50 - അനിൽ

ചോദ്യങ്ങൾ	ഉത്തരങ്ങൾ
എന്താണു് വിലമതിക്കാനാവത്തതു്?	സ്നേഹം
കടമ, ദൈവം, മതം, കുടുംബം, സ്വത്ത്. നിങ്ങൾക്ക് തോന്നുന്ന പ്രാധാന്യമനുസരിച്ച് ക്രമത്തിൽ എഴുതുക.	കടമ,കുടുംബം,സ്വത്ത്,(സമൂഹം,രാജ്യം,മനുഷ്യകുലം,സസ്യ-ജീവജാലങ്ങള്‍)
വംശനാശ ഭീഷണി നേരിടുന്ന ഒരു മൃഗത്തെ സംരക്ഷിക്കുന്നതിനായി രണ്ടിടങ്ങളിൽ ഒന്നു തിരഞ്ഞെടുക്കാൻ നിങ്ങളെ ചുമതലപ്പെടുത്തുന്നു. തിരഞ്ഞെടുക്കുന്ന സ്ഥലം പൂർണ്ണമായും ഇടിച്ചു നിരത്തുകയും ചെയ്യും. 1) ഒരു മത വിഭാഗത്തിന്റെ ആരാധനാലയം 2) 10,000 തൊഴിലാളികൾ ജോലി ചെയ്യുന്ന ഒരു വ്യവസായ സ്ഥാപനം.. ഇതിൽ ഏതു തിരഞ്ഞെടുക്കു? എന്തുകൊണ്ടു്?	ആ ജാതി ഒറ്റ മൃഗമേ അവശേഷിച്ചിട്ടുള്ളൂ എങ്കില്‍ വല്ലാതെ മെനക്കെടില്ല. അതല്ല, ഇടിച്ചു നിരത്തിയാല്‍ പ്രയോജനമുണ്ടാവുമെങ്കില്‍ ആരാധനാലയം തന്നെ ആവട്ടെ എന്നു നിര്‍ദ്ദേശിക്കും. (ആരാണാവോ എന്നെ ചുമതലപ്പെടുത്തുക!)
ഒരാഴ്ച തുടര്‍ച്ചയായി ഉറങ്ങാനുള്ള അവസരം ലഭിച്ചാല്‍ അതില്‍ സന്തോഷമുണ്ടോ?	ഇല്ല. വല്ലാതെ ബോറാവും.
താങ്കളെ വീണ്ടും അഞ്ചുവര്‍ഷത്തേക്ക് കോളേജ് ജീവിതത്തിലേക്ക് തിരികെ വിടുന്നു എന്നു സങ്കല്‍പ്പിക്കുക. ഏതുവിഷയം തെരഞ്ഞെടുക്കും? എന്തുകൊണ്ട്?	സാമൂഹ്യശാസ്ത്രം+നരവംശശാസ്ത്രം. ഒരിക്കല്‍ കൂടി ഒന്നു നന്നായി മനസിലാക്കാന്‍.
ഇഷ്ടപ്പെട്ട ഭക്ഷണം ഏതാണു്? എന്തുകൊണ്ടു്? സ്വന്തമായി പാകം ചെയ്യാൻ അറിയാമോ?	ഇഡലി. നല്ലതായതുകൊണ്ട്. പാചകം ചെയ്യാം.
ഇഷ്ടപ്പെട്ട വാഹനം ഏതാണു് ? (philosophy പറഞ്ഞു ഓവറാക്കണ്ട)	ഹോണ്ട സ്ട്രീറ്റ്. വാങ്ങാന്‍ വല്ലാതെ ആഗ്രഹിച്ചിരുന്നു.
ചിന്താഭാരം ഉണ്ടായാൽ എന്തു സംഭവിക്കും? അപ്പോൾ ലോറി എവിടെയായിരുന്നു?	മൂഡോഫ് ആയിരിക്കും. അടുത്ത് കാടുണ്ടെങ്കില്‍ കേറും. ഏതു ലോറി?
ബ്ലോഗിൽ കാണുന്ന പാചക കുറിപ്പുകൾ പരീക്ഷിച്ച് നോക്കിയിട്ടുണ്ടോ? അതിനു് ഇരയാവരുടേ അഭിപ്രായം എന്തായിരുന്നു.	ഇനിയും പരീക്ഷിച്ചിട്ടില്ല.
മലയാള സിനിമയിൽ നിങ്ങളുടെ സ്വഭാവവുമായി സാമ്യമുള്ള കഥാപാത്രം ഏതാണു്	അതിനിയും വരാനിരിക്കുന്നേയുള്ളൂ. വരും, വരാതിരിക്കില്ല.
ജിവിതം മൊത്തം കേരളത്തിൽ ജിവിച്ചിട്ട് രണ്ടു മാസം അമേരിക്കയിൽ ചുറ്റിതിരിഞ്ഞിട്ടു് തിരികെ നാട്ടിൽ വന്ന ശേഷം "മലയാലം കൊരച് കൊരച് പരയുന്ന"വരെ കണ്ടാൽ എന്തു ചെയ്യും?	പുളിച്ച ഇഡലിയും വളിച്ച സാംബാറും വാങ്ങിക്കൊടുക്കും. ഇന്ത്യന്‍ ടോയ്ലറ്റ് ഉപയോഗിക്കാന്‍ വിടും.
നിങ്ങളുടെ തൊഴിൽ മേഖല ഏത് ഗണത്തിൽ പെടും. ഉല്പാദനം കച്ചവടം ജന സേവനം വിനിമയം വിദ്യാഭ്യാസം	സേവനം
ഇന്നു നമ്മുടെ നഗരങ്ങളിൽ യുവാക്കൾ നേരിടുന്ന ഏറ്റവും വലിയ പ്രശ്നം എന്താണു്?	മൊബൈല്‍ റീചാര്‍ജ്ജ് ചെയ്യാനുള്ള കാശില്ലായ്മ ആവണം.
മലയാള ഭാഷ വളരുകയാണോ, രൂപാന്തരപ്പെടുകയാണോ, വഷളാവുകയാണോ?	മൂന്നും കൂടിയ മുക്കിലാണ്.
മനുഷ്യവാസമില്ലാത്ത ഒരു ദ്വീപിലേക്ക് നിങ്ങളെ ജീവപര്യന്തം നാടുകടത്തപ്പെടാൻ പോവുകയാണെന്നു സങ്കല്പ്പിക്കുക. നിങ്ങൾക്ക് വായിക്കാൻ രണ്ടു പുസ്തകങ്ങൾ കൂടെ കൊണ്ടുപോകാൻ അനുവദിക്കുന്നു. ഏതു് പുസ്തകങ്ങൾ കൊണ്ടുപോകും?	1. കാട്ടുമൃഗങ്ങളെ എങ്ങനെ വേട്ടയാടാം 2. കാടന്‍ പാചകങ്ങള്‍
ഒരു ഗ്രാമത്തിൽ ഒരു വിഗ്രഹം കണ്ടെടുത്തു. രണ്ടാം നാൾ ആ വിഗ്രഹത്തിന്റെ വായിൽ (അടുത്തുള്ള ഒരു വിട്ടിൽ വാറ്റിയ) പട്ടചാരായം വെച്ചു കൊടുത്താൽ, ആ വിഗ്രഹം കുടിക്കുന്നതായ മഹ അത്ഭുതം നിങ്ങൾ അറിയുന്നു. പത്രങ്ങൾ ആ വാർത്ത front page ആക്കുന്നു. ജനങ്ങൾ ആ വീട്ടിലേക്ക് തടിച്ചു കൂടുന്നു. നിങ്ങൾ എന്തു ചെയ്യും. ഉടൻ ആ വിട്ടിൽ പോയി നാലു കുപ്പി വിശുദ്ധ പട്ടചാരായം വാങ്ങി വിഗ്രഹത്തിനു് കൊടുക്കാനായി queue നിൽക്കുന്നു. ഇന്ത്യൻ constitution അനുസരിച്ചുള്ള secularism ഉയർത്തിപ്പിടിക്കാനും, വിശ്വാസികളുടെ സ്വാതന്ത്ര്യം അനുവതിച്ചുകൊടുക്കാനുമായി ആ വിട്ടിൽ വിശുദ്ധ പട്ടചാരായം വാറ്റാനുള്ള അവകാശത്തിനു വേണ്ടി, ഇന്ത്യൻ constitution ബഹുമാനിക്കുന്ന ഒരു ഭാരതീയൻ എന്ന നിലയിൽ നിങ്ങൾ പ്രവർത്തിക്കുന്നു. നാലു കന്നാസ് വിശുദ്ധ പട്ടചാരായം വാങ്ങി ഒരു 100ml വിഗ്രഹത്തിനു കൊടുക്കും. ഒരു കന്നാസ് സ്വന്തം വിട്ടിൽ കൊണ്ടു പോകും, ബാക്കി blackൽ വില്കും. ആ വീട്ടിലേക്ക് വിശുദ്ധ പട്ടചാരായം supply ചെയ്യാനായി തൊട്ടടുത്ത് ഒരു distillery തുടങ്ങും. ഇതൊരു തട്ടിപ്പാണെന്നു നിങ്ങൾ വിശ്വസിക്കുന്നു. വിശ്വാസികളായ നാട്ടുകാരുടേ അടി പേടിച്ച്, ഒന്നും ചെയ്യില്ല ഇതൊരു തട്ടിപ്പാണെന്നു നിങ്ങൾ വിശ്വസിക്കുന്നു. പത്രത്തിൽ ഇതേകുറിച്ച് എഴുതും.	6 അല്ലെങ്കില്‍ 5 - സാഹചര്യമനുസരിച്ച്.
കേരളത്തിൽ ഇപ്പോൾ ടിവി. പ്രേക്ഷരുടെ ഹരമായ റിയാലിറ്റി ഷോ എന്നറിയപ്പെടുന്ന അനേകം മത്സര പരമ്പരകളുണ്ടു്. താങ്കൾക്ക് ഒരു സാമാന്യം ഭേദപ്പെട്ട ഗായിക/ഗായകൻ ആണെന്നു സങ്കൽപ്പിക്കുക. താങ്കൾ ഈ മത്സരങ്ങളിൽ പങ്കെടുക്കുമോ? എന്തുകൊണ്ടു?	ഇല്ല. താല്പര്യമില്ലാത്തതുകൊണ്ട്.
നിങ്ങളുടേ മുന്നിൽ മൂന്നു buttonകളു ഉണ്ട്. അമർത്തിയാൽ ഈ ലോകത്തിലുള്ള ഏകാധിപതികൾ എല്ലാം നിന്ന നിൽപ്പിൽ തന്നെ ചത്തു് വീഴും. അമർത്തിയാൽ മലയാള മനോരമ പത്രം ഒറ്റ് രാത്രികൊണ്ടു Unicodeലേക്ക് മാറും. അമർത്തിയാൽ (ഇടിവാളിന്റെ ആഗ്രഹം സഫലമാകും) ബ്ലോഗിൽ ഉള്ള ഓർമ്മ കുറിപ്പിസ്റ്റുകൾക്കെല്ലാം "Amoniasia" വന്നു് എല്ലാം മറന്നു പോകും. ഇതിൽ ഒന്നുമാത്രമെ അമർത്താൻ കഴിയുകയുള്ളു. നിങ്ങൾ ഏതമർത്തും.? എന്തുകൊണ്ടു?"	നടക്കാത്ത മനോഹരമായ ഒരു ബട്ടണ്‍ സ്വപ്നം. എങ്കിലും പ്രിഫറന്‍സ് (2)ന്. ‘മനോരമയും ഇടതും’ എന്നൊരു പ്രബന്ധം എഴുതുന്നവര്‍ക്ക് സെര്‍ച്ച് ചെയ്ത് വിവരങ്ങള്‍ എടുക്കാന്‍ പറ്റിയാല്‍ നല്ലതല്ലേ?
ഇവരിൽ താങ്കൾക്ക് ആരെയാണു് കൂടുതൽ ബഹുമാനം: K. കരുണാകരൻ, EMS, AKG, സി.എച്ച്. മുഹമ്മദ്കോയ, മന്നത്ത് പത്മനാഭൻ, പാണക്കാട് സയ്യിദ് മുഹമ്മദലി ഷിഹാബ് തങ്ങൾ. Dr. പല്പ്പു. വെള്ളാപ്പള്ളി നടേശൻ	ഈയെമ്മെസ്.
ഏറ്റവും ഭാഗ്യവാനായ മനുഷ്യന്‍ ആരാണ്?	ഞാനും അയാളെ തെരക്കി നടക്കുകയാണ്. കണ്ടാല്‍ അഭിനന്ദനം പറയാന്‍ മറക്കല്ലേ.
നിങ്ങളെ അടുത്തറിഞ്ഞ സുഹൃത്തുക്കൾ എങ്ങനെ കരുതുന്നു. ഒരു പാവം കൊച്ചു ഗള്ളൻ പുലി പാമ്പ് തമാശക്കാാാാാാാരൻ തണ്ണിച്ചായൻ കുൾസ് പൊടിയൻ തടിയൻ ഇതിൽ പെടാത്ത ഏതെങ്കിലും പേരുണ്ടെങ്കിൽ അതും എഴുതാം.	പലരും പല തരത്തിലാണ് കരുതുന്നതെന്നു തോന്നുന്നു. സത്യത്തില്‍ അങ്ങനെ ഒരു ഇവാലുവേഷന്‍ സ്വയം നടത്തിയിട്ടില്ല.
ഇന്ത്യയുടേയും ചൈനയുടേയും സാമ്പത്തീക മുന്നേറ്റത്തിൽ ഇവിടങ്ങളിലെ ഉയർന്ന ജനസംഖ്യയും ഒരു ഘടകമാണെന്ന് താങ്കൾ വിശ്വസിക്കുന്നുവോ?	ഉറപ്പില്ലാത്തതിനാല്‍ വിശ്വസിക്കുന്നില്ല.
ബ്ലോഗിൽ പോട്ടങ്ങൾ പിടിക്കുന്ന ഏതെങ്കിലും അണ്ണന്റെ ഫോട്ടോ നിരൂപണങ്ങൾ കേട്ട ശേഷം അദ്ദേഹത്തിന്റെ തലയിൽ കാമറ തല്ലി പോട്ടിക്കാൻ തോന്നിയിട്ടുണ്ടോ? (തല്ലിപ്പോട്ടിക്കാൻ ഉദ്ദേശിച്ച camera, lense, എന്നീ വിവരങ്ങൾ കൂടി വിശതീകരിക്കുക)	തോന്നിയിട്ടില്ലല്ലോ.
നിങ്ങൾ പ്രധാന മന്ത്രിയാകുന്നു. എന്തു ചെയ്യും?	മെഡിക്കല്‍ ചെക്കപ്പ്.
നിങ്ങൾക്ക് മൂന്നു വരം കിട്ടുന്നു എന്തെല്ലാം അവശ്യപ്പെടും? (കൂടുതൽ വരം കുട്ടാനുള്ള വരം ഇപ്പോൾ stockൽ ഇല്ല. അതു ചോദിച്ച് ചളമാക്കരുതു്)	പിന്നീട് ആവശ്യപ്പെടാനുള്ള സ്റ്റേ ഓര്‍ഡര്‍.
കേരളത്തിൽ beef നിരോധിച്ചാൽ നിങ്ങൾ എന്തു് ചെയ്യും?	കേരളത്തില്‍ വച്ച് ബീഫ് കഴിക്കാതിരിക്കും.
1 Billion US$ നിങ്ങൾക്ക് ലഭിക്കുന്നു എന്തു ചെയ്യും	ടാക്സബിള്‍ ആണെങ്കില്‍ അതു കൊടുക്കും. പിന്നെ ഒരു പ്രോജക്റ്റ് അനുസരിച്ച് എന്തെങ്കിലുമൊക്കെ ചെയ്യും. ആദ്യം അതെപ്പോ തരുമെന്നു പറ.
പ്രാവാസ ജീവിതത്തിൽ എന്തെങ്കിലും നഷടമായിട്ടുണ്ടോ?	പലതും; കൂട്ടത്തില്‍ പ്രോട്ടീന്‍ ഫിലമെന്റും.
രാഷ്ട്രീയക്കാരെ ഇഷ്ടമാണൊ? ഈ ഇലക്ഷന്‍ കാലത്ത് താങ്കള്‍ നാട്ടിലുണ്ടെന്നും ഒരു സ്ഥാനാര്‍ത്ഥി വോട്ട് ചോദിച്ച് വീട്ടില്‍ വരുന്നുവെന്നും കരുതുക.എന്തു പറയും?	ചില രാഷ്ട്രീയക്കാരെ. വോട്ടു ചെയ്യാനുദ്ദേശിക്കുന്ന സ്ഥാനാര്‍ത്ഥിയാണെങ്കില്‍ വോട്ടുതരാം എന്നും അല്ലെങ്കില്‍ തരില്ല എന്നും.
Nostalgia-mania-dingolapi എന്ന അതിഭീകരവും ഭയാനകവുമായ രോഗം ബാദിച്ച മലയാളി ചേട്ടന്മാരെ എങ്ങനെ ചികിത്സിക്കും? ഇവരെ ബീമ പള്ളിയിൽ കൊണ്ടുപോയി ചങ്ങലക്കിടുന്നതിനെ കുറിച്ച് എന്താണു് അഭിപ്രായം.	ഭീമാപള്ളി എന്താ മാനസികരോഗചികിത്സാ കേന്ദ്രമാണോ? അതിലും നല്ലത് ഏതെങ്കിലും ചാനല്‍ ചര്‍ച്ചയ്ക്കിടെ അവരെ കൊണ്ടിടുന്നതാണ്.
നിങ്ങൾ ഇപ്പോൾ ഇരിക്കുന്ന സ്ഥലത്തുള്ള ജനാലയിൽ നിന്നും പുറത്തേക്ക് നോക്കുക. അവിടെ കാണുന്ന ദൃശ്യം 100 വാക്കിൽ കുറയാതെ വിവരിക്കുക.	തെരുവു വിളക്കുകളുടെ മഞ്ഞ വെളിച്ചം.
ബ്ലോഗിൽ അവസാനമായ എഴുതിയ post എന്തിനെഴുതി? ഇനിയും എഴുതുമോ?	ഐക്യദാര്‍ഢ്യം പ്രകടിപ്പിക്കാന്‍. ഇനിയും തോന്നലനുസരിച്ച് ‍ എഴുതും.
ബ്ലോഗിൽ അവസാനമായി വായിച്ച ലേഖനം ഏതാണു്?	"Gelf" മലയാളി
ബ്ലോഗിൽ അവസാനമായി വായിച്ച അതുന്താധുനിക കവിത വായിച്ച ശേഷം നിങ്ങൾ എന്തു ചെയ്തു? കരഞ്ഞു. ചിരിച്ചോ. തലകറങ്ങി നിലത്തു വീണു്. എഴുതിയവനെ ഫോണിൽ വിളിച്ചു തെറി പറഞ്ഞു. മുകളിൽ പറഞ്ഞ എല്ലാം സംഭവിച്ചു് എന്നു് ഭ്രാന്താശുപത്രിയിൽ എത്തിയപ്പോൾ സുഹൃത്തുക്കൾ പറഞ്ഞു.	സൈലന്റ് ആയിപ്പോയി.
ഒരു hotelൽ രണ്ടു blog meet നടക്കുന്നു. അതിൽ ഒരു barൽ ബ്ലോഗ് കവികളും വേറൊരു barൽ ബ്ലോഗ് ഓർമ്മക്കുറുപ്പ്istകളും ഉണ്ടു്. നിങ്ങൾ ഏതു barൽ കയറും.	രണ്ടിലും കയറി പ്രകടനം കണ്ടാസ്വദിക്കും.
നിങ്ങൾ കൈപ്പള്ളിയെ കണ്ടു മുട്ടുന്നു. എന്തു ചോദിക്കും? (കാശു്, sandwich, വാച്ച്, മോതിരം, ഫോൺ, ചെരുപ്പ് മുതലായവ ചോദിക്കരുതു്)	പഴേ കാമറയുണ്ടാ അണ്ണാ ഒന്നെടുക്കാന്‍?
ഒരു International blog meet വിളിച്ചു കൂട്ടുന്നു. അതിനായി കാര്യപരിപാടികൾ അവതരിപ്പിക്കാൻ ആരെയെല്ലാം ഉൾപെടുത്തും? എന്തെല്ലാം പരിപാടികൾ ഉണ്ടായിരിക്കും?	അത് വിളിച്ചുകൂട്ടുന്നയാള്‍ തീരുമാനിക്കട്ടെ. ഞാനേതായാലും അറിഞ്ഞുകൊണ്ട് അങ്ങനെ ഒന്നു ചെയ്യില്ല.
ബ്ലോഗിൽ ആരംഭിക്കുന്ന സൌഹൃദങ്ങളെ താങ്കൾ എങ്ങനെ കാണുന്നു? (കണ്ണു കൊണ്ടു കാണുന്നു എന്നു പറയരുത്, ബാക്കി എല്ലാവരും മൂക്കു കൊണ്ടാണോ കാണുന്നതു്?)	പരസ്പരം തിരിച്ചറിഞ്ഞു കൊണ്ട് മുന്നോട്ടു പോകാനായാല്‍ നല്ലതു തന്നെ.
Mark Twain, R.K. Narayan, Basheer. ഇവർ മൂന്നുപേരും ഒരു restaurantൽ വെച്ചു കണ്ടു മുട്ടുന്നു. എന്തു സംഭവിക്കും?	എന്തും സംഭവിച്ചേക്കാം. പ്രവചനാതീതം.
ഈ പറയുന്ന എഴുത്തുകാരിൽ നിങ്ങളെ സ്വാധീനിച്ച എഴുത്തുകാരൻ/കാരി ആരാണു്: മാധവികുട്ടി, എം. മുകുന്ദൻ, സാറ ജോസഫ്, സക്കറിയ, ഓ.വി. വിജയൻ, ബഷീർ, ആനന്ദ്, വി.കെ.എൻ, തകഴി, എം.ടി വാസുദേവൻ നായർ, പെരുമ്പടവം, വിശാലമനസ്ക്കൻ, കുറുമാൻ, ഓ.എൻ.വീ കുറുപ്പ്, കുമാരനാശാൻ.	ഇതുവരെ ഇവരാരും എന്നെ സ്വാധീനിക്കാന്‍ വന്നിട്ടില്ല. വരട്ടെ നോക്കാം. ചിലരുടെ പുസ്തകങ്ങള്‍ വായിച്ചിട്ടുണ്ട്. മൂന്നുപേരെ കണ്ടിട്ടുണ്ട്.
നിങ്ങൾ Dinnerനു് ഈ പട്ടികയിൽ കൊടുത്തിരിക്കുന്ന രണ്ടു പേരിൽ ആരെ ക്ഷനിക്കും? അവർക്ക് എന്തു ഭക്ഷണം കൊടുക്കും? അവരോടു എന്തെല്ലാം ചോദിക്കും? ഇന്ദിര ഗാന്ധി K.J. Yesudas കാട്ടുകള്ളൻ വീരപ്പൻ മാമുക്കോയ കൊച്ചുത്രേസ്യ അടൂർ ഭാസി Amjad Khan Jimmy Wales Mother Theresa Khalil Gibran Sister Alphonsa കുറുമാൻ കലാഭവൻ മണി സ്റ്റീവ് മൿ-കറി Charles Dickens Kuldip Nayar Arundhati Roy Charlie Chaplin R.K. Lakshman (cartoonist) ഇഞ്ചിപ്പെണ്ണു്	കെ.ജെ.യേശുദാസ് കലാഭവന്‍ മണി ഭക്ഷണം അവരോട് ചോദിച്ചിട്ട് തീരുമാനിക്കും. സ്വരം നന്നാണോ ഇപ്പോഴെന്നു ചോദിക്കും.
കാട്ടിലാണോ ഉത്സവപറമ്പിലാണോ ആനകളെ കാണാൻ കൂടുതൽ ഭംഗി?	ചോദ്യം ഭംഗിയെപ്പറ്റി ആയതുകൊണ്ട് ഉത്സവപ്പറമ്പ് സെലക്റ്റ് ചെയ്യുന്നു. (ആനകള്‍ കാട്ടില്‍ ജീവിക്കേണ്ടവയാണെന്ന് അഭിപ്രായം)
ആരുടേയും ബ്ലോഗുകൾ വേണമെങ്കിലും താങ്കൾക്ക് ഡിലീറ്റ് ചെയ്യാം എന്നൊരു അവകാശം ലഭിച്ചാൽ ആദ്യം താങ്കൾ ഡിലീറ്റ് ചെയ്യുന്ന 5 ബ്ലോഗുകളുടെ പേരു പറയുക?	ആദ്യം അവകാശം രേഖാമൂലം താ. അതുവച്ച് ബ്ല്ലോഗര്‍മാരെ ഒന്നു ഭീഷണിപ്പെടുത്തി നോക്കി തീരുമാനിക്കും.
അടുത്ത മത്സരത്തിനു് ചോദിക്കേണ്ട ഒരു ചോദ്യം നിർദ്ദേശിക്കു.	കമ്പ്യൂട്ടറില്‍ മലയാളം എഴുതാന്‍ ഏതു സങ്കേതം ഉപയോഗിക്കുന്നു?