57 - Sherlock

ചോദ്യങ്ങൾ	ഉത്തരങ്ങൾ
എന്താണു ദൈവം	ഇതുവരെയും ഉത്തരം കിട്ടാത്ത ഒരു പ്രഹേളിക.
എന്താണു് വിലമതിക്കാനാവത്തതു്?	സ്നേഹം
കടമ, ദൈവം, മതം, കുടുംബം, സ്വത്ത്. നിങ്ങൾക്ക് തോന്നുന്ന പ്രാധാന്യമനുസരിച്ച് ക്രമത്തിൽ എഴുതുക.	കുടുംബം,കടമ,സ്വത്ത്,ദൈവം,മതം
വംശനാശ ഭീഷണി നേരിടുന്ന ഒരു മൃഗത്തെ സംരക്ഷിക്കുന്നതിനായി രണ്ടിടങ്ങളിൽ ഒന്നു തിരഞ്ഞെടുക്കാൻ നിങ്ങളെ ചുമതലപ്പെടുത്തുന്നു. തിരഞ്ഞെടുക്കുന്ന സ്ഥലം പൂർണ്ണമായും ഇടിച്ചു നിരത്തുകയും ചെയ്യും. 1) ഒരു മത വിഭാഗത്തിന്റെ ആരാധനാലയം 2) 10,000 തൊഴിലാളികൾ ജോലി ചെയ്യുന്ന ഒരു വ്യവസായ സ്ഥാപനം.. ഇതിൽ ഏതു തിരഞ്ഞെടുക്കു? എന്തുകൊണ്ടു്?	10,000 തോഴിലാളികളുടെ പണിയില്ലാതാക്കുന്നതിലും നല്ലത് ആരാധനാലയം പൊളിക്കുന്നതല്ലേ. അതാകുമ്പോള്‍ വെറും ഒന്നോ രണ്ടോ ആളുകളുടെ പണിയേ പോകൂ.
ഗായകന്‍, അദ്ധ്യാപകന്‍, കുശിനിക്കാരന്‍, ആശാരി, കോമാളി എന്നീ അഞ്ചു തൊഴിലുകളേ ലഭ്യമുള്ളു എന്നു വന്നാല്‍ താങ്കള്‍ ഏതു തിരഞ്ഞെടുക്കും?	ഒരിക്കല്‍ ഗായകനാകാന്‍ ശ്രമിച്ചതിനുശേഷം ചെരിപ്പുകട തുടങ്ങേണ്ടി വന്നതിനാല്‍ അതിനെക്കുറിച്ച് ആലോചിക്കാന്‍ കൂടി താല്പര്യപ്പെടുന്നില്ല :) കുക്കിങ്ങ് എന്നുവച്ചാല്‍ അതു പെണ്‍‌വര്‍ഗ്ഗത്തിനു മാത്രം അവകാശപ്പെട്ടതാണെന്നും അതില്‍ കൈകടത്തുന്നത് ശരിയല്ല എന്നുമുള്ള ചില പ്രബുദ്ധ ചിന്തകള്‍ ഉള്ളതിനാല്‍ കുശിനിക്കാരനും ഒഴിവ് ഒരു തൊഴിലെന്ന നിലയില്‍ ആശാരിപ്പണി എടുക്കാനുള്ള കോണ്‍ഫിഡന്‍സ് ഇല്ല, ഫര്‍ണീച്ചര്‍ ഡിസൈനിങ്ങ് പണ്ടൊരിക്കല്‍ ചെയ്തിട്ടുണ്ടെങ്കില്‍ പോലും. ഒരു തരത്തില്‍ അല്ലെങ്കില്‍‍ മറ്റൊരു തരത്തില്‍ എല്ലാവരും കോമാളികള്‍ അല്ലേ? നാം ഒരാളെ എങ്ങനെ വീക്ഷിക്കുന്നു എന്നതിനെ ആശ്രയിച്ചിരിക്കും അത്. പ്രത്യേകമായി ഇനി ആകേണ്ടതുണ്ടോ? [ചിലരുടെ പ്രൊഫൈല്‍ ഫോട്ടോ കാണുമ്പോള്‍ തന്നെ എനിക്കങ്ങനെ തോന്നാറുണ്ട് :) -സ്മൈലി കണ്ടല്ലോ അല്ലേ? ] പിന്നെ ആകെപ്പാടെ ബാക്കിയുള്ളത് അദ്ധ്യാപനം. അതുതന്നെ തിരഞ്ഞെടുക്കും. അതാകുമ്പോല്‍ പിള്ളേര്‍ക്ക് അസൈന്മെന്റും സെമിനാറും ഒക്കെ കൊടുത്ത് ചോദ്യം ചോദിക്കുന്നവനെ വിഡ്ഡി കുഷ്മാണ്ഡമാക്കി സുഖമായി ജിവിച്ചു പോകാം.
ഈയിടെയായി ഒറ്റയ്ക്കിരിക്കുമ്പോള്‍ ഒരു ഏകാന്തത അനുഭവപ്പെടാറുണ്ടെന്ന് തോന്നുന്നു?	ഒറ്റക്കിരിക്കുമ്പോഴല്ല...ചുറ്റിലും ആരും ഇല്ലാതിരിക്കുമ്പോഴാണു ഏകാന്തത ‍അനുഭവപ്പെടാറ്.
താങ്കളെ വീണ്ടും അഞ്ചുവര്‍ഷത്തേക്ക് കോളേജ് ജീവിതത്തിലേക്ക് തിരികെ വിടുന്നു എന്നു സങ്കല്‍പ്പിക്കുക. ഏതുവിഷയം തെരഞ്ഞെടുക്കും? എന്തുകൊണ്ട്?	ഇംഗ്ലീഷ്....സായിപ്പിന്‍െ മുന്നില്‍ ബ്ബ ബ്ബ ബ്ബ അടിച്ചു മടുത്തൂ‍..
എന്താണു് മലയാളിയുടെ അശ്ലീലത്തിന്റെ വ്യാഖ്യാനം?
കുട്ടിയായിരുന്നപ്പോള്‍ ആയിത്തീരണമെന്ന് ആഗ്രഹിച്ചതിനുമപ്പുറത്ത്‌ താങ്കളുയര്‍ന്നോ? എങ്കില്‍ അതില്‍ സന്തോഷിക്കുന്നുണ്ടോ?	തിര്‍ച്ചയായും...ക്രോസ്ഡ് 170 സി.എം.
ഇഷ്ടപ്പെട്ട ഭക്ഷണം ഏതാണു്? എന്തുകൊണ്ടു്? സ്വന്തമായി പാകം ചെയ്യാൻ അറിയാമോ?	നല്ല നാടന്‍ സദ്യ വളരെ ഇഷ്ടമാണ്. പിന്നെ കുത്തരിച്ചോറും ഞണ്ടു കറീം. ഇതൊന്നും കിട്ടാത്ത അവസരത്തില്‍ ഫ്രൈഡ് റൈസ് കൊണ്ട് അഡ്ജസ്റ്റ് ചെയ്യും. വേറെ ഒരു വഴിയും ഇല്ലെന്നു വന്നാല്‍ മാത്രം സ്വയം പാചകം.
ഇഷ്ടപ്പെട്ട വാഹനം ഏതാണു് ? (philosophy പറഞ്ഞു ഓവറാക്കണ്ട)	റാലി സൈക്കിള്‍... സ്കൂളിലും കോളേജിലും എന്റെ സന്തത സഹചാരിയായിരുന്ന റാലി സൈക്കിള്‍.
കൂട്ടിൽ ചാടിയ മൂങ്ങക്ക് ചിന്താഭാരം ഉണ്ടാകാനുള്ള കാരണങ്ങൾ എന്തായിരുന്നു? അപ്പോൾ മാവോയിസം വീട്ടിൽ ആരെല്ലാം ഉണ്ടായിരുന്നു.	താന്‍ അബദ്ധത്തില്‍ ഈ കൂട്ടില്‍ ചാടിയല്ലോ എന്നാലോചിച്ച് തലപുണ്ണായതിനാലാണ് മൂങ്ങക്ക് ചിന്താഭാരം ഉണ്ടായത്. മാവോയിസം വീട്ടില്‍ അപ്പോള്‍ പാപ്പിയമ്മാവനും ചാക്കോച്ചനും കൂടെ ബാലേട്ടനും ഉണ്ടായിരുന്നു.
പരസ്യങ്ങള്‍ താങ്കളെ സ്വാധീനിക്കാറുണ്ടോ? ഉണ്ടേങ്കില്‍ ഏതുവിധത്തില്‍?	പരസ്യങ്ങള്‍ കാണാറുണെങ്കിലും ഒരിക്കലും അവ സ്വാധീനിച്ചിട്ടില്ല. എങ്കിലും ചില പരസ്യങ്ങള്‍ ഇപ്പോഴും മനസില്‍ തങ്ങി നില്‍ക്കുന്നു... ഹമാരാ ബജാജ്, അമുല്‍, നിര്‍മ്മ എന്നിവ അവയില്‍ ചിലതുമാത്രം.
പുതിയ blog എഴുത്തുകാർ മലയാളം ബ്ലോഗിലേക്ക് വരുമ്പോൾ എന്തെല്ലാം ചിട്ടകളാണു് സ്വീകരിക്കേണ്ടതു്. അങ്ങനെ ചിട്ടകൾ പാലിക്കേണ്ടതായിട്ടുണ്ടോ?	അങ്ങനെ പ്രത്യേകമാ‍യ എന്തെങ്കിലും ചിട്ടകള്‍ പാലിക്കേണ്ടതുണ്ടെന്നു തോന്നുന്നില്ല. പിന്നെ എല്ലാ സഹായത്തിനും ബ്ലോഗ് ഹെല്‍പ്പ് ലൈന്‍ ഉണ്ടല്ലോ. ( വാര്ത്തകളും ഈമെയില്‍ ഫോര്‍വേഡുകളും പോസ്റ്റാതിരുന്നാല്‍ നന്നായിരുന്നു. )
ഒരു ഗ്രാമത്തിൽ ഒരു വിഗ്രഹം കണ്ടെടുത്തു. രണ്ടാം നാൾ ആ വിഗ്രഹത്തിന്റെ വായിൽ (അടുത്തുള്ള ഒരു വിട്ടിൽ വാറ്റിയ) പട്ടചാരായം വെച്ചു കൊടുത്താൽ, ആ വിഗ്രഹം കുടിക്കുന്നതായ മഹ അത്ഭുതം നിങ്ങൾ അറിയുന്നു. പത്രങ്ങൾ ആ വാർത്ത front page ആക്കുന്നു. ജനങ്ങൾ ആ വീട്ടിലേക്ക് തടിച്ചു കൂടുന്നു. നിങ്ങൾ എന്തു ചെയ്യും. 1) ഉടൻ ആ വിട്ടിൽ പോയി നാലു കുപ്പി വിശുദ്ധ പട്ടചാരായം വാങ്ങി വിഗ്രഹത്തിനു് കൊടുക്കാനായി queue നിൽക്കുന്നു. 2) ഇന്ത്യൻ constitution അനുസരിച്ചുള്ള secularism ഉയർത്തിപ്പിടിക്കാനും, വിശ്വാസികളുടെ സ്വാതന്ത്ര്യം അനുവതിച്ചുകൊടുക്കാനുമായി ആ വിട്ടിൽ വിശുദ്ധ പട്ടചാരായം വാറ്റാനുള്ള അവകാശത്തിനു വേണ്ടി, ഇന്ത്യൻ constitution ബഹുമാനിക്കുന്ന ഒരു ഭാരതീയൻ എന്ന നിലയിൽ നിങ്ങൾ പ്രവർത്തിക്കുന്നു. 3) നാലു കന്നാസ് വിശുദ്ധ പട്ടചാരായം വാങ്ങി ഒരു 100ml വിഗ്രഹത്തിനു കൊടുക്കും. ഒരു കന്നാസ് സ്വന്തം വിട്ടിൽ കൊണ്ടു പോകും, ബാക്കി blackൽ വില്കും. 4) ആ വീട്ടിലേക്ക് വിശുദ്ധ പട്ടചാരായം supply ചെയ്യാനായി തൊട്ടടുത്ത് ഒരു distillery തുടങ്ങും. 5) ഇതൊരു തട്ടിപ്പാണെന്നു നിങ്ങൾ വിശ്വസിക്കുന്നു. വിശ്വാസികളായ നാട്ടുകാരുടേ അടി പേടിച്ച്, ഒന്നും ചെയ്യില്ല 6) ഇതൊരു തട്ടിപ്പാണെന്നു നിങ്ങൾ വിശ്വസിക്കുന്നു. പത്രത്തിൽ ഇതേകുറിച്ച് എഴുതും.	ഇതൊന്നുമല്ല. നേരെ ഇടമറുകിനെയും വിളിച്ച് അങ്ങോട്ടു പോകും . അങ്ങേര്‍ക്കു മാത്രമേ എന്തെങ്കിലും ചെയ്യാന്‍ കഴിയും.
ബ്ലോഗിൽ കാണുന്ന പാചക കുറിപ്പുകൾ പരീക്ഷിച്ച് നോക്കിയിട്ടുണ്ടോ? അതിനു് ഇരയാവരുടേ അഭിപ്രായം എന്തായിരുന്നു.	ടൈം കിട്ടുകാണേല്‍ നമുക്കൊന്നു കൂടാം.. പാചകം എന്റെ വക...അഭിപ്രായം പിന്നെ പോസ്റ്റ് ചെയ്താല്‍ മതി..
ആകെ മൊത്തം 35 million മലയാളികളിൽ മാത്രമാണു് ലോകത്ത് ഉള്ളതു്. ഭൂമിയിൽ എല്ലാ കോണിലും ഉണ്ടെന്നുള്ള സ്ഥിരം കേൾക്കാറുള്ള Mythൽ വിശ്വസിക്കുന്നുണ്ടോ? മറ്റു പ്രവാസ സമൂഹങ്ങളെ കാൾ വിത്യസ്തമായി മലയാളിക്ക് എന്താണുള്ളതു്?	വിശ്വസിക്കുന്നു..കാരണം മലയാളികള്‍ വെറും..വെറും ഒരു പ്രസ്ഥാനമല്ല ഹേ. തലക്കനം, പാരവെപ്പ് ആന്‍ഡ് പരദൂഷണം
കെ. എസ്. കോപാലകൃഷ്ണൻ എന്തുകൊണ്ടു്, അടൂർ ഗോപാലകൃഷ്ണനെ പോലെയും, പദ്മരാജന പോലെയും സിനിമ എറ്റുക്കുന്നില്ല?	യുവജനങ്ങളെ പേടിച്ച്
മലയാള സിനിമയിൽ നിങ്ങളുടെ സ്വഭാവവുമായി സാമ്യമുള്ള കഥാപാത്രം ഏതാണു്	ഇനിയും വരേണ്ടിയിരിക്കുന്നു..എങ്കിലും ഇന്‍ ഹരിഹര്‍ നഗറിലെ അപ്പുക്കുട്ടന്‍ ...
ജിവിതം മൊത്തം കേരളത്തിൽ ജിവിച്ചിട്ട് രണ്ടു മാസം അമേരിക്കയിൽ ചുറ്റിതിരിഞ്ഞിട്ടു് തിരികെ നാട്ടിൽ വന്ന ശേഷം "മലയാലം കൊരച് കൊരച് പരയുന്ന"വരെ കണ്ടാൽ എന്തു ചെയ്യും?	അവരുടെ സുന്ദര/വികൃത കപോലങ്ങളില്‍ എന്റെ കൈ രേഖകള്‍ പതിപ്പിക്കും. അപ്പോള്‍ കാണാം വായില്‍ വരുന്നത് മലയാളമാണോ അതോ മലയാലം ആണോ എന്ന്.
നിങ്ങളുടെ തൊഴിൽ മേഖല ഏത് ഗണത്തിൽ പെടും. ഉല്പാതനം കച്ചവടം ജന സേവനം വിനിമയം വിദ്യാഭ്യാസം	ഉല്പാദനം... [സത്യത്തില്‍ പെടുമോ?...ഏറ്റവും യോജിക്കുക ഇതു തന്നെ]
ഇന്നു നമ്മുടെ നഗരങ്ങളിൽ യുവാക്കൾ നേരിടുന്ന ഏറ്റവും വലിയ പ്രശ്നം എന്താണു്?	മുത്തലിക്കിനെ പോലുള്ളവരുടെ രംഗപ്രവേശം.
മലയാള ഭാഷ വളരുകയാണോ, രൂപാന്തരപ്പെടുകയാണോ, വഷളാവുകയാണോ?	മലയാള ഭാഷ മാത്രമല്ല എല്ലാ ഭാഷകളും വളര്‍ന്നു കൊണ്ടിരിക്കുന്നു. മാത്രമല്ല രൂപാന്തരവും സംഭവിച്ചുകൊണ്ടിരിക്കുന്നു... നൂറുകൊല്ലം മുമ്പ് ഉണ്ടായിരുന്ന രീതിയായിരിക്കില്ല ഇപ്പോഴുള്ളത്, വാമൊഴിയിലും വരമൊഴിയിലും. പിന്നെ വഷളാവുകയല്ല..വഷളാക്കികൊണ്ടിരിക്കുകയാണ് ചില നാടന്‍ സായിപ്പുമാര്‍. മലയാളം ആംഗലേയ ഉച്ചാ‍രണത്തില്‍ സംസാരിക്കുന്നതും, പുട്ടിനു തേങ്ങയിടുന്നതുപോലെ ആംഗലേയം തിരുകി കേറ്റുന്നതും സ്റ്റാറ്റ്സ് സിംബലായി കൊണ്ടു നടക്കുന്ന ചില നെറികെട്ടവര്‍.
മനുഷ്യവാസമില്ലാത്ത ഒരു ദ്വീപിലേക്ക് നിങ്ങളെ ജീവപര്യന്തം നാടുകടത്തപ്പെടാൻ പോവുകയാണെന്നു സങ്കല്പ്പിക്കുക. നിങ്ങൾക്ക് വായിക്കാൻ രണ്ടു പുസ്തകങ്ങൾ കൂടെ കൊണ്ടുപോകാൻ അനുവതിക്കുന്നു. ഏതു് പുസ്തകങ്ങൾ കൊണ്ടുപോകും?	ദസ്തയേവസ്കിയുടെ ചൂതാട്ടക്കാരന്‍. (വേടിച്ച് വച്ചിട്ട് കൊല്ലം മൂന്നായി. ഇതുവരെ ഒറ്റയിരിപ്പില്‍ പത്തു പേജില്‍ കുടുതല്‍ വായിക്കാന്‍ കഴിഞ്ഞിട്ടില്ല.). ഈ ഒരൊണ്ണം തന്നെ ധാരാളം
കേരളത്തിൽ ഇപ്പോൾ ടിവി. പ്രേക്ഷരുടെ ഹരമായ റിയാലിറ്റി ഷോ എന്നറിയപ്പെടുന്ന അനേകം മത്സര പരമ്പരകളുണ്ടു്. താങ്കൾക്ക് ഒരു സാമാന്യം ഭേതപ്പെട്ട ഗായിക/ഗായകൻ ആണെന്നു സങ്കൽപ്പിക്കുക. താങ്കൾ ഈ മത്സരങ്ങളിൽ പങ്കെടുക്കുമോ? എന്തുകൊണ്ടു?	സങ്കല്‍പ്പിച്ചു...[ആഹാ..എന്തൊരു നല്ല മനോഹരമായ നടക്കാത്ത സങ്കല്‍പ്പം]. തീര്‍ച്ചയായും പങ്കെടുക്കും. എങ്ങാനും പൊട്ടിത്തെറിച്ച് ഫ്ലാറ്റോ കാറോ കിട്ടിയാല്‍ പുളിക്യോ? (എല്ലാവരും എനിക്കുവേണ്ടി എസ്. എം. എസ് ചെയ്യുമല്ലോ)
നിങ്ങളുടേ മുന്നിൽ മൂന്നു buttonകളു ഉണ്ട്. അമർത്തിയാൽ ഈ ലോകത്തിലുള്ള ഏകാധിപതികൾ എല്ലാം നിന്ന നിൽപ്പിൽ തന്നെ ചത്തു് വീഴും. അമർത്തിയാൽ മലയാള മനോരമ പത്രം ഒറ്റ് രാത്രികൊണ്ടു Unicodeലേക്ക് മാറും. അമർത്തിയാൽ (ഇടിവാളിന്റെ ആഗ്രം സഫലമാകും) ബ്ലോഗിൽ ഉള്ള ഓർമ്മ കുറിപ്പിസ്റ്റുകൾക്കെല്ലാം "Amoniasia" വന്നു് എല്ലാം മറന്നു പോകും. ഇതിൽ ഒന്നുമാത്രമെ അമർത്താൻ കഴിയുകയുള്ളു. നിങ്ങൾ ഏതമർത്തും.? എന്തുകൊണ്ടു?"	പാവം ഏകാധിപതികള്‍ (ഈ വിഷമിക്കുന്ന കോടീശ്വരന്‍ എന്നൊക്കെ പറയില്ലേ..അതുപോലെ) ജീവിച്ചു പൊയ്ക്കോട്ടേ. ഏതോ ഓര്‍മ്മക്കുറിപ്പിസ്റ്റ് ഇടിവാളിനിട്ട് പണിഞ്ഞെന്നു തോന്നുന്നു. അതാണിങ്ങേര്‍ക്കീ പൂതി. അമ്മ്ലീഷ്യം ബാധിച്ചാല്‍ പിന്നെ ഞാനെങ്ങനെ പോസ്റ്റിടും?..എനിക്കുമില്ലേ പോസ്റ്റിടണമെന്നും അതില്‍ പത്തഞ്ഞൂറു കമന്റു വരണമെന്നും ആഗ്രഹം...ഒന്നുമില്ലെങ്കില്‍ നമ്മളെല്ലാം ഒരേ തോണിയിലെ(ബ്ലോഗര്‍.കോം) യാത്രികര്‍ അല്ലേ മിസ്റ്റര്‍ ഇടിവാള്‍. ഇതുവരേ ഓഫീസിലെ ലിനക്സ് മഷീനീല്‍ മനോരമേടെ ഫോണ്ട് ഇന്‍സ്റ്റാള്‍ ചെയ്യാന്‍ സാധിച്ചിട്ടില്ല. യൂണികോഡാണേല്‍ അവിടിരുന്നു വായിക്കാമല്ലോ...യേത്.. അതുകൊണ്ട് രണ്ട്.
ഏറ്റവും ഭാഗ്യവാനായ മനുഷ്യന്‍ ആരാണ്?	ആഗ്രഹിക്കുന്നതെല്ലാം ലഭിക്കുന്നവന്‍
നിങ്ങളെ അടുത്തറിഞ്ഞ സുഹൃത്തുക്കൾ എങ്ങനെ കരുതുന്നു. ഒരു പാവം കൊച്ചു ഗള്ളൻ പുലി പാമ്പ് തമാശക്കാാാാാാാരൻ തണ്ണിച്ചായൻ കുൾസ് പൊടിയൻ തടിയൻ ഇതിൽ പെടാത്ത ഏതെങ്കിലും പേരുണ്ടെങ്കിൽ അതും എഴുതാം.	ഇതിലും പെടില്ല...ഡിക്ഷണറിയിലും പെടില്ല..അതുകൊണ്ട് എഴുതുന്നില്ല!!!
ഇന്ത്യയുടേയും ചൈനയുടേയും സാമ്പത്തീക മുന്നേറ്റത്തിൽ ഇവിടങ്ങളിലെ ഉയർന്ന ജനസംഖ്യയും ഒരു ഘടകമാണെന്ന് താങ്കൾ വിശ്വസിക്കുന്നുവോ?
ബ്ലോഗിൽ പോട്ടങ്ങൾ പിടിക്കുന്ന ഏതെങ്കിലും അണ്ണന്റെ ഫോട്ടോ നിരൂപണങ്ങൾ കേട്ട ശേഷം അദ്ദേഹത്തിന്റെ തലയിൽ കാമറ തല്ലി പോട്ടിക്കാൻ തോന്നിയിട്ടുണ്ടോ? (തല്ലിപ്പോട്ടിക്കാൻ ഉദ്ദേശിച്ച camera, lense, എന്നീ വിവരങ്ങൾ കൂടി വിശതീകരിക്കുക)	സാബുപ്രയാറിന്റെ ഫോട്ടോ ബ്ലോഗ് മാത്രമേ ഞാന്‍ നോക്കാറുള്ളൂ. അവിടെ വന്ന് നിരുപിക്കാത്തിടത്തോളം കാലം ഈ ക്വസ്റ്റ്യന്‍ ഇന്‍‌വാലിഡ്.
നിങ്ങൾ പ്രധാന മന്ത്രിയാകുന്നു. എന്തു ചെയ്യും?	ഉടനെ ഫൈനാന്‍സ് മിനിസ്റ്റര്‍ക്ക് ഉത്തരവ്: ഇന്‍‌കം ടാക്സ് നിര്‍ത്തലാക്കുക കുറഞ്ഞ പക്ഷം ടാക്സ് ഡിഡക്റ്റഡ് അറ്റ് സോഴ്സ് എന്ന പരിപാടി നിര്‍ത്തലാക്കുക..[എന്തു ചെയ്യുമെന്നു പറ..കിട്ടുന്ന ശമ്പളം ടാക്സ് കിഴിച്ച്...അതുപയോഗിച്ച് എന്തെങ്കിലും വാങ്ങിയാല്‍ അതിനും ടാക്സ്....ടാക്സ് അടക്കാന്‍ മാത്രമായി ഈ ജിവിതം ഇനിയും ബാക്കി... ]
നിങ്ങൾക്ക് മൂന്നു വരം കിട്ടുന്നു എന്തെല്ലാം അവശ്യപ്പെടും? (കൂടുതൽ വരം കുട്ടാനുള്ള വരം ഇപ്പോൾ stockൽ ഇല്ല. അതു ചോദിച്ച് ചളമാക്കരുതു്)	1. ജാതി സ്പീഡില്‍ പറക്കാനുള്ള വരം...ദിവസോം നാട്ടില്‍പോയി വരാലോ 2. ചെയ്ത തെറ്റുകള്‍/അബദ്ധങ്ങള്‍ ഒക്കെ തിരുത്താനുള്ള വരം 3. എത്രയും വേഗം മോക്ഷം കിട്ടുന്നതിനുള്ള വരം
കേരളത്തിൽ beef നിരോധിച്ചാൽ നിങ്ങൾ എന്തു് ചെയ്യും?	ബന്ദ് നിരോധിച്ചപ്പോള്‍ ഹര്‍ത്താല്‍ എന്ന പേരില്‍ തുടര്‍ന്നില്ലേ. അതുപോലെ ബീഫ് എന്ന പേരു മാറ്റി വേറെ പേരില്‍ പുറത്തിറക്കും.
1 Billion US$ നിങ്ങൾക്ക് ലഭിക്കുന്നു എന്തു ചെയ്യും	കുറച്ചെടുത്ത് മോഹന്‍ലാലിന്റെ ഫുള്‍ ഡേറ്റ് ബ്ലോക്ക് ചെയ്യും..അങ്ങനെയെങ്കിലും മലയാള സിനിമാ പ്രേക്ഷകര്‍ രക്ഷപ്പെടട്ടേ. ഇനി ഏതെങ്കിലും കാരണത്താല് അങ്ങേരുടെ സിനിമ പുറത്തിറങ്ങിയാല്‍ ഫിലിം പെട്ടി ലേലം വിളിച്ചെടുത്ത് കത്തിക്കും. ബാക്കിയെടുത്ത് മറ്റേ ഗഡിക്കും കൊടുക്കും..[ഞാന്‍ ബ്ലാക്ക് ക്യാറ്റ് സെക്യൂരിറ്റി ആവശ്യപ്പെട്ടിട്ടുണ്ട്..വിന്‍സ് ഇന്ത്യയിലോട്ട് വരുന്നെന്നൊരു ന്യുസുണ്ട്. എനിക്കും ജീവനില്‍ കൊതിയില്ലേ]
പ്രാവാസ ജീവിതത്തിൽ എന്തെങ്കിലും നഷടമായിട്ടുണ്ടോ?	മാതാപിതാക്കളുടെയും സഹോദരങ്ങളുടെയും സാ‍മീപ്യം. പിന്നെ പലരും പറഞ്ഞപോലെ നഷ്ടങ്ങളേക്കാള്‍ ഏറെ ലാഭങ്ങളാണ്..
രാഷ്ട്രീയക്കാരെ ഇഷ്ടമാണൊ? ഈ ഇലക്ഷന്‍ കാലത്ത് താങ്കള്‍ നാട്ടിലുണ്ടെന്നും ഒരു സ്ഥാനാര്‍ത്ഥി വോട്ട് ചോദിച്ച് വീട്ടില്‍ വരുന്നുവെന്നും കരുതുക.എന്തു പറയും?	കണ്ണെടുത്താ‍ല്‍ കണ്ടൂടാ. ഇത്തവണ ചേട്ടന്/ചേച്ചിക്ക് തന്നെ കുത്തും എന്നു പറയും (വാഗ്ദാനങ്ങള്‍ മാറ്റുന്നതില്‍ എന്താണ് തെറ്റ്?...)
Mark Twain, R.K. Narayan, Basheer. ഇവർ മൂന്നുപേരും ഒരു restaurantൽ വെച്ചു കണ്ടു മുട്ടുന്നു. എന്തു സംഭവിക്കും?	എന്തു സംഭവിക്കാന്‍ കുറച്ചു നേരം കത്തിവച്ചിരുന്ന്..എന്തേലും വേടിച്ച് ഭക്ഷിച്ച് തിരിച്ചു പോം..
നിങ്ങൾ Dinnerനു് ഈ പട്ടികയിൽ കൊടുത്തിരിക്കുന്ന രണ്ടു പേരിൽ ആരെ ക്ഷനിക്കും? അവർക്ക് എന്തു ഭക്ഷണം കൊടുക്കും? അവരോടു എന്തെല്ലാം ചോദിക്കും? ഇന്ദിര ഗാന്ധി K.J. Yesudas കാട്ടുകള്ളൻ വീരപ്പൻ മാമുക്കോയ കൊച്ചുത്രേസ്യ അടൂർ ഭാസി Amjad Khan Jimmy Wales Mother Theresa Khalil Gibran Sister Alphonsa കുറുമാൻ കലാഭവൻ മണി സ്റ്റീവ് മൿ-കറി Charles Dickens Kuldip Nayar Arundhati Roy Charlie Chaplin R.K. Lakshman (cartoonist) ഇഞ്ചിപ്പെണ്ണു്	1. കലാഭവന്‍ മണി : നാട്ടുകാരെ മൈന്‍ഡ് ചെയ്തില്ലെന്നു പറയരുതല്ലോ. കാരൂര്‍ ഷാപ്പിലെ ഫുള്‍ മെനു അങ്ങേരുടെ മുമ്പില്‍ വയ്ക്കും എന്നിട്ട് സെലക്റ്റ് ചെയ്യാന്‍ പറയും. പത്തു രൂപ തന്നാല് 100 റുപ്പീ‍സിന്റെ അഭിനയം കാഴ്ച്ചവയ്ക്കുന്നതിന്റെ പുറകിലുള്ള ചേതോവികാരം ? 2. ഇഞ്ചിപ്പെണ്ണ് : ഇഷ്ട്ടപെട്ട ഭക്ഷണം കൊടുക്കുന്നതായിരിക്കും (അതിനാല്‍ വരാന്‍ മടിക്കരുത്) (അങ്ങനെയെങ്കിലും ഒന്നു അറിയാമല്ലോ ഇതാരാണെന്ന്) ഈ പേരു സ്വീകരിക്കാനുണ്ടായ സാഹചര്യം?..
Nostalgia-mania-dingolapi എന്ന അതിഭീകരവും ഭയാനകവുമായ രോഗം ബാദിച്ച മലയാളി ചേട്ടന്മാരെ എങ്ങനെ ചികിത്സിക്കും? ഇവരെ ബീമ പള്ളിയിൽ കൊണ്ടുപോയി ചങ്ങലക്കിടുന്നതിനെ കുറിച്ച് എന്താണു് അഭിപ്രായം.	അത് ഭീകരവും ഭയാനകവും പൈശാചികവും ആണെന്നു ആരാണു പറഞ്ഞത്? ആദ്യം അവരെ ചികിത്സിക്ക്. [പ്രിയപ്പെട്ട പുരുഷ ബ്ലോഗേര്‍സ്, “മലയാളി ചേട്ടന്മാര്‍“ എന്നു പറഞ്ഞ് നമ്മള്‍ എല്ലാവരേയും അധിക്ഷേപിച്ചിരിക്കുകയാണ്. “മലയാളി ചേച്ചിമാര്‍“ എന്നെന്തുകൊണ്ട് പറഞ്ഞില്ല?...നമുക്ക് ഇതിനെതിരെ പ്രതികരിക്കണ്ടേ.. പിന്നെ ഏതോ ബീമ എന്ന സ്ത്രീയെ ഇതിനായി നിയോഗിച്ചതിലും എന്തോ ദുരുദ്ദേശം ഫീല്‍ ചെയ്യുന്നു..]
നിങ്ങൾ ഇപ്പോൾ ഇരിക്കുന്ന സ്ഥലത്തുള്ള ജനാലയിൽ നിന്നും പുറത്തേക്ക് നോക്കുക. അവിടെ കാണുന്ന ദൃശ്യം 100 വാക്കിൽ കുറയാതെ വിവരിക്കുക.	ജനാല കര്‍ട്ടനുകളെ വകഞ്ഞുമാറ്റി ഞാന്‍ പുറത്തേക്കു നോക്കി. ... അതാ അപ്പുറത്തെ ഫ്ലാറ്റിന്റെ ബാല്‍ക്കണിയില്‍ രണ്ടു പേര്‍. അവര്‍ പരസ്പരം മുഖത്തോടു മുഖം നോക്കി....പിന്നെ ആലിംഗനബദ്ധരാ‍യി...എന്റെ ഹൃദയമിടിപ്പിന്റെ താളം കൂടി. അയാള്‍ അവളെ കൈകളില്‍ കോരിയെടുത്തു. പിന്നെ പതുക്കെ കവിളില്‍ ചുംബിച്ചു...അലോസരപ്പെടുത്തും വിധം മുഖത്തേക്ക് വീണുകിടന്ന അവളുടെ മുടി ഒരു വശത്തേക്ക് വകഞ്ഞുമാറ്റി..വീണ്ടും എന്തോ പറയുന്നു...ഞാന്‍ എന്റെ എല്ലാ മസിലുകളും ചെവിടില്‍ കേന്ദ്രീകരിച്ചു.. അയാള്‍: എന്റെ മോള്‍ക്ക് ഒറങ്ങണ്ടേ? അവള്‍ : വേണ്ട പപ്പാ.. എനിച്ച് ഇപ്പ ഒറങ്ങണ്ട.. കൊറെ കയിഞ്ഞിട്ടു മോള്‍ ഒറങ്ങാം.. :)
ബ്ലോഗിൽ അവസാനമായ എഴുതിയ post എന്തിനെഴുതി? ഇനിയും എഴുതുമോ?	അവസാനമായി എഴുതിയ ചവര്‍ ഓണവുമായി ബന്ധപ്പെട്ട ഒരു ഓര്‍മ്മകുറിപ്പാണ്...ആതമസംതൃപ്തിക്ക്....തീര്ച്ചയായും..
ബ്ലോഗിൽ അവസാനമായി വായിച്ച ലേഖനം ഏതാണു്?	കൃഷ്ണ തൃഷ്ണയുടെ “മാംഗല്യം താലിച്ചരടിലൂടെ“ എന്നെ ലേഖനം
ബ്ലോഗിൽ അവസാനമായി വായിച്ച അതുന്താധുനിക കവിത വായിച്ച ശേഷം നിങ്ങൾ എന്തു ചെയ്തു? കരഞ്ഞു. ചിരിച്ചോ. തലകറങ്ങി നിലത്തു വീണു്. എഴുതിയവനെ ഫോണിൽ വിളിച്ചു തെറി പറഞ്ഞു. മുകളിൽ പറഞ്ഞ എല്ലാം സംഭവിച്ചു് എന്നു് ഭ്രാന്താശുപത്രിയിൽ എത്തിയപ്പോൾ സുഹൃത്തുക്കൾ പറഞ്ഞു.	കവിത വായിക്കാറില്ല. ഗവിതയും
ഒരു hotelൽ രണ്ടു blog meet നടക്കുന്നു. അതിൽ ഒരു barൽ ബ്ലോഗ് കവികളും വേറൊരു barൽ ബ്ലോഗ് ഓർമ്മക്കുറുപ്പ്istകളും ഉണ്ടു്. നിങ്ങൾ ഏതു barൽ കയറും.	കവിതകള്‍ വായിച്ചാ‍ല്‍ മനസിലാകാത്തതിനാലും ബേസിക്കലി ഞാനുമൊരു ഓര്‍മ്മകുറീപ്പിസ്റ്റായതിനാലും രണ്ടാമത്തെ ബാറില്‍ കേറി ഒരു സ്പ്രൈറ്റ് വേടിച്ച് സിപ് സിപ് ആയി ഇരുന്നടിച്ച് അവരിലൊരാളാകും.
നിങ്ങൾ കൈപ്പള്ളിയെ കണ്ടു മുട്ടുന്നു. എന്തു ചോദിക്കും? (കാശു്, sandwich, വാച്ച്, മോതിരം, ഫോൺ, ചെരുപ്പ് മുതലായവ ചോദിക്കരുതു്)	എവിട്ന്നാ മാഷേ ഈ ഗോംബറ്റീഷനൊക്കെ നടത്താ‍ന്‍ സമയം?..അതും ഈ റിസെഷന്‍ ടൈമില്!! (ക്രെഡിറ്റ് കാര്‍ഡ് ഉണ്ടോ മാഷേ ഒന്നു സ്വൈപ്പ് ചെയ്യാന്‍?)
ഒരു International blog meet വിളിച്ചു കൂട്ടുന്നു. അതിനായി കാര്യപരിപാടികൾ അവതരിപ്പിക്കാൻ ആരെയെല്ലാം ഉൾപെടുത്തും? എന്തെല്ലാം പരിപാടികൾ ഉണ്ടായിരിക്കും?
ബ്ലോഗിൽ ആരംഭിക്കുന്ന സൌഹൃദങ്ങളെ താങ്കൾ എങ്ങനെ കാണുന്നു? (കണ്ണു കൊണ്ടു കാണുന്നു എന്നു പറയരുത്, ബാക്കി എല്ലാവരും മൂക്കു കൊണ്ടാണോ കാണുന്നതു്?)	ഒത്തിരി സൌഹൃദങ്ങള്‍ ബ്ലോഗില്‍ നിന്നും ലഭിച്ചിറ്റുണ്ട്. പക്ഷേ സീരിയസ് ആയവ വളരെ ചുരുക്കം..
ഈ പറയുന്ന എഴുത്തുകാരിൽ നിങ്ങളെ സ്വാധീനിച്ച എഴുത്തുകാരൻ/കാരി ആരാണു്: മാധവികുട്ടി, എം. മുകുന്ദൻ, സാറ ജോസഫ്, സക്കറിയ, ഓ.വി. വിജയൻ, ബഷീർ, ആനന്ദ്, വി.കെ.എൻ, തകഴി, എം.ടി വാസുദേവൻ നായർ, പെരുമ്പടവം, വിശാലമനസ്ക്കൻ, കുറുമാൻ, ഓ.എൻ.വീ കുറുപ്പ്, കുമാരനാശാൻ.	മാധവിക്കുട്ടി, ബഷീര്‍, എംടി എന്നിവരുടെ എഴുത്തുകള്‍ ഇഷ്ടമാണ്. ബ്ലോഗില്‍ എഴുതാന്‍ പ്രചോദനമായത് വിശാലമനസ്കനും.
കാട്ടിലാണോ ഉത്സവപറമ്പിലാണോ ആനകളെ കാണാൻ കൂടുതൽ ഭംഗി?	ഉത്സവപറമ്പില്‍. നെറ്റിപ്പട്ടോക്കെ കെട്ടി ഒരു ജാതി ഷോയില്‍ നില്‍ക്കണത് കാണാന്‍ തന്നെ നല്ല ചേലല്ലേ. ‌
ആരുടേയും ബ്ലോഗുകൾ വേണമെങ്കിലും താങ്കൾക്ക് ഡിലീറ്റ് ചെയ്യാം എന്നൊരു അവകാശം ലഭിച്ചാൽ ആദ്യം താങ്കൾ ഡിലീറ്റ് ചെയ്യുന്ന 5 ബ്ലോഗുകളുടെ പേരു പറയുക?	എന്റെ തന്നെ ബ്ലോഗുകള്‍.. എന്നിട്ട് ഏതോ ഭീകര സംഘടയാണിതിന്റെ പേരില്‍ എന്നുപറഞ്ഞ് ശക്തമായ പ്രതിക്ഷേധം നടത്തും..കരിവാരം ആചരിക്കും. ബൂലോകം ആകെ ഇളക്കി മറിക്കും..അവസാനം ആ ഭീകര സംഘടനയ്ക്ക് മാപ്പു കൊടുക്കും...ബൂലോകര്‍ എന്റെ പ്രവൃത്തികണ്ട് എന്നെ വാഴ്ത്തിപ്പാടും..അങ്ങനെ കൂടുതല്‍ കുടുതല്‍ പ്രസിദ്ധനാകും. (വിവാദമുണ്ടാക്കി പ്രസിദ്ധനാകുന്നതാണല്ലോ ഇപ്പോഴത്തെ രീതി)
അടുത്ത മത്സരത്തിനു് ചോദിക്കേണ്ട ഒരു ചോദ്യം നിർദ്ദേശിക്കു.	ആഗോള സാമ്പത്തിക പ്രതിസന്ധി നിലനില്‍ക്കുന ഈ കാലഘട്ടത്തീല്‍ ഈ മത്സരം കൊണ്ട് സംഭവിക്കാവുന്ന നേട്ടവും കോട്ടവും ചൂണ്ടികാട്ടുക. കോട്ടം ഉണ്ടാവുകയാണെങ്കില്‍ അതെങ്ങിനെ പരിഹരിക്കാം എന്നുകുടി വിശദമാക്കുക