49 - അനംഗാരി

ചോദ്യങ്ങൾ	ഉത്തരങ്ങൾ
എന്താണു ദൈവം, നേരിൽ കണ്ടാൽ അവളോടു് എന്തു ചോദിക്കും?	തൊട്ടറിയാനാവാത്തത്. ആണോ പെണ്ണോ എന്നറിയാന്‍ നിര്‍വ്വാഹമില്ലെങ്കിലും, ഒരേ ഒരു ചോദ്യം. “ദൈവമേ, എല്ലാവരും നിന്റെ സൃഷ്ടികള്‍ ആണെങ്കില്‍, നീയെന്തിന്, ഞങ്ങള്‍ക്കിടയില്‍ അസമത്വം സൃഷ്ടിച്ചു?”
കടമ, ദൈവം, മതം, കുടുംബം, സ്വത്ത്. നിങ്ങൾക്ക് തോന്നുന്ന പ്രാധാന്യമനുസരിച്ച് ക്രമത്തിൽ എഴുതുക.	കടമ. കുടുംബം, സ്വത്ത്. മതത്തിനും, ദൈവത്തിനും, പ്രാധാന്യമില്ലെങ്കിലും ചോദ്യരീതി അനുസരിച്ച് അവര്‍ക്ക് അവസാനമാണ് കസേര. കടമയോട് ബന്ധപ്പെട്ടതാണ് മറ്റൂള്ളവയെല്ലാം.
വംശനാശ ഭീഷണി നേരിടുന്ന ഒരു മൃഗത്തെ സംരക്ഷിക്കുന്നതിനായി രണ്ടിടങ്ങളിൽ ഒന്നു തിരഞ്ഞെടുക്കാൻ നിങ്ങളെ ചുമതലപ്പെടുത്തുന്നു. തിരഞ്ഞെടുക്കുന്ന സ്ഥലം പൂർണ്ണമായും ഇടിച്ചു നിരത്തുകയും ചെയ്യും. ഒരു മത വിഭാഗത്തിന്റെ ആരാധനാലയം 10, 000 തൊഴിലാളികൾ ജോലി ചെയ്യുന്ന ഒരു വ്യവസായ സ്ഥാപനം. . ഇതിൽ ഏതു തിരഞ്ഞെടുക്കു? എന്തുകൊണ്ടു്?	1. ആരാധനാലയം. മതവിശ്വാസം അടിവസ്ത്രം പോലെയാണ്. അത് പരസ്യമായി പ്രകടിപ്പിക്കാനുള്ളതല്ല. അവനവന്റെ ഉള്ളിലാണ് ദൈവത്തോടുള്ള ആരാധന. അത് കൊണ്ട് തന്നെ ഒരു ആരാധനാലയത്തിന്റെ ആവശ്യമില്ല.
ഗായകന്‍, അദ്ധ്യാപകന്‍, കുശിനിക്കാരന്‍, ആശാരി, കോമാളി എന്നീ അഞ്ചു തൊഴിലുകളേ ലഭ്യമുള്ളു എന്നു വന്നാല്‍ താങ്കള്‍ ഏതു തിരഞ്ഞെടുക്കും?	സംശയമെന്ത്? അദ്ധ്യാപകന്‍. അറിവ് പകര്‍ന്ന് കൊടുക്കുന്നയത്ര ഒരു പുണ്യ പ്രവൃത്തി മറ്റൊന്നില്ല. അദ്ധ്യാപകനായി ജോലി നോക്കിയിട്ടുണ്ട്, പഠിക്കുന്ന കാലത്ത്. (അന്ന് അത് നില നില്‍പ്പിന്റെ ആവശ്യമായിരുന്നു) ആശാരിപ്പണിയറിയാം. എന്റെ കട്ടില്‍, എന്റെ മേശ, എല്ലാം ഞാന്‍ സ്വയം ഉണ്ടാക്കിയവയാണ്. പാചകം സ്വയം ചെയ്യുകയാണ് പതിവ്. ഗായകനല്ലെങ്കിലും പാടാറുണ്ട്. ഇന്നു വരെ കോമാളിയായിട്ടില്ല. പറഞ്ഞുവന്നത് ഇതെല്ലാം ആകാന്‍ കഴിയുന്ന ഒരു അദ്ധ്യാപകന്‍.
നിങ്ങൾക്ക് 20 വർഷം പുറകോട്ടു് നീക്കാൻ അവസരം കിട്ടിയാൽ എന്തു ചെയ്യും	നടക്കാന്‍ ഇടയില്ലാത്തതാണ്‍. എങ്കിലും ആദ്യമായി പ്രണയിച്ച പെണ്‍കുട്ടിയോട് എന്നെ വിവാഹം കഴിക്കാന്‍ തയ്യാറാണോ എന്ന് ഒരിക്കല്‍ കൂടി ചോദിക്കും. നഷ്ടപ്പെട്ടതിനെ തിരിച്ചെടുക്കാന്‍ കഴിയുന്നത് ഒരു സുഖമാണ്.
കുട്ടിയായിരുന്നപ്പോള്‍ ആയിത്തീരണമെന്ന് ആഗ്രഹിച്ചതിനുമപ്പുറത്ത്‌ താങ്കളുയര്‍ന്നോ? എങ്കില്‍ അതില്‍ സന്തോഷിക്കുന്നുണ്ടോ?	കുട്ടിയായിരുന്നപ്പോള്‍ ഭിഷഗ്വരന്‍ ആകണമെന്നായിരുന്നു ആഗ്രഹം. പത്താം തരം കഴിഞ്ഞപ്പോൾ രണ്ടാം വകുപ്പില്‍ പ്രവേശനം കിട്ടിയിട്ടും ചേരാന്‍ കഴിഞ്ഞില്ല. പിന്നീട് രാഷ്ട്രത്തെ സേവിക്കുന്ന ഒരു ഉന്നത ഉദ്യോഗസ്ഥന്‍ ആകണമെന്ന് ആഗ്രഹിച്ചു. രാഷ്ട്രിയത്തില്‍ സജീവമായിരുന്നതിനാല്‍, ചില പ്രത്യേക കാരണങ്ങള്‍ കൊണ്ട് നടന്നില്ല. ആഗ്രഹങ്ങള്‍ ബാക്കിയാണെങ്കിലും, ഇല്ലായ്മയുടെ ഇട്ടാവട്ടത്തില്‍ നിന്നു, ഒരു പാട് ഉയര്‍ന്നു. അതെ ഞാന്‍ സംതൃപ്തനാണ്. ‍
കപ്പയും മീനും, പറോട്ട ബീഫ് ഫ്രൈ, BK Double Whopper, KFC Family bucket, Foie gras, പീത്സ, Kabsa (Middle Eastern Biriyani) ഇതിൽ ഏതു ഭക്ഷണമാണു് ഇഷടം. എന്തുകൊണ്ടു്	കപ്പയും മീനും. ചെറുപ്പത്തില്‍ അത് ഒരു സ്ഥിര ഭക്ഷണമായിരുന്നു.
ഇഷ്ടപ്പെട്ട വാഹനം ഏതാണു് ? (philosophy പറഞ്ഞു ഓവറാക്കണ്ട)	എന്റെ ഇഷ്ട വാഹനം:ബി. എം. ഡബ്ല്യു. എന്റെ സ്വപ്ന വാഹനം: ബുഗാടി വെയ്‌റോണ്‍
കഷണ്ടിക്ക് മരുന്നു കണ്ടുപിടിച്ചാൽ നിങ്ങൾ എന്തു ചെയ്യും?	ഉപയോഗിക്കും. ക്ലോറിന്‍ കലര്‍ന്ന വെള്ളത്തില്‍ കുളിച്ചത് കൊണ്ടോ‍ എന്തോ, കഷണ്ടിയാണ്.
കെ. എസ്. കോപാലകൃഷ്ണൻ എന്തുകൊണ്ടു്, അടൂർ ഗോപാലകൃഷ്ണനെ പോലെയും, പദ്മരാജന പോലെയും സിനിമ എറ്റുക്കുന്നില്ല?	അത് ഓരോരുത്തരുടേയും വ്യക്തിപരമാ‍യ സ്വാതന്ത്ര്യമാണ്.
എന്താണു് അഭിപ്രായ സ്വാതന്ത്ര്യം?	നിയമത്തിന്റെ ചട്ടക്കൂടില്‍ നിന്ന് കൊണ്ട് ഒരാള്‍ക്ക് പ്രകടിപ്പിക്കാന്‍ കഴിയുന്ന അവനവന്റെ കാഴ്ചപ്പാടുകളാണ് അഭിപ്രായ സ്വാതന്ത്ര്യം. അത് പരിമിതമാണ്. അത് വായില്‍ തോന്നുന്നത് വിളിച്ച് പറയുന്നതോ, അതു വഴി സമൂഹത്തിനോ, ഒരു വ്യക്തിക്കോ ഉണ്ടാക്കുന്ന മാനഹാനിയല്ല. പക്ഷെ മറ്റൊരാള്‍ക്ക് ഹിതമായതെ പറയാവൂ എന്ന് അര്‍ത്ഥമില്ല.
നിങ്ങളുടെ തൊഴിൽ മേഖല ഏത് ഗണത്തിൽ പെടും. ഉല്പാതനം കച്ചവടം ജന സേവനം വിനിമയം വിദ്യാഭ്യാസം	കച്ചവടം.
ഇന്നു നമ്മുടെ നഗരങ്ങളിൽ യുവാക്കൾ നേരിടുന്ന ഏറ്റവും വലിയ പ്രശ്നം എന്താണു്?	തൊഴിലില്ലായ്മ മുഖ്യം. അതു വഴി അരാജകത്വത്തിന്റെ വഴികളിലേക്ക് അവര്‍ നയിക്കപ്പെടുന്നു. മതവും രാഷ്ട്രിയവും, ഭീകരതയും അവനെ വേണ്ടുവോളം ഉപയോഗിക്കുന്നു. യഥാര്‍ത്ഥ രാഷ്ട്രീയ ചാലക ശക്തിയാകാന്‍ അവന് കഴിയുന്നില്ല. മറിച്ച് അരാഷ്ട്രീയവാദത്തിന്റെ അപോസ്തലനാവുകയാണ്.
Nostalgia-mania-dingolapi എന്ന അതിഭീകരവും ഭയാനകവുമായ രോഗം ബാദിച്ച മലയാളി ചേട്ടന്മാരെ എങ്ങനെ ചികിത്സിക്കും? ഇവരെ ബീമ പള്ളിയിൽ കൊണ്ടുപോയി ചങ്ങലക്കിടുന്നതിനെ കുറിച്ച് എന്താണു് അഭിപ്രായം.	ബീമാ പള്ളി ഒരു ആ‍രാധനലയമാണ്. ഇതൊരു രോഗമല്ലാത്ത സ്ഥിതിക്ക് നല്ല സൊഹൃദങ്ങള്‍ പങ്കുവെക്കപ്പെടുന്നതിലൂടെ പരിഹരിക്കപ്പെടാവുന്നതേയുള്ളൂ.
മലയാള ഭാഷ വളരുകയാണോ, രൂപാന്തരപ്പെടുകയാണോ, വഷളാവുകയാണോ?	മലയാള ഭാഷ വളരുന്നില്ല. അതിനു രൂപാന്തരം സംഭവിച്ച് കൊണ്ടിരിക്കുന്നു. മലയാള വാക്കുകള്‍ അന്യം നിന്ന് പകരം മറ്റു ഭാഷകളിലെ വാക്കുകള്‍ സ്ഥാനം പിടിച്ച് കൊണ്ടിരിക്കുന്നു. ഉപയോഗ സൌകര്യങ്ങള്‍ക്കായി മറ്റു ഭാഷകളെ നാം ആശ്രയിക്കുന്നു.
നിങ്ങൾ Dinnerനു് ഈ പട്ടികയിൽ കൊടുത്തിരിക്കുന്ന രണ്ടു പേരിൽ ആരെ ക്ഷനിക്കും? അവർക്ക് എന്തു ഭക്ഷണം കൊടുക്കും? അവരോടു എന്തെല്ലാം ചോദിക്കും? ഗാന്ധി Pierce Brosnan Jack the Ripper സലീം കുമാർ Charles Dickens Pres. Barack Obama Adoor Gopalaksrihsnan Jimmy Wales Paulo Coelho Khalil Gibran A. P. J. അബ്ദുൽ കലാം കുറുമാൻ സാമ്പശിവൻ (കാഥികൻ) കൈപ്പള്ളി Silk Smitha കുമാരനാശാൻ സാറ ജോസഫ് Charlie Chaplin വിശാല മനസ്കൻ (സജീവ് ഇടത്താടൻ) തീറ്റ റപ്പായി	ഈ വിഭാഗത്തില്‍ ഞാന്‍ ക്ഷണിച്ചാല്‍ വരാന്‍ സാധ്യതയുള്ള മുന്ന് പേരെയുള്ളു. 1. കുറുമാന്‍. 2. കൈപ്പള്ളി. 3. വിശാലന്‍ ഇവരെ ക്ഷണിക്കപ്പെടേണ്ട അതിഥികളായി ഞാന്‍ കരുതുന്നില്ല. എപ്പോള്‍ വേണമെങ്കിലും ഇവര്‍ക്ക് ക്ഷണിക്കാതെ എന്റെ വീട്ടിലേക്ക് വരാം. ക്ഷണിക്കാനുള്ള അവസരം കിട്ടിയാല്‍ 1. ഒബാമ 2. അടുര്‍. എന്നിവരെ ക്ഷണിക്കും. ഒബാമക്ക് ഞാന്‍ തയ്യാറാക്കിയ എരിവുള്ള ചെമ്മിന്‍ അച്ചാര്‍, മണിപ്പുട്ടു എന്നിവ നല്‍കും. അമേരിക്കയെ സോഷ്യലിസ്റ്റ് പാതയിലേക്ക് നയിക്കുന്ന പുതിയ ഭരണരീതികളില്‍ താങ്കള്‍ എത്രമാത്രം ശുഭാപ്തിവിശ്വാസക്കാരനാണ് എന്ന് ചോദിക്കും. ചര്‍ച്ച അതിനെ കുറിച്ച് മാത്രമാവും. അടുരിന് കുടമ്പുളിയിട്ട് വെച്ച മിന്‍‌കറിയും ചോറും നല്‍കും. കറിയില്‍ കുടമ്പുളി അല്‍പ്പം കൂടുതല്‍ ഇടും. അദ്ദേഹത്തിന്റെ മുഖം ചുളിയുമെന്ന് ഉറപ്പ്. താങ്കളുടെ ചില സിനിമകള്‍ കാണുമ്പോള്‍ കാഴ്ചകാരന്‍ ഇതുപൊലെ മുഖം ചുളിക്കാറുണ്ട് എന്നത് അറിയാമൊ എന്ന് ചോദിക്കും. താങ്കളുടെ സിനിമകള്‍ എന്തു കൊണ്ട് കാലത്തിനൊത്ത് സഞ്ചരിക്കുന്നില്ല എന്നതാവും ചര്‍ച്ച. മരിച്ച് പോയവരെ ക്ഷണിക്കാന്‍ അവസരം കിട്ടിയിരുന്നെങ്കില്‍ 1. ഖലീല്‍ ജിബ്രാന്‍. 2. സില്‍ക്ക് സ്മിത എന്നിവരെ ക്ഷണിക്കും. ജിബ്രാന്, പത്തിരിയും കോഴിക്കറിയും നല്‍കും. എന്നിട്ട് അദ്ദേഹത്തിന്റെ പ്രവാചകന്‍ എന്ന പുസ്തകത്തെ കുറിച്ചും, താങ്കളുടെ ജി‍വിതരീതികള്‍ എങ്ങിനെ കൃതിയെ സ്വാധീനിച്ചുവെന്നും ചോദിക്കും. അതിനെ കുറിച്ചാവും ചര്‍ച്ച. സ്മിതക്ക് നല്ല ഒന്നാന്തരം വോഡ്ക നല്‍കും. അഭിനയശേഷി ഉണ്ടാ‍യിട്ടും എന്തു കൊണ്ട് നല്ല സിനിമകള്‍ കിട്ടാതെ പോയി എന്ന് ചോദീക്കും. ഈ രാത്രി സൊകര്യപ്പെടുമെങ്കില്‍ ഇവിടെ കൂടുന്നോ എന്ന് ചോദിക്കും. (സംശയിക്കേണ്ട, ദുഷ്ടവിചാരം തീരെയില്ല). നേരം വെളുക്കുവോളം ഞങ്ങള്‍ കഥകള്‍ പറഞ്ഞിരിക്കും.
എന്താണു് സമൂഹിക പ്രതിബദ്ധത?	ഒരു സമൂ‍ഹത്തില്‍ ജീവിക്കുന്ന ഒരോരുത്തര്‍ക്കും സമൂഹത്തോട് ചില ബാധ്യതകളും, കടപ്പാടുകളും ഉണ്ട്. അതിനെ നമുക്ക് സാമൂഹ്യ പ്രതിബദ്ധതയെന്നൊ, സാമൂഹ്യ പ്രതിബാധ്യത എന്നൊ വിളിക്കാം. അവ നിര്‍വ്വഹിക്കപ്പെടുമ്പോഴാണ് അവനവനും, സമൂഹവും സമ്പൂര്‍ണ്ണമാകുന്നത്.
വസ്ത്രങ്ങൾക്കുള്ളിൽ എന്താണുള്ളതു് എന്നു് അറിയാമായിരിന്നിട്ടും മനുഷ്യർ വസ്ത്രങ്ങൾ ധരിക്കുന്നതെന്തിനാണു്?	രൂ‍പഭംഗിക്ക്. വികൃതമായതിനെ ഒളിച്ച് വെക്കാനുള്ള ശ്രമം.
കേരളത്തിൽ ഇപ്പോൾ ടിവി. പ്രേക്ഷരുടെ ഹരമായ റിയാലിറ്റി ഷോ എന്നറിയപ്പെടുന്ന അനേകം മത്സര പരമ്പരകളുണ്ടു്. താങ്കൾക്ക് ഒരു സാമാന്യം ഭേതപ്പെട്ട ഗായിക/ഗായകൻ ആണെന്നു സങ്കൽപ്പിക്കുക. താങ്കൾ ഈ മത്സരങ്ങളിൽ പങ്കെടുക്കുമോ? എന്തുകൊണ്ടു?	തീര്‍ച്ചയായും ഇല്ല. കഴിവുകള്‍ മത്സരിച്ച് തീരുമാനിക്കപ്പെടേണ്ടവയല്ല.
സിനിമയിൽ അഭിനയിക്കാൻ നിങ്ങൾക്ക് ഒരവസരം ലഭിക്കുന്നു. നിങ്ങൾ ഏതു് വേഷം കൈകാര്യം ചെയ്യും. അവശ കവി, വില്ലൻ-കൊലപാതകി, വില്ലൻ-ബലാത്സങ്ക്‍ist, വില്ലൻ-കള്ളവാറ്റ്ist, വില്ലൻ - മാമ, വില്ലി - മാമി, വില്ലി - കൊലപാതകി / നാത്തൂൻ / അമ്മായിയമ്മ അച്ഛൻ (മൂപ്പീന്ന്), അച്ഛൻ (medium), കോമാളി(മാള അരവിന്ദൻ-grade), കോമാളി (ജഗതി-grade), കോമാളി (ശ്രീനിവാസൻ-grade), കാമുകി (light), കാമുകി (4X4), കാമുകി (heavy). അനിയത്തി (സിനിമയുടേ പകുതിയിൽ ചാകും) അനിയൻ (സിനിമയുടേ പകുതിയിൽ ചാകും) കവി/കാമുകൻ (light), കാമുകൻ/മൂപ്പീന്ന്/കോമാളി (മമ്മൂട്ടി-grade), കാമുകൻ (gym), കാമുകൻ (cocholate hero -grade), അമ്മ - (ശാരധ -grade), അമ്മ -(Philomina-grade)	അഭിനയ ശേഷി പ്രകടിപ്പിക്കാന്‍ കഴിയുന്ന ഏതു വേഷവും. അത് പെണ്‍‌വേഷമായാലും, ആണ്‍‌വേഷമായാലും.
നിങ്ങളുടേ മുന്നിൽ മൂന്നു buttonകളു ഉണ്ട്. അമർത്തിയാൽ ഈ ലോകത്തിലുള്ള ഏകാധിപതികൾ എല്ലാം നിന്ന നിൽപ്പിൽ തന്നെ ചത്തു് വീഴും. അമർത്തിയാൽ മലയാള മനോരമ പത്രം ഒറ്റ് രാത്രികൊണ്ടു Unicodeലേക്ക് മാറും. അമർത്തിയാൽ (ഇടിവാളിന്റെ ആഗ്രം സഫലമാകും) ബ്ലോഗിൽ ഉള്ള ഓർമ്മ കുറിപ്പിസ്റ്റുകൾക്കെല്ലാം "Amoniasia" വന്നു് എല്ലാം മറന്നു പോകും. ഇതിൽ ഒന്നുമാത്രമെ അമർത്താൻ കഴിയുകയുള്ളു. നിങ്ങൾ ഏതമർത്തും. ? എന്തുകൊണ്ടു?"	ഒന്നാമത്തെ ബട്ടണ്‍. ലോകത്ത് ഒരു ഏകാധിപതിയും ഉണ്ടാവരുതെന്നാണ് എന്റെ ആഗ്രഹം. ഏകാധിപതികള്‍ ലോകക്രമത്തെ മാറ്റിമറിക്കുന്നു. അവര്‍ മനുഷ്യരാശിയുടെ നന്മകള്‍ക്ക് തുരങ്കം വെക്കുന്നു. ജീവിതത്തെ ഒരു സംഗീതം പോലെ ആസ്വദിക്കാന്‍ കഴിയുന്ന കാലത്തെയാണ് ഞാന്‍ സ്വപ്നം കാണുന്നത്. മനോരമയെ നന്നാക്കുന്നത് കൊണ്ട് ലോകം നന്നാകാന്‍ പോകുന്നില്ല.
എന്താണു് സ്നേഹം?	കാണാതിരിക്കുമ്പോഴും, കേള്‍ക്കാതിരിക്കുമ്പോഴും, പറയാതിരിക്കപ്പെടുമ്പോഴും പങ്കുവെക്കപ്പെടാതിരിക്കുമ്പോഴും, നമുക്ക് മറ്റൊരാളെ കുറിച്ച് മനസ്സിൽ തോന്നുന്ന വികാരം.
ഇവരിൽ താങ്കൾക്ക് ആരെയാണു് കൂടുതൽ ബഹുമാനം: K. കരുണാകരൻ, EMS, AKG, സി. എച്ച്. മുഹമ്മദ്കോയ, മന്നത്ത് പത്മനാഭൻ, പാണക്കാട് സയ്യിദ് മുഹമ്മദലി ഷിഹാബ് തങ്ങൾ. Dr. പല്പ്പു. വെള്ളാപ്പള്ളി നടേശൻ	ആരെയുമില്ല. ഉണ്ടെങ്കില്‍ അത് സഖാവ് എന്‍. തങ്കപ്പനോടാണ്. എന്റെ നാട്ടിലെ ഒരു സാധാരണ സാമൂഹ്യ പ്രവര്‍ത്തകന്‍. എന്നെ ഞാനാക്കിയത് അദ്ദേഹമാണ്.
ഇന്ത്യയുടേയും ചൈനയുടേയും സാമ്പത്തീക മുന്നേറ്റത്തിൽ ഇവിടങ്ങളിലെ ഉയർന്ന ജനസംഖ്യയും ഒരു ഘടകമാണെന്ന് താങ്കൾ വിശ്വസിക്കുന്നുവോ?	ഒരിക്കലുമില്ല.
നിങ്ങൾ ഒരു ദിവസത്തേക്ക് പ്രധാന മന്ത്രിയാകുന്നു. എന്തു ചെയ്യും?	ഒരു ദിവസം കൊണ്ട് ഒന്നും ചെയ്യാന്‍ കഴിയില്ല. കഴിയുമെങ്കില്‍ മാത്രം, അഴിമതിക്കാരെ കണ്ടെത്തി ജയില്‍ അടക്കും. വര്‍ഗ്ഗീയ സംഘടനകള്‍ നിരോധിക്കും. നീതിന്യായ വ്യവസ്ഥയിലെ പക്ഷപാതികളെ താഴെയിറക്കും. അങ്ങിനെ നടക്കാനിടയില്ലാത്ത ഒരു പാട് കാര്യങ്ങള്‍.
നിങ്ങൾക്ക് മൂന്നു വരം കിട്ടുന്നു എന്തെല്ലാം അവശ്യപ്പെടും?	1. എന്നും ചെറുപ്പമായിരിക്കണം. 2. ഒരേ സമയം ഗായകനും, ചിത്രകാരനും ആവണം. 3. ലോകം മുഴുവന്‍ സൌജന്യമായി ചുറ്റിക്കറങ്ങാന്‍ സൌകര്യം.
1 Billion US$ നിങ്ങൾക്ക് ലഭിക്കുന്നു എന്തു ചെയ്യും	കൊതിപ്പിക്കരുത്.കഴിഞ്ഞയാഴ്ച ഒരു അക്കത്തിനാണ് 5 ലക്ഷം പോയത്.കിട്ടിയതൊ 25000 ! കടങ്ങള്‍ എല്ലാം വീട്ടും. നിലവില്‍ ഞാന്‍ സാമ്പത്തിക സഹായം നല്‍കിപോരുന്ന വിദ്യാര്‍ത്ഥികളുടെ നല്ല ഭാവിക്കായി കൂടുതല്‍ തുക നല്‍കും. ബാക്കി ബാങ്കിലിടും. മുഴുവന്‍ തുകയും നാട്ടുകാര്‍ക്ക് വീതിച്ച് നല്‍കാന്‍ ഞാനൊരു യേശു ക്രിസ്തുവല്ല.
പ്രാവാസ ജീവിതത്തിൽ എന്തെങ്കിലും നഷടമായിട്ടുണ്ടോ?	ഉണ്ട്. കുടുംബം, സുഹൃത്തുക്കള്‍, എന്റെ കാമുകിമാര്‍. കൂട്ടുകാര്‍ ഒന്നിച്ചുള്ള ബാ‍റിലെ സായന്തനങ്ങള്‍.
നിങ്ങൾ ഇപ്പോൾ ഇരിക്കുന്ന സ്ഥലത്തുള്ള ജനാലയിൽ നിന്നും പുറത്തേക്ക് നോക്കുക. അവിടെ കാണുന്ന ദൃശ്യം 100 വാക്കിൽ കുറയാതെ വിവരിക്കുക.	ഒരു മൈതാനമാണ്. പച്ചപ്പുല്ല് വിരിച്ച ഈ മൈതാനം കാണുമ്പോള്‍ പണ്ട് നാട്ടിലെ വൈകുന്നേരങ്ങളീല്‍ ആകാശം നോക്കികിടക്കാറുണ്ടായിരുന്ന മൈതാനത്തെ കുറിച്ച് ഓര്‍മ്മവരും. വെള്ള മണല്‍ വിരിച്ച ആ മൈതാനവും, ഈ മൈതാനവും തമ്മില്‍ എന്തു വ്യത്യാസങ്ങളാണ്. ഇവിടെ ആരും വൈകുന്നേരങ്ങളീല്‍ വന്നിരിക്കാറില്ല. നടക്കാന്‍ വരുന്നവരെ മാത്രം കാണാം.
ബ്ലോഗിൽ അവസാനമായ എഴുതിയ post എന്തിനെഴുതി? ഇനിയും എഴുതുമോ?	അവസാനം എഴുതിയ പോസ്റ്റ് ഒരു നല്ല ദ്രൃശ്യ്യം പങ്കുവെക്കലായിരുന്നു. എഴുതണമെന്ന് തോന്നിയാല്‍ ഇനിയും എഴുതും.
Salman Rushdie യെ വിട്ടിൽ ഉച്ചഭക്ഷണത്തിനു വിളിക്കുന്നു, നിങ്ങൾ അദ്ദേഹത്തിനു് എന്തു വിളമ്പും?	വെള്ളയപ്പവും, ഉരുള കിഴങ്ങ് കറിയും.
ബ്ലോഗിൽ അവസാനമായി വായിച്ച ലേഖനം ഏതാണു്?	വര്‍ക്കേഴ്സ് ഫോറം എഴുതിയ ക്യുബ ഇരുപതാം നൂറ്റാണ്ടിന്റെ ഇതിഹാസം.
ബ്ലോഗിൽ അവസാനമായി വായിച്ച കവിത ഏതാണു്?	ലാപുടയുടെ ട്രു‍ കോപ്പി.
അവസാനം വായിച്ച പുസ്തകം ഏതാണു്? (Telephone Directory, Mobile Phoneന്റെ operation Manual പോലുത്ത പുസ്തകങ്ങൾ അല്ല ഉദ്ദേശിക്കുന്നതു്)	THE DOWNING STREET YEARS -MARGARET THATCHER
ഒരു hotelൽ രണ്ടു blog meet നടക്കുന്നു. അതിൽ ഒരു barൽ ബ്ലോഗ് കവികളും വേറൊരു barൽ ബ്ലോഗ് ഓർമ്മക്കുറുപ്പ്istകളും ഉണ്ടു്. നിങ്ങൾ ഏതു barൽ കയറും.	ബ്ലോഗ് കവികളുടെ ബാറില്‍.
നിങ്ങൾ കൈപ്പള്ളിയെ കണ്ടു മുട്ടുന്നു. ഒരു ചോദ്യം ചോദിക്കാൻ അവസരം തരുന്നു. എന്തു ചോദിക്കും?	“കൈപ്പള്ളിയുടെ കലിപ്പിന് എന്നാണ് അവസാനമുണ്ടാകുക?”
ബ്ലോഗിൽ നടക്കുന്ന ഈ "ഗോമ്പറ്റീഷൻ" എന്ന ഈ "മഹാ സംഭവം" നിങ്ങളുടെ blogging ജീവിതത്തെ എങ്ങനെ സ്വധീനിച്ചു?	പല ബ്ലോഗര്‍മാരുടേയും രീതികള്‍ മനസ്സിലാക്കാന്‍ ഉപകരിച്ചു.
ഓ. വി. വിജയൻ നിങ്ങൾക്ക് എന്തു് തന്നു?	ഒന്നും തന്നില്ല.
ഈ പറയുന്ന എഴുത്തുകാരിൽ ആരെയാണു് കൂടുതൽ ഇഷ്ടം: മാധവികുട്ടി, എം. മുകുന്ദൻ, സാറ ജോസഫ്, സക്കറിയ, ബഷീർ, ആനന്ദ്, വി. കെ. എൻ, തകഴി, എം. ടി വാസുദേവൻ നായർ, പെരുമ്പടവം.	ബഷീര്‍.
കാട്ടിലാണോ ഉത്സവപറമ്പിലാണോ ആനകളെ കാണാൻ കൂടുതൽ ഭംഗി?	രണ്ടിടത്തും. കാണുന്ന മനോഹാരിതക്ക് വ്യത്യാസം ഉണ്ടെന്ന് മാത്രം.
ആരുടേ ബ്ലോഗുകൾ വേണമെങ്കിലും താങ്കൾക്ക് ഡിലീറ്റ് ചെയ്യാം എന്നൊരു അവകാശം ലഭിച്ചാൽ ആദ്യം താങ്കൾ ഡിലീറ്റ് ചെയ്യുന്ന 5 ബ്ലോഗുകളുടെ പേരു പറയുക? (ഈ ചോദ്യം സംഭാവന ചെയ്തതു് അഗ്രജ്ജൻ)	അവനവന്റെ ആശയപ്രകാശനത്തിനു വേണ്ടിയാണ് ബ്ലോഗുകള്‍ ഉപയോഗിക്കുന്നത്. ഓരോരുത്തരുടേയും സ്വാതന്ത്ര്യമാണത്. അതില്‍ കൈകടത്താനൊ ആ സ്വാതന്ത്ര്യത്തെ ഹനിക്കാനൊ ഞാന്‍ തയ്യാറല്ല.
വാർത്തകൾ ഇല്ലായിരുന്നെങ്കിൽ മാധ്യമങ്ങളെന്തു ചെയ്യുമായിരുന്നു?	വാര്‍ത്തകള്‍ സൃഷ്ടിക്കും. എന്നിട്ട് അച്ചു നിരത്തി ജനങ്ങളിലെത്തിക്കും. ഇപ്പോഴും ചില മാധ്യമങ്ങള്‍ ഇതു തന്നെയാണ് ചെയ്യുന്നത്.