞ്ഞു പോയാലും കുറെ നാൾ കഴിയുമ്പോൾ അതിന്റെ സ്ഥാനത്തു മറ്റാരെങ്കിലും കയറിപ്പറ്റും. ഒരു പക്ഷെ ഇപ്പോഴുള്ള ഏകാധിപതികളേക്കാൾ ക്രൂരന്മാരായിരിക്കും അവർ. അതു കൊണ്ട് തന്നെ ഒന്നാമത്തെ ബട്ടൺ അമർതില്ല. മലയാള മനോരമ ഒരു ദിവസം കൊണ്ട് യുണിക്കോഡിലേക്കു മാറീയതു എനിക്കൊന്നും സംഭവിക്കാനില്ല. ഓൺലൈൻ പത്രം വായിക്കുന്നവരിൽ ഭൂരിപക്ഷവും മനോരമ വായിക്കുന്നവരാണെന്ന അഭിപ്രായവുമില്ല, മനോരമ അല്ലെങ്കിൽ മറ്റൊരു പത്രം. അത് കൊണ്ടുതനെൻ മനോരമ യുണിക്കോഡിലായാലെന്തു, അല്ലെങ്കിലെന്ത്. ഓർമ്മക്കുറിപ്പുകളൊക്കെ എഴുതുന്നതു കൊണ്ടാണു മലയാളം ബ്ലോഗോസ്ഫിയറൊക്കെ നില നിന്നു പോകുന്നത് എന്നൊരു അഭിപ്രായമുണ്ട്. അല്ലാതെ കടുത്ത രാഷ്ട്രീയ ചർച്ചകളും, മതപരമായ കാര്യങ്ങളും, സാങ്കേതികകാര്യങ്ങളും മാത്രമെ മലയാളം ബ്ലോഗോസ്ഫിയറിൽ നടക്കുന്നുള്ളു എങ്കിൽ എപ്പോഴെ ഇതു പൂട്ടിക്കെട്ടേണ്ടി വന്നേനെ. അതു കൊണ്ട് തന്നെ ഓർമ്മകുറിപ്പിസ്റ്റുകൾക്കു ഒരു കാലത്തും ഒന്നും സംഭവിക്കാതിരിക്കട്ടെ. ചെലപ്പോഴൊക്കെ ഭയങ്കര ബോറാണെങ്കിലും ഓർമ്മക്കുറിപ്പിസ്റ്റുകളൊകെ ഉണ്ടങ്കിലെ ഈ മലയാളം ബ്ലോഗെന്ന് പറയുന്നതു ഒരു രസമുള്ളു..;) അതോണ്ട് തന്നെ മൂന്നു ബട്ടണിൽ ഒന്നു പോലും അമർത്താൻ പറ്റില്ല. ഇനിയമർത്തിയെ കഴിയു എന്നുണ്ടെങ്കിൽ അതു ഒന്നാമത്തെ ബട്ടൺ അമർത്തും, കുറച്ച് ഭാരമെങ്കിലും ഈ ലോകത്തിന്നു ഒഴിയട്ടെ..!
ഇവരിൽ താങ്കൾക്ക് ആരെയാണു് കൂടുതൽ ബഹുമാനം: K. കരുണാകരൻ, EMS, AKG, സി.എച്ച്. മുഹമ്മദ്കോയ, മന്നത്ത് പത്മനാഭൻ, പാണക്കാട് സയ്യിദ് മുഹമ്മദലി ഷിഹാബ് തങ്ങൾ. Dr. പല്പ്പു.	എ കെ ജി
എന്താണു് സമൂഹിക പ്രതിബദ്ധത?	സമൂഹത്തിനോടൂ ഒരുവനുള്ള ബാദ്ധ്യതയുടെ ആകെത്തുക? കൻഫ്യൂസ്ഡ് ആക്കുന്നു ഈ ചോദ്യം ..
നിങ്ങൾ ഒരു ദിവസത്തേക്ക് പ്രധാന മന്ത്രിയാകുന്നു. എന്തു ചെയ്യും?	പ്രധാനമന്ത്രിയാകുന്നു എന്നുള്ളതല്ല എന്നെ സന്തോഷിപ്പിക്കുന്നതു. അതു കഴിഞ്ഞ് മുൻപ്രധാനമന്ത്രി എന്ന പരിഗണനയിൽ കാറ്റു പോകുന്നതു വരെ ജനത്തിന്റെ നികുതിപ്പണം ഉപയോഗിച്ചു എന്നെയും കുടുംബത്തിനേയും സർക്കാർ നോക്കിക്കോളും. പോരാത്തതിനു എൻ എസ് ജി കമാന്റോസിന്റെ അകമ്പടി, ഔദ്യോഗിക കാർ, വസതി, ഫ്രീ എയർ ടിക്കറ്റ്, റെയില് വേ ടിക്കറ്റ്, കാറ്റുപോയാൽ ഔദ്യോഗിക ദു:ഖാചരണം, ആകാശത്തോടു വെടി പുക, ഹോ എനിക്കു സങ്കൽ‌പ്പിക്കാനെ പറ്റുന്നില്ല..!
നിങ്ങൾക്ക് മൂന്നു വരം കിട്ടുന്നു എന്തെല്ലാം അവശ്യപ്പെടും?	ആദ്യത്തെ വരമുപയോഗിച്ചു ഒരഞ്ചാറു വരം കൂടി കിട്ടണമെന്നു ആവശ്യപ്പെടും, ബാക്കിയെല്ലാം പിന്നെ..
1 Billion US$ നിങ്ങൾക്ക് ലഭിക്കുന്നു എന്തു ചെയ്യും	അയ്യെ കേട്ടീട്ടു തന്നെ നാണാവുന്നു. എന്നോട് ചോദിച്ചതിരിക്കട്ടെ, ഇനി വേറാരോടും ചോദിക്കരുതു ഇമ്മാതിരി മണ്ടൻ ചോദ്യങ്ങൾ..! എന്താന്നു വെച്ചാ ഇതിച്ചിരെ കുറഞ്ഞു പോയി, കൂടുതൽ വേണായിരുന്നു. ഒരു ബില്യൺ ഡോളറ് കൊണ്ട് എന്താവാൻ. ഡയിലി ഹോട് മെയിൽ വഴി യാഹൂ ലോട്ടറി അടിക്കുന്നത് തന്നെ പത്തു നൂറൂ ബില്യൺ ഡോളറിനാണു. പിന്നെയാ ഈ വെറും ഒരു ബില്യൺ.
നിങ്ങൾ ഇപ്പോൾ ഇരിക്കുന്ന സ്ഥലത്തുള്ള ജനാലയിൽ നിന്നും പുറത്തേക്ക് നോക്കുക. അവിടെ കാണുന്ന ദൃശ്യം 100 വാക്കിൽ കുറയാതെ വിവരിക്കുക.	അപ്പുറത്തെ ചേച്ചി ചേട്ടനുമായിട്ട് സിറ്റൌട്ടിലിരിക്കുന്ന കാഴ്ച കാണാം, നൂറു വാക്കിൽ കുറയാതെ വിവരിക്കാൻ മാത്രം അവിടൊന്നുമില്ല. അവരിങ്ങനിരുന്നു സൊള്ളൂന്നതാണെന്നു മാത്രം മനസ്സിലായി. അല്ലെങ്കിൽ സാമ്പത്തികമാന്ദ്യത്തെക്കുറിച്ചുള്ള സീരിയസായ ഡിസ്കഷൻ വല്ലതും ആയിരിക്കും. പരൂക്ഷക്കു നൂറു വാക്കിൽ കുറയാതെ ഉപന്യസിക്കാൻ പറഞ്ഞിട്ടു ചെയ്തിട്ടില്ല. പിന്നാ ഇതു..;)
പ്രാവാസ ജീവിതത്തിൽ എന്തെങ്കിലും നഷടമായിട്ടുണ്ടോ?	പ്രവാസിയായാലല്ലെ എന്തെങ്കിലും നഷ്ടപെടാനുള്ള അവസരമെങ്കിലും ഉണ്ടാകു.
ബ്ലോഗിൽ അവസാനമായി വായിച്ച ലേഖനം ഏതാണു്?	വസ്തുതകളുമായി പൊരുത്തപെടാത്ത ഒരു ലേഖനത്തിന്റെ ബ്ലോഗ് വേർഷൻ
ബ്ലോഗിൽ അവസാനമായി വായിച്ച കവിത ഏതാണു്?	കവിത വായിക്കുന്നതിലും ഭേദം പരാമറെടുത്ത് കഴിക്കുന്നതോ അല്ലെങ്കിൽ ഏതെങ്കിലും കിണറ്റിലൊ കുളത്തിലൊ എടുത്തു ചാടി മരിക്കുന്നതൊ ആയിരിക്കും നല്ലതെന്നു വിചാരിക്കുന്നവനാണു ഞാൻ. അതോണ്ട് അതു വഴിയൊക്കെ വളറെ അപൂർവ്വമായെ പോകാറുള്ളു
നിങ്ങൾ കൈപ്പള്ളിയെ കണ്ടു മുട്ടുന്നു. ഒരു ചോദ്യം ചോദിക്കാൻ അവസരം തരുന്നു. എന്തു ചോദിക്കും?	എന്തു ചോദിക്കണമെന്ന് ഒരു പിടിത്തവുമില്ല. എന്നാലും ചുമ്മാ ചോദിക്കും, നിങ്ങൾക്കു വേറേ പണിയൊന്നൂല്ലെന്ന്.;)
ഒരു ദിവസം ശ്രീ പെരുമ്പടവം Dostoevsky കണ്ടുമുട്ടുന്നു്, എന്തു സംഭവിക്കും?	എന്തു സംഭവിക്കുന്നു ചോദിച്ചാൽ എനിക്കൊരു തിട്ടവുമില്ലാത്ത സംഗതി. അതോണ്ട് ഒന്നും പറയാൻ പറ്റുന്നില്ല
ഈ പറയുന്ന എഴുത്തുകാരിൽ ആരെയാണു് കൂടുതൽ ഇഷ്ടം: മാധവികുട്ടി, എം. മുകുന്ദൻ, സാറ ജോസഫ്, സക്കറിയ, ഓ.വി. വിജയൻ, ബഷീർ, ആനന്ദ്, വി.കെ.എൻ, തകഴി, എം.ടി വാസുദേവൻ നായർ, പെരുമ്പടവം.	ഒരു സംശയവുമില്ലാതെ കണ്ണും പൂട്ടി ബഷീർ എന്നു തന്നെ ഉറപ്പിച്ചു പറയും
നിങ്ങൾ Dinnerനു് ഈ പട്ടികയിൽ കൊടുത്തിരിക്കുന്ന രണ്ടു പേരിൽ ആരെ ക്ഷനിക്കും? അവർക്ക് എന്തു ഭക്ഷണം കൊടുക്കും? അവരോടു എന്തെല്ലാം ചോദിക്കും? Amithabh Bachan Pierce Brosnan Che Guevara മമ്മൂട്ടി Gabriel Garcia Marquez Pres. Barack Obama Adoor Gopalaksrihsnan Jackie chan Nelson Mandela Khalil Gibran Desmond Tutu സലീം കുമാർ സാമ്പശിവൻ(കാഥികൻ) K.J. Yesudas Shakeela കുമാരനാശാൻ Robert Mugabe K. Karunakaran വിശാല മനസ്കൻ(സജീവ് ഇടത്താടൻ) ഇഞ്ചിപ്പെണ്ണു്	പണ്ടു ദൂരദർശനിൽ അമിതാഭിന്റെ പടം ബ്ലാക്ക് & വൈറ്റ് ടി വിയിൽ കണ്ടു അന്തം വിട്ട് നിന്നിട്ടുണ്ട് . ഇപ്പൊ ഇംഗ്ലിഷ് സിനിമ കണ്ടു കണ്ട് അത്രക്കു വലിയ പിടിത്തം പോര ബോളിവുഡ് ടീമിനെ. അതോണ്ട് അമിതാബിനെ വിട്ടു. ബ്രോസ്നാ‍നെ വേണമെങ്കിൽ ക്ഷണിക്കാം. പക്ഷെ അവിടെ വന്ന് പവനായിടേ പെട്ടിയൊന്നും കാണിച്ചു പ്യാടിപ്പിച്ചാലൊ. അതൊണ്ട് ബ്രോസ്നാനെ വിട്ടു മമ്മൂട്ടീം വേണ്ട. ജാഡപ്പയലുകളെ ഏഴയലത്തു ഞാൻ അടുപ്പിക്കൂല..;) മാർക്കേസിന്റെ ഏതാണ്ടൊരു പുസ്തകം വീട്ടിലിരിപ്പുണ്ട്. മലയാളം തർജമയാണു. ഇതു വരെ അതു തുറന്നു നോക്കീട്ടില്ല, ഏകാന്തതയുടെ നൂറു വർഷങ്ങൾ. കക്ഷി വലിയ പുള്ളിയാണെന്നൊക്കെ അറിയാം. എന്നാലും പൌലോ കൊയ്ലോയുടെ പുസ്തകം വായിക്കുന്ന ഒരിഫക്റ്റ് ഉണ്ടാകാൻ വഴിയില്ല, അതുകൊണ്ട് മർക്വേസിനെ ക്ഷണിക്കുന്ന കാര്യം സംശയം തന്നെ. ബറാക്ക് ഒബാമയെന്നൊക്കെ കേട്ടു തുടങ്ങീട്ട് തന്നെ വളരെ കാലമൊന്നും ആയിട്ടില്ല.അങ്ങേരിപ്പൊ പ്രസിഡന്റായതു കൊണ്ട് ഒടുക്കത്തെ സെക്യൂരിറ്റി ചെക്കിംഗൊക്കെയായിരിക്കും. ചുറ്റും കമാന്റോസ് ഒക്കെ വളഞ്ഞു നിന്നു ഡിന്നർ കഴിക്കുന്ന കാര്യമൊക്കെ ആലോചിക്കുമ്പോഴെ ബോറായി തോന്നുന്നു. സോ ഒബാമ എന്റെ ലിസ്റ്റിലില്ല. അടൂരാനെ ഒരു കാരണവശാലും ക്ഷണിക്കില്ല. നല്ലൊരു ഡിന്നർ അങ്ങേർടെ സിനിമ പോലെ കൊളമാക്കാൻ എനിക്കുദ്ദേശമില്ല. ജാക്കി ചാൻ. നുമ്മട കക്ഷിയാ. അതോണ്ട് ജാക്കിയണ്ണനെ ഡിന്നറിനു വിളിക്കും.ജാക്കിചാനാവുമ്പോ വല്ല പാറ്റയൊ പഴുതാരയൊ ഉപ്പിടാതെ പുഴുങ്ങികൊടുത്താലും തിന്നും. മാർഷൽ ആർട്സിനെക്കുറിച്ചൊക്കെ ചുമ്മ കുറെ ചോദ്യങ്ങളൊക്കെ ചോദിചോണ്ടിരിക്കാം. അത്ര തന്നെ പിന്നെ യേശുദാസ് , വേണ്ട, അങ്ങേർക്കീയിടെയായിട്ടു വല്യ തലക്കനം. ഖലീൽ ജിബ്രാൻ.. എന്തിനു വെറുതെ ദഹിക്കാത്ത ഐറ്റംസിനെ കൂടെയിരുത്തണം. പോരാത്തതിനു എനിക്കങ്ങേരാരാണെന്നു പോലും നേരെ ചൊവ്വെ അറീയില്ല, ഏതാണു വല്യ പുലിയാണെന്നൊക്കെ എവിടെയൊക്കെ വായിച്ചിട്ടുണ്ട് അത്രന്നെ. സാമ്പശിവൻ, കഥാ പ്രസംഗം പണ്ടുമിഷ്ടമില്ല ഇപ്പൊഴുമിഷ്ടമില്ല. അതോണ്ടു അയാളും വേണ്ട. “ചെ” ആണെങ്കിൽ പഴയ വിപ്ലവകഥകളൊക്കെ കേട്ട് ഓസിനു ചുരുട്ടും വലിച്ച് ഡിന്നറും കഴിച്ചിരിക്കാമായിരുന്നു. ചെയുടെ കൂടെ തന്നെയാകട്ടെ ഡിന്നർ . ഇനി ഷക്കീല, കുറച്ചു നാളു മുന്നെ ബെർളി എഴുതിയ മാതിരി ഒരു രൂപായുടെ പ്ലാസ്റ്റിക് കവറിൽ 15 കിലോ കാളയീറച്ചി വാരിയിട്ട മാതിരിയുള്ള ഇമ്മാതിരി ഐറ്റംസിനെ എന്തെരിനണ്ണാ നിങ്ങളു ഈ ലിസ്റ്റിൽ പെടുത്തിയത്! വിശാലൻ..ഉം.. പരിഗണിക്കാവുന്നതാണു, എനിക്കൊട്ടൂം പരിചയമില്ലാത്ത ആളാ അദ്ദേഹം. പരിചയമൊക്കെ ഉണ്ടാക്കാവുന്നതേയുള്ളു, എന്നാലും തൽക്കാലം വേണ്ട പിന്നെയുള്ളതു ഇഞ്ചിയാണു.. ഇഞ്ചി ദഹനത്തിനു നല്ലതാണ്. ഡയിലി ഇഞ്ചിക്കറികഴിച്ചാൽ വയറിന്റെ അസുഖങ്ങളൊക്കെ കുറയും. ചുമ്മാ പറയുന്നതാ ഇതൊക്കെ. എന്നാലും ഹരി പറഞ്ഞ പോലെ എന്നെങ്കിലും ഒരു ഡിന്നർ കൊടുക്കേണ്ടി വരുവാണെങ്കിൽ എ എസ് എൽ ചോദിക്കും, അതൊറപ്പല്ലെ. ഇതെന്താ, ഏതാ സംഗതിയെന്നൊക്കെ അറീയാല്ലൊ..;) ഇഞ്ചിക്കൊന്നും തോന്നണ്ട, സ്മൈലി നീട്ടീവലിച്ചിട്ടിട്ടുണ്ട്, :): ):) ഇനി ക്ഷണിക്കാൻ പറ്റിയ കക്ഷി കരുവാണു. ഒരു പാടു തമാശകേട്ട് ചിരിച്ച് ഞാനൊരു പരുവത്തിലാകും. എന്നാലും അതു വേണ്ട. സലിംകുമാറിനോടു എന്തു ചോദിക്കാനാ. നമ്മുടെ അടുത്തൊക്കെയുള്ള ഒരു കക്ഷി, എപ്പൊ വേണമെങ്കിലും ഡിന്നർ കൊടുക്കാല്ലൊ. അതൊണ്ട് തൽക്കാലം ഒഴിവാക്കുന്നു.