മത്സരം 9 - മേജര്‍ സന്ദീപ് ഉണ്ണികൃഷ്ണന്‍

ശരിയായ ഉത്തരം : മേജര്‍ സന്ദീപ് ഉണ്ണികൃഷ്ണന്‍ 2008 നവംബറില്‍ ബോംബെയിലുണ്ടായ ഭീകരാക്രമണത്തെ ചെറുക്കാനുള്ള ഓപ്പറേഷനില്‍ സജീവമായി പങ്കെടുക്കുകയും, ആ ഓപ്പറേഷനിടയില്‍ വീരമൃത്യുവരിക്കുകയും ചെയ്ത എന്‍.എസ്.ജി കമന്റോ. 1977 മാര്‍ച്ച് 15 നാണ് അദ്ദേഹം ജനിച്ചത്. കരസേനയുടെ നാഷനല്‍ സെക്യൂരിറ്റി ഗാര്‍ഡ് വിഭാഗത്തില്‍ മേജര്‍ ആയിരുന്നു അദ്ദേഹം. മുബൈ ഭീകരാക്രമണത്തില്‍ പെട്ടുപോയ ടാജ് മഹല്‍ പാലസ് ഹോട്ടലിലെ കമാന്റോ ആക്രമണത്തിന് നേതൃത്വം കൊടുക്കുവേയാണ് ഭീകരരുടെ വെടിയേറ്റ് സന്ദീപ് കൊല്ലപ്പെട്ടത്. ഓപ്പറേഷന്‍ ബ്ലാക് ടൊര്‍ണേഡോ എന്നായിരുന്നു ഈ ഓപ്പറേഷന്റെ പേര്. കമാന്റോ നടപടിക്കിടെ പരിക്കേറ്റ മറ്റൊരു കമാന്റോയെ സുരക്ഷിത സ്ഥാനത്തെക്ക് മാറ്റിയതിനുശേഷം ഭീകരരെ നേരിടാന്‍ ശ്രമികവേയാണ് അദ്ദേഹത്തിന് വെടിയേറ്റത്. കോഴിക്കോട് ജില്ലയിലെ ചെറുവണ്ണൂര്‍ സ്വദേശിയാണ് അദ്ദേഹത്തിന്റെ പിതാവ് ശ്രീ ഉണ്ണികൃഷ്ണന്‍. 2009 ജനുവരി 26 ന്, മരണാനന്തര ബഹുമതിയായി മേജര്‍ സന്ദീപിന് അശോകചക്രം സമ്മാനിച്ച് രാഷ്ട്രം അദ്ദേഹത്തെ ആദരിച്ചു.