ഗോമ്പറ്റീഷൻ

ആരാണീ വ്യക്തി - സമാപനവും ഫലപ്രഖ്യാപനവും

2009-05-23T15:00:00.016+04:00

പ്രിയ കൂട്ടുകാരേ,

അങ്ങനെ നമ്മളെല്ലാവരും കാത്തിരുന്ന ആ നിമിഷം വന്നുചേര്‍ന്നിരിക്കുന്നു - ഈ ഗോമ്പറ്റീഷന്‍ ഇവന്റിന്റെ “സമാപന സമ്മേളനം“ എന്നുതന്നെ വിശേഷിപ്പിക്കാവുന്ന ഈ പോസ്റ്റ്. കഴിഞ്ഞ ഏപ്രില്‍ 27 ന് ഡോ. ജി മാധവന്‍ നായരില്‍നിന്നാരംഭിച്ച് ചരിത്രത്തിലേക്ക് ചുവടുവച്ചു കടന്നുപോയ വ്യക്തികളിലേക്കും, തിരിച്ച് സമകാലീന കാലഘട്ടത്തില്‍ തങ്ങളുടേതായ വ്യക്തിമുദ്ര പതിപ്പിച്ച് ജീവിക്കുന്ന വ്യക്തികളിലേക്കും മാറിമാറി യാത്രചെയ്ത് നമ്മള്‍ അന്‍പതാം എപ്പിസോഡുവരെ വിജയകരമായി പൂര്‍ത്തീകരിച്ചിരിക്കുന്നു. ഇതില്‍ നിങ്ങളെല്ലാവരേയും പോലെ ഞാനും വളരെയധികം സന്തോഷിക്കുന്നു. ഏതൊരു ഈവന്റിന്റെയും വിജയം നടത്തിപ്പുകാരുടെ മിടുക്കിനേക്കാളുപരി അതില്‍ പങ്കെടുക്കുന്നവരുടെ എണ്ണത്തേയും, സഹകരണത്തേയും, ആത്മാര്‍ത്ഥതയേയും ആശ്രയിച്ചാണിരിക്കുന്നത് എന്നതുകൊണ്ടു തന്നെ ഇതിന്റെ വിജയം ഇതില്‍ പങ്കെടുത്ത നിങ്ങളെല്ലാവരുടേതും കൂടിയാണ്.

ഈ ഒരു മത്സരത്തിന്റെ ആശയം ഞാന്‍ ആദ്യം ആലോചിക്കുമ്പോള്‍ എന്റെ മനസിലേക്ക് വന്ന കാര്യം ബ്ലോഗില്‍ കൂടി പരിചയപ്പെട്ട നിങ്ങളില്‍ ആര്‍ക്കൊക്കെ എന്തൊക്കെ അറിയാം ആരെയൊക്കെ അറിയാം എന്നു പരീക്ഷിക്കുകയായിരുന്നില്ല. നമ്മളിലോരോരുത്തരും ഓരോ ദിവസവും അറിവുകള്‍ ആര്‍ജിച്ചു കൊണ്ടിരിക്കുകയാണ്. പക്ഷേ നമ്മുടെ വായന, നമ്മുടെ അറിവിന്റെ മേഖല ഇതൊക്കെ ഓരോരുത്തരുടേയും അഭിരുചികള്‍ക്കനുസരിച്ച് മാറും. ഉദാഹരണത്തിന് ഒലിവര്‍ ട്വിസ്റ്റും ടോം സോയറും ഒക്കെ പണ്ട് സ്കൂള്‍ കാലഘട്ടത്തില്‍ പഠിച്ചിട്ടുള്ളവര്‍ ചാള്‍സ് ഡിക്കന്‍സിനെപ്പറ്റി തീര്‍ച്ചയായും കേട്ടിട്ടുണ്ടായിരിക്കും. പക്ഷേ അന്നത്തെ കാലഘട്ടത്തില്‍ ഇന്റര്‍നെറ്റ് എന്ന അത്ഭുതം നമ്മുടെയൊന്നും സ്വപ്നത്തില്‍ പോലും ഇല്ലാതിരുന്നതിലാല്‍ നാം പഠിക്കുന്ന ഓരോ വ്യക്തിയേയും പറ്റിയുള്ള ചിത്രം ആ പാഠഭാഗം നമുക്ക് തരുന്നതുമാത്രമായി ഒതുങ്ങി. എന്നാല്‍ ഇന്റര്‍ നെറ്റിന്റെ വരവോടെ അറിവിന്റെ ചക്രവാളത്തിന് ഒരു പരിധി ഇല്ലാതെയായി. വിഷ്വല്‍ മീഡീയയുടെ വികാസത്തില്‍ ദേശങ്ങളും സംസ്കാരങ്ങളും തമ്മിലുള്ള അകലവും പരിമിതപ്പെട്ടു. ഈ മാറ്റങ്ങള്‍ക്കനുസരിച്ച് മാറിയവരുടെ അറിവിന്റെ മേഖല വികസിച്ചുകൊണ്ടേയിരിക്കുന്നു. അതില്ലാത്തവരുടെ അറിവ്, അവരുടെ മനസില്‍ നിലവിലുള്ള ഒരു ചക്രത്തിനുള്ളില്‍ മാത്രം നിന്നുതിരികയും ചെയ്യുന്നു. ഈ വ്യത്യാസങ്ങളെ ഒന്നു മനസിലാക്കിക്കൊടുത്തുകൊണ്ട് നിങ്ങളെ ഓരോരുത്തരെയും ഇന്റര്‍നെറ്റ് വായനയുടെ ഒരു പുതിയലോകത്തേക്ക് കൂട്ടിക്കൊണ്ടുപോകുവാനാണ് ഈ ഗോമ്പറ്റീഷനിലൂടെ ഞാന്‍ പ്രധാനമായും ശ്രമിച്ചത്.

ചിലവ്യക്തികളുടെ മുഖങ്ങള്‍ നമ്മളില്‍ ചിലര്‍ക്ക് വളരെ പരിചിതമായിരിക്കും. അവരുടെ മുഖത്തിന്റെ ഒന്നോരണ്ടോ ഭാഗങ്ങള്‍ കണ്ടാല്‍ പോലും അവര്‍ക്ക് അവരെ തിരിച്ചറിയാനാവും. അതേസമയം ആ വ്യക്തിയെ കേട്ടുകേഴ്വിപോലും ഇല്ലാത്ത ഒരാള്‍ക്ക് ഒട്ടും മുറിക്കാത്ത ചിത്രം കാണിച്ചു കൊടുത്താലും അദ്ദേഹത്തെ തിരിച്ചറിയുവാന്‍ സാധിച്ചെന്നുവരില്ല. ഇതാണ് ഈ ഗോമ്പറ്റീഷനിലെ ചിത്രങ്ങളുടെ കഷണിക്കലുകളിലൂടെ അവതരിപ്പിച്ചത്. എപ്പോഴും ഹൈ-ഫൈ ആയിപ്പോകാതെ എല്ലാവര്‍ക്കും പരിചിതമായ മുഖങ്ങളും ഇടയ്ക്കൊക്കെ ഉള്‍പ്പെടുത്തുവാന്‍ പരമാവധി ശ്രമിച്ചിരുന്നു.

ഇടയ്ക്കൊക്കെ നിങ്ങളില്‍ പലര്‍ക്കും തീരെപരിചയമില്ലാത്ത മുഖങ്ങളെ ഇവിടെ അവതരിപ്പിച്ചത്, ആരെക്കൊണ്ടും ഉത്തരം പറയിപ്പിക്കാതെ എനിക്ക് മുഴുവന്‍ മാര്‍ക്കും നേടാന്‍ ആയിരുന്നില്ല എന്നു മനസിലാക്കുമല്ലോ. ഗോമ്പറ്റീഷന്റെ രസത്തിനു ഭംഗം വരാതെതന്നെ പുതിയ മേഖലകള്‍ അറിവുകള്‍ ഇതൊക്കെ അവര്‍ വഴി പകര്‍ന്നുനല്‍കുവാനാണ് ആ രീതിയിലുള്ള വ്യക്തികളെ ഇതില്‍ ഉള്‍പ്പെടുത്തിയത്. അല്ലാതെ നമുക്കെല്ലാം എപ്പോഴും പരിചയമുള്ള സിനിമാതാരങ്ങളെയും രാഷ്ട്രീയക്കാരെയും വച്ച് ഒരു ജിഗ്‌സോ പസില്‍ കളിക്കുകയായിരുന്നില്ല എന്റെ ഉദ്ദേശം. അത് ഇതിനോടകം വ്യക്തമായിട്ടുള്ളതുമാണ്.

ഒന്നുമുതല്‍ നാല്‍പ്പത്തിയഞ്ചുവരെയുള്ള മത്സരങ്ങളില്‍ 45 വ്യക്തികളെമാത്രമാണ് ഇവിടെ അവതരിപ്പിച്ചതെങ്കിലും, അവരുടെ ഇമേജ് സേര്‍ച്ച് ചെയ്തു പോകുകവഴി നിങ്ങളിലോരോരുത്തരും അതിന്റെ പത്തിരട്ടി വ്യക്തികളെ പരിചയപ്പെട്ടിട്ടുണ്ടാവും. മാത്രവുമല്ല ഈ നാല്‍പ്പത്തിയഞ്ചു വ്യക്തികളുടെയും ചിത്രങ്ങള്‍ ഇനിയൊരിക്കലും ഇതില്‍ പങ്കെടുത്തവരുടെ മനസില്‍ നിന്ന് പോവുകയില്ല എന്നെനിക്ക് ഉറപ്പുണ്ട്.

ഈ ബ്ലോഗില്‍ ആദ്യമായി അവതരിപ്പിച്ച “ഇതാരുടെ ഉത്തരങ്ങള്‍” എന്ന ഗോമ്പറ്റീഷനു ശേഷം ഇനിയെന്ത് എന്നൊരു ചിന്തമനസില്‍ വന്നപ്പോഴാണ് ഇങ്ങനെയൊരു ആശയം പരീക്ഷിച്ചാലോ എന്ന് എനിക്ക് തോന്നിയത്. ബ്ലോഗിലെ വായനക്കാരുടെ അറിവിന്റെ മേഖല എവിടെയൊക്കെ പരന്നുകിടക്കുന്നു എന്നറിയാത്തതിനാല്‍ വളരെ ശ്രദ്ധിച്ചാണ് ഇതിലെ വ്യക്തികളെ ഓരോരുത്തരേയും ഞാന്‍ തെരഞ്ഞെടുത്തത്. ആദ്യമായി ഈ മത്സരം വിജയിക്കുമോ എന്നു ഞാന്‍ പരീക്ഷിച്ചത് ഈ ബ്ലോഗിന്റെ ഉടമയായ ശ്രീ നിഷാദ് കൈപ്പള്ളിക്ക് ഒരു ചിത്രം അയച്ചു കൊടുത്തുകൊണ്ടായിരുന്നു. ഡോ. ജി മാധവന്‍ നായരുടെ കഷണചിത്രം കണ്ടപ്പോള്‍ കൈപ്പള്ളിക്ക് ആദ്യം തോന്നിയത് അത് അമൂല്‍ കമ്പനിയുടെ ചെയര്‍മാര്‍ ശ്രീ.വര്‍ഗ്ഗീസ് കുര്യന്‍ ആണെന്നായിരുന്നു. ഒന്നുകൂടി തിരിച്ചുമറിച്ചും ചിത്രം നോക്കിക്കഴിഞ്ഞപ്പോള്‍ മാധവന്‍ നായരുടെ താടിയുടെ പ്രത്യേകത കൈപ്പള്ളിയുടെ കണ്ണില്‍ പെടുകയും അത് ഡോ. മാധവന്‍ നായര്‍ ആണെന്ന് തീര്‍ത്തുപറയുകയും ചെയ്തു. അതോടെ സംഗതി വിജയിക്കും എന്നെനിക്ക് ഉറപ്പായി.

പുതിയതായി ഈ ഗോമ്പറ്റീഷന്‍ ഈ ബ്ലോഗില്‍ ആരംഭിക്കുവാന്‍ കൈപ്പള്ളി അനുവാദം തരുകയും, ഇതിലേക്ക് ഉള്‍പ്പെടുത്താന്‍ പറ്റിയ പത്തോളം വ്യക്തികളുടെ പേരുകള്‍ അപ്പോള്‍ തന്നെ പറയുകയും ചെയ്തു. അങ്ങനെയാണ് ഏപ്രില്‍ 27 ന് ഈ ഗോമ്പറ്റീഷന്‍ നമ്മള്‍ ഇവിടെ ആരംഭിച്ചത്. തുടക്കത്തിലെ ഒന്നുരണ്ടു ദിവസത്തെ ചില്ലറ മാന്ദ്യത്തിനുശേഷം വായനക്കാരുടെ എണ്ണം നന്നായി വര്‍ദ്ധിച്ചു. പകുതിമത്സരങ്ങള്‍ ആയപ്പോഴേക്കും ഒരു ദിവസം ആവറേജ് 1500 പേജ് ഹിറ്റുകളും 400 നുമുകളില്‍ സന്ദര്‍ശകരും എന്ന നിലയിലെത്തി.

ഏറ്റവും കൂടുതല്‍ സന്ദര്‍ശകരുണ്ടായിരുന്നത് ഗള്‍ഫ് രാജ്യങ്ങളില്‍ നിന്നായിരുന്നു. ഇതില്‍ പങ്കെടുത്തിരുന്ന സന്ദര്‍ശകരുടെ ഏകദേശ സ്റ്റാറ്റിസ്റ്റിക്സ് താഴെക്കാണാം.

ഒരു ‘ബ്ലോഗല്‍’ ഇവന്റിനെ സംബന്ധിച്ച് ഇതൊരു വലിയൊരു സംഖ്യയല്ലെങ്കില്‍ പോലും, ഈ ഗോമ്പറ്റീഷന്‍ ഒരു വിജയം തന്നെയായിരുന്നു എന്നതില്‍ സംശയമില്ല. അതില്‍ നിങ്ങളെല്ലാവരോടും എനിക്കുള്ള നന്ദി ഈ അവസരത്തില്‍ പ്രകടിപ്പിക്കട്ടെ. അതോടൊപ്പം നന്ദിയും സന്തോഷവും തീര്‍ച്ചയായും പറഞ്ഞിരിക്കേണ്ട ഒന്നുരണ്ടാളുകള്‍ കൂടീ എന്റെ മുമ്പിലുണ്ട്. ഈ ബ്ലോഗ് ഇങ്ങനെയൊരു ഈവന്റിനായി തുറന്നു തന്ന കൈപ്പള്ളി, ഇത്രയും ആളുകള്‍ പങ്കെടൂത്ത ഈ ഗോമ്പറ്റീഷന്റെ സ്കോര്‍ഷീറ്റ് എന്ന വലിയ ഉത്തരവാദിത്വം സ്വയം ഏറ്റെടുത്ത് പ്രതീക്ഷിച്ചതിലും വളരെ വളരെ ഭംഗിയായി നമുക്ക് ചെയ്തുതന്നെ ജോഷി എന്നിവര്‍ക്കുള്ള നന്ദി അറിയിക്കുന്നു. ഓരോ മത്സരവും കഴിഞ്ഞ് നമ്മളൊക്കെ പിരിഞ്ഞുപോയിക്കഴിഞ്ഞ് ഓരൊരുത്തര്‍ക്കും കിട്ടിയ മാര്‍ക്കുകള്‍ തെറ്റീപ്പോകാതെ പെറുക്കിയടുക്കി കണക്കുകൂട്ടി ഈ സ്കോര്‍ഷീറ്റിനെ ഒരു ഗംഭീരവിജയമാക്കിയ ജോഷിക്ക് അഭിനന്ദനങ്ങള്‍. അദ്ദേഹം ആ ഷീറ്റില്‍ ചെയ്തിരിക്കുന്ന വര്‍ക്ക് എത്രത്തോളമാണെന്ന് അതിന്റെ വ്യത്യസ്ത ഷീറ്റുകള്‍ പരിശോധിച്ചാല്‍ നിങ്ങള്‍ക്ക് ബോധ്യമാകും. ഓരോ മത്സരാര്‍ത്ഥിയുടെയും ബ്ലോഗിലേക്ക് നേരിട്ട് നമുക്ക് പോകാന്‍ തക്കവിധം അവരുടെ പ്രൊഫൈലിലേക്കുള്ള ലിങ്കുള്‍പ്പടെയാണ് ജോഷി ഷീറ്റ് തയ്യാറാക്കിയിരിക്കുനത്. നന്ദി ജോഷീ.

ഈ ഗോമ്പറ്റീഷനില്‍ വളരെ ആവേശത്തോടെ പങ്കെടുത്ത് ഉത്തരങ്ങള്‍ എഴുതിയ നിങ്ങളെല്ലാവരും അഭിനന്ദനങ്ങള്‍ തീര്‍ച്ചയായും അര്‍ഹിക്കുന്നു. എങ്കിലും ഒന്നുരണ്ടു പേരുകള്‍ ഇവിടെ പരാമര്‍ശിക്കാതിരിക്കാന്‍ എനിക്കാവുന്നില്ല. ഓരോ ഗോമ്പറ്റീഷന്‍ തുടങ്ങുമ്പോഴും ആരാവും ഏറ്റവും കുറഞ്ഞ സമയത്തിനുള്ളില്‍ കറക്റ്റായ ഉത്തരം എഴുതുക എന്ന് ഞാന്‍ വളരെ ആകാംഷയോടെ നോക്കിയിരിക്കുമായിരുന്നു. പ്രത്യേകിച്ച് കട്ടുചെയ്ത ചിത്രങ്ങളാണെങ്കില്‍ ആര്‍ക്കും മനസിലാവാതെ പോവുമോ എന്ന ആധിയും. എന്നാല്‍ ലാപുട, ആഷ്‌ലി, ചീടാപ്പി, ബ്രൈറ്റ് തുടങ്ങിയവര്‍ വാശിയേറീയ ഒരു മത്സരമാണ് ഈ ഒരു കാര്യത്തില്‍ കാഴ്ചവച്ചത്. ഏറ്റവും കുറഞ്ഞ സമയത്തിനുള്ളില്‍ ഏറ്റവും കൂടുതല്‍ തവണ ശരിയുത്തരങ്ങള്‍ പറഞ്ഞത് ലാപുടയാണെന്നാണ് എന്റെ ഓര്‍മ്മ. അഭിനന്ദനങ്ങള്‍ സുഹൃത്തുക്കളേ. ഈ ഗോമ്പറ്റീഷന്‍ പകുതിയോളം ആയ സമയത്ത് ഇവിടെ എത്തിച്ചേര്‍ന്ന ഒരു വീട്ടമ്മയാണ് മാനസ. എങ്കിലും ബാക്കിയുള്ള മത്സരങ്ങളില്‍ നിന്ന് 520 മാര്‍ക്ക് മാനസ നേടി. അഭിനന്ദനങ്ങള്‍. ഇവരെ കൂടാതെ ഫൈനലിനു തൊട്ടുമുമ്പ് ടോപ് ടെന്‍ ലി‍സ്റ്റില്‍ എത്തിയ മത്സരാര്‍ത്ഥികളായ സാജന്‍, കിച്ചു, സുല്ല്, അഗ്രജന്‍, കവിത്രയം, കുഞ്ഞന്‍, ബിന്ദു കെ.പി ചീടാപ്പി എന്നിവര്‍ക്കും അഭിനന്ദനത്തിന്റെ പൂച്ചെണ്ടുകള്‍. ഇവരെ മാത്രം അഭിനന്ദിച്ചു എന്നുകരുതി ആരും പരിഭവിക്കേണ്ടതില്ല! ഇവിടെ ഉത്തരങ്ങള്‍ എഴുതിയും, എഴുതിയില്ലെങ്കിലും വായിച്ചു കൊണ്ട് ഇതില്‍ പങ്കെടുക്കുകയും ചെയ്ത എല്ലാ സുഹൃത്തുക്കള്‍ക്കുംഒരായിരം നന്ദി.

നിങ്ങള്‍ കാത്തുകാത്തിരുന്ന മത്സര ഫലം പ്രഖ്യാപിക്കാന്‍ ഇനി സമയമായിരിക്കുന്നു. അതിനു മുമ്പായി ഫൈനല്‍ മത്സരത്തില്‍ ഉള്‍പ്പെടുത്തിയിരുന്ന പത്തുവ്യക്തികള്‍ ആരൊക്കെ എന്ന് പരിചയപ്പെടുത്തട്ടെ. അവര്‍ എല്ലാവരും നമ്മുടെ സമകാലീന വ്യക്തിത്വങ്ങളാണ് എന്ന് മത്സരം നടക്കുന്ന അവസരത്തില്‍ പറഞ്ഞിരുന്നുവല്ലോ. ഇവരെയെല്ലാവരെയും പറ്റി വിക്കിപീഡിയയില്‍ നിങ്ങള്‍ക്ക് വായിക്കാം.

Group - A

A ജെയിംസ് റാന്റി - പ്രശസ്തനായ മജീഷ്യന്‍, അന്ധവിശ്വാസങ്ങളുടെ പൊള്ളത്തരങ്ങള്‍ പുറത്തെത്തിക്കുവാനായി യത്നിക്കുന്ന പ്രമുഖ വ്യക്തി
B ജോണ്‍ സ്റ്റിവാര്‍ട്ട് - കൊമേഡിയന്‍, ടി.വി അവതാരകന്‍ എന്നീ നിലകളില്‍ പ്രശസ്തന്‍
C രാകേഷ് ശര്‍മ്മ - ഇന്ത്യാക്കാരനായ ആദ്യ ബഹിരാകാശ സഞ്ചാരി
D നന്ദന്‍ നിലേഖാനി - ഇന്‍ഫോസിസിന്റെ ചെയര്‍മാന്‍
E റിച്ചാര്‍ഡ് ഡോക്കിന്‍സ് - വിശ്വപ്രസിദ്ധനായ ജൈവ ശാസ്ത്രജ്ഞന്‍, ഇവലൂഷന്‍ തിയറിയില്‍ ജീനുകളുടെ പ്രാധാന്യം ശാസ്ത്രത്തിനു ബോധ്യപ്പെടുത്തിയ ആള്‍

Group - B

A ശ്രീശാന്ത്
B ഗോപിനാഥ് മുതുകാട്
C ബൃന്ദ കാരാട്ട്
D ശ്രീകുമാരന്‍ തമ്പി
E റോബര്‍ട്ടോ ബാജിയോ

ചിത്രത്തില്‍ ക്ലിക്ക് ചെയ്താല്‍ വലുതാക്കി കാണാവുന്നതാണ്

ഫൈനല്‍ മത്സരത്തിന് നിങ്ങളോരോരുത്തരും രേഖപ്പെടുത്തിയ ഉത്തരങ്ങള്‍ ഇപ്പോള്‍ പബ്ലിഷ് ചെയ്തിട്ടുണ്ട്. ഇനി ഫലപ്രഖ്യാപനത്തിനുള്ള സമയമാണ്.

ഈ മത്സരത്തില്‍ നമ്മുടെ ടോപ് 10 ലിസ്റ്റിലെ ആദ്യ അഞ്ചുപേര്‍ നേടിയ മാര്‍ക്കുകള്‍ ഇപ്രകാരമാണ്

സാജന്‍ - 3 ശരിയുത്തരങ്ങള്‍ - 60 പോയിന്റ് (നെഗറ്റീവ് മാര്‍ക്ക് ഇല്ല) Total 1225
കിച്ചു - 3 ശരിയുത്തരങ്ങള്‍ - 60 പോയിന്റ് (നെഗറ്റീവ് മാര്‍ക്ക് ഇല്ല) Total 1205
സുല്‍ - 4 ശരിയുത്തരങ്ങള്‍ - 80 പോയിന്റ് - തെറ്റ് 1 - നെഗറ്റീവ് മാര്‍ക്ക് 10 Total 1160
ലാപുട - 2 ശരിയുത്തരങ്ങള്‍ 40 പോയിന്റ് (നെഗറ്റീവ് മാര്‍ക്ക് ഇല്ല) Total 1095
അഗ്രജന്‍ - 5 ശരിയുത്തരങ്ങള്‍ + 10 പോയിന്റ് ബോണസ് Total 1159

അപ്പോള്‍ ഈ ഗോമ്പറ്റീഷനിലെ വിജയി - സാജന്‍ | SAJAN
രണ്ടാം സ്ഥാനം: കിച്ചുച്ചേച്ചി
മൂന്നാം സ്ഥാനം : സുല്‍

വെറും ഒരു പോയിന്റ് വ്യത്യാസത്തില്‍ സുല്ലുമായി ഇഞ്ചോടിഞ്ച് പൊരുതി അഗ്രജന്‍ നാലാം സ്ഥാനത്തും ലാപുട അഞ്ചാം സ്ഥാനത്തും എത്തിയിരിക്കുന്നു. വിജയികള്‍ക്ക് അഭിനന്ദനങ്ങള്‍!

ആരാണീ വ്യക്തി - ഫൈനല്‍

2009-05-23T06:00:00.010+04:00

കൂട്ടുകാരേ, അങ്ങനെ നമ്മുടെ ഈ ഗോമ്പറ്റീഷനിലെ ഫൈനല്‍ മത്സരം ആരംഭിക്കുകയാണ്. എല്ലാവര്‍ക്കും എളുപ്പമാകുന്ന രീതിയിലാണ് ഇത് സംവിധാനം ചെയ്തിരിക്കുന്നത്. ഇതിന്റെ നിബന്ധനകള്‍ ഇനി പറയുന്നു.

താഴെ, Group A, Group B എന്നീ രണ്ട് വിഭാഗങ്ങളിലായി പത്ത് വ്യക്തികളുടെ ചിത്രങ്ങള്‍ നല്‍കിയിട്ടുണ്ട്. നിങ്ങള്‍ ചെയ്യേണ്ടത് ഇവരില്‍ നിന്ന് അഞ്ചുവ്യക്തികളെ കണ്ടെത്തുക എന്നതാണ്.
എല്ലാ ഉത്തരങ്ങളും ഒരേ ഗ്രൂപ്പില്‍ നിന്നാവരുത്. ഒരു ഗ്രൂപ്പിൽനിന്ന് എഴുതാവുന്ന പരമാവധി ഉത്തരങ്ങളുടെ എണ്ണം മൂന്നാണ്. അതായത് നിങ്ങള്‍ ഗ്രൂപ്പ് ബി യില്‍ നിന്ന് മൂന്നുശരിയുത്തരങ്ങള്‍ എഴുതാന്‍ തീരുമാനിക്കുന്നുവെങ്കില്‍ അടുത്തത് രണ്ടെണ്ണം ഗ്രൂപ്പ് എ യില്‍ നിന്നായിരിക്കണം. തിരിച്ചും ആവാം; ഗ്രൂ‍പ്പ് എ യില്‍ നിന്ന് മൂന്നുത്തരങ്ങളും ഗ്രുപ്പ് ബി. യില്‍ നിന്ന് രണ്ട് ഉത്തരങ്ങളും താല്പര്യമുള്ളവര്‍ക്ക് എഴുതാം.
Group A യിലെ ചിത്രങ്ങളെ A,B,C,D, E എന്നും Group B യിലെ ചിത്രങ്ങളെ L,M,N,O,P എന്നും നമ്പര്‍ ചെയ്തിരിക്കുന്നു. ഉത്തരങ്ങള്‍ എഴുതുമ്പോള്‍ വ്യക്തിയുടെ പേരിനു മുമ്പായി ഈ അക്ഷരങ്ങള്‍ എഴുതുവാന്‍ മറക്കരുത്.
കഴിഞ്ഞ 20-20 മത്സരങ്ങളുടെ ബാക്കി നിയമങ്ങളെല്ലാം അതേപടി നിലനില്‍ക്കുന്നു. ഒരു ശരിയുത്തരത്തിന് 20 പോയിന്റ്. തെറ്റുത്തരത്തിന് -10 പോയിന്റ്. ഏറ്റവും ആദ്യം കുറഞ്ഞത് രണ്ട് ശരിയുത്തരങ്ങളുടെ പിന്‍ബലത്തോടെ ഉത്തരം കമന്റായി എഴുതുന്ന അഞ്ചുപേര്‍ക്ക് ഒരു ശരിയുത്തരത്തിന് 2 പോയിന്റ് വീതം ബോണസ് മാര്‍ക്ക് ലഭിക്കുന്നു. എഴുതാതെ വിടുന്ന ഉത്തരങ്ങള്‍ക്ക് മൈനസ് മാര്‍ക്ക് ഇല്ല. അഞ്ചുത്തരങ്ങളും ഒരുമിച്ച് ഒരേ കമന്റില്‍ എഴുതണം. ഒരാള്‍ ഏറ്റവും ആദ്യം രേഖപ്പെടുത്തുന്ന കമന്റിലെ ഉത്തരങ്ങളായിരിക്കും സ്കോറിന് കണക്കാക്കുക. ആദ്യ നാലുമണിക്കൂര്‍ കമന്റ് മോഡറേഷന്‍.

GROUP - A

GROUP B

ചിത്രം വലുതായി കാണുന്നതിന് അതില്‍ ക്ലിക്ക് ചെയ്യുക

കമന്റ് മോഡറേഷന്‍ ഇന്ത്യന്‍ സമയം 11:30 AM ന് അവസാനിക്കും. (ഇന്ന് മോഡറേഷന്‍ സ്വയം അവസാനിക്കുകയാണ്. യു.എ.ഇ സമയം 10:00 AM (ഇന്ത്യന്‍ സമയം 11:30 AM) ന് ശേഷം ഈ ബ്ലോഗില്‍ രേഖപ്പെടുത്തപ്പെടുന്ന കമന്റുകള്‍ സ്കോറുകളിലേക്ക് പരിഗണിക്കുകയില്ല). ഈ ഫൈനല്‍ മത്സരത്തിന്റെ ശരിയുത്തരങ്ങളും, നിങ്ങളുടെ ഉത്തരങ്ങളും, ഗോമ്പറ്റീഷന്റെ ഫലപ്രഖ്യാപനവും ഇന്ന് ഇന്ത്യന്‍ സമയം 4:30 PM ന് പ്രസിദ്ധീകരിക്കുന്ന ഈ ഗോമ്പറ്റീഷന്റെ Closing Post ല്‍ പ്രഖ്യാപിക്കുന്നതാണ്. എല്ലാവരും ആ സമയത്ത് ഒരിക്കല്‍ കൂടി ഇവിടെ എത്തുവാന്‍ അഭ്യര്‍ത്ഥിക്കുന്നു.

ആരാണീ വ്യക്തി 20-20 നാല്

2009-05-21T15:00:00.010+04:00

അറിയിപ്പ് : നാളെ (22-5-2009 വെള്ളി) മത്സരം ഉണ്ടായിരിക്കുന്നതല്ല. ഫൈനല്‍ കളിക്കുന്നതിനു മുമ്പായി ഒരു ദിവസം വിശ്രമം. ഈ ഗോമ്പറ്റീഷനിലെ ഫൈനല്‍ മത്സരം 23-5-2009 ശനിയാഴ്ച രാവിലെ ഇന്ത്യന്‍ സമയം 7:30 ന് ആരംഭിക്കും. എല്ലാവര്‍ക്കും വിജയാശംസകള്‍! ഈ ചിത്രത്തില്‍ കാണുന്നവരില്‍ ആരെയൊക്കെ നിങ്ങള്‍ക്ക് അറിയാം? ട്വന്റി-ട്വന്റി മത്സര നിബന്ധനകള്‍:

അഞ്ചു വ്യത്യസ്ത വ്യക്തികളുടെ മുഖങ്ങളുടെ ഭാഗങ്ങളാണ് താഴെയുള്ള ഫോട്ടോയില്‍ ഉള്ളത്. അവരാരൊക്കെ എന്നു കണ്ടുപിടിക്കുകയാണ് നിങ്ങളുടെ ജോലി.
ഉത്തരങ്ങള്‍ എഴുതുമ്പോള്‍ ചിത്രത്തോടൊപ്പമുള്ള അക്ഷരം കൂടി ചേര്‍ത്ത് വേണം ആളുടെ പേര് എഴുതുവാന്‍. എല്ലാ ഉത്തരവും കൂടി ഒരു കമന്റില്‍ ആയിരിക്കണം പ്രസിദ്ധീകരിക്കുന്നത്. ഒരു മത്സരാര്‍ത്ഥിക്ക് ഒരേ ഒരു തവണമാത്രമേ ഉത്തരം എഴുതുവാന്‍ അനുവാദമുള്ളൂ. ഒന്നിലധികം തവണ കമന്റുകളിലൂടെ ഉത്തരം എഴുതിയാലും ഏറ്റവും ആദ്യം എഴുതിയ കമന്റിലെ ഉത്തരങ്ങളാവും സ്കോറിനായി പരിഗണിക്കുന്നത്. ഒരിക്കല്‍ പബ്ലിഷായ കമന്റുകള്‍ ഡിലീറ്റ് ചെയ്യരുത്. ഡിലീറ്റ് ചെയ്യുന്നവരെ ആ മത്സരത്തിന്റെ സ്കോറില്‍ ഉള്‍പ്പെടുത്തുന്നതല്ല.
ശരിയായ ഓരോ ഉത്തരത്തിനും 20 പോയിന്റ് ലഭിക്കും. തെറ്റിപ്പോയാല്‍ 10 പോയിന്റ് മൈനസ് മാര്‍ക്കായി കണക്കാക്കുന്നതാണ്.
ഏതെങ്കിലും ഒരു വ്യക്തിയെ നിങ്ങള്‍ക്ക് മനസിലായില്ല എങ്കില്‍ ആ ഉത്തരം എഴുതാതെ വിടാവുന്നതാണ്. അതിന് മൈനസ് പോയിന്റ് ഇല്ല.
മത്സരം തുടങ്ങി ആദ്യത്തെ നാലുമണിക്കൂര്‍ കമന്റുകള്‍ മോഡറേഷനില്‍ ആയിരിക്കും. ഈ മത്സരങ്ങളില്‍ ക്ലൂ ഉണ്ടായിരിക്കുകയില്ല. നാലുമണിക്കൂറിനു ശേഷം ശരിയുത്തരം പ്രഖ്യാപിക്കും.
കുറഞ്ഞത് രണ്ടു ശരിയുത്തരങ്ങളോടെ ഏറ്റവും ആദ്യം ഇവിടെ കമന്റായി ഉത്തരങ്ങള്‍ എഴുതുന്ന അഞ്ചുപേര്‍ക്ക്, ഓരോ ശരിയുത്തരത്തിനും 2 പോയിന്റ് വീതം പരമാവധി 10 പോയിന്റ് ബോണസ് ആയി ലഭിക്കും. (ബോണസിനായി പരിഗണിക്കപ്പെടുന്നതിന് കുറഞ്ഞത് രണ്ടുത്തരങ്ങളെങ്കിലും ശരിയായി എഴുതിയിരിക്കണം). ആദ്യ അഞ്ചാളുകള്‍ A,B,C,D,E ഇവയില്‍ ഏതിനെങ്കിലും ശരിയായ ഉത്തരം എഴുതിയില്ലെങ്കില്‍, ഏറ്റവും ആദ്യം ആ ഉത്തരം എഴുതുന്ന അടുത്തയാള്‍ക്ക് 2 പോയിന്റ് ബോണസ് ലഭിക്കും.
ആര്‍ക്കുവേണമെങ്കിലും ഈ മത്സരങ്ങളിലും പങ്കെടുക്കാം, ഉത്തരവുമെഴുതാം. ഇതുവരെ പങ്കെടുത്തവര്‍ മാത്രമേ ഉത്തരമെഴുതാവൂ എന്നില്ല.

ചിത്രം വലുതായി കാണുന്നതിന് അതില്‍ ക്ലിക്ക് ചെയ്യുക

ഒരറിയിപ്പ്: ചില പ്രത്യേക കാരണങ്ങളാല്‍ ഈ ഗോമ്പറ്റീഷന്‍ (നമ്പര്‍ 49) ക്യാന്‍സല്‍ ചെയ്യുന്നു. അതിനാല്‍ ഇതുവരെ കിട്ടിയ കമന്റുകളും ഉത്തരങ്ങളും പ്രസിദ്ധീകരിക്കുന്നില്ല. ഇനി ശനിയാഴ്ച രാവിലെ ഫൈനല്‍ മത്സരത്തില്‍ കാണാം... :-) ഓ.ടോ. ശരിക്കും സേര്‍ച്ച് ചെയ്ത് വശപ്പിശകിലായവര്‍ക്ക് നേരിട്ട ബുദ്ധിമുട്ടുകളില്‍ ഖേദിക്കുന്നു.

ആരാണീ വ്യക്തി 20-20 മൂന്ന്

2009-05-21T06:00:00.008+04:00

ഈ ചിത്രത്തില്‍ കാണുന്നവരില്‍ ആരെയൊക്കെ നിങ്ങള്‍ക്ക് അറിയാം? ട്വന്റി-ട്വന്റി മത്സര നിബന്ധനകള്‍:

അഞ്ചു വ്യത്യസ്ത വ്യക്തികളുടെ മുഖങ്ങളുടെ ഭാഗങ്ങളാണ് താഴെയുള്ള ഫോട്ടോയില്‍ ഉള്ളത്. അവരാരൊക്കെ എന്നു കണ്ടുപിടിക്കുകയാണ് നിങ്ങളുടെ ജോലി.
ഉത്തരങ്ങള്‍ എഴുതുമ്പോള്‍ ചിത്രത്തോടൊപ്പമുള്ള അക്ഷരം കൂടി ചേര്‍ത്ത് വേണം ആളുടെ പേര് എഴുതുവാന്‍. എല്ലാ ഉത്തരവും കൂടി ഒരു കമന്റില്‍ ആയിരിക്കണം പ്രസിദ്ധീകരിക്കുന്നത്. ഒരു മത്സരാര്‍ത്ഥിക്ക് ഒരേ ഒരു തവണമാത്രമേ ഉത്തരം എഴുതുവാന്‍ അനുവാദമുള്ളൂ. ഒന്നിലധികം തവണ കമന്റുകളിലൂടെ ഉത്തരം എഴുതിയാലും ഏറ്റവും ആദ്യം എഴുതിയ കമന്റിലെ ഉത്തരങ്ങളാവും സ്കോറിനായി പരിഗണിക്കുന്നത്. എഴുതിയ കമന്റുകള്‍ ഡിലീറ്റ് ചെയ്യരുത്. ഡിലീറ്റ് ചെയ്യുന്നവരെ ആ മത്സരത്തിന്റെ സ്കോറില്‍ ഉള്‍പ്പെടുത്തുന്നതല്ല.
ശരിയായ ഓരോ ഉത്തരത്തിനും 20 പോയിന്റ് ലഭിക്കും. തെറ്റിപ്പോയാല്‍ 10 പോയിന്റ് മൈനസ് മാര്‍ക്കായി കണക്കാക്കുന്നതാണ്.
ഏതെങ്കിലും ഒരു വ്യക്തിയെ നിങ്ങള്‍ക്ക് മനസിലായില്ല എങ്കില്‍ ആ ഉത്തരം എഴുതാതെ വിടാവുന്നതാണ്. അതിന് മൈനസ് പോയിന്റ് ഇല്ല.
മത്സരം തുടങ്ങി ആദ്യത്തെ നാലുമണിക്കൂര്‍ കമന്റുകള്‍ മോഡറേഷനില്‍ ആയിരിക്കും. ഈ മത്സരങ്ങളില്‍ ക്ലൂ ഉണ്ടായിരിക്കുകയില്ല. നാലുമണിക്കൂറിനു ശേഷം ശരിയുത്തരം പ്രഖ്യാപിക്കും.
കുറഞ്ഞത് രണ്ടു ശരിയുത്തരങ്ങളോടെ ഏറ്റവും ആദ്യം ഇവിടെ കമന്റായി ഉത്തരങ്ങള്‍ എഴുതുന്ന അഞ്ചുപേര്‍ക്ക്, ഓരോ ശരിയുത്തരത്തിനും 2 പോയിന്റ് വീതം പരമാവധി 10 പോയിന്റ് ബോണസ് ആയി ലഭിക്കും. (ബോണസിനായി പരിഗണിക്കപ്പെടുന്നതിന് കുറഞ്ഞത് രണ്ടുത്തരങ്ങളെങ്കിലും ആ ഉത്തരദാതാവ് ശരിയായി എഴുതിയിരിക്കണം). ആദ്യ അഞ്ചാളുകള്‍ A,B,C,D,E ഇവയില്‍ ഏതിനെങ്കിലും ശരിയായ ഉത്തരം എഴുതിയില്ലെങ്കില്‍, ഏറ്റവും ആദ്യം ആ ഉത്തരം എഴുതുന്ന അടുത്തയാള്‍ക്ക് 2 പോയിന്റ് ബോണസ് ലഭിക്കും
ആര്‍ക്കുവേണമെങ്കിലും ഈ മത്സരങ്ങളിലും പങ്കെടുക്കാം, ഉത്തരവുമെഴുതാം. ഇതുവരെ പങ്കെടുത്തവര്‍ മാത്രമേ ഉത്തരമെഴുതാവൂ എന്നില്ല.

ചിത്രം വലുതായി കാണുവാന്‍ അതില്‍ ക്ലിക്ക്ചെയ്യുക.

ആരാണീ വ്യക്തി 20-20 രണ്ട്

2009-05-20T15:00:00.014+04:00

അഞ്ചു വ്യത്യസ്ത വ്യക്തികളുടെ മുഖങ്ങളുടെ ഭാഗങ്ങളാണ് താഴെയുള്ള ഫോട്ടോയില്‍ ഉള്ളത്. അവരാരൊക്കെ എന്നു കണ്ടുപിടിക്കുകയാണ് നിങ്ങളുടെ ജോലി.
ഉത്തരങ്ങള്‍ എഴുതുമ്പോള്‍ ചിത്രത്തോടൊപ്പമുള്ള അക്ഷരം കൂടി ചേര്‍ത്ത് വേണം ആളുടെ പേര് എഴുതുവാന്‍. എല്ലാ ഉത്തരവും കൂടി ഒരു കമന്റില്‍ ആയിരിക്കണം പ്രസിദ്ധീകരിക്കുന്നത്. ഒരു മത്സരാര്‍ത്ഥിക്ക് ഒരേ ഒരു തവണമാത്രമേ ഉത്തരം എഴുതുവാന്‍ അനുവാദമുള്ളൂ. ഒന്നിലധികം തവണ കമന്റുകളിലൂടെ ഉത്തരം എഴുതിയാലും ഏറ്റവും ആദ്യം എഴുതിയ കമന്റിലെ ഉത്തരങ്ങളാവും സ്കോറിനായി പരിഗണിക്കുന്നത്. എഴുതിയ കമന്റുകള്‍ ഡിലീറ്റ് ചെയ്യുവാന്‍ ശ്രമിക്കരുത്. ഡിലീറ്റ് ചെയ്യുന്നവരെ ആ മത്സരത്തിന്റെ സ്കോറില്‍ ഉള്‍പ്പെടുത്തുന്നതല്ല.
ശരിയായ ഓരോ ഉത്തരത്തിനും 20 പോയിന്റ് ലഭിക്കും. തെറ്റിപ്പോയാല്‍ 10 പോയിന്റ് മൈനസ് മാര്‍ക്കായി കണക്കാക്കുന്നതാണ്.
ഏതെങ്കിലും ഒരു വ്യക്തിയെ നിങ്ങള്‍ക്ക് മനസിലായില്ല എങ്കില്‍ ആ ഉത്തരം എഴുതാതെ വിടാവുന്നതാണ്. അതിന് മൈനസ് പോയിന്റ് ഇല്ല.
മത്സരം തുടങ്ങി ആദ്യത്തെ നാലുമണിക്കൂര്‍ കമന്റുകള്‍ മോഡറേഷനില്‍ ആയിരിക്കും. ഈ മത്സരങ്ങളില്‍ ക്ലൂ ഉണ്ടായിരിക്കുകയില്ല. നാലുമണിക്കൂറിനു ശേഷം ശരിയുത്തരം പ്രഖ്യാപിക്കും.
കുറഞ്ഞത് രണ്ടു ശരിയുത്തരങ്ങളോടെ ഏറ്റവും ആദ്യം ഇവിടെ കമന്റായി ഉത്തരങ്ങള്‍ എഴുതുന്ന അഞ്ചുപേര്‍ക്ക്, ഓരോ ശരിയുത്തരത്തിനും 2 പോയിന്റ് വീതം പരമാവധി 10 പോയിന്റ് ബോണസ് ആയി ലഭിക്കും. (ബോണസിനായി പരിഗണിക്കപ്പെടുന്നതിന് കുറഞ്ഞത് രണ്ടുത്തരങ്ങളെങ്കിലും ആ ഉത്തരദാതാവ് ശരിയായി എഴുതിയിരിക്കണം). ആദ്യ അഞ്ചാളുകള്‍ A,B,C,D,E ഇവയില്‍ ഏതിനെങ്കിലും ശരിയായ ഉത്തരം എഴുതിയില്ലെങ്കില്‍, ഏറ്റവും ആദ്യം ആ ഉത്തരം എഴുതുന്ന അടുത്തയാള്‍ക്ക് 2 പോയിന്റ് ബോണസ് ലഭിക്കും.
ആര്‍ക്കുവേണമെങ്കിലും ഈ മത്സരങ്ങളിലും പങ്കെടുക്കാം, ഉത്തരവുമെഴുതാം. ഇതുവരെ പങ്കെടുത്തവര്‍ മാത്രമേ ഉത്തരമെഴുതാവൂ എന്നില്ല.

ചിത്രം വലുതാക്കിക്കാണുവാന്‍ അതില്‍ ക്ലിക്ക് ചെയ്യുക.

ആരാണീ വ്യക്തി 20-20 - ഒന്ന്

2009-05-20T06:00:00.021+04:00

ഗോമ്പറ്റീഷന്റെ ഇതുവരെയുള്ള മത്സരങ്ങളില്‍ ആദ്യ പത്ത് റാങ്ക് നേടിയവര്‍ ഇവരാണ്

സാജന്‍| SAJAN 925
kichu 875
ലാപുട 855
സുല്‍ |Sul 830
അഗ്രജന്‍ 825
kavithrayam 715
കുഞ്ഞന്‍ 670
Ashly A K 635
ഉഗാണ്ട രണ്ടാമന്‍ 605
ബിന്ദു കെ പി 590

ഇനി ഈ മത്സരത്തിന്റെ കലാശക്കൊട്ടായ ട്വന്റി-ട്വന്റി മത്സരം ആരംഭിക്കുന്നു. ട്വന്റി-ട്വന്റി മത്സര നിബന്ധനകള്‍:

ഇതുവരെയുള്ള മത്സരങ്ങളില്‍ പങ്കെടുത്ത നിങ്ങള്‍ക്കോരോരുത്തര്‍ക്കും ഓരോ പ്രശസ്ത വ്യക്തികളെ എത്രത്തോളം അറിയാം എന്നതാണ് അതാതിന്റെ റിസല്‍ട്ടുകളിലൂടെ നിങ്ങള്‍ പറഞ്ഞത്. ഇനി വരുന്ന ചിത്രങ്ങളില്‍ അത്രയധികം അപരിചിതര്‍ ആരുമുണ്ടാവില്ല. എല്ലാവരും നമ്മുടെ സമകാലീനര്‍, ചിലര്‍ പ്രശസ്തര്‍, ചിലര്‍ കുപ്രസിദ്ധര്‍. എന്തുതന്നെയായാലും ഇവരെ എല്ലാവരേയും മാധ്യമങ്ങളിലൂടെ നിങ്ങള്‍ക്ക് പരിചയമുള്ളവരാണ്. അവരുടെ മുഖം എത്രത്തോളം നിങ്ങളുടെ മനസില്‍ പതിഞ്ഞിട്ടുണ്ടെന്ന് അറിയാനാണ് ഈ മത്സരം. മുഖത്തിന്റെ ഒരു ഭാഗം മാത്രമേ ഇവിടെ നല്‍കുന്നുള്ളൂ. ഒറ്റനോട്ടത്തില്‍ നിങ്ങള്‍ക്ക് ആളെ മനസിലാകുന്നുവെങ്കില്‍ അവരുടെ പേരും ഒപ്പം മനസിലെത്തും. ഇവിടെ ഗൂഗിള്‍ സേര്‍ച്ചോ, ഫോട്ടോഷോപ്പോ നിങ്ങളെ സഹായിച്ചു എന്നുവരില്ല.
അഞ്ചു വ്യത്യസ്ത വ്യക്തികളുടെ മുഖങ്ങളുടെ ഭാഗങ്ങളാണ് താഴെയുള്ള ഫോട്ടോയില്‍ ഉള്ളത്. അവരാരൊക്കെ എന്നു കണ്ടുപിടിക്കുകയാണ് നിങ്ങളുടെ ജോലി.
ഉത്തരങ്ങള്‍ എഴുതുമ്പോള്‍ ചിത്രത്തോടൊപ്പമുള്ള അക്ഷരം കൂടി ചേര്‍ത്ത് വേണം ആളുടെ പേര് എഴുതുവാന്‍. എല്ലാ ഉത്തരവും കൂടി ഒരു കമന്റില്‍ ആയിരിക്കണം പ്രസിദ്ധീകരിക്കുന്നത്. ഒരു മത്സരാര്‍ത്ഥിക്ക് ഒരേ ഒരു തവണമാത്രമേ ഉത്തരം എഴുതുവാന്‍ അനുവാദമുള്ളൂ. ഒന്നിലധികം തവണ കമന്റുകളിലൂടെ ഉത്തരം എഴുതിയാലും ഏറ്റവും ആദ്യം എഴുതിയ കമന്റിലെ ഉത്തരങ്ങളാവും സ്കോറിനായി പരിഗണിക്കുന്നത്. എഴുതിയ കമന്റുകള്‍ ഡിലീറ്റ് ചെയ്യുവാന്‍ ശ്രമിക്കരുത്. ഡിലീറ്റ് ചെയ്താലും അവയുടെ ബായ്ക്കപ്പ് കോപ്പികള്‍ എന്റെ ഇ-മെയിലില്‍ ഉണ്ടാവും. കമന്റുകള്‍ ഡിലീറ്റ് ചെയ്യുന്നവരെ ആ മത്സരത്തിന്റെ സ്കോറില്‍ ഉള്‍പ്പെടുത്തുന്നതല്ല.
ശരിയായ ഓരോ ഉത്തരത്തിനും 20 പോയിന്റ് ലഭിക്കും. തെറ്റിപ്പോയാല്‍ 10 പോയിന്റ് മൈനസ് മാര്‍ക്കായി കണക്കാക്കുന്നതാണ്.
ഏതെങ്കിലും ഒരു വ്യക്തിയെ നിങ്ങള്‍ക്ക് മനസിലായില്ല എങ്കില്‍ ആ ഉത്തരം എഴുതാതെ വിടാവുന്നതാണ്. അതിന് മൈനസ് പോയിന്റ് ഇല്ല.
മത്സരം തുടങ്ങി ആദ്യത്തെ നാലുമണിക്കൂര്‍ കമന്റുകള്‍ മോഡറേഷനില്‍ ആയിരിക്കും. ഈ മത്സരങ്ങളില്‍ ക്ലൂ ഉണ്ടായിരിക്കുകയില്ല. നാലുമണിക്കൂറിനു ശേഷം ശരിയുത്തരം പ്രഖ്യാപിക്കും.
കുറഞ്ഞത് രണ്ടു ശരിയുത്തരങ്ങളോടെ ഏറ്റവും ആദ്യം ഇവിടെ കമന്റായി ഉത്തരങ്ങള്‍ എഴുതുന്ന അഞ്ചുപേര്‍ക്ക്, ഓരോ ശരിയുത്തരത്തിനും 2 പോയിന്റ് വീതം പരമാവധി 10 പോയിന്റ് ബോണസ് ആയി ലഭിക്കും. (ബോണസിനായി പരിഗണിക്കപ്പെടുന്നതിന് കുറഞ്ഞത് രണ്ടുത്തരങ്ങളെങ്കിലും ആ ഉത്തരദാതാവ് ശരിയായി എഴുതിയിരിക്കണം). ആദ്യ അഞ്ചാളുകള്‍ A,B,C,D,E ഇവയില്‍ ഏതിനെങ്കിലും ശരിയായ ഉത്തരം എഴുതിയില്ലെങ്കില്‍, ഏറ്റവും ആദ്യം ആ ഉത്തരം എഴുതുന്ന അടുത്തയാള്‍ക്ക് 2 പോയിന്റ് ബോണസ് ലഭിക്കും
ആര്‍ക്കുവേണമെങ്കിലും ഈ മത്സരങ്ങളിലും പങ്കെടുക്കാം, ഉത്തരവുമെഴുതാം. ഇതുവരെ പങ്കെടുത്തവര്‍ മാത്രമേ ഉത്തരമെഴുതാവൂ എന്നില്ല.

ചിത്രം വലുതായികാണുവാന്‍ അതില്‍ ക്ലിക്ക് ചെയ്യുക.

മത്സരം 45 - സിഗ്‌മണ്ട് ഫ്രോയ്‌ഡ്

2009-05-19T15:00:00.005+04:00

ഈ മത്സരത്തോടെ ഒരു വ്യക്തിയില്‍ അധിഷ്ഠിതമായ ചോദ്യപരമ്പര അവസാനിക്കുകയാണ്. അടുത്ത അഞ്ചു മത്സരങ്ങള്‍ മുന്‍പു സൂചിപ്പിച്ചതുപോലെ അഞ്ചുവ്യക്തികള്‍ ഒരു ഫോട്ടോയില്‍ ഉള്ള 20-20 ആണ്. സമയക്രമങ്ങള്‍ക്കൊന്നും മാറ്റമില്ല. വിശദവിവരങ്ങള്‍ നാളെ രാവിലെ ഇന്ത്യന്‍ സമയം 7:30 AM ന് ആരംഭിക്കുന്ന ആദ്യ മത്സരത്തോടൊപ്പം. Good luck ! ശരിയുത്തരം : സിഗ്മണ്ട് ഫ്രോയ്ഡ് ആസ്ട്രിയന്‍ ന്യൂറോളജിസ്റ്റും, ആധുനിക സൈക്കോ അനാലിസിസിന്റെ പിതാവുമായ പ്രശസ്ത മനഃശ്ശാസ്ത്രജ്ഞന്‍. മനുഷ്യന്റെ ആന്തരികവ്യക്തിത്വത്തെപ്പറ്റി മനസ്സിലാക്കുന്നതിനും പഠിക്കുന്നതിനും ഒരു പുതിയ രീതിതന്നെ ഫ്രോയ്ഡ് കൊണ്ടുവന്നു. ഇരുപതാം നൂറ്റാണ്ടിനെ ഏറ്റവുമധികം സ്വാധീനിച്ച വ്യക്തികളിലൊരാളായാണ് അദ്ദേഹം അറിയപ്പെടുന്നത്. 1856 മെയ് 6 ന് ഇപ്പോഴത്തെ ഷെക് റിപബ്ലിക്കിന്റെ ഭാഗമായ ഫ്രീബര്‍ഗിലാണ് അദ്ദേഹം ജനിച്ചത്. അദ്ദേഹത്തിന്റെ പിതാവ് ഒരു വ്യാപാരിയായിരുന്നു. ഫ്രോയ്ഡിന്റെ കുടുംബം പില്‍ക്കാലത്ത് വിയന്നയിലേക്ക് കുടിയേറി. അവിടെയാണ് അദ്ദേഹത്തിന്റെ പ്രാഥമികവിദ്യാഭ്യാസം നടന്നത്. 1873 ല്‍ അദ്ദേഹം ഒരു മെഡിക്കല്‍ വിദ്യാര്‍ത്ഥിയായി വിയന്ന യൂണിവേഴ്സിറ്റിയില്‍ പഠനമാരംഭിച്ചു. പഠനം പൂര്‍ത്തിയാക്കി, വിയന്ന ജനറല്‍ ഹോസ്‌പിറ്റലില്‍ അദ്ദേഹം ജോലിയില്‍ പ്രവേശിച്ചു. ഹിസ്റ്റീരിയ രോഗികളെ ഹിപ്നോട്ടിസത്തിനു വിധേയരാക്കിയതിനു ശേഷം അവരുടെ ജീവിതത്തിലുണ്ടായ വേദനാജനകമായ അനുഭവങ്ങളെ വെളിച്ചത്തുകൊണ്ടുവരുകയും അങ്ങനെ അവരെ മാനസികരോഗവിമുക്തരാക്കുകയു ചെയ്യുന്ന രീതി, ഡോ. ജോസഫ് ബ്രൂറെറോടൊപ്പം അദ്ദേഹം പ്രാക്റ്റീസ് ചെയ്തു. 1885 ല്‍ അദ്ദേഹം ഫ്രാന്‍സിലേക്ക് പോവുകയും ഡോ. ജീന്‍ ഷാര്‍ക്കറ്റിനോടോപ്പം ഒരു വര്‍ഷം പ്രാക്റ്റീസ് ചെയ്തു. അതിനുശേഷം തിരികെ വിയന്നയിലെത്തിയ ഫ്രോയ്ഡ് അവിടെ സ്വന്തമായി പ്രാക്റ്റീസ് തുടങ്ങി. മനുഷ്യരുടെ ഉപബോധമനസിനെപ്പറ്റിയുള്ള പഠനങ്ങളും, നിരീക്ഷണങ്ങളും, സിദ്ധാന്തങ്ങളും അദ്ദേഹം പിന്നീട് രൂപപ്പെടുത്തി. 1900 ല്‍ അദ്ദേഹത്തിന്റെ പ്രശസ്തമായ പുസ്തകം The Interpretation of Dreams" പുറത്തിറങ്ങി. അബോധമനസ്സിന്റെ ആഗ്രഹങ്ങളും അനുഭവങ്ങളുമാണ് സ്വപ്നങ്ങളായി രൂപപ്പെടുന്നതെന്ന് ഈ പുസ്തകത്തില്‍ അദ്ദേഹം സിദ്ധാന്തങ്ങളുടെയും ഉദാഹരണങ്ങളുടെയും അടിസ്ഥാനത്തില്‍ വിവരിച്ചു. 1902 മുതല്‍ 1938 വരെ അദ്ദേഹം വിയന്ന യൂണിവേഴ്സിറ്റിയിലെ ന്യുറോപതോളജി പ്രൊഫസറായി തുടര്‍ന്നു. അന്നത്തെ വൈദ്യശാസ്ത്ര രംഗം അദ്ദേഹത്തിന്റെ പല സിദ്ധാ‍ന്തങ്ങളേയും നിരാകരിച്ചുവെങ്കിലും, ഒരുപറ്റം വിദ്യാര്‍ത്ഥികളും അദ്ദേഹത്തിന്റെ സിദ്ധാന്തങ്ങളുടെ പ്രണേതാക്കളും അദ്ദേഹത്തോടൊപ്പമുണ്ടായിരുന്നു. 1910 ല്‍ ഫ്രോയ്ഡ് International Psychoanalytic Association സ്ഥാപിച്ചു. 1923 ല്‍ അദ്ദേഹത്തിന്റെ അടൂത്ത പുസ്തകമായ The Ego and Id' പുറത്തിറങ്ങി. മനുഷ്യമനസിന്റെ പുതിയൊരു രൂപരേഖ, Id, ego and super ego എന്നിങ്ങനെ മൂന്നായി തിരിച്ചുകൊണ്ട് അദ്ദേഹം ഈ പുസ്തകത്തിലൂടെ അവതരിപ്പിച്ചു. നാസികള്‍ അദ്ദേഹത്തിനെതിരാവുന്നു എന്ന ഘട്ടം വന്നപ്പോള്‍ 1938 ല്‍ അദ്ദേഹം വിയന്ന വിട്ടു. 1939 ല്‍ സെപ്റ്റംബര്‍ 23 ന് അദ്ദേഹം അന്തരിച്ചു. അവലംബം : ബി.ബി.സി ഹിസ്റ്ററി പേജ്.

മത്സരം 44 - ഇന്ദ്ര നൂയി

2009-05-19T06:00:00.002+04:00

ശരിയുത്തരം : ഇന്ദ്ര നൂയി ലോകത്തെ ഏറ്റവും വലിയ ബെവറേജസ് കമ്പനികളില്‍ ഒന്നായ പെപ്സി യുടെ ചെയര്‍പേഴ്സണും സി.ഇ.ഒ യുമായ ഇന്ദ്ര കൃഷ്ണമൂര്‍ത്തി നൂയി. അമേരിക്കയിലെ ഫോര്‍ബ്സ് മാഗസിന്‍ നടത്തിയ ഒരു സര്‍വ്വേയില്‍, ഇന്ദ്ര നൂയി ലോകത്തിലെ ഏറ്റവും പ്രഗത്ഭരായ 100 വനിത നേതാക്കളില്‍ മൂന്നാം സ്ഥാനത്തായിരുന്നു. മറ്റൊരു മാഗസിന്‍ ആയ ഫോര്‍ച്ച്യൂണ്‍ നടത്തിയ സര്‍വ്വേയില്‍ ലോകത്തിലെ ഏറ്റവും പ്രഗത്ഭരാ‍യ ബിസിനസ് നടത്തിപ്പുകാരില്‍‍ ഒന്നാമതായി തിരഞ്ഞെടുക്കപ്പെട്ടു.ഇതു കൂടാതെ 2008 ല്‍ അമേരിക്കയിലെ മികച്ച നേതാക്കളില്‍ ഒരാളായി യു.എസ്.ന്യൂസ് ആന്‍ഡ് വേള്‍ഡ് റിപ്പോര്‍ട്ട് ഇന്ദ്ര നൂയിയെ നിര്‍ദ്ദേശിച്ചു. 2007 ല്‍ ഭാരതം പത്മഭൂഷണ്‍ പുരസ്കാരം നല്‍കി ഇവരെ ആദരിച്ചു. 1955 ഒക്റ്റോബര്‍ 28 ന് തമിഴ് നാട്ടിലെ ചെന്നൈയില്‍ ആണ് ഇന്ദ്ര ജനിച്ചത്. മദ്രാസിലെ ഹോളി ഏഞ്ചത്സ് സ്കൂളില്‍ നിന്ന് സ്കൂള്‍ വിദ്യാഭ്യാസം പൂര്‍ത്തിയാക്കി.1974-ല്‍ തന്റെ ഡിഗ്രി വിദ്യാഭ്യാസം പൂര്‍ത്തീകരിച്ച ശേഷം ഇന്ദ്ര ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് മാനേജ്മെന്റ് സ്റ്റഡീസില്‍ ചേര്‍ന്നു. 1976 ല്‍ അത് പൂര്‍ത്തീകരിച്ച ശേഷം അവര്‍ ഇന്ത്യയില്‍ തന്നെ ജോലി നോക്കി. പിന്നീട് 1978 ല്‍ യേല്‍ സ്കൂള്‍ ഓഫ് മാനേജ്മെന്റ് സ്റ്റഡീസില്‍ ചേര്‍ന്നു. 1980 ല്‍ ബിരുദാനന്തര ബിരുദം നേടിയതിനു ശേഷം, നൂയി ബോസ്റ്റണ്‍ കണ്‍സല്‍ട്ടിംങ് ഗ്രൂപ്പ് എന്ന കമ്പനിയില്‍ ചേര്‍ന്നു. അതിനു ശേഷം മോട്ടോറോള കമ്പനിയിലും പിന്നീട് ഏഷ്യ ബ്രൌണ്‍ ബോവറി എന്ന കമ്പനിയിലും ജോലി നോക്കി. ഫെഡറല്‍ റിസര്‍വ് ബാങ്ക് ഓഫ് ന്യൂ യോര്‍ക്ക്, ഇന്റര്‍നാഷണല്‍ റെസ്ക്യൂ കമ്മിറ്റി, ലിങ്കന്‍ സെന്റര്‍ ഫോര്‍ പെര്‍ഫോമിങ് ആര്‍ട്സ് എന്നിവടങ്ങളില്‍ ബോര്‍ഡ് അംഗമാണ്. ഇന്ദ്രനൂയിയുടെ വളരെ ചര്‍ച്ചചെയ്യപ്പെട്ട ഒരു പ്രസംഗം ഇവിടെ അവലംബം: വിക്കിപീഡീയ

മത്സരം 43 - ഇ.കെ. നായനാര്‍

2009-05-18T15:00:00.002+04:00

ശരിയുത്തരം : ഇ.കെ. നായനാര്‍ മൂന്നുതവണ കേരളത്തിന്റെ മുഖ്യമന്ത്രിയായി സേവനമനുഷ്ഠിച്ച സി.പി.എമ്മിന്റെ സമുന്നത നേതാവ് ഏറമ്പാല കൃഷ്ണന്‍ നായനാര്‍ എന്ന ഇ.കെ. നായനാര്‍. 1980 മുതല്‍ 1981 വരെയും 1987 മുതല്‍ 1991 വരെയും 1996 മുതല്‍ 2001 വരെയും കേരളത്തിന്റെ മുഖ്യമന്ത്രിയായിരുന്നു. 11 വര്‍ഷം മുഖ്യമന്ത്രിപദത്തിലിരുന്ന ഇദ്ദേഹമാണ് ഏറ്റവും കൂടുതല്‍ കാലം കേരളം ഭരിച്ച മുഖ്യമന്ത്രി (4009 ദിവസം). 1919 ഡിസംബര്‍ 9-നു കണ്ണൂരിലെ കല്ല്യാശ്ശേരിയില്‍ അദ്ദേഹം ജനിച്ചു. സ്വാതന്ത്ര്യ സമര സേനാനികളുടെയും വിപ്ലവകാരികളുടെയും കുടുംബമായിരുന്നു അദ്ദേഹത്തിന്റേത്. അദ്ദേഹത്തിന്റെ ഭാര്യാമാതുലനായ കെ.പി.ആര്‍. ഗോപാലന്‍ കേരളത്തിലെ ആദ്യകാല കമ്യൂണിസ്റ്റ് വിപ്ലവകാരികളില്‍ പ്രമുഖനാണ്. 1939ല്‍ കമ്യൂണിസ്റ്റ് പാര്‍ട്ടിയില്‍ ചേര്‍ന്ന നായനാര്‍ക്ക് കയ്യൂര്‍-മൊറാഴ കര്‍ഷകലഹളകളില്‍ വഹിച്ച പങ്കിനെ തുടര്‍ന്ന് അറസ്റ്റില്‍നിന്ന് രക്ഷപെടാന്‍ ഒളിവില്‍ പോകേണ്ടിവന്നു. 1964-ല്‍ കമ്യൂണിസ്റ്റ് പാര്‍ട്ടി പിളര്‍ന്നപ്പോള്‍ നായനാര്‍ സി.പി.എം ഇല്‍ ചേര്‍ന്നു. 1940ല്‍ മില്‍ തൊഴിലാളികളുടെ സമരത്തിന് നേതൃത്വം നല്‍കിയതിന് ജയിലിലായി. അതിനുശേഷം കയ്യൂര്‍ സമരത്തില്‍ പങ്കെടുത്തു. മൂന്നാം പ്രതിയായിരുന്ന നായനാര്‍ ഒളിവില്‍ പോയി. 1943 മാര്‍ച്ച് 29ന് മറ്റു പ്രതികളെ തൂക്കിക്കൊന്നു. 1972ല്‍ സി.എച്ച്. കരുണാകരന്റെ മരണത്തോടെ അദ്ദേഹം സി.പി.എം.ന്റെ സംസ്ഥാന സെക്രട്ടറിയായി. കേരള നിയമസഭയിലേക്ക് 6 തവണ അദ്ദേഹം തിരഞ്ഞെടുക്കപ്പെട്ടിട്ടുണ്ട്. 1974ല്‍ ഇരിക്കൂറില്‍ നിന്നും മല്‍സരിച്ച് ആദ്യമായി നിയമസഭാ അംഗമായി. 1980ല്‍ മലമ്പുഴയില്‍ നിന്നും ജയിച്ച് ആദ്യമായി മുഖ്യമന്ത്രിയായി. 1982ല്‍ മലമ്പുഴയില്‍ നിന്നും വീണ്ടും ജയിച്ച് പ്രതിപക്ഷനേതാവായി. 1987, 1991 കാലഘട്ടങ്ങളില്‍ തൃക്കരിപ്പൂര്‍ മണ്ഡലത്തില്‍ നിന്നും ജയിച്ച് യഥാക്രമം മുഖ്യമന്ത്രിയും പ്രതിപക്ഷനേതാവുമായി. 1996ല്‍ അദ്ദേഹം മല്‍സരിച്ചില്ല. തിരഞ്ഞെടുപ്പിനുശേഷം ഇടതുമുന്നണിക്ക് ഭൂരിപക്ഷം ലഭിച്ചതിനെത്തുടര്‍ന്ന് മുഖ്യമന്ത്രിയായി. അതിനു ശേഷം തലശ്ശേരിയില്‍ നിന്നും ഉപതെരഞ്ഞെടുപ്പിലൂടെ ജയിച്ചു. തിരഞ്ഞെടുപ്പില്‍ മത്സരിച്ച് വിജയിച്ച സ്ഥലങ്ങളില്‍ ഇരിക്കൂര്‍, മലമ്പുഴ, തൃക്കരിപ്പൂര്‍, തലശ്ശേരി എന്നിവ ഉള്‍പ്പെടും. 2004 മെയ് 19 ന് അദ്ദേഹം നിര്യാതനായി (നാളെ അദ്ദേഹത്തിന്റെ അഞ്ചാം ചരമവാര്‍ഷികം). കടപ്പാട് : വിക്കിപീഡിയ (മലയാളം)

മത്സരം 42 - സത്യേന്ദ്രനാഥ് ബോസ്

2009-05-18T06:00:00.001+04:00

ശരിയുത്തരം : സത്യേന്ദ്രനാഥ് ബോസ് ഫിസിക്സില്‍ ലോകംകണ്ട ഏറ്റവും പ്രശസ്തരായ ശാസ്ത്രജ്ഞരുടെ പട്ടികയില്‍ പെടുത്താവുന്ന ഭാരതീയ ശാസ്ത്രജ്ഞനാണ് സത്യേന്ദ്രനാഥ് ബോസ്. ആല്‍ബര്‍ട്ട്‌ ഐന്‍സ്റ്റീന്റെ പേരിനൊപ്പം ചേര്‍ത്ത്‌ വായിക്കപ്പെടുന്ന ഏക ഇന്ത്യന്‍ ശാസ്ത്രജ്ഞന്റെ പേരും ബോസിന്റേതാണ്‌. ബോസ്‌ - ഐന്‍സ്റ്റൈണ്‍ സമീകരണം, ദ്രവ്യത്തിന്റെ അഞ്ചാമത്തെ അവസ്ഥയായ ബോസ്‌-ഐന്‍സ്റ്റൈന്‍ കണ്ടന്‍സേറ്റ്‌ എന്നിവ എസ്‌.എന്‍.ബോസിന്റെ പേരിലറിയപ്പെടുന്ന ഭൗതിക ശാസ്‌ത്ര സംഭാവനകളാണ്‌.1894 ജനുവരി ഒന്നിന് കൊല്‍ക്കത്തയിലെ ഗോവാബാഗനിലാണ് അദ്ദേഹം ജനിച്ചത്. പഠനത്തില്‍ അതിസമര്‍ത്ഥനായിരുന്നു ബോസ്‌. കൊല്‍ക്കത്തയിലെ ഹിന്ദുസ്‌കൂളില്‍ ആദ്യകാല വിദ്യാഭ്യാസം പൂര്‍ത്തിയാക്കിയ ശേഷം പ്രസിഡന്‍സി കോളേജില്‍ ഉന്നതവിദ്യാഭ്യാസത്തിന്‌ ചേര്‍ന്നു. ഗണിതവും ഭൗതീകശാസ്ത്രവുമായിരുന്നു ബോസിന്റെ ഇഷ്ടവിഷയങ്ങള്‍. കോളേജില്‍ അദ്ധ്യാപകനായി പ്രശസ്‌ത ശാസ്‌ത്രജ്ഞന്‍ ജഗദീശ്‌ ചന്ദ്രബോസും സഹപാഠിയായി മേഘനാഥ്‌ സാഹയും സത്യയെന്‍ ബോസിന്‌ ഒപ്പമുണ്ടായിരുന്നു. ഭാരതീയ രസതന്ത്രത്തിന്റെ ഗുരുവായി കാണുന്ന ആചാര്യ പ്രഫുല്ലചന്ദ്രറേയും അദ്ധ്യാപകനായിരുന്നു. കൊല്‍ക്കത്തയിലെ പ്രസിഡന്‍സി കോളേജില്‍ നിന്ന്‌ ഒന്നാം റാങ്കോടുകൂടി എം.എസ്.സി. പാസ്സായി. ആല്‍ബര്‍ട്ട്‌ ഐന്‍സ്റ്റൈന്റെ ആപേക്ഷികതാ സിദ്ധാന്തത്തിന്റെ അകംപൊരുള്‍ നന്നായി മനസ്സിലാക്കിയ ആദ്യകാല പണ്‌ഡിതരിലൊരാളും ബോസ്‌ തന്നെയായിരുന്നു. 1921-ല്‍ ധാക്കാ സര്‍വകലാശാലയില്‍ റീഡറായി ജോലി ഏറ്റെടുത്തു. ഇക്കാലത്താണ്‌ ഫോട്ടോണുകളെക്കുറിച്ചുള്ള പ്രശസ്‌തമായ ശാസ്‌ത്രപ്രബന്ധം രചിക്കുന്നത്‌. മാക്‌സ്‌ പ്ലാങ്കിന്റെ ഒരു പ്രബന്ധം വായിച്ചതിന്റെ അനുഭവത്തില്‍ ബോസ്‌ ഒരു പുതിയ പ്രബന്ധം തയ്യാറാക്കി. പ്രോബബിലിറ്റിയുമായി ബന്ധപ്പെട്ട അടിസ്ഥാനപ്രശ്‌നങ്ങളെ പിന്തുടര്‍ന്നാണ്‌ ബോസ്‌ തന്റേതായ നിഗമനം ഈ പ്രബന്ധത്തില്‍ വ്യക്തമാക്കി, പക്ഷേ അന്നത്തെ ശാസ്‌ത്രസമൂഹവും ജേര്‍ണലുകളും ഇത്‌ അംഗീകരിക്കാന്‍ കൂട്ടാക്കിയില്ല. ശ്രദ്ധേയമായ ഈ രചന ഐന്‍സ്റ്റീന്റെ പക്കലെത്തിയ ഉടന്‍തന്നെ നിര്‍ണായകമായ അംഗീകാരം ലഭിച്ചു. ഐന്‍സ്റ്റൈന്‍ തന്നെ ജര്‍മ്മന്‍ ഭാഷയിലേക്ക്‌ തര്‍ജ്ജിമ ചെയ്‌ത്‌ പ്രസിദ്ധീകരിച്ചു. ഒപ്പം ഈ പ്രബന്ധത്തെ കുറിച്ച്‌ ഒരു ലേഖനവും ഐന്‍സ്റ്റൈന്‍ എഴുതി. തുടര്‍ന്ന്‌ ബോസ്‌ ഐന്‍സ്റ്റൈന്‍ സ്റ്റാറ്റിസ്റ്റിക്‌സ്‌ എന്ന മേഖല തന്നെ ഉരുത്തിരിഞ്ഞു. ഈ നിയമം അനുസരിക്കുന്ന കണങ്ങളെ ബോസോണുകള്‍ എന്നും അറിയപ്പെടാന്‍ തുടങ്ങി. വാതക ബോസോണുകളെ തണുപ്പിച്ച്‌ കേവലപൂജ്യനിലയ്‌ക്ക്‌ (-273°C) അടുത്തെത്തിച്ചാല്‍ ബോസ്‌-ഐന്‍സ്റ്റൈന്‍ നിയമപ്രകാരം ആറ്റങ്ങള്‍ ഒന്നുചേര്‍ന്ന്‌ ഒരു പുതിയ അവസ്ഥ സൃഷ്‌ടിക്കും. ഇത്‌ ദ്രവ്യത്തിന്റെ അഞ്ചാമത്തെ അവസ്ഥയായി കണക്കാക്കി. 1924 ലാണ്‌ ഈ കണ്ടുപിടുത്തം നടന്നത്‌. എന്നാല്‍ 1995-ല്‍ മാത്രമാണ്‌ പരീക്ഷണത്തിലൂടെ ഇത്‌ സ്ഥിരീകരിക്കപ്പെട്ടത്‌. 1995 ല്‍ എറിക്‌ കോര്‍ണലും വീമാനും ചേര്‍ന്ന്‌ നടത്തിയ പരീക്ഷണത്തിലൂടെ 'ബോസ്‌-ഐന്‍സ്റ്റീന്‍ കണ്ടന്‍സേറ്റ്‌' ശാസ്‌ത്രലോകം വ്യക്തമായി അംഗീകരിച്ചു. 1924-ല്‍ 10 മാസക്കാലം മാഡം ക്യൂറിയുമായി ചേര്‍ന്ന്‌ ഗവേഷണം നടത്തി. ബര്‍ലിനില്‍ വച്ച്‌ ഐന്‍സ്റ്റൈനെ സന്ദര്‍ശിക്കുകയും ചെയ്‌തു. കൊല്‍ക്കത്തയിലെ എസ്‌.എന്‍.ബോസ്‌ നാഷണല്‍ സെന്റര്‍ ഫോര്‍ ബേസിക്‌ സയന്‍സ്‌ ഇദ്ദേഹത്തിന്റെ ഓര്‍മ്മക്കായി നിലകൊള്ളുന്നു.ബോസിന്റെ നിസ്‌തുലമായ ശാസ്‌ത്രകണ്ടുപിടുത്തങ്ങള്‍ക്ക്‌ വേണ്ടത്ര അന്താരാഷ്‌ട്ര ശ്രദ്ധലഭിച്ചോ എന്നത്‌ സംശയമാണ്‌. ബോസോണ്‍ സവിശേഷ പഠനവിഷയമാക്കിയവര്‍ക്ക്‌ പിന്നീട്‌ നോബല്‍ സമ്മാനം വരെ ലഭിച്ചിട്ടുണ്ട്‌.1974 ഫെബ്രുവരി 4-ന്‌ 80-ാമത്തെ വയസ്സില്‍ സത്യേന്ദ്രനാഥ്‌ ബോസ്‌ അന്തരിച്ചു. വിവരങ്ങള്‍ക്ക് കടപ്പാട് : വിക്കിപീഡിയ (മലയാളം)

മത്സരം 41 - ഉസ്താദ് ബിസ്മില്ലാ ഖാന്‍

2009-05-17T15:00:00.003+04:00

ശരിയുത്തരം : ഉസ്താദ് ബിസ്മില്ലാ ഖാന്‍: ലോകപ്രശസ്തനായ ഷെഹനായ് മാന്ത്രികന്‍ ഉസ്താദ് ബിസ്മില്ലാ ഖാന്‍ സാഹിബ്. ഷെഹ്നായിയെ കല്യാണസദസ്സുകളില്‍ നിന്ന് അരങ്ങത്തേക്കു കൊണ്ടുവന്ന് ഷെഹ്നായിക്കു സ്വന്തമായി ഒരു വ്യക്തിത്വമുണ്ടാക്കി കൊടുത്തതും ആ ഗ്രാമീണ വാദ്യോപകരണത്തിന് മറ്റുശാസ്ത്രീയ സംഗീത ഉപകരണങ്ങളോടൊപ്പം സ്ഥാനം നല്‍കിയതും ഇന്ത്യയുടെ ഷെഹ്നായി നാദം എന്നറിയപ്പെടുന്ന ഉസ്താദ് ബിസ്മില്ലാഖാനാണ്. 1916 മാര്‍ച്ച് 21 ന് ബീഹാറില്‍‍ ഷെഹ്നായി വാദകരുടെ ഒരു കുടുംബത്തിലാണ് ബിസ്മില്ല പിറന്നത്. അമറുദ്ദീന്‍ എന്നായിരുന്നു കുഞ്ഞിന് മാതാപിതാക്കള്‍ നല്‍കിയ പേര്. ബിസ്മില്ല എന്നത് പിന്നീട് സ്വയം സ്വീകരിച്ച പേരാണ്. ധുമറൂണിലെ രാജസേവകനായിരുന്ന ബിസ്മില്ലയുടെ പിതാവ് ഒരു നല്ല ഷെഹ്നായ് വാദകനായിരുന്നു. കുടുംബാംഗങ്ങള്‍ പലരും ഷെഹ്നായ് വാദകരായിരുന്ന ആ കുടുംബത്തില്‍ പിറന്നുവീണതുമുതല്‍ ബിസ്മില്ല ശ്രവിച്ചത് കുഴലിന്റെ അനുസ്യൂതമായ മധുരസംഗീതമാവണം. അതിനാല്‍ത്തന്നെ ആ ബാലന്‍ തിരഞ്ഞെടുത്തതും ഷെഹ്നായിയുടെ വഴി തന്നെയായി. അദ്ദേഹത്തിന്റെ ഷെഹ്നായി വാദനം തരളിതവും ഭക്തിനിര്‍ഭരവുമായിരുന്നു. ഇന്ത്യയില്‍ ശാസ്ത്രീയസംഗീതത്തിനെ ജനപ്രിയമാക്കുന്നതില്‍ അദ്ദേഹം ഒരു വലിയ പങ്കുവഹിച്ചു. ശുദ്ധസംഗീതത്തിന്റെ വക്താവായ അദ്ദേഹം അനാവശ്യമായ സങ്കീര്‍ണ്ണതകള്‍ തന്റെ രാഗങ്ങളില്‍ നിന്ന് ഒഴിവാക്കി. ഇന്ത്യയിലെന്നല്ല വിദേശരാജ്യങ്ങളിലും സംഗീതവേദികളില്‍ ഷേഹ്നായിക്കു സ്ഥാനക്കയറ്റം നേടിക്കൊടുത്തതിന്റെ ബഹുമതി പൂര്‍ണ്ണമായും ബിസ്മില്ലാഖാനുള്ളതാണ്. അര്‍ദ്ധശാസ്ത്രീയ സംഗീതത്തിന്റെ അനന്തനിധിയാണ് ബിസ്മില്ല. ധുന്‍, തുമ്രി തുടങ്ങിയവ അവതരിപ്പിക്കുമ്പോള്‍ ബിസ്മില്ലയുടെ ഷെഹ്നായ് അത്യപൂര്‍വമായ ആവേശവും ചൈതന്യവും കൈവരിക്കുന്നു. അന്യാദൃശ്യമായ ശ്വാസനിയന്ത്രണം സ്വരങ്ങളെ സൂക്ഷ്മതയോടെ അവതരിപ്പിക്കുവാനുള്ള കഴിവിനെ അങ്ങേയറ്റം ഫലപ്രദമാക്കുന്നു. തികഞ്ഞ കൈയടക്കത്തോടെയാണ് അദ്ദേഹം ആലാപവും സ്വരപ്രസ്താരവും താനുകളും അവതരിപ്പിക്കുന്നത്. ഭംഗിയും ചിട്ടയുമുള്ള അടുക്ക് അവയ്ക്കുണ്ട്. വ്യാപ്തിയിലും വൈദഗ്ധ്യത്തിലും ഒന്ന് മറ്റൊന്നിനെ നിഷ്പ്രഭമാക്കാതെ, വസ്തുനിഷ്ഠമായ ഒരടുക്ക്. ചാരുതയേറിയ ഭാവവും കാച്ചിക്കുറുക്കിയ മധുരിമയും ചേര്‍ന്ന കാവ്യാത്മകത തുളുമ്പിനില്‍ക്കുന്ന ഒരു ശൈലി. ഇതൊക്കെയാണ് ബിസ്മില്ലാഖാനെ ലോകപ്രശസ്തിയുടെ കൊടുമുടിയിലെത്തിച്ചത്. ഇന്ത്യയുടെ എല്ലാ ദേശീയ പുരസ്കാരങ്ങളും ലഭിച്ച വളരെച്ചുരുക്കം ഭാരതീയരിലൊരാളായിരുന്നു ഉസ്താദ് ബിസ്മില്ലാ ഖാന്‍. അദ്ദേഹത്തിന് ഭാരത സര്‍ക്കാര്‍ പത്മശ്രീ, പത്മഭൂഷണ്‍, പത്മവിഭൂഷണ്‍ എന്നിവയും ഇന്ത്യയുടെ പരമോന്നത ബഹുമതിയായ ഭാരത രത്നം അവാര്‍ഡും സമ്മാനിച്ചു. പണ്ഡിറ്റ് രവിശങ്കറിനുശേഷം വാദ്യോപകരണങ്ങള്‍ വായിക്കുന്ന സംഗീതജ്ഞരില്‍ ബിസ്മില്ല ഖാനു മാത്രമേ ഭാരതരത്നം ലഭിച്ചിട്ടുള്ളൂ. 2006 ഓഗസ്റ്റ് 21 ന് 90-ആമത്തെ വയസ്സില്‍ ആ മഹാപ്രതിഭ അന്തരിച്ചു. കടപ്പാട് : വിക്കിപീഡീയ (മലയാളം)

മത്സരം 40 - വി.കെ. കൃഷ്ണമേനോന്‍

2009-05-17T06:00:00.006+04:00

പ്രിയ കൂട്ടുകാരേ, “ആരാണീ വ്യക്തി” എന്ന ഈ ഗോമ്പറ്റീഷന്‍ പരമ്പര അടുത്ത പത്തു മത്സരങ്ങള്‍ക്കു ശേഷം അവസാനിക്കുകയാണ്. ഇനി വരുന്ന അഞ്ചു മത്സരങ്ങള്‍ (45 വരെ) ഇപ്പോഴുള്ളതുപോലെ ഒരു വ്യക്തിയെ അധിഷ്ഠിതമായുള്ള ചോദ്യമായിരിക്കും. അതിനുശേഷമുള്ള അഞ്ചെണ്ണം ഒരു കലാശക്കൊട്ടാണ്. നിലവിലുള്ള റാങ്കുനിലകള്‍ മാറിമറിയാന്‍ സാധ്യതയുള്ള ഒരു ട്വന്റി-ട്വന്റി മത്സരം. നമ്മുടെ സമകാലീനരായ അഞ്ച് വെവ്വേറേ വ്യക്തികളുടെ ചിത്രങ്ങള്‍ ഒരു മത്സരത്തില്‍ ഉള്‍പ്പെടുത്തും. മത്സരം ആരംഭിക്കുമ്പോള്‍ തന്നെ ആ അഞ്ചുവ്യക്തികളേയും സംബന്ധിക്കുന്ന എന്തെങ്കിലും ഒരു ക്ലൂ നിങ്ങള്‍ക്ക് തരും. മോഡറേഷന്‍ സമയത്ത് ശരിയായ ഉത്തരം പറയുന്ന എല്ലാവര്‍ക്കും, ഒരു വ്യക്തിക്ക് 20 എന്നകണക്കില്‍ പരമാവധി 100 പോയിന്റ് ഒരു മത്സരത്തില്‍ നിന്ന് ലഭിക്കുന്നതാണ്. എന്നാല്‍ തെറ്റായി പറയുന്ന ഓരോ ഉത്തരത്തിനും 10 മാര്‍ക്ക് കുറയ്ക്കുന്നതുമായിരിക്കും. അതായത് ഒരു ചിത്രത്തിലെ രണ്ടുത്തരങ്ങള്‍ ശരിയും മൂന്നെണ്ണം തെറ്റുമായാല്‍ 40-30=10 മാര്‍ക്കുമാത്രമേ ലഭിക്കൂ. ഒരു ചിത്രത്തിലെ എല്ലാ വ്യക്തികളെയും നിങ്ങള്‍ കണ്ടെത്തണമെന്നില്ല. ഒരു ചിത്രത്തില്‍തന്നെ സംശയമുള്ള ഉത്തരങ്ങള്‍ എഴുതാതെയിരിക്കാം; അതിന് പോയിന്റൊന്നും നഷ്ടപ്പെടുകയില്ല. ഒരു മത്സരാര്‍ത്ഥിക്ക് ഒരേ ഒരു തവണമാത്രമേ ഉത്തരം കമന്റായി രേഖപ്പെടുത്തുവാന്‍ അനുവാദമുള്ളൂ. ഒന്നില്‍ കൂടുതല്‍ തവണ ഉത്തരങ്ങള്‍ രേഖപ്പെടുത്തിയാലും ഏറ്റവും ആദ്യം രേഖപ്പെടൂത്തപ്പെട്ട കമന്റാവും ഗോമ്പറ്റീഷന്റെ ഉത്തരമായി കണക്കാക്കുക. ഈ രീതിയിലുള്ള മത്സരം 46 മുതല്‍ 50 വരെയാവും ഉണ്ടാവുക. അഞ്ചു മത്സരങ്ങളിലായി 500 മാര്‍ക്കുകള്‍ വാരിക്കൂട്ടി മുമ്പിലെത്താനുള്ള ഒരു ചാന്‍സ്! ഇനി ഇന്നത്തെ ചോദ്യം. ശരിയുത്തരം : വി.കെ കൃഷ്ണമേനോന്‍ ഇന്ത്യയുടെ നയതന്ത്രരംഗത്തെ മഹാസ്തഭം എന്നു വിശേഷിപ്പിക്കാവുന്ന വ്യക്തിയാണ് വെങ്ങാലില്‍ കൃഷ്ണ കൃഷ്ണ മേനോന്‍ എന്ന വി.കെ. കൃഷ്ണമേനോന്‍. സ്വാതന്ത്ര്യാനന്തരം ഇന്ത്യയുടെ അന്താരാഷ്ട്രരംഗത്തെ ഇടപെടലുകള്‍ പ്രധാനമായും കൃഷ്ണമേനോനെ മുന്‍‌നിര്‍ത്തിയായിരുന്നു. ജവര്‍ഹര്‍ലാല്‍ നെഹ്രുവിന്റെ വലംകയ്യായിരുന്നു അദ്ദേഹം. ചേരിചേരാ പ്രസ്ഥാനത്തിന് രുപം കൊടുക്കുന്നതിന്‍ അദ്ദേഹം വഹിച്ച പങ്ക് വളരെ വലുതാണ്. 1896 മെയ് 3 ന് കോഴിക്കോട് ജില്ലയിലെ പന്നിയങ്കരയില്‍ വെങ്ങലില്‍ കുടുബത്തിലാണ് മേനോന്‍ ജനിച്ചത്. അക്കാലത്ത് കേരളത്തിലെ ഒരു സമ്പന്നകുടുംബമായിരുന്നു വെങ്ങലില്‍ കുടുംബം. അച്ഛന്‍ കോമത്ത് കൃഷ്ണക്കുറുപ്പ് കോഴിക്കോട് കോടതിയിലെ വക്കീലായിരുന്നു. പ്രാഥമിക വിദ്യാഭ്യാസം തലശ്ശേരിയിലയിരുന്നു പിന്നീട് അദ്ദേഹം മദ്രാസ് പ്രസിഡന്‍സി കോളേജില്‍ വിദ്യാഭ്യാസം പൂര്‍ത്തിയാക്കി. കോളേജില്‍ വച്ച് അദ്ദേഹം ദേശിയപ്രസ്ഥനത്തില്‍ ആകൃഷ്ട്നാകുകയും ആനിബസന്റ് ആരംഭച്ച ഹോംറൂള്‍ പ്രസ്ഥാനത്തില്‍ ചേരുകയും ചെയ്തു. ആനിബസന്റ് അദേഹത്തെ ഉപരിപഠനത്തിനായി ഇംഗ്ലണ്ടിലേക്ക് അയച്ചു.‍ ഇന്ത്യക്കു സ്വാതന്ത്ര്യം ലഭിച്ചശേഷം ഇന്ത്യയുടെ ബ്രിട്ടനിലെ സ്ഥാനപതിയായി 1947 മുതല്‍ 1952 വരെ കൃഷ്ണമേനോന്‍ നിയമിക്കപ്പെട്ടു. 1952 മുതല്‍ 1962 വരെ ഐക്യരാഷ്ട്രസഭയില്‍ ഇന്ത്യയുടെ സ്ഥാനപതിയായിരുന്നു. ഐക്യരാഷ്ട്രസഭയില്‍ കൃഷ്ണമേനോന്‍ ചേരിചേരാ നയത്തിന്റെ വക്താവാകുകയും, അമേരിക്കന്‍ നയങ്ങളെ എതിര്‍ക്കുകയും ചൈനയെ പല അവസരങ്ങളിലും പിന്താങ്ങുകയും ചെയ്തു. 1957 ജനുവരി 23നു ഇന്ത്യയുടെ കശ്മീര്‍ പ്രശ്നത്തിലെ നിലപാടിനെക്കുറിച്ച് 8 മണിക്കൂര്‍ ദൈര്‍ഘ്യമുള്ള ഒരു പ്രസംഗം നടത്തി. ദൈര്‍ഘ്യത്തിന്റെ കാര്യത്തില്‍ ഐക്യരാഷ്ട്രസഭയുടെ ഇന്നുവരെയുള്ള ചരിത്രത്തിലെ തന്നെ റെക്കോര്‍ഡാണ് ഈ പ്രസംഗം. 1953-ല്‍ കൃഷ്ണമേനോന്‍ രാജ്യസഭാംഗമായി തിരഞ്ഞെടുക്കപ്പെട്ടു. 1957 ഏപ്രിലില്‍ അദ്ദേഹം ഇന്ത്യയുടെ പ്രതിരോധമന്ത്രിയായി നിയമിക്കപ്പെട്ടു. 1962ലെ ഇന്ത്യാ-ചൈനാ യുദ്ധത്തിലെ പരാജയത്തെയും ഇന്ത്യന്‍ സൈന്യത്തിന്റെ തയ്യാറെടുപ്പില്ലായ്മയെയും മുന്നിര്‍ത്തി അദ്ദേഹത്തിനു രാജിവെയ്ക്കേണ്ടിവന്നു. 1967ലെ തിരഞ്ഞെടുപ്പില്‍ പരാജയപ്പെട്ടെങ്കിലും 1969-ല്‍ വീണ്ടും തിരഞ്ഞെടുക്കപ്പെട്ടു. 1974 ഒക്ടോബര്‍ 6നു അദ്ദേഹം അന്തരിച്ചു. (കടപ്പാട്: വിക്കിപീഡിയ (മലയാളം)

മത്സരം 39 - ഹെര്‍മന്‍ ഗുണ്ടര്‍ട്ട്

2009-05-16T15:00:00.001+04:00

ശരിയുത്തരം : ഡോ. ഹെര്‍മന്‍ ഗുണ്ടര്‍ട്ട് മലയാളഭാഷയ്ക്ക് മറക്കാനാവാത്ത സംഭാവനകള്‍ നല്‍കിയ ജര്‍മന്‍ മിഷണറിയും ഭാഷാപണ്ഡിതനുമായിരുന്നു റെവറന്റ് ഡോ. ഹെര്‍മന്‍ ഗുണ്ടര്‍ട്ട് . ജര്‍മനിയിലെ സ്റ്റുട്ട്ഗാര്‍ട്ട് എന്ന സ്ഥലത്ത് 1814 ഫെബ്രുവരി 4-നു അദ്ദേഹം ജനിച്ചു. 1836 ജൂലൈയില്‍ ഇന്ത്യയിലെത്തി. മദ്രാ‍സ് പ്രസിഡന്‍സിയുടെ വിവിധഭാ‍ഗങ്ങളില്‍ ക്രിസ്ത്യന്‍ മിഷണറി ജോലികള്‍ നടത്തുന്നതിനിടയില്‍ 1838 ഒക്ടോബറില്‍ ഗുണ്ടര്‍ട്ടും ഭാര്യയും തിരുനെല്‍ വേലിയില്‍ നിന്നും തിരുവന്തപുരത്തെത്തി താമസമാക്കി. തമിഴ്‌നാട്ടിലെ ഹ്രസ്വകാല ജീവിതത്തിനിടയില്‍ തമിഴ്ഭാഷയില്‍ പ്രസംഗപാടവം നേടിയ ഗുണ്ടര്‍ട്ട് അതിവേഗം മലയാളവും പഠിച്ചു. ഹെര്‍മന്‍ ഗുണ്‍ഡെര്‍ട്ടിനെ മലയാളം പഠിപ്പിച്ച മഹാന്മാരാണ് ഊരാച്ചേരി ഗുരുനാഥന്‍മാര്‍. തലശ്ശേരിക്കടുത്ത് ചൊക്ലിയിലെ കവിയൂര്‍ ആണ് ഗുരുനാഥന്‍മാരുടെ ജന്മദേശം. ഇവരെക്കുറിച്ച് കേട്ടറിഞ്ഞ ഹെര്‍മന്‍ ഗുണ്ടര്‍ട്ട് മലയാളം പഠിക്കാന്‍ ഇവരെ തേടിയെത്തുകയായിരുന്നു. താന്‍ താമസിച്ചിരുന്ന ഇല്ലിക്കുന്നിലേക്ക് ഊരാച്ചേരി ഗുരുനാഥന്‍മാരെ ക്ഷണിച്ചു കൊണ്ടുപോയി താമസിപിച്ചായിരുന്നു ഗുണ്ടര്‍ട്ട് മലയാള ഭാഷയില്‍ പ്രാവീണ്യം നേടിയത്. താമസിയാതെ തലശ്ശേരിയിലും നെട്ടൂരിലും സ്കൂളുകളും നെട്ടൂരില്‍ ഒരു കല്ലച്ചുകൂടവും സ്ഥാപിച്ചു. ‘ബാസന്‍ മിഷന്‍’ എന്ന അന്തര്‍ദ്ദേശീയമത സംഘടനയുടെ ഇന്ത്യയിലെ സെക്രട്ടറിയായും സ്കൂള്‍ ഇന്‍സ്പെക്ടറായും പ്രവര്‍ത്തിച്ചു. ഇക്കാലഘട്ടത്തില്‍ സ്കൂളുകളില്‍ പഠിപ്പിക്കാനായി മലയാളം, കന്നട, ഇംഗ്ലീഷ് എന്നീ ഭാഷകളില്‍ പുസ്തകങ്ങള്‍ എഴുതി അച്ചടിച്ചു പ്രസിദ്ധീകരിച്ചു. ഒരു സാധാരണ പാതിരിയായി പ്രവര്‍ത്തിച്ചെങ്കിലും, ഭാഷാ പാണ്ഡിത്യത്തിന്റെ പേരിലാണ് അദ്ദേഹം ചരിത്രത്തില്‍ അവിസ്മരണീയനായത്. 1868-ല്‍ എഴുതിയ മലയാളം വ്യാകരണം , 1872-ലെ ഗുണ്ടര്‍ട്ട് നിഘണ്ടു എന്ന മലയാളം-ഇംഗ്ലീഷ് ഡിക്ഷ്ണറി എന്നിവ വളരെ സുപ്രധാനമാണ്. ബൈബിള്‍ ആദ്യമായി മലയാളത്തിലേക്ക് ഗുണ്ടര്‍ട്ടാണ് പരിഭാഷപ്പെടുത്തിയത്. ഭാഷാ വ്യാകരണത്തില്‍ അദ്ദേഹം നടത്തിയ പഠനങ്ങള്‍, സംസ്കൃതേതരമായ ആദ്യത്തെ ആധികാരിക പഠനമായിരുന്നു. സ്വന്തമായി രണ്ടു പ്രസിദ്ധീകരണങ്ങള്‍ അദ്ദേഹം നടത്തിയിട്ടുണ്ട്. ഇതില്‍ ഒന്നായ രാജ്യ സമാചാരം മലയാളത്തിലെ ആദ്യത്തെ വര്‍ത്തമാന പത്രമായി വിലയിരുത്തപ്പെടുന്നു. ഗുണ്ടര്‍ട്ടിന്റെ സ്മാരകമായി തലശ്ശേരിയിലെ ഗുണ്ടര്‍ട്ട് സ്മാരക പ്രതിമ ഇന്നും തലയുയര്‍ത്തി നിലകൊള്ളുന്നു. 1859ല്‍ രോഗബാധിതനായി ജര്‍മ്മനിയിലേക്കു മടങ്ങിപ്പോയി. 1893 ഏപ്രില്‍ 25-ന് അദ്ദേഹം അന്തരിച്ചു. - കടപ്പാട്: വിക്കിപീഡിയ (മലയാളം).

മത്സരം 38 - നാനാ പടേക്കര്‍

2009-05-16T06:00:00.001+04:00

ശരിയുത്തരം :നാനാ പടേക്കര്‍ ഹിന്ദി സിനിമാരംഗത്തെ അതുല്യ നടന്‍, സംവിധായകന്‍, നിര്‍മ്മാതാവ് എന്നീ നിലകളില്‍ പ്രശസ്തനായ നാനാ പടേക്കര്‍. ചടുലമായ സംഭാഷണരീതികൊണ്ടൂം തനതായ അഭിനയ സവിശേഷതകൊണ്ടും ശ്രദ്ധേയനായ പടേക്കര്‍, അനീതിക്കെതിരേ എപ്പോഴും ശബ്ദമുയര്‍ത്തുന്ന വ്യക്തിത്വമായും, ‘കോപിഷ്ടനായ യുവാവായും’ സിനിമ സ്ക്രീനില്‍ നിറഞ്ഞൂനില്‍ക്കുന്നു. ഏല്‍പ്പിക്കുന്ന വേഷം എന്തുതന്നെയായാലും അത് തികഞ്ഞ ആത്മാര്‍ത്ഥതയോടെയും കണിശതയോടെയും നിര്‍വ്വഹിക്കുവാന്‍ കഴിവുള്ള അദ്ദേഹം മലയാളത്തിലെ അതുല്യ നടന്മാരായ തിലകന്‍, ഭരത് ഗോപി, നെടുമുടി വേണു തുടങ്ങിയവരെപ്പോലെ വളരെ വ്യത്യസ്തങ്ങളായ വേഷങ്ങള്‍ കൈകാര്യം ചെയ്യുവാന്‍ കഴിവുള്ള വ്യക്തിയാണ്. 1951 ജനുവരി 1 ന് മഹാരാഷ്ട്രയിലെ മുറുദ്-ജന്‍‌ജിര എന്ന സ്ഥലത്താണ് ജനിച്ചത്. വിശ്വനാഥന്‍ പടേക്കര്‍ എന്നാണ് അദ്ദേഹത്തിന്റെ യഥാര്‍ത്ഥ നാമം. ബോംബെയിലെ സര്‍ ജെ.ജെ ഇന്‍സ്റ്റിട്യൂട് ഓഫ് അപ്ലൈഡ് ആര്‍ട്ട്സില്‍ നിന്നും ബിരുദം നേടിയ അദ്ദേഹം, കലാലയ ജീവിത കാലത്തുതന്നെ നാടകവേദികളില്‍ സജീവമായിരുന്നു. പിന്നീടാണ് സിനിമാ രംഗത്തേക്ക് എത്തിയത്. സലാം ബോംബെ (1988) പരിന്ദ (1989) എന്നീ സിനിമളിലെ വില്ലന്‍ വേഷങ്ങളിലൂടെ അദ്ദേഹം ബോളിവുഡ് ശ്രദ്ധിക്കുന്ന നടനായി മാറി. പിന്നീടിങ്ങോട്ട് നാനാ ചെയ്തിട്ടുള്ള വ്യത്യസ്തങ്ങളായ വേഷങ്ങള്‍ അനവധിയാണ്. രൂപ സൌകുമാര്യത്തേക്കാളേറെ അഭിനയത്തികവാണ് ഒരു നടനെ അതുല്യനാക്കുന്നതെന്നതിനു തെളിവുകളായിരുന്നു അവയോരോന്നും. 1991 ല്‍ പുറത്തിറങ്ങിയ പ്രഹാര്‍ എന്ന ചിത്രം അദ്ദേഹം സംവിധാനം ചെയ്തതാണ്. അതിലെ നായകനായ പട്ടാളക്കാരന്റെ വേഷം നാനായുടെ എന്നും ഓര്‍ക്കപ്പെടുന്ന വേഷങ്ങളില്‍ ഒന്നാണ്. സിനിമയിലെ പ്രശസ്തികൂടാതെ, ഒരു സ്കെച്ച് ആര്‍ട്ടിസ്റ്റ് എന്ന നിലയിലും ഇദ്ദേഹം വിദഗ്ധനാ‍ണ്. ബോംബെ പോലീസിനു വേണ്ടി നിരവധി ക്രിമിനലുകളുടെ സ്കെച്ചുകള്‍ അദ്ദേഹം തയ്യാറാക്കിയിട്ടുണ്ട്. പല കേസുകളിലും പ്രതികളെ പിടികൂടുവാന്‍ അദ്ദേഹത്തിന്റെ സ്കെച്ചുകള്‍ സഹായകമായിട്ടുണ്ട്. നിരവധി അവാര്‍ഡുകളും ഇദ്ദേഹത്തിനു ലഭിച്ചിട്ടുണ്ട്. പ്രശസ്തിയുടെ ഉന്നതങ്ങളില്‍ നില്‍ക്കുമ്പോഴും ആതുര സേവനരംഗത്ത് തന്റെ ധനവും സമയവും വിനിയോഗിക്കുവാനും അദ്ദേഹം സമയം കണ്ടെത്തുന്നു.

മത്സരം 37 - ലൂയി പാസ്ചര്‍

2009-05-15T15:00:00.004+04:00

ശരിയുത്തരം : ലൂയി പാസ്ചര്‍ പത്തൊന്‍പതാം നൂറ്റാണ്ടില്‍ ജീവിച്ചിരുന്ന പ്രശസ്തനായ ജൈവശാസ്ത്രജ്ഞനാണ്‌ ലൂയി പാസ്ചര്‍. ഇദ്ദേഹം 1822 ഡിസംബര്‍ 27 ന് ഫ്രാന്‍സിലെ ഡോളില്‍ ജനിച്ചു. കണ്ണു കൊണ്ട് കാണാന്‍ പറ്റാത്ത സൂക്ഷ്മ ജീവികളാണ്‌ പകര്‍ച്ച വ്യാധികളുണ്ടാക്കുന്നതെന്ന് ആദ്യമായി പരീക്ഷണനിരീക്ഷണങ്ങളുടെ പിന്‍‌ബലത്തോടെ തിരിച്ചറിഞ്ഞത് ഇദ്ദേഹമാണ്‌. പേവിഷബാധയ്ക്കുള്ള ആദ്യ പ്രതിരോധ മരുന്നു കണ്ടു പിടിച്ചത് അദ്ദേഹമാണ്. പാല്‍, വൈന്‍ എന്നിവയിലെ സൂക്ഷ്മാണു ജീവികളുടെ പ്രവര്‍ത്തനങ്ങള്‍ മന്ദീഭവിപ്പിക്കാനുള്ള പാസ്ചുറൈസേഷന്‍ വിദ്യ കണ്ടുപിടിച്ചതാണ് അദ്ദേഹത്തിന്റെ സുപ്രധാന നേട്ടം.‌. പേ ബാധിച്ച നായുടെ തലച്ചോറില്‍ നിന്നും വേര്‍തിരിച്ചെടുത്ത ദ്രാവകമാണ്‌ പ്രതിരോധമരുന്നായി അദ്ദേഹം ഉപയോഗിച്ചത്. മൈക്രോ ബയോളജിയുടെ പിതാവായി അറിയപ്പെടുന്ന വ്യക്തിയാണ്‌ ലൂയി പാസ്ചര്‍. പില്‍ക്കാ‍ലത്ത് അദ്ദേഹത്തിന്റെ പരീക്ഷണങ്ങളില്‍ വ്യത്യസ്ത രോഗങ്ങള്‍ക്കുള്ള - ആന്ത്രാക്സ്, സ്മാള്‍ പോക്സ് - വാക്സിനുകളെപ്പറ്റിയും, അവയുണ്ടാക്കുന്ന ജീവാണുക്കളെപ്പറ്റിയും അദ്ദേഹം പഠനം നടത്തി. 1895 സെപ്റ്റംബര്‍ 28 ന് അദ്ദേഹം അന്തരിച്ചു.

മത്സരം 36 - ലാറി ബേക്കര്‍

2009-05-15T06:00:00.001+04:00

ശരിയുത്തരം : ലാറി ബേക്കര്‍ ലോകപ്രശസ്തനായ ആര്‍ക്കിടെക്റ്റ്. ലോറന്‍സ് വില്‍ഫ്രഡ് “ലാറി” ബേക്കര്‍ എന്നായിരിരുന്നു അദ്ദേഹത്തിന്റെ പൂര്‍ണ്ണ നാമധേയം. അദ്ദേഹത്തിന്റെ ചെലവു ചുരുങ്ങിയതും, എന്നാല്‍ ഊര്‍ജ്ജവിനിയോഗ സമ്പുഷ്ടവുമായ കെട്ടിടനിര്‍മ്മാണ രീതിയും, അതിനുള്ളിലെ സ്ഥലസൌകര്യത്തിന്റെ ബുദ്ധിപരമായ ഉപയോഗവും, അവയുടെ നിര്‍മ്മാണ ചാതുരിയും കൊണ്ട് വാസ്തുശില്പകലാരംഗത്ത് “ലാറി ബേക്കര്‍ രീതി” എന്നൊരു നൂതന ആശയംതന്നെ പ്രയോഗത്തിലാക്കിയ മഹാന്‍. 1945 ല്‍ മിഷണറി പ്രവര്‍ത്തനങ്ങള്‍ക്കായി ഇന്ത്യയിലെത്തിയ ലാറി ബേക്കര്‍, തുടര്‍ന്ന് ഇന്ത്യയെ തന്റെ പ്രവര്‍ത്തന രംഗമായെടുക്കുകയും 1980 ല്‍ ഇന്ത്യന്‍ പൌരത്വം സ്വീകരിച്ച് കേരളത്തില്‍ താമസമാക്കുകയും ചെയ്തു. അദ്ദേഹം സ്ഥാപിച്ച COSTFORD (Centre of Science and Technology for Rural Development) എന്ന സ്ഥാപനം ചെലവുകുറഞ്ഞ ഭവനനിര്‍മ്മാണ രീതിയെപ്പറ്റി ജനങ്ങളില്‍ അവബോധം സൃഷ്ടിക്കുവാന്‍ഉദ്ദേശീച്ച് ആരംഭിച്ചതാണ്. 1990-ല്‍ ഭാരത സര്‍ക്കാര്‍ പത്മശ്രീ നല്‍കി ആദരിച്ചു. 1912 മാര്‍ച്ച് 2 ന് ഇംഗ്ലണ്ടിലെ ബമിംഗ്‌ഹാമിലാണ് അദ്ദേഹം ജനിച്ചത്. ഒരു ശരാശരി വിദ്യാര്‍ഥിയായിരുന്നു ലോറന്‍സ്‌ എന്ന ലാറി ബേക്കര്‍. ലാറിയില്‍ മയങ്ങിക്കിടന്ന വാസ്തുശില്‍പാ വൈദഗ്‌ധ്യം കണ്ടെത്തിയത്‌ അദ്ദേഹം പഠിച്ച കിങ്ങ് എഡ്വേര്‍ഡ്‌ ഗ്രാമര്‍ സ്കൂളിലെ പ്രധാനാധ്യാപകനാണ്‌. അദ്ദേഹം ലാറിയോട് ഒരിക്കല്‍ ഏന്താണ് ഇഷ്ടമുള്ള വിഷയം എന്ന് ചോദിച്ചപ്പോള്‍ കിട്ടിയ മറുപടി ‘ ഊരു ചുറ്റലും ചിത്രരചനയും സൈക്കിള്‍ ചവിട്ടും’ എന്നായിരുന്നു. ലാറിയുടെ ചിത്രരചനാ പാടവം തിരിച്ചറിഞ്ഞ് കിങ് ലാറിയുടെ പിതാവിനോട് അവനെ വാസ്തുശില്പകല പഠിപ്പിക്കാന്‍ ഉപദേശിക്കുകയായിരുന്നു. പഠനം കഴിഞ്ഞ് തൊഴില്‍പരിശീലനം ആരംഭിച്ച സമയത്താണ് രണ്ടാം ലോക മഹായുദ്ധം ആരംഭിച്ചത്. എല്ലാ ബ്രിട്ടീഷ് പൗരന്മാരേയും പോലെ അദ്ദേഹവും നിര്‍ബന്ധിത സൈനിക സേവനം അനുഷ്ടിക്കേണ്ടതായി വന്നു. അന‍സ്തേഷ്യയില്‍ (മയക്കുന്ന വൈദ്യശാസ്ത്ര മേഖല) അദ്ദേഹം പ്രത്യേക പരിശീലനം നേടി യുദ്ധത്തില്‍ മുറിവേറ്റവരെ ശുശ്രൂഷിക്കുവാനുള്ള പ്രത്യേക സംഘത്തില്‍ അദ്ദേഹം ചൈനയില്‍ സേവനം അനുഷ്ടിച്ചു. എന്നാല്‍ ഇംഗ്ലണ്ടിലേക്കുള്ള മടക്ക യാത്രയില്‍ അദ്ദേഹത്തിന് ഇന്ത്യയിലെ മുംബൈയില്‍ മൂന്നുമാസം കഴിച്ചു കൂട്ടേണ്ടി വന്നു. ഈ കാലത്ത് മഹാത്മാ ഗാന്ധിയുമായി കൂടിക്കാഴ്ച നടത്തുകയും അതു ജീവിതത്തിലെ വഴിത്തിരിവാകുകയും ചെയ്തു.ചുടുകട്ടയായിരുന്നു അദ്ദേഹത്തിന്റെ ഇഷ്ടപ്പെട്ട നിര്‍മ്മാണ സമഗ്രി. സിമന്റ്, കോണ്‍ക്രീറ്റ്, ഉരുക്ക്‍, സ്ഫടികം എന്നിവക്ക് എതിരായിരുന്നു അദ്ദേഹം. ഇവയുടെ നിര്‍മ്മാണഘട്ടങ്ങളില്‍ പരമ്പരാഗതമായ ഇന്ധനം ധാരാളം കത്തിക്കേണ്ടി വരുന്നു എന്നതാണ് ഈ എതിര്‍പ്പിനു കാരണമായി അദ്ദേഹം ചൂണ്ടിക്കാട്ടിയത്. ഉപയോഗശൂന്യമായ വസ്തുക്കള്‍ ഗൃഹനിര്‍മ്മാണത്തിന് പ്രയോജനപ്പെടുത്തുകയായിരുന്നു അദ്ദേഹത്തിന്റെ ശൈലിയുടെ മറ്റൊരു സവിശേഷത. പൊട്ടിയ തറയോടുകളും മറ്റും മുറ്റം പാകുവാനും പല വര്‍ണ്ണത്തിലുള്ള കുപ്പികളും മറ്റും ജനലുകളില്‍ പതിപ്പിച്ച് മുറിയില്‍ വര്‍ണ്ണജാലം സൃഷ്ടിക്കാനും അദ്ദേഹത്തിന് കഴിയുമായിരുന്നു. നിര്‍മ്മാണ സാമഗ്രികള്‍ ദൂരെ നിന്ന് ഇറക്കുമതി ചെയ്യുന്നത് അദ്ദേഹത്തിന് ഇഷ്ടമല്ലായിരുന്നു. എന്തൊക്കെയാണോ കെട്ടിടം പണിയാന്‍ ഉദ്ദേശിക്കുന്ന സ്ഥലത്തിന്റെ പരിസരങ്ങളില്‍ ലഭ്യമായിരുന്നത് അവയില്‍ നിന്നും അദ്ദേഹം സാമഗ്രികള്‍ തിരഞ്ഞെടുക്കുമായിരുന്നു. തന്റെ തൊണ്ണൂറാമത്തെ ജന്മദിനം ഏറ്റവും ലളിതമായി ആഘോഷിച്ച് ഒരു മാസത്തിന് ശേഷം 2007 ഏപ്രില്‍ ഒന്നിനു രാവിലെ സ്വവസതിയില്‍ വച്ച് അദ്ദേഹം അന്തരിച്ചു. അദ്ദേഹത്തെപ്പറ്റി വിശദമായ ഒരു ലേഖനം മലയാളം വിക്കിപീഡിയയില്‍ ലഭ്യമാണ്. അതിവിടെ വായിക്കാം . ചിത്രത്തിനു കടപ്പാട് The Hindu

മത്സരം 35 - കിരണ്‍ ബേദി

2009-05-14T15:00:00.001+04:00

ശരിയുത്തരം :കിരണ്‍ ബേദി ഇന്ത്യയിലെ പ്രശസ്തയായ വനിതാ പൊലീസ് ഓഫീസര്‍, സാമൂഹ്യക്ഷേമ പ്രവര്‍ത്തക, ഐ.പി.എസ് കേഡറില്‍ എത്തുന്ന ആദ്യ വനിത. ജയില്‍ പരിഷ്കരണ നിയമങ്ങളിലൂടെ ദേശീയ ശ്രദ്ധയാകര്‍ഷിച്ച വ്യക്തി. ഇന്ത്യയുടെ പൊലീസ് റിസേര്‍ച്ച് ആ‍ന്റ് ഡെവലപ്മെന്റ് ബ്യൂറോയുടെ ഡയറക്റ്റര്‍ ജനറലായി റിട്ടയര്‍ ചെയ്തു. 1949 ജൂണ് 9 ന് പഞ്ചാബിലെ അമൃത്സറിലാണ് കിരണ്‍ ബേദി ജനിച്ചത്. പൊളിറ്റിക്സില്‍ ബിരുദാനന്തരബിരുദവും, നിയമത്തില്‍ ബിരുദവും നേടിയശേഷം 1972 ല്‍ അവര്‍ പോലീസ് വകുപ്പില്‍ ചേര്‍ന്നു. 1993 ല്‍ ന്യൂ ഡല്‍ഹി ഐ.ഐ.ടി യില്‍നിന്ന് പി.എച്.ഡി യും അവര്‍ നേടി. പോലീസ് വകുപ്പില്‍ വളരെ ഉയര്‍ന്നതും ഉത്തരവാദിത്വമുള്ളതുമായ പദവികള്‍ അവര്‍ വഹിച്ചിട്ടുണ്ട്. ന്യൂഡല്‍ഹിയുടെ ട്രാഫിക് കമ്മീഷണര്‍,മിസോറമില്‍ ഡി.ഐ.ജി യുടെ ചുമതല, ചണ്ഡീഗറിന്റെ ലഫ്റ്റനന്റ് ഗവര്‍ണര്‍, നാര്‍ക്കോട്ടിക്സ് കണ്ട്രോള്‍ ബ്യൂറോയുടെ ഡയറക്റ്റര്‍ ജനറല്‍ തുടങ്ങിയ പദവികള്‍ അവര്‍ വഹിച്ചിട്ടുണ്ട്. തിഹാര്‍ ജയിലിന്റെ ഐ.ജി ആയി പ്രവര്‍ത്തിക്കുന്ന കാലത്ത് തടവുകാരുടെ ക്ഷേമത്തിനായി അവര്‍ കൊണ്ടുവന്ന നിരവധി മാറ്റങ്ങള്‍ ദേശീയ ശ്രദ്ധയാകര്‍ഷിച്ചു. ജയിലില്‍ യോഗ, ധ്യാനം, പഠനം തുടങ്ങിയവയ്ക്കുള്ള സൌകര്യങ്ങള്‍ അവര്‍ ഏര്‍പ്പെടുത്തി. രണ്ട് സന്നദ്ധ സംഘടനകള്‍ കിരണ്‍ ബേദിയുടെ നേതൃത്വത്തില്‍ ആരംഭിച്ചിട്ടുണ്ട്. 1988 ല്‍ ആരംഭിച്ച നവജ്യോതി, 1994 ല്‍ ആരംഭിച്ച ഇന്ത്യാ വിഷന്‍ ഫൌണ്ടേഷന്‍ എന്നിവയാണിവ. മയക്കുമരുന്നിന് അടിമപ്പെട്ടവരുടെ ചികിത്സയ്ക്കും പുനരധിവാസത്തിനുമായി രൂപികരിച്ചതാണ് ഇവ രണ്ടും. മയക്കുമരുന്ന് ഉപയോഗത്തിനു തടയിടുന്നതിനുള്ള അവരുടെ പ്രവര്‍ത്തനങ്ങള്‍ക്ക് അംഗീകാരമായി ഐക്യരാഷ്ട്രസഭയുടെ Serge Soitiroff Memorial Award അവര്‍ക്ക് ലഭിച്ചു. ഇതുകൂടാതെ മാഗസസെ അവാര്‍ഡ്, ധീരതാ അവാര്‍ഡ്, ഏഷ്യന്‍ റീജിയണ്‍ അവാര്‍ഡ് (മയക്കുമരുന്ന് ഉപയോഗ നിരോധനം) തുടങ്ങി അനവധി അംഗീകാരങ്ങള്‍ ഈ ധീരവനിതയ്ക്ക് ലഭിച്ചിട്ടുണ്ട്.

മത്സരം 34 - തോപ്പില്‍ ഭാസി

2009-05-14T06:00:00.003+04:00

ശരിയുത്തരം : തോപ്പില്‍ ഭാസി പ്രശസ്തനായ മലയാള നാടക രചയിതാവ്, തിരക്കഥാകൃത്ത്, സിനിമാ സംവിധായകന്‍. അദ്ദേഹം രചിച്ച ആദ്യ നാടകം കെ.പി.എ.സിയുടെ “നിങ്ങളെന്നെ കമ്യൂണിസ്റ്റാക്കി” മലയാളനാടക ചരിത്രത്തിലേയും കേരളത്തിലെ കമ്യൂണിസ്റ്റ് പ്രസ്ഥാനത്തിന്റെയും ഒരു നാഴികക്കല്ലായി കണക്കാക്കപ്പെടുന്നു. 1925 ല്‍ ആലപ്പുഴ ജില്ലയിലെ വള്ളികുന്നം എന്ന സ്ഥലത്താണ് ഭാസി ജനിച്ചത്. 1940 - 1950 കാലഘട്ടത്തില്‍ കേരളത്തില്‍ ശക്തമായ കമ്യൂണിസ്റ്റ് പ്രസ്ഥാനങ്ങളില്‍ അദ്ദേഹം സജീവമായിരുന്നു. അക്കാ‍ലത്ത് കുപ്രസിദ്ധിയാര്‍ജ്ജിച്ച ശൂരനാട് കേസില്‍പ്പെട്ട് ഒഴിവില്‍ കഴിയുമ്പോഴായിരുന്നു അദ്ദേഹം ഈ നാടകം എഴുതിയത് - സോമന്‍ എന്ന തൂലികാ നാമത്തില്‍. ശൂരനാട് കേസിലെ പ്രതികളുടെ കേസ് നടത്തുന്നതിന്റെ ധനശേഖരണാര്‍ത്ഥമായിരുന്നു ഈ നാടകം പുസ്തകമാക്കി ഇറക്കിയത്. പക്ഷെ തോപ്പില്‍ ഭാസി എഴുതിയ ഈ നാടകം കേരളീയ സമൂഹത്തെ പിടിച്ചുലക്കുന്ന ശക്തിയായി മാറി. 1952 ഡിസംബര്‍ 6 ന് കൊല്ലത്തിനടത്ത് ചവറയിലാണ് ഈ നാടകം അരങ്ങേറിയത്. സിപിഐയുടെ ഭാഗമായി പ്രവര്‍ത്തിച്ചിരുന്ന കെപിഎസി എന്ന നാടക ഗ്രൂപ്പാണ് ഈ നാടകം അവതരിപ്പിച്ചത്. ഒരു സമ്പന്ന ഹിന്ദുകുടുംബത്തിലെ അംഗം കമ്മ്യൂണിസ്റായി മാറുന്നതാണ് നാടകത്തിലെ പ്രമേയം. നിങ്ങളെന്നെ കമ്മ്യൂണിസ്റാക്കി ഇളക്കിവിട്ട വിപ്ലവം കേരളത്തിന്റെ യുവമനസ്സുകളില്‍ മാറ്റത്തിന്റെ അലകളുയര്‍ത്തി. അരങ്ങേറ്റ ദിവസം തന്നെ 36 സ്ഥലങ്ങളില്‍ നാടകത്തിന് ബുക്കിംഗ് കിട്ടി. ഇത് നാടകചരിത്രത്തിലെ തന്നെ റെക്കോഡാണെന്ന് പറയപ്പെടുന്നു. കെ.പി.എ.സിയുടെ നാടഗാനങ്ങളിലൂടെ സംഗീതസംവിധായകന്‍ ദേവരാജന്‍മാസ്ററും ഗാനരചയിതാവ് ഒ.എന്‍.വി. കുറുപ്പും ഗായകന്‍ കെ.എസ്. ജോര്‍ജ്ജും സുലോചനയും രംഗത്തെത്തി. മലയാളികള്‍ എക്കാലവും സ്മരിക്കുന്ന കലാകരന്മാരായി ഇവര്‍ മാറി. കാലക്രമേണ തോപ്പില്‍ ഭാസി കെ.പി.എ.സിയുടെ അമരക്കാരനായി. കേരളത്തിലെ നാടകാചാര്യന്മാരില്‍ ഒരാളും. കെ.പി.എ.സിയുടെ “പൊന്നരിവാളമ്പിളിയില്‌, തുഞ്ചന്‍പറമ്പിലെ തത്തേ, ചെപ്പുകിലുക്കണ ചെങ്ങാതീ, ബലികുടീരങ്ങളേ, ചിലിമുളം കാടുകളില്‍ തുടങ്ങിയ നാടക ഗാനങ്ങള്‍ മലയാളം ഉള്ളകാലത്തോളം ജനഹൃദയങ്ങളിലുണ്ടാവും. ഒപ്പം തോപ്പില്‍ ഭാസി എന്ന കലാകാരനും. ക്ലൂവില്‍ നല്‍കിയിരുന്ന ബലികുടീരങ്ങളേ എന്ന ഗാ‍നം, വയലാര്‍ രാമവര്‍മ്മ എഴുതി, ജി.ദേവരാജന്‍ മാഷ് സംഗീത സംവിധാനം ചെയ്തതാണ് - നിങ്ങളെന്നെ കമ്യൂണിസ്റ്റാക്കി എന്ന നാടകത്തിനു വേണ്ടി. (വിരങ്ങള്‍ക്ക് കടപ്പാട് ദാറ്റ്സ് മലയാളം, വിക്കിപീഡിയ)

മത്സരം 33 - ഹെന്‍‌റി ഡുനാന്റ്

2009-05-13T15:00:00.003+04:00

ശരിയുത്തരം : ഹെന്‍‌റി ഡുനാന്റ് ദുരിതമനുഭവിക്കുന്ന മനുഷ്യര്‍ക്ക് സഹായമെത്തിക്കുക എന്ന ലക്ഷ്യം മുന്‍‌നിര്‍ത്തിപ്രവര്‍ത്തിക്കുന്ന സംഘടനയായ റെഡ് ക്രോസ് എന്ന ആശയത്തിനു രൂപം നല്‍കുകയും ആദ്യമായി അതു പ്രയോഗത്തില്‍ വരുത്തുകയും ചെയ്ത മഹത്‌വ്യക്തിയാണ് ഹെന്‍‌റി ഡുനാന്റ്. 1863 ല്‍ സ്വിറ്റ്സര്‍ലന്റിലെ ജനീവയില്‍ സ്ഥാപിക്കപ്പെട്ട് ഇന്ന് ലോകം മുഴുവനുമുള്ള 185 രാജ്യങ്ങളിലായി വളര്‍ന്ന് വികസിച്ച് നില്‍ക്കുന്ന ഈ ആതുര ശുശ്രൂഷാ സംഘടനയില്‍ 97 ദശലക്ഷം സന്നദ്ധപ്രവര്‍ത്തകരും 12000 ല്‍ അധികം തൊഴിലാളികളും ഉണ്ട്. ഇസ്ലാമിക രാജ്യങ്ങളില്‍ റെഡ് ക്രെസന്റ് (ചന്ദ്രക്കല) എന്നും മറ്റു രാജ്യങ്ങളില്‍ റെഡ് ക്രോസ് എന്നും അറിയപ്പെടുന്ന ഈ സേവനസമൂഹം യഥാര്‍ത്ഥത്തില്‍ ഒരു ഇന്റര്‍നാഷനല്‍ ഓര്‍ഗനൈസേഷന്‍ അല്ല. ഒരേ ആശയവും, ലക്ഷ്യവുമായി പ്രവര്‍ത്തിക്കുന്ന The International Red Cross and Red Crescent Movement എന്ന സാമൂഹികപ്രവര്‍ത്തനത്തിന്റെ ഭാഗമാണ് ഓരോ രാജ്യത്തേയും റെഡ് ക്രോസ് / റെഡ് ക്രസന്റ് വിഭാഗം. ഏഴ് അടിസ്ഥാന ശിലകളിലാണ് സംഘടനയുടെ നിലനില്‍പ്പ്. അവ, മനുഷ്യത്വം, സമത്വം, സമഭാവന, സ്വാതന്ത്ര്യം, സന്നദ്ധസേവനം, ഏകത, സാര്‍വ്വലൌകികത എന്നിവയാണ്.

1828 മെയ് 8 നാണ് ഹെന്‍‌റീ ഡുനാന്റ് ജനിച്ചത്. അദ്ദേഹം ഒരു സ്വിസ് ബിസിനസുകാരനായിരുന്നു. 1859 ജൂണ്‍‌മാസത്തില്‍ അദേഹം ഫ്രാന്‍സിന്റെ അധിപനായിരുന്ന നെപ്പോളിയന്‍ മൂന്നാമന്‍ ചക്രവര്‍ത്തിയെ കാണുന്നതിനായി ഇറ്റലിയിലേക്ക് പോയി. അന്ന് ഫ്രഞ്ച് അധീനതയിലായിരുന്ന അള്‍ജീരിയയിലെ വ്യാപാരബന്ധങ്ങള്‍ക്ക് നേരിട്ടിരുന്ന തടസ്സത്തെപ്പറ്റി ചക്രവര്‍ത്തിയെ ബോധ്യപ്പെടുത്തുകയായിരുന്നു യാത്രയുടെ ലക്ഷ്യം. ജൂണ്‍ 24 ന് അദ്ദേഹം ഇറ്റലിയിലെ സൊല്‍ഫെരിനോ (Soleferino) എന്ന ചെറിയപട്ടണത്തിലെത്തി. ആയിടയ്ക്ക് ഫ്രഞ്ചുകാരും സാര്‍ഡീനിയക്കാരു തമ്മില്‍ നടന്നുവന്നിരുന്ന യുദ്ധത്തിന്റെ ഭാഗമായ ഒരു ഏറ്റുമുട്ടല്‍ അന്നേദിവസം അദ്ദേഹം കാണുവാനിടയായി. ഒറ്റ ദിവസം കൊണ്ട് ഇരു ഭാഗത്തുമുള്ള 40000 ല്‍ പരം പട്ടാളക്കാര്‍ മരിച്ചു വീഴുകയോ ഗുരുതരമായി പരിക്കേല്‍ക്കുകയോ ചെയ്തു. ശവങ്ങള്‍ മറവുചെയ്യുവാനോ മുറിവേറ്റവര്‍ക്ക് ഒരല്പം ആശ്വാസം പകരുവാനോ ആരും ഇല്ലാത്ത ഒരു ഭീകരാവസ്ഥ. ഇതുകണ്ടുനില്‍ക്കുവാന്‍ ഡുനാന്റിന്റെ മനസ്സാക്ഷി അനുവദിച്ചില്ല. അദ്ദേഹം അന്നാട്ടിലെ നല്ലവരായ ജനങ്ങളോട് സഹായം അഭ്യര്‍ത്ഥിക്കുകയും അവരുടെ സഹായത്തോടെ മുറിവേറ്റവര്‍ക്ക് ദിവസങ്ങളോളം പരിചരണം നല്‍കുകയും ചെയ്തു. തിരികെ ജനീവയിലെത്തിയ ഡുനാന്റ് ആദ്യം ചെയ്തത് സൊല്‍ഫരിനോയില്‍ താന്‍ കാണുകയും അനുഭവിക്കുകയും ചെയ്ത കാര്യങ്ങള്‍ ഒരു പുസ്തകത്തിലാക്കി പ്രസിദ്ധീകരിക്കുകയെന്നതായിരുന്നു. 1862 ല്‍ A Memory of Solferino എന്ന ആ പുസ്തകം പ്രസിദ്ധീകൃതമായി. അതിന്റെ കോപ്പി യൂറോപ്പിലെ രാജ്യത്തലവന്മാര്‍ക്കും യുദ്ധമുന്നണിയിലുള്ള നേതാക്കള്‍ക്കും അദ്ദേഹം അയച്ചു കൊടുത്തു. യുദ്ധഭൂമികളില്‍ മുറിവേറ്റു വീഴുന്നവരെ സഹായിക്കുവാനായി ദേശസാല്‍കൃതമായ ഒരു സന്നദ്ധസംഘടനയുടെ ആവശ്യം അദ്ദേഹം ഉന്നയിച്ചു. കൂടാതെ അത്തരം ഒരു സംഘടനയ്ക്ക് സ്വതന്ത്രമായും സുരക്ഷിതമായും യുദ്ധഭൂമിയില്‍ പ്രവര്‍ത്തിക്കുവാനുള്ള അവകാശം നിയമാനുസൃതമായി തരുവാനും അദ്ദേഹം അഭ്യര്‍ത്ഥിച്ചു. ഈ നീക്കം ഫലം കണ്ടു. 1869 ഫെബ്രുവരി 9 ന് ജനീവയില്‍ ഡുനാന്റും മറ്റ് അഞ്ച് സഹപ്രവര്‍ത്തകരും ചേര്‍ന്ന് ഒരു സംഘടനയ്ക്ക് രൂപം നല്‍കി International Committee for Relief to the Wounded എന്നായിരുന്നു ആ സംഘടനയുടെ പേര്. വെളുത്തകൊടിയില്‍ ചുവന്ന കുരിശടയാളം എന്ന ഒരു അടയാളവും റെഡ് ക്രോസ് സ്വീകരിച്ചു. ഒന്നാം ലോകമഹായുദ്ധത്തിലും, രണ്ടാം ലോകമഹായുദ്ധത്തിലും റെഡ് ക്രോസ് അനേകര്‍ക്ക് ആശ്രയമായി. അങ്ങനെയാണ് ഇതേ ആശയം പിന്‍‌‌പറ്റിക്കൊണ്ട് മറ്റ് രാജ്യങ്ങളിലും ക്രമേണ ഈ സംഘടന രൂപീകൃതമാകുന്നത്. ബാക്കി വിവരങ്ങള്‍ വിക്കി പീഡിയ (ഇംഗ്ലീഷ്) യില്‍ നിങ്ങള്‍ക്ക് വായിക്കാവുന്നതാണ്.

മത്സരം 32 - സര്‍ ആര്‍തര്‍ കോനന്‍ ഡോയല്‍

2009-05-13T06:00:00.001+04:00

ശരിയുത്തരം : സര്‍ ആര്‍തര്‍ കോനന്‍ ഡോയല്‍ വിഖ്യാതനായ സ്കോട്ടിഷ് എഴുത്തുകാരന്‍. പക്ഷേ അദ്ദേഹത്തിന്റെ സൃഷ്ടിയായ ഒരു കഥാപാത്രമാണ് അദ്ദേഹത്തേക്കാള്‍ കൂടുതല്‍ ലോകപ്രശസ്തിയാ‍ര്‍ജ്ജിച്ചത്! കുറ്റാന്വേഷകവിദഗ്ദ്ധനായ ഷെര്‍ലക് ഹോംസിനെപ്പറ്റി കേട്ടിട്ടില്ലാത്തവര്‍ കുറവായിരിക്കും. ആര്‍തര്‍ കോനന്‍ ഡോയല്‍ സൃഷ്ടിച്ച ഒരു കഥാപാത്രമാണ് ഹോംസ്. കുറ്റാന്വേഷണ കഥകള്‍ കൂടാതെ ചരിത്രലേഖനങ്ങള്‍, ചരിത്രനോവലുകള്‍, നാടകങ്ങള്‍ ഇവയും ആര്‍തര്‍ കോനന്‍ ഡോയലിന്റേതായിട്ടുണ്ട്. സേവന മേഖലയില്‍ അദ്ദേഹം ഒരു ഭിഷഗ്വരനായിരുന്നു. 1859 മെയ് 22 ന് സ്കോട്ട്ലന്റിലെ എഡിന്‍‌ബെറോയിലാണ് ഡോ.ഡൊയല്‍ ജനിച്ചത്. 1887 ല്‍ അദ്ദേഹം എഴുതിയ A study in scarlet എന്ന നോവലിലാണ് ഷെര്‍ലക് ഹോംസ് ആദ്യമായി പ്രത്യക്ഷപ്പെടുന്നത്. തുടര്‍ന്ന് 1891 മുതല്‍ സ്ട്രാന്റ് മാഗസിനില്‍ വന്ന 56 ചെറുകഥകളിലൂടെ ഹോംസ് എന്ന കുറ്റാന്വേഷകന്‍ വായനക്കാരുടെ മനസിലേക്ക് കുടിയേറി. സ്വതസിദ്ധമായ സൂക്ഷ്മ നിരീക്ഷണപാടവും, വളരെ ചെറിയ തെളിവുകളില്‍ നിന്ന് വളരെ വലിയ കണ്ടുപിടുത്തങ്ങളിലേക്കെത്തുന്ന അദ്ദേഹത്തിന്റെ അന്വേഷണ രീതിയും വായനക്കാര്‍ക്ക് വളരെയധികം ഇഷ്ടമായി. Deductive reasoning കഴിവ് ഉള്ളവര്‍ക്ക് ഒരു തുള്ളിവെള്ളം കണ്ടാല്‍ അത് നയാഗ്രയിലേതാണോ, അറ്റ്ലാന്റിക്കിലേതാണോ എന്നു തിരിച്ചറിയാനാവും എന്നു പറഞ്ഞതുപോലെയാണ് ഹോംസിന്റെ അന്വേഷണരീതി. പില്‍ക്കാലത്ത് ചില കുറ്റാന്വേഷണ പരിശീലന കേന്ദ്രങ്ങളില്‍ ഒരു റെഫറന്‍സ് ബുക്കായി പോലും ഹോംസ് കഥകള്‍ ഉപയോഗിക്കപ്പെട്ടതിന്റെ കാരണവും മറ്റൊന്നല്ല. ഹോംസും തന്റെ സുഹൃത്തായ ഡോ. വാട്സണും ചേര്‍ന്നാണ് എല്ലാ അന്വേഷങ്ങളും നടത്തുക. വായനക്കാരോട് മിക്കവാറും കഥകള്‍ വിവരിക്കുന്നതും ഡോ. വാട്സണ്‍ തന്നെ. ഹോംസിനെ കേന്ദ്രകഥാപാത്രമാക്കി നാലു നോവലുകളും ഡോയല്‍ രചിച്ചു. ഹോംസും വാട്സണും യഥാര്‍ത്ഥത്തില്‍ ജീവിച്ചിരുന്ന ആളുകളാണെന്നു വിശ്വസിക്കാനായിരുന്നു വായനക്കാര്‍ക്കിഷ്ടം. അതുകൊണ്ട് ഹോംസ് താമസിച്ചിരുന്നതായി കഥകളില്‍ വിവരിക്കുന്ന, ലണ്ടന്‍ ബേക്കര്‍ സ്ട്രീറ്റിലെ 221B എന്ന വീട് ഹോസിന്റെ വീട് എന്ന് കാലാകാലങ്ങളായി ഹോസിന്റെ ആരാധകര്‍ കരുതുന്നു. ബേക്കര്‍ സ്ട്രീറ്റില്‍ ഷെര്‍ലക് ഹോംസിന്റെ പേരിലുള്ള ഒരു പ്രൈവറ്റ് മ്യൂസിയം ഇപ്പോള്‍ പ്രവര്‍ത്തിക്കുന്നുണ്ട്. ഒരു കഥാപാത്രത്തിന്റെ പേരിലുള്ള ലോകത്തെ ആദ്യമ്യൂസിയമാണിത്. Final Problem എന്ന തന്റെ കഥയില്‍ ഷെര്‍ലക് ഹോംസ് മരിക്കുന്നതായി ഡോ. ഡോയല്‍ അവതരിപ്പിച്ചു. ആരാധകര്‍ക്ക് സഹിച്ചില്ല. നിരന്തരമായ അവരുടെ അഭ്യര്‍ത്ഥനയെ തുടര്‍ന്ന് രണ്ടുവര്‍ഷങ്ങള്‍ക്കു ശേഷം ഹോസിനെ പുനഃരുജ്ജീവിപ്പിക്കേണ്ടിവന്നു, ഡോയലിന് ! 1930 ജൂലൈ 7 ന് ഡോ. ഡൊയല്‍ അന്തരിച്ചു; അദ്ദേഹത്തേക്കാള്‍ പ്രശസ്തനായി തീര്‍ന്ന തന്റെ കഥാപാത്രത്തെ അനശ്വരനാക്കിക്കൊണ്ട്. ഷെര്‍ലക് ഹോംസ് കഥകള്‍ മലയാളത്തിലും ലഭ്യമാണ്. - കടപ്പാട് : വിക്കിപീഡിയ (ഇംഗ്ലീഷ്)

മത്സരം 31 - ബ്രൂസ് ലീ

2009-05-12T15:00:00.005+04:00

ശരിയുത്തരം: ബ്രൂസ് ലീ അനന്യസാധാരണമായ മെയ്‌വഴക്കം കൊണ്ട് ലോകം മുഴുവന്‍ ആരാധകരെ സമ്പാദിക്കുകയും, അസാമാന്യ പ്രതിഭയെന്ന് ലോകം വാഴ്ത്തുകയും ചെയ്ത ചൈനീസ് ആയോധനകലാ (martial arts) ഇതിഹാ‍സം ‍ബ്രൂസ്‌ ലീ . അമേരിക്കയില്‍ ജനിച്ച ലീ, ചൈനീസ്-ഹോംഗ് കോങ് ആയോധന കലയില്‍ അഗ്രഗണ്യനായിരുന്നു. ചൈനീസ് ആയോധന കലാരീതികളായ കുങ് ഫു, വിങ് ചുന്‍ എന്നിവയില്‍ അദ്ദേഹത്തിന് അസാമാന്യ കഴിവുകളുണ്ടായിരുന്നു. ആയോധനകലാരംഗത്തെ ത്തത്വചിന്തകന്‍, ഹോളിവുഡ് സിനിമാ നടന്‍ എന്നീ നിലകളിലും അദ്ദേഹം പ്രശസ്തനായിരുന്നു. 1940 നവംബര്‍ 27 നാണ് ലീ ജനിച്ചത്. പിതാവ് ലീ ചൈനാക്കരനും മാതാവ് ഗ്രെയ്സ് ജര്‍മ്മന്‍-ചൈനീസ് വംശജയും ആയിരുന്നു. ചെറുപ്പത്തില്‍ തന്നെ പിതാവ് ബ്രൂസ് ലി യെ ആയോധനകലയുടെ ബാലപാഠങ്ങള്‍ അഭ്യസിപ്പിച്ചു. തുടര്‍ന്ന് പതിമൂന്നാം വയസു മുതല്‍ 18 വയസുവരെ അദ്ദേഹം ഹോങ്കോങ്ങില്‍ വിങ് ചുന്‍ കുംഗ് ഫു അഭ്യസിച്ചു. തന്റെ പ്രൊഫഷനല്‍ കാലഘട്ടത്തില്‍ (1965 ല്‍) ലീ സ്വന്തമായി Jeet Kune Do (JKD) എന്ന (ആയോധനകലാ)രീതി വികസിപ്പിച്ചെടുത്തു. പരമ്പരാഗത കുങ് ഫു രീതികളില്‍ നിന്ന് അല്പം വ്യത്യസ്തമായി practicality, flexibility, speed, and efficiency എന്നിവയിലായിരുന്നു ഈ രീതി കൂടുതല്‍ ഊന്നല്‍ നല്‍കിയത്. ഒരു തടിമാടനൊന്നുമല്ലായിരുന്ന ബ്രൂസ് ലീ, ബോഡി ബില്‍ഡിംഗില്‍ വളരെ ശ്രദ്ധിച്ചിരുന്നു; അതുപോലെ നിരന്തരവും കര്‍ശനവുമായ വ്യായാമ മുറകളിലും. അദ്ദേഹത്തിന്റെ ശക്തിയുടെ രഹസ്യം തന്നെ ഈ പ്രത്യേകതയായിരുന്നു. ലീയുടെ പിതാവ് ഒരു കാന്റണ്‍ ഓപറ ആര്‍ട്ടിസ്റ്റ് ആയിരുന്നതിനാല്‍ വളരെ ചെറുപ്രായത്തില്‍ തന്നെ ലീ സിനിമാലോകത്ത് എത്തിയിരുന്നു. എങ്കിലും ആയോധനകലയുടെ അടിസ്ഥാനത്തിലുള്ള സിനിമകളിലേക്ക് അദ്ദേഹം എത്തിയത് 1969 ലാണ്. തുടര്‍ന്ന് ഇതേ തീമില്‍ ഇറങ്ങിയ നിരവധി സിനിമകളില്‍ അദ്ദേഹം അഭിനയിച്ചു. അവയില്‍ ഏറ്റവും പ്രശസ്തമാണ് എന്റര്‍ ദി ഡ്രാഗണ്‍ എന്ന സിനിമ. ഇന്നും വളരെ പ്രശസ്തമായ ഈ സിനിമ ഇതുവരെ 200 മില്യണ്‍ ഡോളറാണത്രെ വരുമാനമുണ്ടാക്കിയിരിക്കുന്നത്! പ്രശസ്തിയുടെ കൊടുമുടിയില്‍ നില്‍ക്കുമ്പോള്‍ ലീയുടെ അന്ത്യം വളരെ ആകസ്മികമായാണ് സംഭവിച്ചത്. 1973 ജൂലൈ 20 നായിരുന്നു അത്. ഇന്നും അതിന്റെ പിന്നില്‍ ദുരൂഹതകള്‍ ആരോപിക്കപ്പെടുന്നുണ്ട്. പുറമെ ക്ഷതങ്ങളൊന്നുമില്ലായിരുന്നുവേങ്കിലും അദ്ദേഹത്തിന്റെ തലച്ചോറില്‍ അസാധാരണമായ നീര്‍ക്കെട്ടുണ്ടായിരുന്നു.അദ്ദേഹം ഉപയോഗിച്ചിരുന്ന വേദന സംഹാരിയിലെ ചില രാസവസ്തുക്കളോട് ലീയുടെ ശരീരം അപ്രതീക്ഷിതമായി പ്രതികരിച്ചതാണ്‌ മരണകാരണം എന്നായിരുന്നു പ്രാഥമിക നിഗമനം. ഈ വാദം തെറ്റാണെന്നും രോഗലക്ഷണങ്ങള്‍ ലീയില്‍ നേരത്തെ പ്രകടമായിരുന്നുവെന്നും ചിലര്‍ വാദിക്കുന്നു. ലിന്‍ഡാ ലീ കാഡ്‌വെല്‍ ആണ് ബ്രൂസ് ലീ യുടെ പത്നി. ബ്രൂസ് ലീ യുടെ മക്കളായ ബ്രാന്‍ഡണ്‍ ലീയും, ഷാനന്‍ ലീയും ആയോധനകലാരംഗത്ത് പ്രശസ്തരായിരുന്നു - ഒപ്പം സിനിമാ രംഗത്തും. ബ്രാന്‍ഡണ്‍ ലീ 1993 ല്‍ ഒരു ഇരുപത്തിയെട്ടാമത്തെ വയസില്‍ ഒരു സിനിമ ഷൂട്ടിങ്ങിനിടെ മരണമടഞ്ഞു. ബ്രൂസ് ലീയുടെ കഴിവുകളില്‍ ചിലതുമാത്രം (വിക്കിപീഡിയ ഇംഗ്ലീഷ് വേര്‍ഷനില്‍നിന്ന്): 1. ഒരു സെക്കന്റിന്റെ അഞ്ഞൂറിലൊരംശത്തില്‍ ഒരിടി പാസാക്കാന്‍ ലീയ്ക്ക് കഴിയുമായിരുന്നു 2. വേഗതയുടെ ഡെമോന്‍സ്ട്രേഷനില്‍, ഒരാളുടെ തുറന്ന കൈപ്പത്തിയില്‍ ഇരിക്കുന്ന ഒരു നാണയം, അയാള്‍ക്ക് കൈ മടക്കാന്‍ സാധിക്കുന്നതിനേക്കാള്‍ സ്പീഡില്‍ കൈക്കലാക്കുവാന്‍ ലീയ്ക്ക് കഴിയുമായിരുന്നു 3. തുറക്കാത്ത കൊക്കോ കോളാ ക്യാനുകള്‍ക്കുള്ളിലേക്ക് വിരല്‍ തുളച്ചു കയറ്റുവാനും, കല്ലുനിറച്ച ബക്കറ്റുകള്‍ ഇടിച്ചു തുറക്കുവാനും അദ്ദേഹത്തിനു സാധിക്കുമായിരുന്നത്രെ. 4. ആറിഞ്ചു കനമുള്ള തടിപ്പലകകള്‍ തകര്‍ക്കുവാനും, 136 കിലോ ഭാരമുള്ള ഒരു ചാ‍ക്കിനെ ഒരു സൈഡ് കിക്കിനാല്‍ പറപ്പിക്കുവാനും അദ്ദേഹത്തിനു കഴിയുമായിരുന്നത്രെ.

മത്സരം 30 - ആഷാ ഭോസ്‌ലെ

2009-05-12T06:00:00.002+04:00

ശരിയുത്തരം : ആഷാ ഭോസ്‌ലെ 1943 ല്‍ പ്രൊഫഷനല്‍ ഗാനാലാപന രംഗത്തേക്ക് കടന്നുവന്ന് ആറുപതിറ്റാണ്ടുകള്‍ക്കു ശേഷവും സജീവമായി ഇന്നും നിലകൊള്ളുന്ന ഭാരത്തിന്റെ പ്രിയഗായിക. പ്രശസ്തഗായിക ലതാ മങ്കേഷ്കറുടെ ഇളയ സഹോദരി. സംഗീത സംവിധായകന്‍ ആര്‍.ഡി. ബര്‍മന്റെ പത്നി. ബോളിവുഡ് പിന്നണി ഗായിക എന്ന നിലയിലാണ് അവര്‍ കൂടുതല്‍ പ്രശസ്തയെങ്കിലും, അവരുടെ ഗാനാലാപന മേഖല അവിടം കൊണ്ട് ഒതുങ്ങുന്നില്ല. പോപ് മ്യൂസിക്, ഗസലുകള്‍, ഭജന്‍, ക്ലാസിക്കല്‍ സംഗീതം, നാടോടി ഗാനങ്ങള്‍, ഖവാലി സംഗീതം, രവീന്ദ്രസംഗീതം തുടങ്ങി വിവിധമേഖലകളില്‍ അവര്‍ കഴിവുതെളിയിച്ചിട്ടുണ്ട്. കൂടാതെ ദക്ഷിണേഷ്യന്‍ ഗായികമാരില്‍ ഏറ്റവും വ്യത്യസ്തയായ ഗായിക എന്നു വിലയിരുത്തപ്പെടുന്ന അവര്‍ ഹിന്ദി കൂടാതെ പതിനാലിലധികം ഭാഷകളില്‍ പാടിയിട്ടുണ്ട്. തന്റെ സംഗീത ജീവിതത്തില്‍ പന്തീരായിരത്തിലധികം ഗാനങ്ങളാലപിച്ച് മറ്റേത് ഗായകരേക്കാളും മുന്‍‌നിരയിലെത്തി നില്‍ക്കുന്നു; ഇതൊരു ലോകറിക്കോര്‍ഡാണ്. 1933 സെപ്റ്റംബര്‍ 8 ന് മഹാരാഷ്ട്രയിലെ സാംഗ്ലി എന്ന സ്ഥലത്ത്, സംഗീത പാരമ്പര്യമുള്ള ദീനാ നാഥ് മംഗേഷ്കര്‍ കുടുംബത്തിലാണ് ആഷ ജനിച്ചത്. പിതാവ് ഒരു നാടകനടനും ക്ലാസിക്കല്‍ സംഗീതജ്ഞനുമായിരുന്നു. സംഗീത സംവിധായകന്‍ ഓ.പി. നയ്യാര്‍ ആണ് ആഷയ്ക്ക് ബോളിവുഡില്‍ സ്വന്തമായ ഒരു പേര് ഉണ്ടാക്കിക്കൊടുത്തത്. പത്മവിഭൂഷണ്‍ ഉള്‍പ്പടെ ഒട്ടനവധി പുരസ്കാരങ്ങള്‍ ഈ കലകാരിക്ക് ലഭിച്ചിട്ടുണ്ട്.

മത്സരം 29 - സര്‍ സി.പി. രാമസ്വാമി അയ്യര്‍

2009-05-11T15:00:00.003+04:00

ശരിയുത്തരം : സര്‍ സി.പി രാമസ്വാമി അയ്യര്‍ സര്‍.സി.പി എന്ന ചുരുക്കപ്പേരില്‍ അറിയപ്പെടുന്ന ചേത്തുപ്പട്ടു പട്ടാഭിരാമ രാമസ്വാമി അയ്യര്‍. ബ്രിട്ടീഷ് ഇന്ത്യയിലെ പ്രമുഖ നിയമജ്ഞന്‍, രാഷ്ട്രതന്ത്രജ്ഞന്‍, അഡിമിനിസ്ട്രേറ്റര്‍, തിരുവിതാംകൂറിലെ ദിവാന്‍ എന്നീനിലകളില്‍ പ്രശസ്തന്‍. രക്തരൂക്ഷിതമായി അവസാനിച്ച പുന്നപ്ര-വയലാര്‍ സമരത്തെ അടിച്ചമര്‍ത്തിയ സ്വേച്ഛാപതി എന്നനിലയിലാണ് ഇദ്ദേഹത്തെ മലയാളികള്‍ക്ക് കൂടുതല്‍ പരിചയം. മൂവായിരത്തോളം പേരാണ് അന്ന് തിരുവിതാംകൂര്‍ സൈന്യത്തിന്റെ ആക്രമണത്തില്‍ പെട്ട് മരിച്ചത്. 1879 നവംബര്‍ 12 ന് മദ്രാസിലാണ് സി.പി ജനിച്ചത്. മദ്രാസ് വെസ്ലി കോളജ് ഹൈസ്കൂള്‍, മദ്രാസ് പ്രസിഡന്‍സി കോജജ് എന്നിവിടങ്ങളില്‍ വിദ്യാഭ്യാസം പൂര്‍ത്തീകരിച്ച അദ്ദേഹം മദ്രാസ് ഗവര്‍മെന്റിന്റെ വിവിധ നിയമവകുപ്പുകളില്‍ ഉയര്‍ന്ന പദവികള്‍ വഹിച്ചു. ബ്രിട്ടീഷ് ഗവര്‍മെന്റിന്റെ knight Commander of Indian Empire, Knight commander of the star of India എന്നി പദവികള്‍ അദ്ദേഹത്തിനു ലഭിച്ചിട്ടുണ്ട്. 1936 ല്‍ അദ്ദേഹം തിരുവിതാംകൂര്‍ ദീവാനായി നിയമിക്കപ്പെട്ടു. അദ്ദേഹത്തിന്റെ ഭരണകാലത്ത് ഒട്ടനവധി പരിഷ്കാരങ്ങള്‍ അദ്ദേഹം നടപ്പാക്കി. അവയില്‍ ചിലത് - താഴ്ന്ന ജാതിക്കാര്‍ക്കും അമ്പലങ്ങളില്‍ പ്രവേശനം അനുവദിക്കുന്ന ക്ഷേത്രപ്രവേശന വിളംബരം, കോഡയാര്‍ ജല വൈദ്യുതപദ്ധതി, ജലസേചന പദ്ധതികള്‍, FACT, Travancore Rayons, Travancore cements, Travancore Aluminum ഫാക്റ്ററികള്‍, പള്ളിവാസല്‍ ജലവൈദ്യുത പദ്ധതിയുടെ വികസനം, പത്മനാഭപുരം കൊട്ടാരത്തിന്റെ പുനര്‍നിര്‍മ്മാണം, ഇപ്പോഴത്തെ കേരള യൂണിവേഴ്സിറ്റിയുടെ ആദ്യ രൂപമായ ട്രാവന്‍‌കൂര്‍ യൂണിവേഴ്സിറ്റിയുടെ ആരംഭം തുടങ്ങിയവയൊക്കെ സര്‍.സിപിയുടെ ഭരണനേട്ടങ്ങളാണ്. വധശിക്ഷ നിര്‍ത്തലാക്കുകയും, കൃഷിക്ക് ഗ്രേഡ് സംബ്രദായത്തിലുള്ള നികുതി ഈടാക്കുകയും ചെയ്തു. സ്കൂളുകളില്‍ കൂടുതല്‍ കുട്ടികളെ എത്തിക്കുവാനായി ഉച്ചക്കഞ്ഞി വിതരണം ആരംഭിച്ചതും അദ്ദേഹമാണ്. ആദ്യമായി ഒരു വനിതയെ (അന്നാ ചാണ്ടി) ജില്ലാ ജഡ്ജിയായി അവരോധിച്ചതും സി.പി. തന്നെ. ഒരു റോഡ് ട്രാന്‍സ്പോര്‍ട്ട് സംവിധാനം ഭാരതത്തില്‍ ആദ്യമായി ദേശസാല്‍ക്കരിച്ചതും തിരുവിതാംകൂറിലായിരുന്നു. അദ്ദേഹത്തിന്റെ ഭരണകാലത്ത് നികുതിവര്‍ദ്ധനവുകളൊന്നും കൂടാതെതന്നെ തിരുവിതാംകൂറിന്റെ വരുമാനം 2.5 കോടി രൂപയില്‍ നിന്ന് 9 കോടീയായി വര്‍ദ്ധിച്ചത്രെ. ഇന്ത്യ ഒരു സ്വന്തത്ര പരമാധികാര രാഷ്ട്രമായി പ്രഖ്യാപിക്കപ്പെടുന്നതിനു മുന്നോടിയായി സേറ്റുകള്‍ക്ക്, ഇന്ത്യയോടോ പാകിസ്ഥാനോടോ ഒപ്പം നില്‍ക്കുവാനുള്ള ഓപ്ഷന്‍ നല്‍കിയപ്പോള്‍ തിരുവിതാംകൂറിനെ സ്വതന്ത്രരാജ്യമായി നിര്‍ത്തുവാനായിരുന്നു സിപിയുടെ ആഗ്രഹം. ഏതായാലും ഈ പദ്ധതിനടന്നില്ല. ഒരു ഭരണതന്ത്രജ്ഞന്‍ എന്നനിലയില്‍ അദ്ദേഹ വിജയിച്ചുവെങ്കിലും, രാജ്യത്തെ ജനങ്ങളെ ഒറ്റക്കെട്ടായി നിര്‍ത്തുന്നതില്‍ അയ്യര്‍ പരാജയപ്പെട്ടു. കമ്യൂണിസ്റ്റ്കാരും അദ്ദേഹവുമായി ഉണ്ടായിരുന്ന ശത്രുത അവസാനം 1946 ല്‍ പുന്നപ്രവയലാര്‍ വിപ്ലവ സമരത്തിലേക്ക് കാര്യങ്ങളെത്തിച്ചു. രക്തരൂക്ഷിതമായ ആക്രമണത്തില്‍ സര്‍.സിപിയുടെ സൈന്യം മൂവായിരത്തിലധികം വിപ്ലവകാരികളെ കൊന്നു എന്നാണ് കണക്ക്. തുടര്‍ന്നുണ്ടായ സംഭവവികാസങ്ങളില്‍ കെ.സി.എസ് മണി സര്‍.സിപിയെ വധിക്കുവാനൊരുങ്ങീ ചെയ്ത ആക്രമണത്തില്‍ അദ്ദേഹത്തിനു ഗുരുതരമായി പരിക്കേറ്റു. തുടര്‍ന്ന് അദ്ദേഹം തിരുവിതാംകൂര്‍ദിവാന്‍ സ്ഥാനം രാജിവച്ച് സ്വദേശത്തേക്ക് പോയി. 1966 സെപ്റ്റംബര്‍ 26 ന് ഇംഗ്ലണ്ടില്‍ വച്ചാണ് അദ്ദേഹം അന്തരിച്ചത്. - വിവരങ്ങള്‍ക്ക് കടപ്പാട്: വിക്കിപീഡീയ (ഇംഗ്ലീഷ്)

മത്സരം 28 - കപില്‍ ദേവ്

2009-05-11T06:00:00.002+04:00

ശരിയുത്തരം : കപില്‍ ദേവ് കപില്‍ ദേവ് രാം‌ലാല്‍ നിഖന്‍‌ജ് എന്നാണ് കപില്‍ദേവിന്റെ പൂര്‍ണ്ണ നാമം. 1959 ജനുവരി 6 നാണ് അദ്ദേഹം ജനിച്ചത്. ലോകംകണ്ട എക്കാലത്തേയും മികച്ച ക്രിക്കറ്റ് ഓള്‍‌റൌണ്ടര്‍മാരിലൊരാളാണ് കപില്‍. 1983-ല്‍ ഇന്ത്യന്‍ ക്രിക്കറ്റ് ടീം ലോകകപ്പ് ക്രിക്കറ്റ് കിരീടം നേടിയപ്പോള്‍ ടീമിന്റെ നായകനായിരുന്നു അദ്ദേഹം. “കപിലിന്റെ ചെകുത്താന്മാര്‍“ എന്നായിരുന്നു ആ ടീമിന് ക്രിക്കറ്റ് ലോകം നല്‍കിയ ഓമനപ്പേര്. ആവശ്യമായ സന്ദര്‍ഭങ്ങളിലൊക്കെ ടീമിനെ ആപത്തുകളില്‍ നിന്ന് കരകയറ്റാന്‍ അദ്ദേഹത്തിനു പ്രത്യേക സിദ്ധിതന്നെയുണ്ടായിരുന്നു. “ഹരിയാനയുടെ കൊടുങ്കാറ്റ്” എന്നായിരുന്നു അദ്ദേഹത്തിന്റെ ഇരട്ടപ്പേര്. ടെസ്റ്റ് ക്രിക്കറ്റില്‍ 400 വിക്കറ്റുകളും 5000 റണ്ണുകളും എന്ന നേട്ടം അദ്ദേഹത്തിനു സ്വന്തം. കളിയില്‍ നിന്നും വിരമിച്ച ശേഷം കുറച്ചു കാലം ഇന്ത്യയുടെ പരിശീലകനായും സേവനമനുഷ്ഠിച്ചിരുന്നു. ഇന്ത്യയില്‍ ഏറ്റവുമധികം ആരാധകരുള്ള ക്രിക്കറ്റ് താരങ്ങളുടെ ഗണത്തിലുള്ള കപില്‍ ദേവിനെയാണ് നൂറ്റാണ്ടിലെ ഇന്ത്യന്‍ ക്രിക്കറ്റ് താരമായി വിസ്ഡന്‍ മാസിക തിരഞ്ഞെടുത്തത്. 2008 സെപ്തംബറില്‍ ഇന്ത്യന്‍ ടെറിട്ടോറിയല്‍ ആര്‍മിയില്‍ ഓണററി ലഫ്റ്റനന്റ് കേണല്‍ ആയി കപില്‍ ദേവിന് സ്ഥാനം നല്‍കി. പഞ്ചാബ് റജിമെന്റിലെലെ 150 ഇന്‍ഫന്ററി ബറ്റാലിയനിലാണ് ചുമതല. യുവജനങ്ങള്‍ക്കിടയില്‍ സൈന്യത്തിന്റെ അംബാസിഡറായി അദ്ദേഹം സേവനം ചെയ്യും. സ്വന്തം ജോലി നിലനിര്‍ത്തിക്കൊണ്ട് രാജ്യരക്ഷാ സേവനം ചെയ്യാന്‍ പൗരന്മാര്‍ക്കുള്ള സംവിധാനമാണ് ടെറിട്ടോറിയല്‍ ആര്‍മി. കപില്‍ ദേവിന് ലഭിച്ചിട്ടുള്ള പ്രധാന അവാര്‍ഡുകള്‍ * 1979-80 - അര്‍ജുന അവാര്‍ഡ് * 1982 - പത്മശ്രീ * 1983 - വിസ്ഡന്‍ ക്രിക്കറ്റര്‍ ഓഫ് ദി ഈയര്‍ * 1991 - പത്മഭൂഷണ്‍ * 2002 - വിസഡന്‍ നൂറ്റാണ്ടിലെ ഇന്ത്യന്‍ ക്രിക്കറ്റര്‍

മത്സരം 27 - ഹാരി ട്രൂമാന്‍

2009-05-10T15:00:00.003+04:00

ശരിയുത്തരം : ഹാരി എസ്. ട്രൂമാന്‍ അമേരിക്കയുടെ മുപ്പത്തിമൂന്നാമത്തെ പ്രസിഡന്റ്. 1945 - 1953 കാലഘട്ടത്തിലാണ് അദ്ദേഹം പ്രസിഡന്റ് പദവിയിലിരുന്നത്. അതിനുമുമ്പ് മൂന്നുതവണ യുഎസ് പ്രസിഡന്റായിരുന്ന ഫ്രാങ്ക്ലിന്‍ റൂസ്‌വെല്‍റ്റ്, വീണ്ടും നാലാംതവണ പ്രസിഡന്റായശേഷം മൂന്നുമാസത്തിനുള്ളില്‍ മരിച്ചു. തുടര്‍ന്ന് ട്രൂമാന്‍ പ്രസിഡന്റായി അധികാരമേറ്റു. ഇദ്ദേഹത്തിന്റെ ഭരണകാലത്താണ് ആധുനിക ലോകചരിത്രത്തിലെ ചില സുപ്രധാന രാഷ്ട്രീയ സംഭവവികാസങ്ങളും നടന്നത്. അതില്‍ ഏറ്റവും കുപ്രസിദ്ധമായത് രണ്ടാം ലോകമഹായുദ്ധത്തിന്റെ അവസാനം കുറിച്ചുകൊണ്ട് അമേരിക്ക നാഗസാക്കിയിലും ഹിരോഷിമയിലും അണുബോംബ് ഇട്ടതാണ്. ജനറല്‍ ഗ്രൂവ്സ് തയ്യാറാക്കിയ ഈ ആക്രമണ ഓര്‍ഡറില്‍ ഒപ്പിട്ടുകൊണ്ട് മനുഷ്യചരിത്രത്തിലെ ആദ്യത്തേതും അവസാനത്തേതും (എന്നുനമുക്ക് പ്രതീക്ഷിക്കാം) ആയ അണുബോംബ് ആക്രമണത്തിന് അനുമതിനല്‍കിയ പ്രസിഡന്റാണ് ഹാരി ട്രൂമാന്‍. യഥാര്‍ത്ഥത്തില്‍ ഹിരോഷിമ, നാഗസാക്കി, കൊകുറ, നിഗാറ്റാ എന്നീ നഗരങ്ങളാണ് ആക്രമണത്തിനായി തെരഞ്ഞെടുത്തിരുന്നത്. സിറ്റി മുഴുവനായി ആണ് ടാര്‍ഗറ്റ് ആയി നിശ്ചയിച്ചിരുന്നത് - സൈനിക കേന്ദ്രങ്ങളല്ല. ആറുമാസം നീണ്ട യുദ്ധത്തിനൊടുവില്‍ അമേരിക്ക നല്‍കിയ ഒരു അന്ത്യശാസനം ജപ്പാനിലെ അന്നത്തെ ഷോവാ ഭരണാധികാരികള്‍ കാര്യമാക്കിയില്ല. തുടര്‍ന്ന് “ലിറ്റില്‍ ബോയ്” എന്ന ആദ്യത്തെ ബോംബ് 1945 ഓഗസ്റ്റ് 6 ന് ഹിരോഷിമയില്‍ അമേരിക്ക പ്രയോഗിച്ചു. മൂന്നു ദിവസത്തിനുശേഷം “ഫാറ്റ് മാന്‍” എന്ന രണ്ടാമത്തെ ബോംബ് നാഗസാക്കിയിലും. അതോടുകൂടി ജപ്പാന്‍ പരാജയം സമ്മതിക്കുകയും രണ്ടാം ലോകമഹായുദ്ധം അവസാനിക്കുകയുമായിരുന്നു. രണ്ട് ആക്രമണങ്ങളിലും കൂടി 2,20,000 ആളുകള്‍ മരിച്ചു എന്നാണ് ഏകദേശ കണക്ക്. ട്രൂമാന്റെ ഭരണകാലത്തുണ്ടായ സംഭവവികാസങ്ങളില്‍ പ്രധാനപ്പെട്ടവയായിരുന്നു യുണൈറ്റഡ് നേഷന്‍സിന്റെ സ്ഥാപനം, നാറ്റോ സഖ്യം, യൂറോപ്പിന്റെ നവോദ്ധാനത്തിനായുള്ള മാര്‍ഷല്‍ പ്ലാന്‍, റഷ്യയുമായി ശീതയുദ്ധത്തിന്റെ ആരംഭം, ഇസ്രയേലിനെ ഒരു സ്വതന്ത്ര രാഷ്ട്രമായി അംഗീകരിക്കുവാനുള്ള തീരുമാനം മുതലായവ. 1884 മെയ് 8 നാണ് അദ്ദേഹം ജനിച്ചത്. 1972 ഡിസംബര്‍ 26 ന് അന്തരിച്ചു.

മത്സരം 26 - സിസ്റ്റര്‍ നിര്‍മ്മല ജോഷി

2009-05-10T06:00:00.003+04:00

ശരിയുത്തരം : സിസ്റ്റര്‍ നിര്‍മല ജോഷി മദര്‍ തെരേസയുടെ പിന്‍‌ഗാമിയായി “മിഷനറീസ് ഓഫ് ചാരിറ്റി” എന്ന സന്നദ്ധസംഘടനയുടെ സുപ്പീരയര്‍ ജനരല്‍ ആയി തെരഞ്ഞെടുക്കപ്പെട്ട സിസ്റ്റര്‍ നിര്‍മ്മല ജോഷി. റാഞ്ചിയിലെ ഒരു ബ്രാഹ്മണ കുടുംബത്തില്‍ 1934 ലാണ് അവര്‍ ജനിച്ചത്. പൊളിറ്റിക്കല്‍ സയന്‍സില്‍ ബിരുദാനന്തബിരുദവും, പിന്നീട് നിയമപരിശീലനവും നേടിയ അവര്‍ മദര്‍ തെരേസയുടെ പ്രവര്‍ത്തനങ്ങളില്‍ ആകൃഷ്ടയായി മിഷനറീസ് ഓഫ് ചാരിറ്റിയില്‍ അംഗമാവുകയായിരുന്നു. വാഷിംഗ്ടണിലും, പാനമയിലും മിഷന്റെ നേതൃസ്ഥാനത്ത് അവര്‍ പ്രവര്‍ത്തിച്ചിട്ടുണ്ട്. തുടര്‍ന്ന് മദര്‍ തെരേസയുടെ മരണശേഷം അവരുടെ പിന്‍‌ഗാമിയായി തെരഞ്ഞെടുക്കപ്പെട്ടു. 2009 ജനുവരി 26 ന് രാഷ്ട്രം സിസ്റ്റര്‍ നിര്‍മ്മലയ്ക്ക് പദ്മവിഭൂഷണ് സമ്മാനിച്ചു. 2009 മാര്‍ച്ച് 25 ന് അവര്‍ മിഷനറീസ് ഓഫ് ചാരിറ്റിയുടെ നേതൃസ്ഥാനം ഒഴിയുകയും വിശ്രമജീവിതത്തിലേക്ക് കടക്കുകയും ചെയ്തു. ഇപ്പോള്‍ ജര്‍മ്മന്‍ വംശജയായ സിസ്റ്റര്‍ മേരി പ്രേമയാണ് മിഷനറീസ് ഓഫ് ചാരിറ്റിയുടെ നേതൃത്വം വഹിക്കുന്നത്.

മത്സരം 25 - സുകുമാരി

2009-05-09T15:00:00.004+04:00

ശരിയുത്തരം : സുകുമാരി മലയാളത്തിന്റെ പ്രിയ അഭിനേത്രി സുകുമാരിയമ്മ. പത്താം വയസില്‍ സിനിമാരംഗത്ത് എത്തി നീണ്ട അറുപതുവര്‍ഷങ്ങള്‍ക്കു ശേഷവും ഈ രംഗത്ത് സജീവമായി നിലകൊള്ളുന്ന ഈ അനുഗ്രഹീത കലാകാരി മലയാളത്തിലും തമിഴിലുമായി ഇതുവരെ രണ്ടായിരത്തിലധികം ചിത്രങ്ങളില്‍ വിവിധവേഷങ്ങള്‍ കൈകാര്യംചെയ്തിട്ടുണ്ട്. 1940 ല്‍ തമിഴ് നാട്ടിലെ നാഗര്‍കോവിലിലാണ് ശ്രീമതി സുകുമാരി ജനിച്ചത്. തിരുവിതാംകൂര്‍ സഹോദരിമാര്‍ എന്നറിയപ്പെട്ടിരുന്ന ലളിത-പത്മിനി-രാഗിണി മാര്‍ ഇവരുടെ കസിന്‍ ആയിരുന്നു. അങ്ങനെയാണ് അവര്‍ സിനിമാരംഗത്തേക്ക് എത്തുന്നത്. കഥകളിയിലും ഭരതനാട്യത്തിലും സുകുമാരി ചെറുപ്പത്തില്‍ തന്നെ പ്രാവീണ്യം നേടീയിട്ടുണ്ട്. ഏല്‍പ്പിക്കുന്ന വേഷങ്ങളിലെല്ലാം - അത് ഗൌരവമേറിയ വേഷമായാലും തമാശവേഷങ്ങളായാലും - തന്റേതായ അഭിനയത്തികവോടെ അവതരിപ്പിക്കുവാനുള്ള ശേഷിയാണ് ഇന്നും സിനിമാരംഗത്തെ പ്രിയതാരമായി ഇവരെ മാറ്റുന്നത്. 2003 ല്‍ പദ്മശ്രീ പുരസ്കാരം നല്‍കി രാഷ്ട്രം അവരെ ആദരിച്ചു. ഇതുകൂടാതെ ഏറ്റവും നല്ല സപ്പോര്‍ട്ടിംഗ് ആര്‍ട്ടിസ്റ്റിനുള്ള സംസ്ഥാന അവാര്‍ഡ് മൂന്നുതവണ ലഭിച്ചിട്ടുണ്ട്. സിനിമാ സംവിധായകനായിരുന്ന ഭീംസെന്‍ ആയിര്‍ന്നു സുകുമാരിയുടെ ഭര്‍ത്താവ്. അവരുടെ മുപ്പതാം വയസില്‍ അദ്ദേഹം അന്തരിച്ചു.

മത്സരം 24 - അഭിനവ് ബിന്ദ്ര

2009-05-09T06:00:00.001+04:00

ശരിയുത്തരം - അഭിനവ് ബിന്ദ്ര ഒളിമ്പിക്സ് ഗെയിംസില്‍ വ്യക്തിഗത സ്വര്‍ണ്ണം നേടിയ ആദ്യ ഇന്ത്യാക്കാരന്‍. 2008 ഓഗസ്റ്റില്‍ നടന്ന ബെയ്ജിംഗ് ഒളിമ്പിക്സിലാണ് 10 മീറ്റര്‍ എയര്‍ റെഫിള്‍സില്‍ അദ്ദേഹത്തിനു സ്വര്‍ണ്ണം ലഭിച്ചത്. 2009 ജനുവരി 26 ന് രാഷ്ടം പദ്മഭൂഷണ്‍ ബഹുമതി നല്‍കി ആദരിച്ചു. 1982 സെപ്റ്റംബര്‍ 28 നാണ് അഭിനവ് ജനിച്ചത്.പ്രമുഖ ബിസിനസുകാരനായ എ.എസ്. ബിന്ദ്രയാണ് പിതാവ്. പത്താം ക്ലാസുവരെ ഡൂണ്‍ സ്കൂളിലും തുടര്‍ന്ന് ചണ്ഡീഗഡിലെ സെന്‍റ് സ്റ്റീഫന്‍സ് സ്കൂളിലും വിദ്യാഭ്യാസം പൂര്‍ത്തിയക്കി. കൊളറാഡോ യൂണിവേഴ്സിറ്റിയില്‍ നിന്നും എംബിഎ ബിരുദംനേടിയ അഭിനവ് ചണ്ഡിഗഡിലെ അദ്ദേഹത്തിന്‍റെതന്നെ സ്ഥാപനമായ അഭിനവ് ഫ്യൂച്ച്രറിസ്റ്റിക്സിന്‍റെ ചീഫ് എക്സിക്യൂട്ടീവുമാണ്. പതിനഞ്ചാം വയസില്‍തന്നെ അഭിനവിന് പലരുടെയും ശ്രദ്ധയാകര്‍ഷിക്കാന്‍ കഴിഞ്ഞു. 1998-ലെ കോമണ്‍വെല്‍ത്ത് ഗെയിംസിലെ ഏറ്റവും പ്രായംകുറഞ്ഞ താരമായിരുന്നു അഭിനവ്. കേണല്‍ ജെ.എസ്. ധില്ലന്‍ ആണ് അഭിനവിലെ പ്രതിഭയെ ചെറുപ്പത്തില്‍തന്നെ കണ്ടെത്തിയത്. 2000 ല്‍ അര്‍ജ്ജുന അവാര്‍ഡും 2001 ല്‍ രാജീവ് ഗാന്ധി ഖേല്‍ രത്ന അവാര്‍ഡും ലഭിച്ചിട്ടുണ്ട്.

മത്സരം 23 - ജസ്റ്റിസ് കെ.ജി. ബാലകൃഷ്ണന്‍

2009-05-08T15:00:00.001+04:00

ശരിയുത്തരം : ജസ്റ്റിസ് കെ.ജി. ബാലകൃഷ്ണന്‍ ഇന്ത്യയുടെ ഇപ്പോഴത്തെ ചീഫ് ജസ്റ്റീസ്, ജസ്റ്റീസ് കെ.ജി. ബാലകൃഷ്ണന്‍. മുഴുവന്‍ പേര് കൊനകുപ്പക്കാട്ടില്‍ ഗോപിനാഥന്‍ ‍ബാലകൃഷ്ണന്‍. 1945 മെയ് 12 നാണ് അദ്ദേഹം ജനിച്ചത്. സുപ്രീം കോടതിയില്‍ പ്രധാന ന്യായാധിപനാകുന്ന ദളിത് വിഭാഗത്തില്‍ പെട്ട ആദ്യത്തെ ആളാണ് ജസ്റ്റീസ് ബാലകൃഷ്ണന്‍. കഠിനാധ്വാനത്തിന്റെയും ആത്മവിശ്വാസത്തിന്‍റേയും പ്രതീകമായ അദ്ദേഹം ഒരു ഏളിയ കുടുംബത്തില്‍ നിന്നാണ് ഇത്രയും ഉയരങ്ങള്‍ താണ്ടിയത്. മുന്‍ രാഷ്ട്രപതി കെ.ആര്‍. നാരായണനു ശേഷം ഇത്രയും ഉന്നതമായ പദവി അലങ്കരിക്കുന്ന മലയാളി ഇദ്ദേഹമാണ്. കോട്ടയം ജില്ലയില്‍ പെട്ട തലയോലപറമ്പിലെ കടുത്തുരുത്തിയില്‍ ഒരു പാവപ്പെട്ട പുലയകുടുംബത്തിലാണ് അദ്ദേഹം ജനിച്ചത്. അച്ഛന്‍ ഗോപിനാഥന്‍, മുന്‍ രാഷ്ട്രപതി കെ.ആര്‍. നാരായണന്റെ സതീര്‍ഥ്യനായിരുന്നു. കോടതിയില്‍ ശീരസ്തദാര്‍ (ബെഞ്ച് ക്ലാര്‍ക്ക്) ആയിട്ടായിരുന്നു അച്ഛനു ജോലി. പാലാ സെന്റ്. തോമസ് ഹൈസ്കൂളില്‍ നിന്ന് സ്കൂള്‍ വിദ്യാഭ്യാസവും, കൊച്ചി മഹാരാജാസ് കോളജില്‍ നിന്ന് നിയമത്തില്‍ ബിരുദം, ബിരുദാനന്തര ബിരുദം ഇവ നേടി. 1973 ല്‍ മുന്‍സിഫ് ആയിട്ടായിരുന്നു ആദ്യ ജോലി. കര്‍മ്മരംഗത്ത് സുസ്ഥിരതയും നിശ്ചയദാര്‍ഢ്യവും കൊണ്ട് ശ്രദ്ധേയനായ അദ്ദേഹം പടിപടിയായി ഉയര്‍ച്ചയുടെ പദവികള്‍ താണ്ടി ഇന്ത്യയുടെ ചീഫ് ജസ്റ്റിസ് പദവി വരെയെത്തി. കഠിനാധ്വാനവും ആത്മവിശ്വാസവുമുണ്ടെങ്കില്‍ ഏതുപദവിയിലും, എത്ര സാധാരണക്കാരനും എത്താം എന്നതിന്റെ ഉത്തമ ഉദാഹരണമാണ് ജസ്റ്റിസ് ബാലകൃഷ്ണന്‍. 2010 മെയ് വരെയാണ് അദ്ദേഹത്തിന്റെ ഈ പദവിയിലെ കാലാവധി. - കടപ്പാട് വിക്കിപീഡിയ

മത്സരം 22 - ബോറിസ് പാസ്റ്റര്‍നാക്

2009-05-08T06:00:00.002+04:00

ശരിയുത്തരം : ബോറിസ് പാസ്റ്റര്‍നാക് പ്രശസ്തനായ റഷ്യന്‍ സാഹിത്യകാരന്‍ -നോവലിസ്റ്റ്, കവി, നോബല്‍ പ്രൈസ് ജേതാവ് എന്നീ നിലകളിലാണ് അദ്ദേഹത്തിന്റെ പ്രശസ്തി. പാശ്ചാത്യ ദേശത്ത് അദ്ദേഹത്തിന്റെ “ഡോക്റ്റര്‍ ഷിവാഗോ” എന്ന ഐതിഹാസികനോവല്‍ വഴി അദ്ദേഹം ഒരു നോവലിസ്റ്റ് എന്ന നിലയില്‍ പ്രശസ്തനാവുമ്പോള്‍,റഷ്യയില്‍ വിഖ്യാത കവി എന്ന നിലയിലാണ് അദ്ദേഹത്തിന്റെ പ്രശസ്തി. അദ്ദേഹത്തിന്റെ My Sister Life എന്ന കവിതാ സമാഹരം ഇരുപതാം നൂറ്റാണ്ടില്‍ റഷ്യയില്‍ രചിക്കപ്പെട്ടതില്‍ ഏറ്റവും നല്ല കൃതി എന്നു വിലയിരുത്തപ്പെടുന്നു. 1890 ഫെബ്രുവരി 10 നാണ് അദ്ദേഹം ജനിച്ചത്. മാതാപിതാക്കളും കലാനിപുണരായിരുന്നു. അച്ഛന്‍ പ്രശസ്തനായ ചിത്രകാരനും, മൊസ്കോ സ്കൂള്‍ ഓഫ് പെയിന്‍റിംഗിലെ പ്രൊഫസറും ആയിരുന്ന ലിയോനിഡ് പാസ്റ്റര്‍നാക്ക്. അമ്മ പ്രശസ്തയായ പിയാനോ വിദഗ്ദ്ധ റോസ കാഫ്മാന്‍. 1910 ല്‍ അദ്ദേഹം ജര്‍മ്മനിയിലെ മാര്‍ ബര്‍ഗ് സര്‍വകലാശാലയില്‍ ചേര്‍ന്നു - തത്വശാസ്ത്രമായിരുന്നു പഠന വിഷയം. 1917 ല്‍ അദ്ദേഹം തന്റെ ആദ്യ കവിതാ സമാഹരമായ My Sister Life എഴുതാനാരംഭിച്ചു. മൂന്നുമാസം കൊണ്ട് ഇത് എഴുതിപൂര്‍ത്തീകരിച്ചുവെങ്കിലും പുസ്തമാക്കി പ്രസിദ്ധീകരിക്കുവാന് 1921 വരെ കാത്തിരിക്കേണ്ടിവന്നു. റഷ്യന്‍ കവിതാരംഗത്തെ വിപ്ലവകരമായ മാറ്റങ്ങള്‍ക്ക് ഈ സമാഹാരം തുടക്കം കുറിച്ചു. ജീവിതാഭിലാഷങ്ങള്‍‍, ജീവിനോടുള്ള അഭിനിവേശം ഇവയാണ് പാസ്റ്റര്‍നാക്കിന്‍റെ രചനകളുടെ ജീവന്‍. ഡോകടര്‍ ഷിവാഗോ എന്ന വിശ്വപ്രസിദ്ധമായ നോവലിന്റെ കഥാതന്തു സാര്‍ഭരണകാലത്തിന്റെ അന്ത്യവും, സോവ്യറ്റ് യൂണീയന്റെ ഉദയവുമാണ്. തന്റെ അനുഭവങ്ങളുടെ വെളിച്ചത്തില്‍ ഒരു ആത്മകഥാരചനയുടെ ചേരുവകകളോടെ ഈ നോവല്‍ അദ്ദേഹം പറഞ്ഞിരിക്കുന്നു. സോവ്യറ്റ് ഭരണാധികാരികളുടെ എതിര്‍പ്പിനു പാത്രീഭവിച്ച ഈ പുസ്തകം, പാസ്റ്റര്‍നാക്കിന്റെ ഒരു സുഹൃത്ത് ഇറ്റലിയിലേക്ക് ഒളിച്ചു കടത്തുകയും, 1957 ല്‍ ഈ നോവലിന്റെ ഇറ്റാലിയന്‍ തര്‍ജ്ജമ പുറത്തിറങ്ങുകയും ചെയ്തു. പ്രസിദ്ധികരിച്ചയുടന്‍ തന്നെ വളരെ പ്രചാരം ലഭിച്ച ഈ പുസ്തകം താമസംവിനാ മറ്റനേകം ഭാഷകളിലേക്ക് വിവര്‍ത്തനം ചെയ്യപ്പെട്ടു. 1958-59 കാലഘട്ടത്തില്‍ അമേരിക്കയിലെ ബെസ്റ്റ് സെല്ലര്‍ ആയിരുന്നുവത്രേ ഈ പുസ്തകം. പുസ്തകത്തിന്റെ വിമര്‍ശകര്‍ സോവ്യറ്റ് യൂണിയനില്‍ വന്‍ വിമര്‍ശനശരങ്ങളഴിച്ചുവിട്ടു. പാസ്റ്റര്‍നാക്കിനെ ജയിലിലടയ്ക്കുകയോ നാടുകടത്തുകയോ ചെയ്യണമെന്നുവരെ ആവശ്യമുയര്‍ന്നു. ഗവര്‍മെന്റും പാസ്റ്റര്‍നാക്കിനെതിരായി. അദ്ദേഹത്തിനെതിരെ നടപടികള്‍ എടുക്കരുതെന്ന് ക്രൂ‍ഷ്ച്ചേവിനോട് അഭ്യര്‍ത്ഥിച്ചവരില്‍ അന്നത്തെ ഇന്ത്യന്‍ പ്രധാനമന്ത്രി ജവഹര്‍ലാല്‍ നെഹ്രു വരെയുണ്ടായിരുന്നുവത്രേ! ഈ കൃതി അടിസ്ഥാനമാക്കി ഇതേ പേരില്‍ ഇറക്കിയ ഹോളിവുഡ് സിനിമയും പ്രസിദ്ധമാണ്. സോവ്യറ്റ് യൂണിയനില്‍ ഈ പുസ്തകം പ്രസിദ്ധീകരിച്ചത് 1988ലാണ്. 2006ല്‍ റഷ്യന്‍ ടിവി ഈ കഥ ഒരു ടെലിഫിലിമായി ഇറക്കുകയും ചെയ്തിട്ടുണ്ട്. 1958 ല്‍ സാഹിത്യത്തിനുള്ള നോബല്‍ പുരസ്കാരം പാസ്റ്റര്‍നാക്കിന് ലഭിച്ചു. എന്നാല്‍ റഷ്യന്‍ ഭരണാധികാര്‍കളുടെ ശക്തമായ എതിര്‍പ്പിനെതുടര്‍ന്ന് പാസ്റ്റര്‍നാക്കിന് ഈ പുരസ്കാരം നിരസിക്കേണ്ടിവന്നു. 1960 മെയ് 30 ന് അദ്ദേഹം അന്തരിച്ചു. -വിവരങ്ങള്‍ക്കു കടപ്പാട് വിക്കിപീഡിയ

മത്സരം 21 - ഖലീല്‍ ജിബ്രാന്‍

2009-05-07T15:00:00.005+04:00

ശരിയുത്തരം: ഖലീല്‍ ജിബ്രാന്‍ പൗരസ്ത്യദേശത്തു നിന്നും വിശ്വസാഹിത്യത്തില്‍ പ്രചുര പ്രതിഷ്ഠനേടിയ അപൂര്‍വം കവികളിലൊരാളാണ് ഖലീല്‍ ജിബ്രാന്‍. 1883 ജനുവരി 6 നാണ് അദ്ദേഹം ജനിച്ചത്. പ്രശസ്തനായ ഒരു ചിത്രകാരനുമായിരുന്നു അദ്ദേഹം. ലബനനിലെ ബഷരി എന്ന പട്ടണത്തിലാണ് അദ്ദേഹം ജനിച്ചത്. കടുത്ത ദാരിദ്ര്യം മൂലം ജിബ്രാന് ഔപചാരിക വിദ്യാഭ്യാസം ലഭിച്ചിരുന്നില്ല. എങ്കിലും പഠനത്തിനുള്ള താല്പര്യം മനസിലാക്കി ഗ്രാമത്തിലെ ഒരു പുരോഹിതന്‍ നിരന്തരം വീട്ടിലെത്തി സുറിയാനിയും അറബിയും പഠിപ്പിച്ചു. ചെറുവെള്ളച്ചാട്ടങ്ങളും ദേവദാരു വൃക്ഷങ്ങളുമുള്‍പ്പെടുന്ന തന്റെ വീടിന്റെ ചുറ്റുപാടുകളില്‍ ഏകനായിരിക്കാനായിരുന്നു ജിബ്രാനിഷ്ടം. പിന്നീട് അദ്ദേഹത്തിന്റെ ചിത്രങ്ങളിലും കവിതകളിലും ഇക്കാലത്തെ പ്രകൃതി സാമീപ്യത്തിന്റെ സ്വാധീനം കാണാം.1908ല്‍ ചിത്രകലാപഠനം പൂര്‍ത്തിയാക്കുക എന്ന ഉദ്ദേശ്യത്തോടെ പാരീസിലെത്തി.ഇക്കാലത്തെ ജീവിതമാണ് യൂറോപ്യന്‍ സാഹിത്യവുമായി കൂടുതലുടുക്കാന്‍ സഹായിച്ചത്. ജിബ്രാന്റെ കാവ്യജീവിതത്തെ രണ്ട് ഘട്ടങ്ങളാക്കി തിരിയ്ക്കാം,1905മുതലാരംഭിയ്ക്കുന്ന ആദ്യഘട്ടവും 1918മുതലാരംഭിയ്ക്കുന്ന രണ്ടാം ഘട്ടവും.രണ്ടാംഘട്ടത്തിലാണ് ആംഗലേയഭാഷയില്‍ രചനകള്‍ നടത്തിയത്.ആദ്യകാലകൃതികളില്‍ നിരാശ,ക്ഷോഭം എന്നീ മനോവികാരങ്ങളാണുള്ളതെങ്കില്‍ രണ്ടാംഘട്ടത്തോടെ പക്വവും സന്തുലിതവുമായ ജീവിതവീക്ഷണങ്ങള്‍ ദര്‍ശിയ്ക്കാം.കൊച്ചുകൊച്ചു ആഖ്യാനങ്ങളിലൂടെ രചനാസങ്കേതം വളര്‍ന്ന് കടങ്കഥകളും അനാദൃശ്യകഥകളും ആയിത്തീരുന്നത് ഈ കാലഘട്ടത്തിലെ രചനകളിലാണ്. 1912ല്‍ ന്യൂയോര്‍ക്കില്‍ താമസമാരംഭിച്ചു. 1931 ഏപ്രില്‍ പത്താം‌തീയ്യതി ജിബ്രാന്‍ അന്തരിച്ചു.അദ്ദേഹത്തിന്റെ പ്രധാന കൃതികള്‍ Nymphs of the valley, Broken Wings, The Prophet, Jesus, The son of man, Sand and Foam, The mad man, അവലംബം - വിക്കിപീഡിയ

മത്സരം 20 - ആല്‍ബര്‍ട്ട് ഐന്‍സ്റ്റീന്‍

2009-05-07T06:00:00.003+04:00

ശരിയുത്തരം : ആല്‍ബര്‍ട്ട് ഐന്‍സ്റ്റീന്‍ ഇരുപതാം നൂറ്റാണ്ടിലെ ഏറ്റവും പ്രതിഭാധനനായ ഭൌതിക (Physics) ശാസ്ത്ര ഗവേഷകനാണ് ആല്‍ബര്‍ട്ട് ഐന്‍സ്റ്റീന്‍. ആധുനിക ഭൌതികശാസ്ത്രത്തിന്റെ പിതാവെന്നാണ് അദ്ദേഹം അറിയപ്പെടുന്നത്. 1879 മാര്‍ച്ച് 14 ന് ജര്‍മ്മനിയിലെ ഉലമിലാണ് അദ്ദേഹം ജനിച്ചത്. 1905ല്‍ അഞ്ച് ഗവേഷണ പ്രബന്ധങ്ങള്‍ അദ്ദേഹം പ്രസിദ്ധം ചെയ്തു. അതിലെ നൂതനമായ ചില ആശയങ്ങള്‍ അതുവരെയുണ്ടായിരുന്ന ചില ശാസ്ത്രസങ്കല്‍പ്പങ്ങളില്‍ നിന്ന് തീര്‍ത്തും വിഭിന്നമായിരുന്നു. പ്രശസ്തമായ ‘ആപേക്ഷികതാ സിദ്ധാന്തം’ (Theory of Relativity) അതില്‍ ഒന്നാണ്. പ്രപഞ്ചത്തിലെ വസ്തുക്കളുടെ കേവലമായ ചലനം എന്നത് ഒരു മിഥ്യയാണെന്നും, ഒന്നിനു മറ്റൊന്നിനെ അപേക്ഷിച്ചുള്ള ആപേക്ഷികമായ ചലനം മാത്രമേ ഉള്ളു എന്നും അദ്ദേഹം വാദിച്ചു. മറ്റൊരു പ്രബന്ധത്തില്‍ അദ്ദേഹം വസ്തുവും ഊര്‍ജ്ജവും തമ്മിലുള്ള ബന്ധം ചര്‍ച്ച ചെയ്തു. E=mc^2 എന്ന പ്രസിദ്ധമായ equation ഇതുമായി ബന്ധപ്പെട്ടതാണ്. ഈ പ്രസിദ്ധ നിര്‍വചനത്തിന്റെ അടിസ്ഥാനത്തിലാണ് അമേരിക്ക ആറ്റം ബോംബ് ഉണ്ടാക്കിയത്. അദ്ദേഹം ഒരു യുദ്ധവിരോധിയായിരുന്നു. ന്യൂക്ലിയര്‍ സാങ്കേതികവിദ്യ മനുഷ്യനന്മയ്ക്ക് മാത്രമേ ഉപയോഗിക്കാവൂ എന്ന് അദ്ദേഹം ശക്തിയായി വാദിച്ചിരുന്നു. 1916ല്‍ അദ്ദേഹം General Theory of Relativity പ്രസിദ്ധീകരിച്ചു. അത്യന്തം സങ്കീര്‍ണ്ണമായിരുന്ന ഈ സിദ്ധാന്തം അന്ന് ലോകത്തിലെ നാലു‍ ശാസ്ത്രജ്ഞന്മാര്‍ക്കേ മനസ്സിലായിരുന്നുള്ളുവെന്ന് പറയപ്പെടുന്നു. 1921-ല്‍ അദ്ദേഹം നോബല്‍ സമ്മാനത്തിനര്‍ഹനായി. ഫോട്ടോ ഇലക്ട്രീക് പ്രഭാവത്തെക്കുറിച്ചുള്ള പഠനമാണ് ഐന്‍സ്റ്റീനെ നോബല്‍ സമ്മാനാര്‍ഹനാക്കിയത്. 1933ല്‍ ഹിറ്റ്ലറുടെ ക്രൂരതകള്‍ മൂലം അദ്ദേഹം യൂറോപ്പ് വിട്ടു. 1940ല്‍ അദ്ദേഹം അമേരിക്കന്‍ പൗരത്വം സ്വീകരിച്ചു. 1955 ഏപ്രില്‍ 18 ന് ഈ മഹാപ്രതിഭ അന്തരിച്ചു. - കടപ്പാട് വിക്കിപീഡിയ

മത്സരം 19 - അക്കിത്തം

2009-05-06T15:00:00.003+04:00

ശരിയുത്തരം : മഹാകവി അക്കിത്തം അച്യുതന്‍ നമ്പൂതിരി “വെളിച്ചം ദുഃഖമാണുണ്ണീ, തമസ്സല്ലോ സുഖപ്രദം” - മലയാളികള്‍ക്ക് വളരെ സുപരിചിതമായ ഈ വരികള്‍ 61 വര്‍ഷങ്ങള്‍ക്ക് മുമ്പ് കോറിയിട്ട കവിയാണ് ശ്രീ അക്കിത്തം. അദ്ദേഹത്തിന്റെ “ഇരുപതാം നൂറ്റാണ്ടിന്റെ ഇതിഹാ‍സം“ എന്ന കൃതിയിലെ വരികളാണിവ. മലയാള കവിത അന്നേവരെ പിന്തുടര്‍ന്നിരുന്ന ചിട്ടവട്ടങ്ങളില്‍ നിന്ന് വ്യത്യസ്തമായി ആധുനിക കവിതകളുടെ രീതികളിലേക്ക് മാറിയത് അക്കിത്തത്തിന്റെ കാലം മുതല്‍ക്കാണ്. 1926 മാര്‍ച്ച് 18-ന് പാലക്കാട് ജില്ലയിലെ കുമാരനെല്ലൂരിലാണ് അദ്ദേഹം ജനിച്ചത്. ബാല്യത്തില്‍ സംസ്കൃതവും സംഗീതവും ജ്യോതിഷവും പഠിച്ചു. “മംഗളോദയം” യോഗക്ഷേമം” എന്നിവയുടെ സഹപത്രാധിപരായി അദ്ദേഹം പ്രവര്‍ത്തിച്ചിട്ടുണ്ട്. 1956 മുതല്‍ കോഴിക്കോട് ആകാശവാണി നിലയത്തില്‍ സ്ക്രിപ്റ്റ് എഴുത്തുകാരനായി പ്രവര്‍ത്തിച്ച അദ്ദേഹം 1975 ല്‍ ആകാശവാണി തൃശ്ശൂര്‍ നിലയത്തില്‍ എഡിറ്ററായി. കവിത, ചെറുകഥ, നാടകം, വിവര്‍ത്തനം, ഉപന്യാ‍സം എന്നിങ്ങനെയായി മലയാള സാഹിത്യത്തില്‍ 46-ഓളം കൃതികള്‍ അദ്ദേഹം രചിച്ചിട്ടുണ്ട്. കേരള സാഹിത്യ അക്കാദമി അവാര്‍ഡ് (1972), കേന്ദ്ര സാഹിത്യ അക്കാദമി അവാര്‍ഡ് (1973), ഓടക്കുഴല്‍ അവാര്‍ഡ് (1974), സഞ്ജയന്‍ പുരസ്കാരം, പത്മപ്രഭ പുരസ്കാരം (2002), അമൃതകീര്‍ത്തി പുരസ്കാരം (2004), എഴുത്തച്ഛന്‍ പുരസ്കാരം (2008), മാതൃഭൂമി സാഹിത്യ പുരസ്കാരം(2008) തുടങ്ങി നിരവധി പുരസ്കാരങ്ങളും അദ്ദേഹത്തിനു ലഭിച്ചിട്ടുണ്ട്. -കടപ്പാട് വിക്കിപീഡിയ Courtesy: The Hindu

മത്സരം 18 - അല്ലാമ മുഹമ്മദ് ഇഖ്ബാല്‍

2009-05-06T06:00:00.003+04:00

ശരിയുത്തരം : മുഹമ്മദ് ഇഖ്ബാല്‍ പ്രശസ്തനായ ഉറുദു കവി, ദാര്‍ശനികന്‍, അവിഭക്ത ഇന്ത്യയിലെ സജീവ രാഷ്ട്രീയ പ്രവര്‍ത്തകന്‍. 1877 നവംബര്‍ 9 ന് (ഇപ്പോള്‍ പാകിസ്ഥാനിലുള്ള) സിയാല്‍കോട്ടിലാണ് അദ്ദേഹം ജനിച്ചത്. ലാഹോറില്‍ നിന്ന് തത്വശാസ്ത്രത്തില്‍ ബിരുദാനന്തര ബിരുദവും, മ്യൂണിച്ച് യൂനിവേഴ്സിറ്റിയില്‍ നിന്ന്‍ ഡോക്റ്ററേറ്റും നേടി. എല്ലാ ഇന്ത്യാക്കാര്‍ക്കും വളരെ പരിചിതമായ “സാരേ ജഹാം സേ അച്ഛാ, ഹിന്ദുസ്ഥാന്‍ ഹമാരാ....” എന്ന പ്രസിദ്ധമായ ദേശഭക്തിഗാനം 1904 ല്‍ ഇദ്ദേഹം രചിച്ചതാണ്. അന്ന് ബ്രിട്ടീഷ് ഭരണത്തിന്‍ കീഴിലായിരുന്ന ഇപ്പോഴത്തെ ഇന്ത്യ, പാകിസ്ഥാന്‍, ബംഗ്ലാദേശ് ഇവ ചേരുന്ന ഭൂവിഭാഗത്തില്‍, ബ്രിട്ടീഷ് ഭരണത്തിനെതിരായ ഒരു ദേശീയ ഗാനമായി ഇത് മാറി. ഇന്ത്യന്‍ നാഷനല്‍ കോണ്‍ഗ്രസിന്റെ പ്രവര്‍ത്തനങ്ങളില്‍ അതൃപ്തനായിരുന്ന അദ്ദേഹം, ആള്‍ ഇന്ത്യാ മുസ്ലിം ലീഗിന്റെ സജീവ പ്രവര്‍ത്തകനായിരുന്നു. അതിന്റെ പ്രസിഡന്റായിരുന്ന ഇഖ്ബാല്‍ 1930 ലാണ് മുസ്ലിംങ്ങള്‍ക്കായി ഒരു സ്വതന്ത്ര സ്റ്റേറ്റ് എന്ന ആശയം മുമ്പോട്ട് വച്ചത്. പിന്നീട് അത് സ്വതന്ത്ര പാകിസ്ഥാന്‍ എന്ന ആശയത്തിലെത്തുകയും ചെയ്തു. 1922 ല്‍ അദ്ദേഹത്തിന് ബ്രിട്ടീഷ് ഗവര്‍മെന്റ് ‘സര്‍’ പദവി നല്‍കി. ഉറുദു, പേര്‍ഷ്യന്‍, ഇംഗ്ലീഷ് ഭാഷകളില്‍ അദ്ദേഹത്തിന് അഗാധമായ പാണ്ഠിത്യമുണ്ടായിരുന്നു. ഇസ്ലാമിക് ഫിലോസഫിയെപ്പറ്റി അദ്ദേഹം നടത്തിയ പ്രസംഗങ്ങളുടെ സമാഹാരമാണ് 1930 ല്‍ പ്രസിദ്ധീകരിച്ച The Reconstruction of Religious Thought in Islam എന്ന പുസ്തകം. പാകിസ്ഥാനില്‍ അദേഹം അല്ലാമാ മുഹമ്മദ് ഇഖ്ബാല്‍ എന്നാണ് അറിയപ്പെടുന്നത്. “അല്ലാമാ“ എന്നാല്‍ പണ്ഠിതന്‍ എന്നര്‍ത്ഥം. 1938 ഏപ്രില്‍ 21 ന് അദ്ദേഹം അന്തരിച്ചു. - കടപ്പാട് വിക്കിപീഡിയ അദ്ദേഹത്തിന്റെ ജീവിതാന്ത്യ കാലഘട്ടത്തിലുള്ള മറ്റൊരു ചിത്രം :

മത്സരം 17 - ദലൈ ലാമ

2009-05-05T15:00:00.007+04:00

ശരിയുത്തരം : ദലൈ ലാമ 14 ടിബറ്റന്‍ ബുദ്ധമത വംശജരുടെ ആത്മീയ നേതാവ്. ഇപ്പോഴത്തെ ദലൈ ലാമ Tenzin Gyatso (ഡെയ്ന്‍സിന്‍ ഗ്യാകോ - എന്ന് ട്രാന്‍സ്ക്രിപ്ഷന്‍) ഈ പരമ്പരയില്‍ പെട്ട പതിനാലാമത്തെ ലാമയാണ്. ഒരു ലാമയുടെ മരണശേഷം അദ്ദേഹം മറ്റൊരു മനുഷ്യനായി പുനര്‍ജ്ജനിക്കും എന്നാ‍ണ് ബുദ്ധമതക്കാരുടെ വിശ്വാസം. ആ കുട്ടിയെ കണ്ടെത്തി പുതിയ ദലൈ ലാമയായി വാഴിക്കുകയാണ് ചെയ്യുന്നത്. 1935 ജൂലൈ 6 ന് ചൈനയിലെ ക്വിന്‍ഗായ് പ്രവിശ്യയില്‍ ഒരു കര്‍ഷക കുടുംബത്തിലെ അഞ്ചാമത്തെ കുട്ടിയായി ജനിച്ച ഡെയ്ന്‍സിന്‍, തന്റെ രണ്ടാമത്തെ വയസിലാണ് പതിമൂന്നാം ലാമയുടെ പുനരവതാരമായി പ്രഖ്യാപിക്കപ്പെട്ടത്. തുടര്‍ന്ന് പതിനഞ്ചാം വയസില്‍ 1950 നവംബര്‍ 17 ന് അദ്ദേഹത്തെ പതിനാലാം ദലൈലാമയായി വാഴിച്ചു. ടിബറ്റന്‍ ജനതയുടെ ആത്മീയ ഗുരു എന്നതിലുപരിയായി ടിബറ്റിന്റെ രാഷ്ട്രീയ നേതാവുകൂടിയാണ് അദ്ദേഹം. ലാമയുടെ ഭരണത്തിന്‍ കീഴിലായിരുന്ന ടിബറ്റന്‍ ഏരിയ 1950 ല്‍ ചൈന പിടിച്ചെടുക്കുകയും 1959 ല്‍ ദലൈ ലാമ ഇന്ത്യയിലേക്ക് പാലായനം ചെയ്യുകയും ചെയ്തു. അതേതുടര്‍ന്ന് ലാമയുടെ കൈവശമുണ്ടായിരുന്ന ടിബറ്റന്‍ പ്രദേശം തര്‍ക്കഭൂമിയായിമാറി. പ്രവാസത്തിലുള്ള ടിബറ്റന്‍ ഗവര്‍മെന്റിന്റെ ആസ്ഥാനം ഇന്ത്യയിലെ ഹിമാചല്‍ പ്രദേശില്‍ ഉള്‍പ്പെട്ട ധര്‍മ്മശാല എന്ന സ്ഥലത്താണ്.

മത്സരം 16 - നീല്‍ ആംസ്ട്രോങ്ങ്

2009-05-05T06:00:00.005+04:00

ചന്ദ്രനില്‍ ആദ്യമായി കാലുകുത്തിയ മനുഷ്യന്‍; അമേരിക്കന്‍ ബഹിരാകാശ സഞ്ചാരി. ഇന്നേവരെയുള്ള ശാസ്ത്രപുരോഗതിയുടെ ചരിത്രത്തിലെ ഏറ്റവും വലിയ കുതിച്ചുചാട്ടമേത് എന്ന് ചോദിച്ചാ‍ല്‍ അതിന് ഉത്തരമൊന്നേയുള്ളൂ. ഭൂമിയില്‍ നിന്ന് മൂന്നുലക്ഷം കിലോമീറ്റര്‍ അകലെ സ്ഥിതിചെയ്യുന്ന മറ്റൊരു ജ്യോതിര്‍ഗോളത്തിന്റെ (ചന്ദ്രനിലേക്ക്) പരിസരത്തേക്ക് ഒരു ശൂന്യാകാശ വാഹനം എത്തിക്കുകയും, അതില്‍ നിന്ന് മറ്റൊരു വാഹനത്തില്‍ രണ്ടു മനുഷ്യരെ ചന്ദ്രോപരിതലത്തിലേക്ക് ഇറക്കുകയും, തിരികെ സുരക്ഷിതമായി അവരെ ഭൂമിയിലേക്ക് എത്തിക്കുകയും ചെയ്ത അപ്പോളോ ബഹിരാകാശ പദ്ധതി. ഇതില്‍ പെട്ട അപ്പോളോ 11 എന്ന പ്രൊജക്റ്റിന്റെ കമാന്റര്‍ ആയിരുന്നു നീല്‍ ആംസ്ട്രോംഗ്. 1969 ജൂലൈ 16 ന് അമേരിക്കയിലെ വിക്ഷേപണത്തറയില്‍ നിന്ന് പുറപ്പെട്ട് നാലു ദിവസത്തിനുശേഷം വിജയകരമായി അപ്പോളോ 11 ന്റെ ചാന്ദ്രവാഹനമായ ഈഗിള്‍ ജൂലൈ 20 ന് ചന്ദ്രോപരിതലത്തില്‍ ഇറങ്ങി. നീല്‍ ആംസ്ട്രോംഗും സഹയാത്രികനായിരുന്ന എഡ്വിന്‍ ആല്‍ഡ്രിനും രണ്ടരമണിക്കൂറോളം ചന്ദ്രോപരിതലത്തില്‍ പര്യവേക്ഷണങ്ങള്‍ നടത്തി. 1930 ഓഗസ്റ്റ് 5 ന് അമേരിക്കയില്‍ ഒഹിയോയിലാണ് നീല്‍ ആംസ്ട്രോംഗ് ജനിച്ചത്. യു.എസ്. നേവിയിലും തുടര്‍ന്ന് അമേരിക്കന്‍ വ്യോമസേനയുടെ കീഴിലുള്ള ഡ്രൈഡെന്‍ ഫ്ലൈറ്റ് റിസേര്‍ച്ച് സെന്ററീലും അദ്ദേഹം സേവനമനുഷ്ടിച്ചു. ബഹിരാകാശ യാത്രയ്ക്കായി തെരഞ്ഞെടുക്കുമ്പോള്‍ അദ്ദേഹം ഡ്രൈഡെന്നിലെ പ്രഗത്ഭനായ ടെസ്റ്റ് പൈലറ്റായിരുന്നു. (ബഹിരാകാശ സഞ്ചാരികള്‍ക്ക് ടെസ്റ്റ് പൈലറ്റ് എക്സ്പീരിയന്‍സ് അത്യാവശ്യമാണ്. ചന്ദ്രനില്‍ ഇറങ്ങിയ യാത്രികര്‍ ശാസ്ത്രജ്ഞന്മാരല്ല - പൈലറ്റുകളാണ് സൈനിക വിമാനങ്ങളെ പലവിധ വ്യോമാഭ്യാസങ്ങളിലൂടെ പഠിക്കുന്നവരാണ് ടെസ്റ്റ് പൈലറ്റുമാര്‍). എയറോനോട്ടിക്കല്‍ എഞ്ചിനീയറീംഗില്‍ ബിരുദവും, എയറോസ്പേസ് ഇന്‍ഡട്രിയല്‍ റിസേര്‍ച്ചില്‍ ബിരുദാനന്തരബിരുദവും ഇദ്ദേഹത്തിനുണ്ട്. ചന്ദ്രനിലേക്ക് തന്റെ കാല്പാദമൂന്നുമ്പോള്‍ നീല്‍ ആംസ്ട്രോഗ് പറഞ്ഞ വാചകം വളരെ പ്രസിദ്ധമാണ്. "That's one small step for a man, one giant leap for mankind".

മത്സരം 15 - സാനിയ മിര്‍സ

2009-05-04T15:00:00.002+04:00

ശരിയുത്തരം : സാനിയ മിര്‍സ പ്രശസ്ത ഇന്ത്യന്‍ ടെന്നീസ് താരം. ടെന്നിസ് ലോകറാങ്കിംഗില്‍ മുന്‍‌നിരയിലെത്തിയിട്ടുള്ള ഏക ഇന്ത്യാക്കാരി. ജനനം 1986 നംവംബര്‍ 15 മുംബൈയില്‍. പഠനവും താമസവും ഹൈദരാബാദില്‍. പ്രൊഫഷനല്‍ ടെന്നീസിലേക്ക് കടന്നത് 2003 ല്‍. ലോക റാങ്കിംഗില്‍ സിംഗിള്‍സില്‍ 27 മതും, ഡബിള്‍സില്‍ 18 മതും എത്തിയിട്ടുണ്ട് സാനിയ. 2009 ലെ ഓസ്ട്രേലിയന്‍ ഓപ്പണില്‍ ആദ്യ ഗ്രാന്‍ഡ്സ്ലാം കിരീടം - മഹേഷ് ഭൂപതിയോടൊപ്പം മിക്സഡ് ഡബിള്‍സില്‍ ഒന്നാമതായി വിജയിച്ചു. 2006 ല്‍ പദ്മശ്രീ ബഹുമതി നല്‍കി രാഷ്ട്രം സാനിയയെ ആദരിച്ചു.

മത്സരം 14 - മരിയ കാലാസ്

2009-05-04T06:00:00.002+04:00

ശരിയുത്തരം : മരിയ കാലാസ് Maria Callas ഇരുപതാം നൂറ്റാണ്ടിലെ ഏറ്റവും പ്രശസ്തയായ ഓപ്പറ സിംഗര്‍. ഗ്രീക്കുകാരായ ജോര്‍ജ്ജ് - ഇവാന്‍‌ജലീയ ദമ്പതികളുടെ മൂന്നാമത്തെ പുത്രിയായി 1923 ഡിസംബര്‍ 2 ന് ന്യൂയോര്‍ക്കില്‍ ജനിച്ച മരിയ, വളരെ ചെറുപ്പത്തില്‍ തന്നെ സംഗീതത്തിന്റെ ലോകത്തേക്ക് ആനയിക്കപ്പെട്ടു. സംഗീതത്തില്‍ അതീവ തല്പരയായിരുന്ന മാതാവ് ഇവാന്‍‌ജലീയയാണ് ചെറുപ്പത്തില്‍ തന്നെ മരിയയെ പാടുവാനും സ്റ്റേജില്‍ അത് അവതരിപ്പിക്കുവാനും പഠിപ്പിച്ചത്. 1937 ല്‍ ഇവാന്‍‌ജലീയ ഭര്‍ത്താവുമായി വേര്‍പിരിഞ്ഞ് തന്റെ രണ്ടു പെണ്മക്കളുമായി ഗ്രീസില്‍ തിരിച്ചെത്തി. തുടര്‍ന്ന് മരിയ ഏഥന്‍സില്‍ സംഗീതം പഠിക്കുകയും, ഒരു ഇറ്റലിയിലെ ഒരു ഓപ്പറ ഗ്രൂപ്പിനൊപ്പം ചേരുകയും ചെയ്തു. സൊപ്രാനോ (Soprano) സ്കെയിലില്‍ പാടാന്‍ കഴിവുള്ള ഗായികയായിരുന്നു അവര്‍. സംഗീത സ്കെയിലില്‍ മിഡില്‍ C മുതല്‍ മുകളിലേക്ക് രണ്ട് ഒക്റ്റേവുകള്‍ വരെനീളുന്ന റെയ്‌ഞ്ചില്‍ പാടാന്‍ കഴിവുള്ളവരെയാണ് സൊപ്രാനോ എന്നു വിളിക്കുന്നത്. അനുഗ്രഹീതമായ ശബ്ദമാധുര്യവും അസാധ്യമായ ശബ്ദ നിയന്ത്രണവും സ്വന്തമായുണ്ടായിരുന്ന മരിയ തന്റെ ഗാനങ്ങളില്‍ നാടകീയമായ സ്വരവിന്യാസങ്ങള്‍ വരുത്തി അത്ഭുതങ്ങള്‍ സൃഷ്ടിച്ചിരുന്നു. അതുകൊണ്ടുതന്നെയാവണം La Devina എന്ന പേര് അവരുടെ ആരാധകര്‍ അവര്‍ക്ക് നല്‍കിയത്. 1977 സെപ്റ്റംബര്‍ 16 ന് ആ അനുഗ്രഹീത കലാകാരി അന്തരിച്ചു.

മത്സരം 13 - വിശ്വനാഥന്‍ ആനന്ദ്

2009-05-03T15:00:00.005+04:00

ശരിയുത്തരം : വിശ്വനാഥന്‍ ആനന്ദ് ഇന്ത്യയില്‍ നിന്നുള്ള ചെസ് ഗ്രാന്‍ഡ്‌മാസ്റ്ററും ഫിഡെ (വേള്‍ഡ് ചെസ് ഫെഡറേഷന്‍) യുടെ നിലവിലെ ലോക ചെസ് ചാമ്പ്യനുമാണ്. 1997 മുതല്‍ തുടര്‍ച്ചയായി ലോകത്തിലെ ഒന്നാം നമ്പര്‍‌ ചെസ് താരമായ ആനന്ദ്, ഫിഡെയുടെ സ്ഥാനക്രമപട്ടികയില്‍ 2800-ല്‍ അധികം പോയിന്റ് നേടിയിട്ടുള്ള നാലുതാരങ്ങളില്‍ ഒരാളുമാണ്. 2007-ല്‍ മെക്സിക്കോയിലും 2008-ല്‍ ജര്‍മ്മനിയിലെ ബോണിലും നടന്ന ലോക ചെസ് ചാമ്പ്യന്‍ഷിപ്പില്‍ വിജയിച്ചുകൊണ്ട് ആനന്ദ് ലോക ചാമ്പ്യന്‍പട്ടം രണ്ടുതവണ കരസ്ഥമാക്കുകയുണ്ടായി. ബോബി ഫിഷര്‍, അനാറ്റൊളി കാര്‍പോവ്, ഗാരി കാസ്പറോവ്, വ്ലാഡിമര്‍ ക്രാംനിക്, വെസെലിന്‍ ടോപലോഫ് എന്നീ ലോകോത്തര ചെസ് താരങ്ങള്‍ മാത്രമേ ആനന്ദിനെക്കൂടാതെ ഒന്നാമതെത്തിയിട്ടുള്ളൂ. 11 ഡിസംബര്‍ 1969 മദ്രാസിലാണ് ആനന്ദ് ജനിച്ചത്. ദേശീയ ചാമ്പ്യന്‍ഷിപ്പ് കരസ്ഥമാക്കിയ ശേഷം പതിനാലാം വയസ്സില്‍ കോയമ്പത്തൂരില്‍‌ വെച്ച് ഏഷ്യന്‍ ജൂനിയര്‍ ചാമ്പ്യന്‍ഷിപ്പ് നേടി. 1988-ല്‍ ഗ്രാന്റ്മാസ്റ്റര്‍ പട്ടവും കരസ്ഥമാക്കി ഈ പദവിയിലെത്തുന്ന ആദ്യ ഇന്ത്യക്കാരനായി മാറി ആനന്ദ്. അനവധി പുരസ്കാരങ്ങള്‍ ആനന്ദിന് ലഭിച്ചിട്ടുണ്ട്. * 1985: അര്‍ജ്ജുന അവാര്‍ഡ് (ചെസ്) * 1987: പത്മശ്രീ * 1991-92: രാജീവ് ഗാന്ധി ഖേല്‍രത്ന പുരസ്കാരം * 1997: മികച്ച ചെസ് കളിക്കാരനുള്ള ചെസ് ഓസ്കാര്‍ * 1998: മികച്ച ചെസ് കളിക്കാരനുള്ള ചെസ് ഓസ്കാര്‍ * 1998: സ്പോര്‍ട്സ്റ്റാര്‍ മില്ലിനിയം അവാര്‍ഡ് * 2000: പത്മഭൂഷണ്‍ * 2003: മികച്ച ചെസ് കളിക്കാരനുള്ള ചെസ് ഓസ്കാര്‍ * 2004: മികച്ച ചെസ് കളിക്കാരനുള്ള ചെസ് ഓസ്കാര്‍ * 2007: ലോക ചെസ് ചാമ്പ്യന്‍ * 2007: പത്മവിഭൂഷണ്‍ * 2008: ലോക ചെസ് ചാമ്പ്യന്‍ അവലംബം : വിക്കിപീഡിയ

മത്സരം 12 - ബാബാ ആംതേ

2009-05-03T06:00:00.003+04:00

ശരിയുത്തരം : ബാബാ ആംതെ കുഷ്ട രോഗികള്‍ക്കായുള്ള പുനരധിവാസ സംരംഭങ്ങളിലൂടെ പ്രശസ്തനായ ഇന്ത്യന്‍ സാമൂഹ്യപ്രവര്‍ത്തകന്‍. മഹാരാഷ്ട്രയിലെ വറോറയില്‍ 1914 ഡിസംബര്‍ 26 ന് അദ്ദേഹം ജനിച്ചു. മുരളീധര്‍ ദേവീദാസ് ആംതെ എന്നാണ്‌‍ ശരിയായ പേര്‌.അഭിഭാഷകനായി സമ്പന്നജീവിതം നയിച്ചുവന്ന ആംതെ പില്‍ക്കാലത്ത് രാഷ്ട്രീയസാമൂഹ്യ പ്രവര്‍ത്തനങ്ങളിലേക്ക് തിരിഞ്ഞു. ഗാന്ധിജി, ആചാര്യ വിനോബാ ഭാവെ എന്നിവരോട് ചേര്‍ന്ന് അദ്ദേഹം ക്വിറ്റ് ഇന്ത്യാ സമരത്തില്‍ പങ്കെടുത്തു. ആംതെ സ്ഥാപിച്ച “ആനന്ദവന്‍“ ഇന്ന് രാജ്യത്താകമാനമുള്ള സാമൂഹ്യപ്രവര്‍ത്തകര്‍‍ക്ക് മാതൃകയും പ്രചോദനവുമാണ്‌‍. മഹാരാഷ്ട്രയിലെ ചന്ദ്രപൂര്‍ എന്ന ജില്ലയില്‍ “ആനന്ദവന്‍“ എന്ന പേരില്‍ ഒരു ചെറിയ കുടില്‍ കെട്ടി അതില്‍ ആറ് കുഷ്ഠരോഗികളെ പാര്‍പ്പിച്ച് സാമൂഹ്യപ്രവര്‍ത്തനത്തിന്‌‍ തുടക്കം കുറിച്ചു. ഇന്ന് ഇത് 450 ഏക്കര്‍ വിസ്തൃതിയുള്ള ഒരു പുനരധിവാസകേന്ദ്രമായി വളര്‍ന്നിട്ടുണ്ട്. കുഷ്ഠരോഗികളുടെയും വികലാംഗരുടെയും അനാഥരുടെയും ആശാകേന്ദ്രമാണിത്‍. ബാബാ ആംതെ പങ്കെടുത്തിട്ടുള്ള മറ്റു സാമൂഹ്യപ്രവര്‍ത്തനങ്ങളില്‍ ഏറ്റവും ശ്രദ്ധേയമായത് “നര്‍മദാ ബചാവോ ആംദോളന്‍” ആണ്. പത്മശ്രീ, ബജാജ് അവാ‍ര്‍ഡ്, ഗാന്ധിപുരസ്കാരം തുടങ്ങിയ ദേശീയ അംഗീകാരങ്ങള്‍ക്കുപുറമേ ഒട്ടനവധി രാജ്യാന്തര പുരസ്കാരങ്ങളും അദ്ദേഹത്തിനു ലഭിച്ചിട്ടുണ്ട്. റമോണ്‍ മഗ്സസെ അവാര്‍ഡ്, ഡാമിയന്‍-ഡറ്റണ്‍ അവാര്‍ഡ് (കുഷ്ടരോഗി പരിചരണ മേഖലയിലെ ഏറ്റവും വലിയ അവാര്‍ഡ്), യു.എന്‍ ഹ്യൂമന്‍ റൈറ്റ്സ് പ്രൈസ്, റൈറ്റ് ലിവിംഗ്‌ഹുഡ് അവാര്‍ഡ് തുടങ്ങിയവ അവയില്‍ ചിലതുമാത്രം. 2008 ഫെബ്രുവരി 9 ന് അദ്ദേഹം അന്തരിച്ചു.

മത്സരം 11 - ലാറി പേജ്

2009-05-02T15:00:00.003+04:00

ശരിയുത്തരം : ലാറി പേജ് ലോറന്‍സ് എഡ്‌വേഡ് “ലാറി” പേജ്. ഗൂഗിള്‍ സേര്‍ച്ച് എഞ്ചിന്‍ നിര്‍മ്മിച്ചവരില്‍ ഒരാളും ഗൂഗിള്‍ ഇന്‍‌കോര്‍പറേറ്റഡ് എന്ന ഇന്റര്‍നെറ്റ് വ്യവസായഭീമന്റെ സ്ഥാപകനുമാണ് ഇദ്ദേഹം. 1973 മാര്‍ച്ച് 26 ന് അമേരിക്കയിലെ മിച്ചിഗനിലാണ് ഇദ്ദേഹം ജനിച്ചത്. കമ്പ്യൂ‍ട്ടര്‍ ശാസ്ത്രകാരനായ ഇദ്ദേഹവും സെര്‍ജി ബ്രിന്‍ എന്ന പി.എച്.ഡി സഹപാഠിയും ചേര്‍ന്നാണ് 1997 ല്‍ ഗൂഗിള്‍ സേര്‍ച്ച് എഞ്ചിന്‍ നിര്‍മ്മിക്കുന്നത്. ഇപ്രകാരം ഒരു ആശയത്തിലേക്ക് അദ്ദേഹത്തെ നയിച്ചത്, സാന്‍ഫോര്‍ഡ് യൂണിവേഴ്സിറ്റിയില്‍ അദ്ദേഹം പി.എച്.ഡി യ്ക്ക് തെരഞ്ഞെടുത്ത ഒരു വിഷയമാണ്. വേള്‍ഡ് വൈഡ് വെബ് (www) ന്റെ ലിങ്ക് സ്ട്രക്ച്ചറിനെപ്പറ്റി ശാസ്ത്രീയമായി പഠിക്കുവാനും അതിന്റെ ഗണിതശാസ്ത്ര നിയമങ്ങള്‍ മനസ്സിലാക്കുവാനുമായിരുന്നു അദ്ദേഹത്തിന്റെ ശ്രമം. അതായത് ഒരു വെബ് പേജ് മറ്റ് ഏതൊക്കെ വെബ് പേജുകളുമായി ലിങ്ക് ചെയ്തിരിക്കുന്നു എന്നു കണ്ടുപിടിക്കുവാനുള്ള വിദ്യകളെപ്പറ്റി അദ്ദേഹം പഠിച്ചു. “ബാക്ക് റബ്” എന്നായിരുന്നു ഈ റിസേര്‍ച്ച് പ്രോജക്റ്റിന്റെ ചെല്ലപ്പേര്. 1995 ല്‍ അദ്ദേഹം സെര്‍ജി ബ്രിന്നുമായി കണ്ടുമുട്ടുകയും തുടര്‍ന്ന് രണ്ടുപേരും ചേര്‍ന്ന് ബാക് റബ് ടെക്നോളജി ഉപയോഗിച്ചു കൊണ്ട് ഒരു സേര്‍ച്ച് എഞ്ചിന്‍ രൂപകല്‍പ്പന ചെയ്യുകയും ചെയ്തു. അതാണ് എന്ന് ഇന്റര്‍നെറ്റില്‍ ഏറ്റവും കൂടുതല്‍ ഉപയോഗിക്കപ്പെടുന്ന ഗൂഗിള്‍ സേര്‍ച്ച് എഞ്ചിന്‍. 1998 ല്‍ ഇവര്‍ രണ്ടുപേരും ചേര്‍ന്ന് ഗൂഗിള്‍ ഇന്‍‌കോര്‍പറേറ്റഡ് എന്ന സ്ഥാപനം സ്ഥാപിച്ചു. തുടര്‍ന്നിങ്ങോട്ട് ഗൂഗിളിന്റെ വളര്‍ച്ച് ഇന്റര്‍നെറ്റ് ചരിത്രത്തിന്റെ തന്നെ ഭാഗമാണ്. 2008 ലെ ഫോര്‍ബ്സ് മാഗസിന്‍ കണക്കുപ്രകാരം ലോകത്തിലെ ബില്യനെയേഴ്സില്‍ 33 ആം സ്ഥനമാണ് ലാറി പേജിനുള്ളത്. 2001 ല്‍ ഗൂഗിളിന്റെ സി.ഇ.ഒ / ചെയര്‍മാന്‍ ആയി Eric Schmidt നിയമിക്കപ്പെടുന്നതുവരെ ലാറി പേജ് ഗൂഗിളിന്റെ കോ-പ്രസിഡന്റായി സേവനമനുഷ്ഠിച്ചിരുന്നു.

മത്സരം 10 - കമലാ സുരയ്യ

2009-05-02T06:00:00.003+04:00

ശരിയുത്തരം : കമലാ സുരയ്യ (കമലാ ദാസ്, മാധവിക്കുട്ടി) മലയാളത്തിലെ പ്രശസ്ത സാഹിത്യകാരി. ഇംഗ്ലീഷ് സാഹിത്യത്തില്‍ അറിയപ്പെടുന്ന ഇന്ത്യന്‍ കവയത്രി. 1934 മാര്‍ച്ച് 31 ന് ജനിച്ചു. അച്ഛന്‍ ശ്രീ വി.എം. നായര്‍ മാതൃഭൂമി ദിനപ്പത്രത്തിന്റെ മുന്‍ മാനേജിംഗ് എഡിറ്ററായിരുന്നു. അമ്മ മലയാളത്തിലെ പ്രശസ്ത കവയത്രി നാലപ്പാട്ട് ബാലാമണിയമ്മ. കമലയുടെ ബാല്യകാലം കല്‍ക്കട്ടയിലായിരുന്നു. തന്റെ അമ്മാവന്‍ നാലപ്പാട്ട് നാരയണമേനോന്‍, അമ്മ ബാലാമണിയമ്മ എന്നിവരുടെ സാ‍ഹിത്യാഭിരുചിയില്‍ ആകൃഷ്ടയായി ചെറുപ്പത്തില്‍ തന്നെ എഴുതുവാനാരംബിച്ച കമല വളരെ വേഗം നല്ലൊരു എഴുത്തുകാരിയായി മാറി. എങ്കിലും തന്റെ വിവാഹശേഷമാണ് ഒരു പ്രൊഫഷനല്‍ എഴുത്തുകാരി എന്നനിലയില്‍ അവര്‍ അറിയപ്പെടുവാന്‍ തുടങ്ങിയത്. ഇംഗ്ലീഷില്‍ കവിതകളിലൂടെ അറിയപ്പെട്ട അവര്‍ പക്ഷേ മലയാളത്തിനു പ്രിയങ്കരിയായത് തന്റെ കഥകളിലൂടെയാണ്. മാധവിക്കുട്ടി എന്ന തൂലികാ നാമത്തില്‍ അവര്‍ എഴുതിയ സൃഷ്ടികളില്‍ ഏറ്റവും പ്രശസ്തങ്ങളായവ പക്ഷിയുടെ മനം, ചന്ദനമരങ്ങള്‍, നെയ്പ്പായസം, തണുപ്പ് തുടങ്ങിയവയാണ്. നോവലുകളും അവര്‍ എഴുതിയിട്ടുണ്ട്. അതില്‍ ഏറ്റവും ജനപ്രീതിയാര്‍ജ്ജിച്ച ഒന്നാണ് “നീര്‍മാതളം പൂത്തകാലം”. “എന്റെ കഥ” എന്ന ആത്മകഥയും അവര്‍ എഴുതിയിട്ടുണ്ട്. ഏതാനും വര്‍ഷങ്ങള്‍ക്കു മുമ്പ് അവര്‍ ഇസ്ലാം മതം സ്വീകരിച്ചു - കമല സുരയ്യ എന്ന പേരും ഒപ്പം സ്വീകരിച്ചു. അനവധി അവാര്‍ഡുകള്‍ ഈ അനുഗ്രഹീത സാഹിത്യകാരിക്ക് ലഭിച്ചിട്ടുണ്ട്. അവയില്‍ പ്രമുഖം ഏഷ്യന്‍ പോയട്രി പ്രൈസ്, കെന്റ് അവാര്‍ഡ്, ആശാന്‍ പുരസ്കാരം, എഴുത്തച്ഛന്‍ അവാര്‍ഡ്, വയലാര്‍ അവാര്‍ഡ് എന്നിവ.

മത്സരം 9 - മേജര്‍ സന്ദീപ് ഉണ്ണികൃഷ്ണന്‍

2009-05-01T06:00:00.005+04:00

ശരിയായ ഉത്തരം : മേജര്‍ സന്ദീപ് ഉണ്ണികൃഷ്ണന്‍ 2008 നവംബറില്‍ ബോംബെയിലുണ്ടായ ഭീകരാക്രമണത്തെ ചെറുക്കാനുള്ള ഓപ്പറേഷനില്‍ സജീവമായി പങ്കെടുക്കുകയും, ആ ഓപ്പറേഷനിടയില്‍ വീരമൃത്യുവരിക്കുകയും ചെയ്ത എന്‍.എസ്.ജി കമന്റോ. 1977 മാര്‍ച്ച് 15 നാണ് അദ്ദേഹം ജനിച്ചത്. കരസേനയുടെ നാഷനല്‍ സെക്യൂരിറ്റി ഗാര്‍ഡ് വിഭാഗത്തില്‍ മേജര്‍ ആയിരുന്നു അദ്ദേഹം. മുബൈ ഭീകരാക്രമണത്തില്‍ പെട്ടുപോയ ടാജ് മഹല്‍ പാലസ് ഹോട്ടലിലെ കമാന്റോ ആക്രമണത്തിന് നേതൃത്വം കൊടുക്കുവേയാണ് ഭീകരരുടെ വെടിയേറ്റ് സന്ദീപ് കൊല്ലപ്പെട്ടത്. ഓപ്പറേഷന്‍ ബ്ലാക് ടൊര്‍ണേഡോ എന്നായിരുന്നു ഈ ഓപ്പറേഷന്റെ പേര്. കമാന്റോ നടപടിക്കിടെ പരിക്കേറ്റ മറ്റൊരു കമാന്റോയെ സുരക്ഷിത സ്ഥാനത്തെക്ക് മാറ്റിയതിനുശേഷം ഭീകരരെ നേരിടാന്‍ ശ്രമികവേയാണ് അദ്ദേഹത്തിന് വെടിയേറ്റത്. കോഴിക്കോട് ജില്ലയിലെ ചെറുവണ്ണൂര്‍ സ്വദേശിയാണ് അദ്ദേഹത്തിന്റെ പിതാവ് ശ്രീ ഉണ്ണികൃഷ്ണന്‍. 2009 ജനുവരി 26 ന്, മരണാനന്തര ബഹുമതിയായി മേജര്‍ സന്ദീപിന് അശോകചക്രം സമ്മാനിച്ച് രാഷ്ട്രം അദ്ദേഹത്തെ ആദരിച്ചു.

മത്സരം 8 - ആഞ്ജലീന ജോളി

2009-04-30T15:00:00.004+04:00

ശരിയുത്തരം : ആന്‍‌ജലീന ജോളി Angelina Jolie പ്രശസ്തയായ ഹോളിവുഡ് സിനിമാനടി, യു.എന്‍. റെഫ്യുജീ ഏജന്‍സിയുടെ ഗുഡ്‌വില്‍ അംബാസഡര്‍. ജൂണ്‍ 4, 1975 ല്‍ അമേരിക്കയില്‍ ജനിച്ചു. മൂന്നു ഗോള്‍ഡന്‍ ഗ്ലോബ് അവാര്‍ഡുകളും‍, രണ്ട് സ്ക്രീന്‍ ആക്റ്റര്‍ ഗില്‍ഡ് അവാര്‍ഡുകളും ഒരു ഓസ്കാര്‍ അവാര്‍ഡും അവര്‍ക്ക് ലഭിച്ചിട്ടുണ്ട്. 1993 ല്‍ സിനിമാരംഗത്തേക്ക് പ്രവേശിച്ചെങ്കിലും 2001 ല്‍ പുറത്തിറങ്ങിയ Lara Croft: Tomb Raider എന്ന സിനിമയിലെ നായിക വേഷമാണ് അവരെ പ്രശസ്തിയുടെ നെറുകയിലെത്തിച്ചത്. ഈ സിനിമയുടെ ചിത്രീകരണം കംബോഡിയയില്‍ വച്ചു നടക്കുമ്പോഴാണ് മാനുഷിക പരിഗണന അര്‍ഹിക്കുന്നവരെപ്പറ്റിയും അവരുടെ പുനരധിവാസത്തെപ്പറ്റിയും നേരിട്ടറിയുവാന്‍ അവര്‍ക്ക് അവസരം ലഭിച്ചത്. തുടര്‍ന്ന് UNHCR (United Nations High Commissioner for Refugees) മായി അവര്‍ ബന്ധപ്പെടുകയും ലോകത്താകമാനമുള്ള ദുരിതം നേരിടുന്ന സ്ഥലങ്ങള്‍ സന്ദര്‍ശിക്കുകയും ചെയ്തു. തന്റെ വരുമാനത്തിന്റെ നല്ലൊരു പങ്ക് ഇത്തരം സഹായനിധികള്‍ക്കായി അവര്‍ മാറ്റിവച്ചു. 2001 ഓഗസ്റ്റ് 27 ന് UNHCR Goodwill Ambassador ആയി അവരെ നോമിനേറ്റ് ചെയ്തു. ഹോളിവുഡിലെ ഏറ്റവും സുന്ദരികളായ താരങ്ങളില്‍ ഒരാളായാണ് ആന്‍‌ജലീന ജോളിയെ ആരാധകര്‍ കരുതുന്നത്.

മത്സരം 7 - വാള്‍ട്ട് ഡിസ്നി

2009-04-30T06:00:00.004+04:00

ശരിയുത്തരം : വാള്‍ട്ട് ഡിസ്നി അമേരിക്കന്‍ ചലച്ചിത്ര നിര്‍മ്മാതാവ്, സംവിധായകന്‍, തിരക്കഥാകൃത്ത്, അനിമേറ്റര്‍ എന്നനിലയിലൊക്കെ പ്രശസ്തനായ വാള്‍ട്ടര്‍ എലിയാസ് ഡിസ്നി. ഇരുപതാം നൂറ്റാണ്ടിലെ സിനിമ മേഖലയില്‍ പുതുമകള്‍ അനവധി കൊണ്ടുവന്ന വ്യക്തികളില്‍ ഒരാളാണ് ഇദ്ദേഹം. 1901 ഡിസംബര്‍ 15 നാണ് അദ്ദേഹം ജനിച്ചത്. വാള്‍ട്ട് ഡിസ്നി പ്രോഡക്ഷന്‍സിന്റെ സഹസ്ഥാപകന്‍ എന്ന നിലയില്‍ ഇദ്ദേഹം ലോകത്തിലെ ഏറ്റവും അറിയപ്പെടുന്ന ചലച്ചിത്ര നിര്‍മാതാക്കളില്‍ ഒരാളായിമാറി. അതിലുകൂടുതലായി ഒരു പക്ഷേ ഇന്ന് പുതിയ തലമുറ അദ്ദേഹത്തെ അറിയുന്നത് അദ്ദേഹത്തിന്റെ പേരിലുള്ള തീം പാര്‍ക്കുകളുടെയും, അദ്ദേഹവും സഹപ്രവര്‍ത്തകരും ചേര്‍ന്ന് സൃഷ്ടിച്ച കാര്‍ട്ടൂണ്‍ കഥാപാത്രങ്ങളുടെയും ആനിമേഷന്‍ മൂവികളുടെയും പേരിലാവും. മിക്കി മൌസ്, ഡൊണാള്‍ഡ് ഡക്ക്, ഗൂഫി, പ്ലൂട്ടോ തുടങ്ങിയ കഥാപാത്രങ്ങള്‍ ലോകമെമ്പാടുമുള്ള കുട്ടികള്‍ക്ക് എന്നും പ്രിയപ്പെട്ടവരാണ്; അതുപോലെ, ഡിസ്നിവേള്‍ഡ് എന്ന തീം പാര്‍ക്കും. കുട്ടികള്‍ക്കായി ആനിമേറ്റഡ് സിനിമകളുടെ പരമ്പരകള്‍ തന്നെ വാള്‍ട്ട് ഡിസ്നി നിര്‍മ്മിച്ചു. 26 ഓസ്കാര്‍ അവാര്‍ഡുകള്‍ നേടിയിട്ടുള്ള ഇദ്ദേഹത്തിനാണ് ഏറ്റവും കൂടുതല്‍ ഓസ്കാര്‍ അവാര്‍ഡുകളും, ഏറ്റവും കൂ‍ടുതല്‍ നോമിനേഷനുകളും (59) ലഭിച്ചതില്‍ ലോകറിക്കോര്‍ഡ്. 1966 ഡിസംബര്‍ 15 ന് വാള്‍ട്ട് ഡിസ്നി അന്തരിച്ചു.

മത്സരം 6 - ബാറാക് ഒബാമ

2009-04-29T15:00:00.005+04:00

ശരിയുത്തരം : ബാറാക് ഒബാമ അമേരിക്കയുടെ 44 മത് പ്രസിഡന്റ് ബാറാക് ഹുസൈന്‍ ഒബാമ II. 1961 ആഗസ്റ്റ് 4 ന് ജനനം. യു.എസ്. സെനറ്റിന്റെ ചരിത്രരേഖകള്‍ പ്രകാരം ആഫ്രിക്കന്‍ - അമേരിക്കന്‍ വിഭാഗത്തില്‍ നിന്നും സെനറ്റിലെത്തുന്ന അഞ്ചാമത്തെയാളാണ് ഇദ്ദേഹം; ആഫ്രോ-അമേരിക്കന്‍ വംശജനായ ആദ്യത്തെ അമേരിക്കന്‍ പ്രസിഡന്റും. 2009 ജനുവരി 20 നാണ് ഒബാമ പ്രസിഡന്റായി സ്ഥാനമേറ്റത്. ഹവായിയിലെ ഹോണോലുലുവിലാണ് ഒബാമ ജനിച്ചത്. കൊളംബിയ യൂണിവേഴ്സിറ്റിയില്‍ നിന്നും, ഹാര്‍വാര്‍ഡ് ലോ സ്കൂളില്‍ നിന്നും അദ്ദേഹം വിദ്യാഭ്യാസം നേടീ. നിയമപഠനത്തിനു ചേരുന്നതിനു മുന്‍പ് ഷിക്കോഗോയില്‍ സാമൂഹ്യപ്രവര്‍ത്തകനായും, പിന്നീട് ഇല്ലിനോയിസില്‍ നിന്നുള്ള സെനറ്റ് അംഗമായും സേവനമനുഷ്ഠിച്ചിട്ടുണ്ട്. തന്റെ ബാല്യയൌവനങ്ങളെക്കുറിച്ച് “അച്ഛന്‍ നല്‍കിയ സ്വപ്നങ്ങള്‍” (Dreams from My Father) എന്ന പേരില്‍ 1995-ല്‍ ഒരു പുസ്തകവും ഒബാമ പ്രസിദ്ധീകരിച്ചിട്ടുണ്ട്.

മത്സരം 5 - കടമ്മനിട്ട രാമകൃഷ്ണന്‍

2009-04-29T06:00:00.003+04:00

ശരിയുത്തരം : കടമ്മനിട്ട രാമകൃഷ്ണന്‍ മലയാള സാഹിത്യത്തിലെ സമകാലീന ജനകീയ കവികളില്‍ പ്രമുഖനും, രാഷ്ട്രീയ, സാംസ്കാരിക പ്രവര്‍ത്തകനുമായിരുന്നു ശ്രീ കടമ്മനിട്ട രാമകൃഷ്ണന്‍. 1935 മാര്‍ച്ച് 22ന് പത്തനംതിട്ട ജില്ലയിലെ കടമ്മനിട്ട എന്ന ഗ്രാമത്തിലാണ് രാമകൃഷ്ണന്‍ ജനിച്ചത്. മലയാള കവിതാരംഗത്ത് ഒരു മാറ്റത്തിനു തുടക്കം കുറിച്ചവരില്‍ ഒരാളായിരുന്നു ശ്രീ കടമ്മനിട്ട. പരമ്പരാഗത കവിതാ രീതികളില്‍ നിന്ന് ഒരു മാറ്റം അദ്ദേഹം ആഗ്രഹിച്ചു. പ്രണയം, സ്നേഹം, വിരഹം തുടങ്ങിയ വികാരങ്ങളില്‍നിന്ന് കവിതയെ അടര്‍ത്തി മാറ്റിയിട്ട് കുറേക്കൂടി കൂടുതല്‍ ജനകീയമായ കാര്യങ്ങള്‍ ശക്തമായ മറ്റൊരു രീതിയില്‍ അവതരിപ്പിക്കുവാന്‍ അദ്ദേഹം ധൈര്യംകാട്ടി. കേരളത്തിന്റെ നാടോടി സംസ്കാരത്തെയും പടയണിപോലെയുള്ള കലാരൂപങ്ങളെയും സന്നിവേശിപ്പിച്ച രചനാ ശൈലി അദ്ദേഹത്തിന്റെ പ്രത്യേകതയായിരുന്നു. അതുകൊണ്ടുതന്നെ, ചൊല്ലിക്കേള്‍ക്കുവാന്‍ നല്ല ഭംഗിയുള്ളവയായിരുന്നു കടമ്മനിട്ടക്കവിതകള്‍. പടയണിയുടെ ചടുലമായ താളം ഈ കവിതകള്‍ ചൊല്ലുമ്പോള്‍ നമുക്ക് അനുഭവിച്ചറിയാം. പടയണി എന്ന കലാരൂപത്തിന്റെ പുനരുദ്ധാരണത്തിനും വീണ്ടും ആ കലാരൂപം ജനങ്ങളിലേക്ക് എത്തിക്കുവാനും ഇദ്ദേഹം പ്രയത്നിച്ചു. ആറന്മുള നിയമസഭാ മണ്ഡലത്തെ പ്രതിനിധീകരിച്ച് ഒരു തവണ കേരളാ നിയമസഭയിലും അംഗമായിട്ടുണ്ട്. 1959ല്‍ പോസ്റ്റല്‍ ഓഡിറ്റ് ആന്‍ഡ് അക്കൌണ്ട്സ് വകുപ്പില്‍ അദ്ദേഹത്തിനു ജോലി ലഭിച്ചു. 2008 മാര്‍ച്ച് 31 നാണ് അദ്ദേഹം അന്തരിച്ചത്.

മത്സരം 4 - ജെയ്ന്‍ ഗൂഡാല്‍

2009-04-28T15:30:00.005+04:00

ശരിയുത്തരം : ഡോ. ജെയ്ന്‍ ഗൂഡാല്‍ Primatologist (പ്രൈമേറ്റ് സ്പീഷീസിനെപ്പറ്റി ഗവേഷണംചെയ്യുന്നയാള്‍), ethologist (മൃഗങ്ങളുടെ പെരുമാറ്റങ്ങളെ പറ്റി ഗവേഷണംചെയ്യുന്നയാള്‍), anthropologist (നരവംശ ശാസ്ത്രഗവേഷക) എന്നി നിലകളില്‍ പ്രശസ്തയായ ബ്രിട്ടീഷ് വനിത. ചിമ്പാന്‍സികളുടെ സ്വഭാവരീതികളെപ്പറ്റി ടാന്‍സാനിയായിലെ ഗോമ്പെ സ്ട്രീം നാഷനല്‍ പാര്‍ക്കില്‍ (Gombe Stream National Park), നീണ്ട 45 വര്‍ഷത്തോളം അവര്‍ നടത്തിയ ഗവേഷണമാണ് അവരെ പ്രശസ്തയാക്കിയത്. ഇതുകൂടാതെ, 2004 ല്‍ യു.എന്‍.അവരുടെ സമാധാന ദൂതയായി (peace messenger) ജെയ്ന്‍ ഗൂഡാലിനെ നിയമിക്കുകയുണ്ടായി. ഇംഗ്ലണ്ടിലെ ലണ്ടന്‍ നഗരത്തില്‍ 1934 ഏപ്രില്‍ 3 നാണ് ജെയ്ന്‍ ഗൂഡാല്‍ ജനിച്ചത്. മൃഗങ്ങളെപ്പറ്റിയുള്ള അവരുടെ പഠനതാല്പര്യം മനസ്സിലാക്കിയ പ്രശസ്ത നരവംശ ശാസ്ത്രജ്ഞന്‍ ലൂയിസ് ലീക്കേ (Louise Leakey) ജെയ്നിനെ തന്റെ അസിസ്റ്റന്റായി നിയമിച്ചു. അദ്ദേഹത്തോടൊപ്പമുള്ള പ്രവര്‍ത്തനങ്ങള്‍ക്കിടയിലാണ് 1960 ല്‍ ജെയ്ന്‍ ചിമ്പാന്‍സികളുടെ സാമൂഹിക സ്വഭാവങ്ങളിലെ പഠനം ആരംഭിക്കുന്നത്. ഇതിനിടയില്‍ ലീക്കേ, അവരെ ലണ്ടനിലെ ഡാര്‍വിന്‍ കോളജില്‍ എത്തോളജിയില്‍ ഡോകടറേറ്റിന് അയച്ചു. ചിമ്പാന്‍സികളെപ്പറ്റിയുള്ള പഠനത്തിനിടയില്‍ ഡോ. ജെയ്ന്‍ കണ്ടെത്തിയ സുപ്രധാനമായ ഒരു വസ്തുതയായിരുന്നു ചിമ്പാന്‍സികള്‍ക്ക് ലഘുവായ “ടൂളുകള്‍“ ഉണ്ടാക്കാന്‍ അറിയാം എന്നത്. മനുഷ്യര്‍ക്കുമാത്രം സാധ്യമെന്ന് അക്കാലം വരെയും വിശ്വസിച്ചു പോന്നിരുന്ന ഈ കണ്ടുപിടുത്തം അവരുടെ ഗവേഷണകാലഘട്ടത്തിലെ ഒരു നാഴികക്കല്ലാണ്. 1977 ല്‍ ജെയ്ന്‍ ഗൂഡാല്‍ ഇന്‍സ്റ്റിട്യൂട്ട് എന്നൊരു സംഘടന അവര്‍ ആരംഭിച്ചു. ചിമ്പാന്‍സികളെ അവയുടെ ആവാസവ്യവസ്ഥയില്‍ തന്നെ സംരക്ഷിക്കുക എന്നതാണ് ഈ സംഘടനയുടെ ലക്ഷ്യം. നൂറോളം രാജ്യങ്ങളിലായി പരന്നുകിടക്കുന്ന 8000 ല്‍ പരം ഗ്രൂപ്പുകള്‍ ഈ സംഘടനയുടെ കീഴിലിന്നുണ്ട്. ഒട്ടനവധി പുസ്തകങ്ങള്‍ രചിച്ചിട്ടുള്ള ഡോ. ജെയ്ന്‍ ഗുഡാലിന് Commander of the Order of the British Empire, National Geographic Society Hubbard Medal തുടങ്ങി അനവധി ബഹുമതികളും അവാര്‍ഡുകളും ലഭിച്ചിട്ടുണ്ട്. (നാഷനല്‍ ജിയോഗ്രഫി, ആനിമല്‍ പ്ലാനറ്റ് തുടങ്ങിയ ടി.വി ചാനലുകളില്‍ ജെയ്ന്‍ ഗൂഡാലിന്റെ പ്രോഗ്രാമുകള്‍ ഉണ്ടാവാറുണ്ട്)

മത്സരം 3 - വിന്‍സ്റ്റന്‍ ചര്‍ച്ചില്‍

2009-04-28T06:02:00.004+04:00

ആരാണീ വ്യക്തി എന്നുപറയാമോ? ശരിയുത്തരം: വിന്‍സ്റ്റന്‍ ചര്‍ച്ചില്‍ ബ്രിട്ടീഷ് പ്രധാനമന്ത്രിയും രാഷ്ട്രതന്ത്രജ്ഞനും ആയിരുന്ന സര്‍ വിന്‍സ്റ്റണ്‍ ലിയൊനാര്‍ഡ് സ്പെന്‍സര്‍ ചര്‍ച്ചില്‍. രണ്ടാം ലോകമഹായുദ്ധകാലത്ത് ബ്രിട്ടന്റെ ഭരണത്തലവനായിരുന്നു അദ്ദേഹം. രാഷ്ട്രതന്ത്രജ്ഞന്‍ എന്ന നിലയില്‍ മാത്രമല്ല, പ്രമുഖ വാഗ്മി, ചരിത്രപണ്ഠിതന്‍, നൊബേല്‍ സമ്മാന ജേതാവ്, ആര്‍ട്ടിസ്റ്റ് (പെയിന്റിംഗ്) തുടങ്ങിയ നിലകളിലും അദ്ദേഹം പ്രശസ്തനാണ്. 1874 നവംബര്‍ 30 നാണ് ചര്‍ച്ചില്‍ ജനിച്ചത്. 1940 മുതല്‍ 1945 വരെയും 1951 മുതല്‍ 1955 വരെയും രണ്ടു തവണ അദ്ദേഹം ബ്രിട്ടീഷ് പ്രധാനമന്ത്രിയായി സേവനമനുഷ്ഠിച്ചു. തന്റെ ചരിത്ര രചനകള്‍ക്ക് 1953-ല്‍ സാഹിത്യത്തിനുള്ള നോബല്‍ സമ്മാനം ലഭിച്ചു. ബ്രിട്ടീഷ് കോളനി വാഴ്ചയിലായിരുന്ന ഇന്ത്യയ്ക്ക് സ്വയംഭരണാവകാശം (Dominion) നല്‍കുന്നതിനുള്ള നീക്കങ്ങള്‍ക് ചര്‍ച്ചില്‍ എതിരായിരുന്നു. 1931 ഫെബ്രുവരി 13 ന് വെസ്റ്റ് എസക്സ് കണ്‍സര്‍വേറ്റീവ് അസോസിയേഷനില്‍ വച്ച് ചര്‍ച്ചില്‍ മഹാത്മാഗാന്ധിയെപ്പറ്റി “അര്‍ത്ഥനഗ്നനായ ഫക്കീര്‍” എന്ന് നടത്തിയ പരാമര്‍ശം അന്ന് ഏറെ വിവാദങ്ങള്‍ക്ക് കാരണമായിരുന്നു. "It was alarming to see Mr. Gandhi, a seditious Middle Temple lawyer, now posing as a fakir of a type well known in the East, striding half-naked up the steps of the Viceregal Palace, while he is still organizing and conducting a defiant campaign of civil disobedience, to parley on equal terms with the representative of the King-Emperor" നല്ല ഒരു എഴുത്തുകാരനായിരുന്നു ചര്‍ച്ചില്‍. രണ്ട് ആത്മകഥകള്‍, ഒരു നോവല്‍, ഓര്‍മ്മക്കുറിപ്പുകള്‍ (3 volumes), ചരിത്ര ലേഖനങ്ങള്‍, ന്യൂസ്പേപ്പര്‍ കോളങ്ങള്‍ എന്നിവ അദ്ദേഹം എഴുതിയിട്ടുണ്ട്. അദ്ദേഹം എഴുതിയ The Second World War എന്ന പുസ്തകവും, A History of the English-speaking Peoples പുസ്തകവും ചര്‍ച്ചിലിനു വളരെ ഖ്യാതി നേടീക്കൊടുത്തവയാണ്. ഇവയില്‍ രണ്ടാമതു പറഞ്ഞ പുസ്തകം നാലു വാല്യങ്ങളിലായി ബി.സി 55 മുതല്‍ 1914ല്‍ ഒന്നാം ലോകമഹായുദ്ധത്തിന്റെ ആരംഭം വരെയുള്ള ചരിത്രം പറയുന്നു. 1965 ജനുവരി 24 ന് വിന്‍സ്റ്റന്‍ ചര്‍ച്ചില്‍ നിര്യാതനായി.

മത്സരം 2 - ഡോ. സലിം അലി

2009-04-27T15:30:00.004+04:00

ശരിയുത്തരം: 2. ഡോ. സലിം അലി ലോക പ്രശസ്ത പക്ഷിനിരീക്ഷകന്‍ (ornithologist). "Bird man of India" എന്ന അപരനാമധേയത്തില്‍ അറിയപ്പെടുന്ന ഡോ. അലി, ഇന്ത്യയില്‍ ആദ്യമായി ചിട്ടയോടൂകൂടിയ ഒരു പക്ഷി സര്‍വേ നടത്തിയ വ്യക്തികളില്‍ പ്രഥമഗണനീയനാണ്. അദ്ദേഹം പ്രസിദ്ധപ്പെടുത്തിയ ഗ്രന്ഥങ്ങള്‍ പില്‍ക്കാലത്ത് പക്ഷിനീരീക്ഷണ മേഖലയിലെ വികാസങ്ങള്‍ക്ക് വളരെയേറേ സംഭാവനകള്‍ നല്‍കിയിട്ടുണ്ട്. ബോംബെയിലെ ഒരു മുസ്ലിം കുടുംബത്തില്‍ 1896 നവംബര്‍ 12 നാണ് അദ്ദേഹം ജനിച്ചത്. പത്താം വയസില്‍ മാതാപിതാക്കള്‍ നഷ്ടപ്പെട്ട അദ്ദേഹം, തുടര്‍ന്ന് തന്റെ മാതുലനോടൊപ്പമാണ് കഴിഞ്ഞത്. ബോംബെ നാച്ചുറല്‍ ഹിസ്റ്ററി സൊസൈറ്റി തലവനായിരുന്ന W.S. Millard ആണ് അദ്ദേഹത്തെ പക്ഷിഗവേഷണം പരിചയപ്പെടുത്തുന്നത്. 1928 ല്‍ അദ്ദേഹം ജര്‍മനിയിലെ Zoological Museum of Berlin University യിലെ പ്രൊഫസറായിരുന്ന Erwin Stresemann നോടൊപ്പം പക്ഷിനിരീക്ഷണത്തില്‍ പ്രാഗല്‍ഭ്യം നേടീ. തുടര്‍ന്നിങ്ങോട്ട് ഇന്ത്യയിലേയും പാകിസ്ഥാനിലേയും പക്ഷി വര്‍ഗ്ഗങ്ങളെപ്പറ്റി അദ്ദേഹം നടത്തിയ പഠനങ്ങള്‍ ഇന്നും റെഫറന്‍സായി ഉപയോഗിക്കത്ത വിധത്തിലായിരുന്നു. പതിനഞ്ചോളം പുസ്തകങ്ങള്‍ അദ്ദേഹം രചിച്ചിട്ടുണ്ട്. 1958 ല്‍ പദ്മഭൂഷണ്‍ നല്‍കി രാഷ്ട്രം അദ്ദേഹത്തെ ആദരിച്ചു. 1987 ജൂലൈ 27 ന് തൊണ്ണൂറ്റിഒന്നാം വയസില്‍ അദ്ദേഹം അന്തരിച്ചു. വിവരങ്ങള്‍ക്ക് കടപ്പാട്: വിക്കിപീഡിയ

മത്സരം 1 - ഡോ. ജി. മാധവന്‍ നായര്‍

2009-04-27T06:00:00.005+04:00

ഒരു പ്രശസ്ത വ്യക്തിയുടെ ചിത്രത്തിന്റെ ചില കഷണങ്ങളാണ് ഇവിടെ കാണുന്നത്.ആരാണീ വ്യക്തി എന്നുപറയാമോ? ശരിയുത്തരം : ഡോ. ജി. മാധവന്‍ നായര്‍ ISRO യുടെ ഇപ്പോഴത്തെ ചെയര്‍മാന്‍. 1943 ഒക്ടോബര്‍ 31 നു തിരുവനന്തപുരത്തിനടുത്ത് നെയ്യാറ്റിന്‍കരയില്‍ ജനനം. 1964 ഇല്‍ തിരുവനന്തപുരം എഞ്ചിനീയറിങ് കോളേജില്‍ നിന്ന് ഇലക്ട്രികല്‍ ആന്റ് കമ്മ്യൂണികേഷന്‍ എന്‍ജിനീയറിങ്ങില്‍ ബി.എസ്.സി ബിരുദം. അതിനു ശേഷം ബോംബെ ഭാഭ അറ്റോമിക് റിസേര്‍ച്ച് സെന്ററില്‍ പ്രത്യേകപരിശീലനം നേടിയ അദ്ദേഹം 1967ല്‍ തുമ്പ റോക്കറ്റ് വിക്ഷേപണ കേന്ദ്രത്തില്‍ ജോലിയില്‍ പ്രവേശിച്ചു. ഇന്ത്യയുടെ ബഹിരാകാശ ഗവേഷണ മേഖലയ്ക്ക് ജി. മാധവന്‍ നായര്‍ നല്‍കിയ സംഭാവനകള്‍ വിലമതിയ്ക്കാനാവാത്തവയാണ്‌. ബഹുഘട്ടറോക്കറ്റ് ടെക്നോളജിയില്‍ ഇന്ത്യ സ്വയം‌പര്യാപ്തത നേടിയതിന്റെ പിന്നില്‍ പ്രവര്‍ത്തിച്ച ശാസ്ത്രജ്ഞരുടെ ടീമില്‍ പ്രമുഖന്‍ ഇദ്ദേഹമാണ്. തദ്ദേശീയമായി വികസിപ്പിച്ചെടുത്ത വികാസ് ദ്രവറോക്കറ്റ് എഞ്ചിന്‍, ചന്ദ്രയാന്‍ പദ്ധതി, പി.എസ്.എല്‍.വി., ജി.എസ്.എല്‍.വി തുടങ്ങിയ റോക്കറ്റ് സാങ്കേതികവിദ്യകളുടെ കണ്ടുപിടിത്തം ഇവയിലെല്ലാം ശ്രീ മാധവന്‍ നായരുടെ സംഭാവനകല്‍ ഏറെയാണ്. രാഷ്ട്രത്തിനും സമൂഹത്തിനും നല്‍കിയ സംഭാവനകള്‍ കണക്കിലെടുത്ത് ഭാരതസര്‍ക്കാര്‍ അദ്ദേഹത്തെ 1998-ല്‍ പദ്മഭൂഷണ്‍ ബഹുമതിയും 2009-ല്‍ പദ്മവിഭൂഷണ്‍ ബഹുമതിയും നല്‍കി ആദരിച്ചു. ISRO ചെയര്‍മാന്‍ എന്ന പദവികൂടാതെ Secretary to the Department of Space Commission എന്ന ചുമതലയും ശ്രീ മാധവന്‍ നായര്‍ വഹിക്കുന്നു. വിവരങ്ങള്‍ക്ക് കടപ്പാട്: വിക്കിപീഡിയ

പുതിയ ഗോമ്പറ്റീഷന്‍ - ഈ വ്യക്തി ആര്?

2009-04-26T13:03:00.003+04:00

കൂട്ടുകാരേ, “ഇതാരുടെ പുസ്തകം“, “ഇതാരുടെ ഉത്തരങ്ങള്‍“ എന്നീ ഹിറ്റ് മത്സരപരമ്പരകള്‍ക്കുശേഷം പുതിയൊരു മത്സരം ഈ വേദിയില്‍ ആരംഭിക്കുകയാണ്. ബ്ലോഗ് വായനയില്‍ക്കൂടി നിങ്ങള്‍ പരിചയപ്പെട്ട എഴുത്തുകാരെ കണ്ടെത്തുക എന്നതായിരുന്നു കഴിഞ്ഞ രണ്ടു മത്സരങ്ങളുടെയും ഉദ്ദേശമെങ്കില്‍, ഇവിടെ നമ്മള്‍ ബ്ലോഗില്‍ നിന്നും പുറം ലോകത്തേക്ക് പോവുകയാണ്. പ്രശസ്തരായ കുറെ വ്യക്തികളെ ഈ മത്സരത്തിലൂടെ അവതരിപ്പിക്കുന്നു. അവരില്‍ പലരെയും നിങ്ങള്‍ക്ക് പരിചയമുണ്ടാവും - വായിച്ചും, മാധ്യമങ്ങളില്‍ കണ്ടും കേട്ടും, ചരിത്രത്തിന്റെ ഏടുകളില്‍ സ്ഥാനം പിടിച്ചവരും ഇപ്പോള്‍ ജീവിച്ചിരിക്കുന്നവരും ആയ പലരും ഈ ലിസ്റ്റില്‍ ഉണ്ടാവും. നിങ്ങള്‍ ചെയ്യേണ്ടത് ഇതാണ്. ഒരു വ്യക്തിയുടെ ചിത്രം - അതിനെ ഡിജിറ്റല്‍ സങ്കേതങ്ങള്‍ ഉപയോഗിച്ച് പല കഷ്ണങ്ങള്‍ ആക്കിയതിന്റെ ചില ഭാഗങ്ങള്‍ ആവും ചോദ്യത്തില്‍ ഉണ്ടാവുക. ഈ ചിത്രശകലങ്ങളില്‍ നിന്ന് ആ വ്യക്തിയെ കണ്ടുപിടിക്കുക. ഉത്തരം നിങ്ങളുടെ കമന്റായി രേഖപ്പെടുത്തുക. കഴിഞ്ഞ മത്സരത്തില്‍ എന്നതുപോലെ ഇവിടെയും ആദ്യത്തെ മു‌ന്നു മണിക്കൂര്‍ കമന്റുകള്‍ മോഡറേഷന്‍ ചെയ്യപ്പെടും. അതിനിടയില്‍ ആരും ഉത്തരം പറയുന്നില്ലെങ്കില്‍ ചോദ്യത്തോടൊപ്പം ആ വ്യക്തിയെ കണ്ടെത്താന്‍ സഹായിക്കുന്ന ഒന്ന് രണ്ടു ക്ലൂ കൂടി ഉള്‍പ്പെടുത്തും - ജീവിച്ചിരുപ്പുണ്ടോ ഇല്ലയോ, ഇതു രാജ്യം, പ്രവര്‍ത്തന മേഖല ഇങ്ങനെ എന്തെങ്കിലും ക്ലൂ പ്രതീക്ഷിക്കാം. മത്സരത്തിന്റെ ഫല പ്രഖ്യാപനത്തോടൊപ്പം ഈ വ്യക്തിയെ പരിചയപ്പെടുത്തുന്ന ഒരു ചെറുവിവരണവും പ്രസിദ്ധീകരിക്കുന്നതായിരിക്കും. ഒരു ഉദാഹരണ ചിത്രം താഴെ നല്‍കുന്നു. ഇതാരാണീ വ്യക്തി എന്നു നിങ്ങള്‍ കണ്ടുപിടിക്കുക. ഇതുപോലെയാവും ഇനി വരാന്‍ പോകുന്ന ചോദ്യങ്ങള്‍ ഇവിടെ പ്രസിദ്ധീകരിക്കുന്നത്.

“ആരാണീ വ്യക്തി” മത്സരനിയമങ്ങള്‍

2009-04-25T14:29:00.003+04:00

ഒരു വ്യക്തിയുടെ ചിത്രം പൂര്‍ണ്ണമായോ ഭാഗികമായോ നല്‍കിയിട്ട് അതാരുടെ ചിത്രമാണ് എന്ന് കണ്ടുപിടിക്കുകയാണ് ഈ ഗോമ്പറ്റീഷനിലൂടെ ഉദ്ദേശിക്കുന്നത്.
ആര്‍ക്കും ഇതില്‍ പങ്കെടുക്കാം. ഈ ബ്ലോഗില്‍ അനോനിമസ് കമന്റ് ഓപ്‌ഷന്‍ ഇല്ല. കമന്റെഴുതാന്‍ ആവശ്യമായ ഗൂഗിള്‍ അക്കൌണ്ടോ, ഗൂഗിള്‍ അനുവദിച്ചിരിക്കുന്ന മറ്റ് അക്കൌണ്ടുകളോ ഉള്ള ആര്‍ക്കും ഉത്തരം എഴുതാവുന്നതാണ്.
ഒരു ദിവസം രണ്ടു മത്സരങ്ങള്‍ ഉണ്ടായിരിക്കും. ആദ്യത്തേത് യു.എ.ഇ സമയം 6:00 AM (Indian time 7:30 AM) ന് ആരംഭിക്കും. രണ്ടാമത്തേത് യു.എ.ഇ സമയം 3:00 PM (Indian time 4:30 PM) നും ആയിരിക്കും ആരംഭിക്കുക.
മത്സരം തുടങ്ങി ആദ്യത്തെ നാലുമണിക്കൂര്‍ കമന്റുകള്‍ മോഡറേഷനില്‍ ആയിരിക്കും ഉണ്ടാകുന്നത്. മോഡറേഷന്റെ മൂന്നാമത്തെയോ നാലാമത്തെയോ മണിക്കൂറില്‍ ഒരു ക്ലൂ തരുന്നതായിരിക്കും.
കമന്റ് മോഡറേഷന്‍ സമയത്ത്, ക്ലൂ തരുന്നതിനു മുമ്പ് ശരിയായ ഉത്തരമെഴുതിയ എല്ലാവര്‍ക്കും 25 പോയിന്റ് ലഭിക്കും. ക്ലൂ തന്നതിനുശേഷം മോഡറേഷന്‍ അവസാനിക്കുന്നതിനു മുമ്പ് ശരിയായ ഉത്തരമെഴുതിയ എല്ലാവര്‍ക്കും 15 പോയിന്റ് ലഭിക്കുന്നതാണ്. മോഡറേഷന്‍ കഴിഞ്ഞ് കമന്റുകള്‍ പ്രസിദ്ധപ്പെടുത്തും. അതിനുശേഷം ആദ്യം ഉത്തരമെഴുതുന്ന അഞ്ചു പേര്‍ക്ക് 5 പോയിന്റുകള്‍ വീതം ലഭിക്കും.
മോഡറേഷന്‍ സമയത്ത് ക്ലൂവിനു മുമ്പ് ഉത്തരം എഴുതിയവര്‍ക്ക് ക്ലൂ വന്നതിനുശേഷം വേണമെങ്കില്‍ ഉത്തരം മാറ്റിയെഴുതി 15 പോയിന്റ് നേടാവുന്നതാണ്. എന്നാല്‍ മോഡറേഷന്‍ സമയത്ത് ഉത്തരമെഴുതിയവര്‍ മോഡറേഷന്‍ മാറ്റിയതിനുശേഷം ശരിയുത്തരം എഴുതിയാല്‍ പോയിന്റൊന്നും ലഭിക്കുകയില്ല. അതുപോലെ ഒന്നില്‍കൂടുതല്‍ തവണ ഉത്തരം മാറ്റി എഴുതിയാലും പോയിന്റുകള്‍ ലഭിക്കില്ല (ഒരാള്‍ക്ക് ഒരേ ഒരു തവണമാത്രമേ ഉത്തരം മാറ്റിപ്പറയാന്‍ അവകാശമുണ്ടായിരിക്കുകയുള്ളൂ - മോഡറേഷനിലും, അല്ലാതെയും)
കമന്റ് മോഡറേഷന്‍ അവസാനിച്ച് ഒരുമണിക്കൂറിനുള്ളില്‍ ശരിയുത്തരം പ്രസിദ്ധപ്പെടുത്തും. അതോടൊപ്പം ആ വ്യക്തിയെപ്പറ്റിയുള്ള ഒരു ചെറുവിവരണവും അവരുടെ ചിത്രവും പോസ്റ്റില്‍ പ്രസിദ്ധീകരിക്കുന്നതാണ്.

Close

2009-04-19T10:15:00.004+04:00

Dear Friends
These competitions have come to a close. I hope you enjoyed participating in them as much as I did while conducting them.
All good things must come to a close. And so this has come to end to its logical conclusion.
I will not be maintaining this blog any more, due to personal and other commitments. Presently there are two Admin: Appu and Anchalkkaran. I am sure you can all think up creative ways to start new competitions and entertain the Malayalam blog world.
It has been an honor and privilege to have known so many wonderful people through this Medium.
Cheers

67 - അരൂപികുട്ടന്‍

2009-04-15T19:00:00.010+04:00

ചോദ്യങ്ങൾ	ഉത്തരങ്ങൾ
എന്താണു ദൈവം? നിങ്ങളുടെ ജീവിതത്തെ ഏതു വിധത്തിൽ സ്വധീനിക്കുന്നു?	മാതാവും പിതാവും ഗുരുവും, പിന്നെ അവര്‍ ചൂണ്ടിക്കാട്ടിയ അറിവിന്റെ വഴികളില്‍ അഭയത്തിന്റെ വഴിയമ്പലങ്ങളായിനിന്ന ഭൌമ അഭൌമശക്തികളും എനിക്ക് ദൈവമാകുന്നു. സ്ത്രീകളെ ബഹുമാനിക്കാന്‍ അമ്മ പഠിപ്പിച്ചു.അത് ഏറ്റവും വലിയ അനുഗ്രഹമായി പലപ്പോഴും ജീവിതത്തെ സ്വാധീനിച്ചു.
എന്താണു് വിലമതിക്കാനാവത്തതു്?	ഈ ജന്മം.
കടമ, ദൈവം, മതം, കുടുംബം, സ്വത്ത്. നിങ്ങൾക്ക് തോന്നുന്ന പ്രാധാന്യമനുസരിച്ച് ക്രമത്തിൽ എഴുതുക.	“അഹം ബ്രഹ്മാസ്മി” എന്നതിനെ തരാതരം പോലെ വ്യാഖ്യാനിച്ചാല്‍ ഇവക്കെല്ലാം ഒരുപോലെ ജീവിതത്തില്‍ പ്രാധാന്യം തോന്നുന്നു.
വംശനാശ ഭീഷണി നേരിടുന്ന ഒരു മൃഗത്തെ സംരക്ഷിക്കുന്നതിനായി രണ്ടിടങ്ങളിൽ ഒന്നു തിരഞ്ഞെടുക്കാൻ നിങ്ങളെ ചുമതലപ്പെടുത്തുന്നു. തിരഞ്ഞെടുക്കുന്ന സ്ഥലം പൂർണ്ണമായും ഇടിച്ചു നിരത്തുകയും ചെയ്യും. ഒരു മത വിഭാഗത്തിന്റെ ആരാധനാലയം 10,000 തൊഴിലാളികൾ ജോലി ചെയ്യുന്ന ഒരു വ്യവസായ സ്ഥാപനം.. ഇതിൽ ഏതു തിരഞ്ഞെടുക്കു? എന്തുകൊണ്ടു്?	ഇതൊക്കെ പൊളിക്കാന്‍ ഞാനാര്.. സഞ്ജയ് ഗാന്ധിയോ എന്ന് ആദ്യം ചിന്തിച്ചു. എങ്കിലും ഒരു മൃഗത്തെ സംരക്ഷിക്കാന്‍ വേണ്ടി ഒരു കോടി മൃഗങ്ങളെ സൃഷ്ടിക്കേണ്ടെന്നുകരുതി ആരാധനാലയത്തെ ഒഴിവാക്കും. ‘ഒരു മൃഗം‘ മാത്രമായിപ്പോയെങ്കില്‍ പാവം തൊഴിലാളികളേയും ശല്യപ്പെടുത്തില്ല.ഒന്നുകില്‍ അവര്‍ 10000 പേരുചേര്‍ന്ന് ആ പാവം മൃഗത്തിന് തിന്നാനും കുടിക്കാനും കൊടുക്കണം.അല്ലെങ്കില്‍ ഞാനാ മൃഗത്തിനെ മനേകഗാന്ധിക്കുകൊടുക്കും.അവരതിനെ പൊന്നുപോലെ നോക്കും. ഒറ്റപ്പെട്ടുപോയ ആ പാവം മൃഗത്തിന് സ്വയം ഇണചേര്‍ന്ന് സന്തതിപരമ്പരയുണ്ടാക്കാനുള്ള സാങ്കേതികപരിജ്ഞാനമില്ലാത്തതുകൊണ്ട് അതിനെ ക്ലോണിങ്ങ് പരിപാടി പഠിപ്പിക്കും.വേണേല്‍ ചക്ക വേരിലും കായ്ക്കും.
കമ്പ്യൂട്ടറില്‍ മലയാളം എഴുതാന്‍ ഏതു സങ്കേതം ഉപയോഗിക്കുന്നു? (ചോദ്യം സംഭാവന ചെയ്തതു: അനില്‍_ANIL)	കമ്പ്യൂട്ടറില്‍ എഴുതാന്‍ സ്കെച് പെന്‍ ഉപയോഗിക്കും. അത് സ്ക്രീനിന്റെ ഭാഗത്തേക്ക് പടരാതിരിക്കാന്‍ പ്രത്യേകം ശ്രദ്ധിക്കും.
നിങ്ങൾ എപ്പോഴാണു് computer ഉപയോഗിച്ചു തുടങ്ങിയതു്?	ചോദ്യം കാലസംബന്ധിയല്ലാത്തതിനാല്‍ ഉത്തരമെങ്ങനെ പറയണമെന്നറിയില്ല. ആദ്യമായി എപ്പോഴാണ്.... എന്നായിരുന്നുവെങ്കില്‍ ,സത്യം... ഓര്‍മ്മയില്ല.
താങ്കളെ വീണ്ടും അഞ്ചുവര്‍ഷത്തേക്ക് കോളേജ് ജീവിതത്തിലേക്ക് തിരികെ വിടുന്നു എന്നു സങ്കല്‍പ്പിക്കുക. ഏതുവിഷയം തെരഞ്ഞെടുക്കും? എന്തുകൊണ്ട്?	എന്തായാലും ഒരു ബിരുദവും തൊഴിലും കയ്യില്‍ ഭദ്രമായുള്ളതുകൊണ്ട് അഞ്ചുകൊല്ലം തകര്‍ത്ത് അര്‍മ്മാദിക്കും. വിഷയം.. അതിലങ്ങുലയിക്കും. എന്തുകൊണ്ടെന്നു ചോദിച്ചാല്‍ അതുപിന്നെ കൈപ്പള്ളീ... ആയകാലത്ത് അതൊന്നും അത്രക്കങ്ങട് പറ്റീര്‍ന്നില്ല്യാന്നു കൂട്ടിക്കോളൂ.അന്ന് പഠിക്കണം,മര്യാദക്ക് ബസില്‍ കയറി സര്‍ക്കാരുവണ്ടിയാണേല്‍ മുന്നിലും സ്വകാര്യബസാണേല്‍ പിന്നിലും(ആരുടെ മുന്നില്‍ ആരുടെ പിന്നില്‍ എന്നൊന്നും ചോദിക്കരുത് .)നിന്ന് വീട്ടില്‍പ്പോയിരുന്നതുകൊണ്ട്. ഇടക്കിടക്ക് ആ നഷ്ടബോധം ഉപബോധമനസ്സില്‍ക്കിടന്ന് കുത്തിത്തിരിപ്പുണ്ടാക്കുന്നതിന് ഒരു സമദാനിയാവും. :)
ഇഷ്ടപ്പെട്ട ഭക്ഷണം ഏതാണു്? എന്തുകൊണ്ടു്? സ്വന്തമായി പാകം ചെയ്യാൻ അറിയാമോ?	സ്വന്തം കയ്യിലിരിപ്പുകൊണ്ടല്ലാതെ പട്ടിണികിടക്കേണ്ടിവന്നിട്ടുള്ളവര്‍ക്കറിയാം ഒരു കഷണം റൊട്ടിയുടെ രുചി. സ്വന്തമായി പാചകം ചെയ്യും.
ഇഷ്ടപ്പെട്ട വാഹനം ഏതാണു് ? (philosophy പറഞ്ഞു ഓവറാക്കണ്ട)	സൈക്കിള്‍
ബ്ലോഗിൽ കാണുന്ന പാചക കുറിപ്പുകൾ പരീക്ഷിച്ച് നോക്കിയിട്ടുണ്ടോ? അതിനു് ഇരയാവരുടേ അഭിപ്രായം എന്തായിരുന്നു.	പലതും കോപ്പിയടിച്ചതോ വിവര്‍ത്തനമോ പുനരവര്‍ത്തനമോ ഒക്കെയാണെന്നുതോന്നിയിട്ടുണ്ട്.
മലയാള സിനിമയിൽ നിങ്ങളുടെ സ്വഭാവവുമായി സാമ്യമുള്ള കഥാപാത്രം ഏതാണു്	ഏതൊക്കെയോ ഉണ്ട്.ഒന്നും ഓര്‍മ്മവരുന്നില്ല.ഇംഗ്ലീഷ് സിനിമകളിലും ചില ഇംഗ്ലീഷ് നോവലുകളിലും ഉണ്ട്.ഇതൊക്കെ നോക്കാന്‍ നമുക്കെവിടേടേ അപ്പീ സമയങ്ങള്?
ജിവിതം മൊത്തം കേരളത്തിൽ ജിവിച്ചിട്ട് രണ്ടു മാസം അമേരിക്കയിൽ ചുറ്റിതിരിഞ്ഞിട്ടു് തിരികെ നാട്ടിൽ വന്ന ശേഷം "മലയാലം കൊരച് കൊരച് പരയുന്ന"വരെ കണ്ടാൽ എന്തു ചെയ്യും?	കഴിഞ്ഞ തവണ അമേരിക്കയില്‍ വച്ച് കണ്ടപ്പോള്‍ “എന്റെ പൊന്നമ്മച്ചീ എന്റെ കയ്യൊടിഞ്ഞേ” എന്ന് നിലവിളിച്ചത് താനല്ലേന്നു ചോദിക്കും.
നിങ്ങളുടെ തൊഴിൽ മേഖല ഏത് ഗണത്തിൽ പെടും. ഉല്പാദനം കച്ചവടം ജന സേവനം വിനിമയം വിദ്യാഭ്യാസം	ഉല്പാദനത്തില്‍പ്പെടുത്താം.
ഇന്നു നമ്മുടെ നഗരങ്ങളിൽ യുവാക്കൾ നേരിടുന്ന ഏറ്റവും വലിയ പ്രശ്നം എന്താണു്?	എങ്ങനെ ബ്ലോഗെഴുതണം എന്നതിനെക്കുറിച്ച് ആഴ്ചയിലൊരിക്കലെങ്കിലും അക്കാദമി ക്ലാസുകള്‍ ഇല്ലാതിരിക്കുന്നത് ഗ്രാമ-നഗര വ്യത്യാസമില്ലാതെ യുവാക്കളെ ഒന്നടങ്കം ധര്‍മസങ്കടത്തിലാക്കുന്നുണ്ട്.
മലയാള ഭാഷ വളരുകയാണോ, രൂപാന്തരപ്പെടുകയാണോ, വഷളാവുകയാണോ?	ബെര്‍ളിച്ചായന്‍ എഴുതുമ്പോള്‍ അമേരിക്കയിലും യൂറോപ്പിലും അന്റാര്‍ട്ടിക്കയിലുമുള്ള മലയാളി ആരാധികമാര്‍ പെരിങ്ങോടന്റെ കീമാന്‍ വച്ച് മലയാളം പഠിക്കുന്നതിലൂടെ മലയാളം വളര്‍ന്ന് പടര്‍ന്ന് പന്തലിച്ച് പണ്ടാരടങ്ങും. കൈപ്പള്ളി എഴുതുമ്പോള്‍ മലയാളം രൂപാന്തരപ്പെടുകയാണ്. ചിത്രകാരന്‍ എഴുതുമ്പോള്‍ മലയാളം വഷളാവുകയാണ്.
കൈക്കൂലിയും അഴിമതിയും തടയണം എന്നു പ്രസംഗിക്കുന്ന പ്രവാസി മലയാളി എന്തുകൊണ്ടാണു് കേരളത്തിൽ കാലുകുത്തുമ്പോൾ ആ പ്രസംഗങ്ങൾ മറന്നുപോകുന്നതു്? എന്തുകൊണ്ടാണു്, വില്ലേജ് ആപ്പിസിലും, പഞ്ചായത്തിലും അവർ കൈക്കൂലി കൊടുക്കാൻ മുൻ നിരയിൽ നില്ക്കുന്നതു്?	പ്രവാസി എന്ന വാക്ക് പൊതുവേ ഗള്‍ഫ് മേഖലയിലെ ഇന്ത്യാക്കാരെ തരംതാഴ്ത്താനായി മാധ്യമങ്ങള്‍ സാമാന്യവല്‍കരിച്ച ഒന്നാണ്.അമേരിക്കയില്‍ അല്പം കൂടി അന്തസുള്ള ‘വിദേശമലയാളി’ എന്ന വാക്കാണ് പ്രചാരത്തിലുള്ളത്.നാനാത്വത്തില്‍ ഏകത്വം വിവരിച്ച് ഞെളിയുന്ന അഭിമാനിയായ മലയാളി തൊട്ടടുത്ത തമിഴ്നാട്ടിലെത്തിയാലുടന്‍ പ്രവാസി ലേബലണിയുന്നു. ഇങ്ങനെ അല്പം മാറിനില്‍ക്കുമ്പോഴാണ് “എന്റീശോയേ.. എന്നാ അലുമ്പായീ കേരളം” എന്ന വിമര്‍ശനാത്മകമായ തിരിച്ചറിയല്‍. വിസക്കോ ജോലിക്കോ എന്തിന് നാടുവിടാനുള്ള ടിക്കറ്റിനോ സെക്കന്റ് പാസ്‌പോര്‍ട്ടിനോ പോലുമൊക്കെ കൈക്കൂലികൊടുത്തിട്ട് നാടുവിട്ട കശ്മലന്‍ ഉത്തരവാദിത്തവും ആത്മബോധവുമുള്ള തിരുത്തല്‍‌വാദിയായ തനിമലയാളിയാകുന്നു. ഇപ്പറഞ്ഞ അസംഖ്യം പ്രവാസികളില്‍ ഒരുത്തനും അവനവന്റെ കാര്യസാധ്യത്തിന്,കൈക്കൂലികൊടുക്കില്ലെന്ന് ശഠിക്കുന്നവരല്ല. വില്ലേജാപ്പീസിലും പഞ്ചായത്തിലും അവരല്പം നേരത്തേയെത്തിയതുകൊണ്ട് മുന്‍‌നിരയില്‍ നില്‍ക്കേണ്ടിവന്നു എന്നുവേണം കരുതാന്‍. ആണ്ടിലൊരിക്കല്‍ കിട്ടുന്ന ഒരുമാസത്തെ അവധിക്കുള്ളില്‍ എന്തെല്ലാം പേപ്പറുകള്‍ ശരിയാക്കാനുള്ളതാണയാള്‍ക്ക്? പാവം! വാലിനുതീപിടിച്ചുകഴിഞ്ഞാല്‍ പണ്ടുപ്രസംഗിച്ചതൊക്കെമറക്കും.
മനുഷ്യവാസമില്ലാത്ത ഒരു ദ്വീപിലേക്ക് നിങ്ങളെ ജീവപര്യന്തം നാടുകടത്തപ്പെടാൻ പോവുകയാണെന്നു സങ്കല്പ്പിക്കുക. നിങ്ങൾക്ക് വായിക്കാൻ രണ്ടു പുസ്തകങ്ങൾ കൂടെ കൊണ്ടുപോകാൻ അനുവദിക്കുന്നു. ഏതു് പുസ്തകങ്ങൾ കൊണ്ടുപോകും?	പ്രിയ ഉണ്ണികൃഷ്ണന്റെ ‘പ്രയാണം’,കാപ്പിലാന്റെ ‘നിഴല്‍ ചിത്രങ്ങള്‍’ രണ്ടും ഇതുവരെ കയ്യില്‍ കിട്ടിയിട്ടില്ല.പ്രിയാ ഉണ്ണികൃഷ്ണന്റെ കവിതകള്‍ അമേരിക്കയിലെ ചില സ്കൂളുകളില്‍ പാഠ്യവിഷയമായി പ്രഖ്യാപിക്കാനുള്ള സാധ്യതകള്‍ സായിപ്പന്മാര്‍ തള്ളിക്കളയുന്നില്ല. ഈ രഹസ്യം മണത്തറിഞ്ഞ് അസംഖ്യം ആരാധകര്‍ കെട്ടുകണക്കിന് ഈ സാധനം വാങ്ങി ഗോഡൌണില്‍ വച്ചിരിക്കുന്നുവെന്നാണ് കേള്‍‌വി.പോകാറാവുമ്പോഴേക്ക് പ്രിയയുടെ കയ്യൊപ്പിട്ട ഒരു കാപ്പി കിട്ടിയാല്‍ നന്നായിരുന്നു. കാപ്പിലാന്റെ പുസ്തകം(നിഴല്‍ ചിത്രങ്ങള്‍) അപ്പോഴേക്കും പുറത്തിറങ്ങിയില്ലെങ്കില്‍ പുസ്തകത്തിന്റെ ഒരു നിഴല്‍ ഞാന്‍ കൂടെക്കൊണ്ടുപോകും.
ഒരു ഗ്രാമത്തിൽ ഒരു വിഗ്രഹം കണ്ടെടുത്തു. രണ്ടാം നാൾ ആ വിഗ്രഹത്തിന്റെ വായിൽ (അടുത്തുള്ള ഒരു വിട്ടിൽ വാറ്റിയ) പട്ടചാരായം വെച്ചു കൊടുത്താൽ, ആ വിഗ്രഹം കുടിക്കുന്നതായ മഹ അത്ഭുതം നിങ്ങൾ അറിയുന്നു. പത്രങ്ങൾ ആ വാർത്ത front page ആക്കുന്നു. ജനങ്ങൾ ആ വീട്ടിലേക്ക് തടിച്ചു കൂടുന്നു. നിങ്ങൾ എന്തു ചെയ്യും. ഉടൻ ആ വിട്ടിൽ പോയി നാലു കുപ്പി വിശുദ്ധ പട്ടചാരായം വാങ്ങി വിഗ്രഹത്തിനു് കൊടുക്കാനായി queue നിൽക്കുന്നു. ഇന്ത്യൻ constitution അനുസരിച്ചുള്ള secularism ഉയർത്തിപ്പിടിക്കാനും, വിശ്വാസികളുടെ സ്വാതന്ത്ര്യം അനുവതിച്ചുകൊടുക്കാനുമായി ആ വിട്ടിൽ വിശുദ്ധ പട്ടചാരായം വാറ്റാനുള്ള അവകാശത്തിനു വേണ്ടി, ഇന്ത്യൻ constitution ബഹുമാനിക്കുന്ന ഒരു ഭാരതീയൻ എന്ന നിലയിൽ നിങ്ങൾ പ്രവർത്തിക്കുന്നു. നാലു കന്നാസ് വിശുദ്ധ പട്ടചാരായം വാങ്ങി ഒരു 100ml വിഗ്രഹത്തിനു കൊടുക്കും. ഒരു കന്നാസ് സ്വന്തം വിട്ടിൽ കൊണ്ടു പോകും, ബാക്കി blackൽ വില്കും. ആ വീട്ടിലേക്ക് വിശുദ്ധ പട്ടചാരായം supply ചെയ്യാനായി തൊട്ടടുത്ത് ഒരു distillery തുടങ്ങും. ഇതൊരു തട്ടിപ്പാണെന്നു നിങ്ങൾ വിശ്വസിക്കുന്നു. വിശ്വാസികളായ നാട്ടുകാരുടേ അടി പേടിച്ച്, ഒന്നും ചെയ്യില്ല ഇതൊരു തട്ടിപ്പാണെന്നു നിങ്ങൾ വിശ്വസിക്കുന്നു. പത്രത്തിൽ ഇതേകുറിച്ച് എഴുതും.	ഞാന്‍ സാഹചര്യത്തിനുപറ്റിയ കുറേ പാട്ടുകളും ഭജനകളും ഡിവിഡിയാക്കിയിറക്കും.റിമി ടോമിയെക്കൊണ്ട് പാടിക്കും.പ്രകാശനം അയ്യപ്പ ബൈജു. സാമ്പിള്‍ ഗാനം: ജയ ജയ ഹോ ദേവാ... പട്ടയടിക്കാരാ... നിന്തിരുവടികളിലുണ്ടൊരുവടിയായ് അടിയനിരിക്കുന്നു...ജയ ജയ ഹോ ദേവാ.. ഒരു നറുവാറ്റിനു ഗതിയില്ലാത്തോ- നടിയനിരിക്കുന്നൂ...കാത്തിടുനീ സതതം. ജയ ജയ ഹോ ദേവാ... പട്ടാധീശരനേ.. നിന്നെയിതിങ്ങനെകണ്ടോണ്ടടിയന്‍ സ്മാളുകഴിക്കട്ടേ...ജയ ജയ ഹോ ദേവാ.. ചെറു നാരങ്ങയതച്ചാറാക്കിയടച്ചിങ്ങ്സ് നേര്‍ന്നീടാം...വാളതുവക്കരുതേ.. ഇതുകൂടാതെ “പട്ടയപ്പന്‍ ഈ ഷാപ്പിന്റെ നാഥന്‍” റ്റൈപ്പിലുള്ള കുറേ സ്റ്റിക്കറുമിറക്കും.
കേരളത്തിൽ ഇപ്പോൾ ടിവി. പ്രേക്ഷരുടെ ഹരമായ റിയാലിറ്റി ഷോ എന്നറിയപ്പെടുന്ന അനേകം മത്സര പരമ്പരകളുണ്ടു്. താങ്കൾക്ക് ഒരു സാമാന്യം ഭേദപ്പെട്ട ഗായിക/ഗായകൻ ആണെന്നു സങ്കൽപ്പിക്കുക. താങ്കൾ ഈ മത്സരങ്ങളിൽ പങ്കെടുക്കുമോ? എന്തുകൊണ്ടു?	കൈപ്പള്ളീ.. എന്തായാലും ഞാനൊരു ഗായിക/ഗായകന്‍ എന്നു സങ്കല്‍പ്പിക്കണമല്ലോ? അപ്പോ എന്തിന് ‘ഭേദപ്പെട്ട’ എന്ന റേഞ്ചുപിടിക്കുന്നു? ‘മികച്ച’ എന്ന് തിരുത്തി സങ്കല്‍പ്പിക്കും. എന്നിട്ട് മത്സരത്തിലെല്ലാം പങ്കെടുക്കുന്നതായും വെച്ചടി വെച്ചടി കയറിക്കയറി ഒരു മില്ല്യണാ‍യിരം എസ്.എം.എസ്സോടെ കൊച്ചിയില്‍ ഒരു ഒന്നരക്കോടിയുടെ ഫ്ലാറ്റ് നേടുന്നതായിട്ട് സങ്കല്പിക്കും. സങ്കല്പിക്കാന്‍ ആര്‍ക്കും കപ്പം കൊടുക്കണ്ടല്ലണ്ണാ? യേത്?
നിങ്ങളുടേ മുന്നിൽ മൂന്നു buttonകളു ഉണ്ട്. അമർത്തിയാൽ ഈ ലോകത്തിലുള്ള ഏകാധിപതികൾ എല്ലാം നിന്ന നിൽപ്പിൽ തന്നെ ചത്തു് വീഴും. അമർത്തിയാൽ മലയാള മനോരമ പത്രം ഒറ്റ് രാത്രികൊണ്ടു Unicodeലേക്ക് മാറും. അമർത്തിയാൽ (ഇടിവാളിന്റെ ആഗ്രഹം സഫലമാകും) ബ്ലോഗിൽ ഉള്ള ഓർമ്മ കുറിപ്പിസ്റ്റുകൾക്കെല്ലാം "Amoniasia" വന്നു് എല്ലാം മറന്നു പോകും. ഇതിൽ ഒന്നുമാത്രമെ അമർത്താൻ കഴിയുകയുള്ളു. നിങ്ങൾ ഏതമർത്തും.? എന്തുകൊണ്ടു?"	ഈ മൂന്നുചോദ്യത്തിലും വ്യാപരിക്കുന്ന പൊതുവായ സംഗതി കൈപ്പള്ളിക്ക് വ്യക്തിപരമായി ഇവയോടുള്ള വിരോധമാകയാല്‍ ഞാന്‍ എനിക്കുപറ്റുന്ന വേറേ മൂന്നു ബട്ടണുകള്‍ കണ്ടുപിടിക്കും. 1.അമര്‍ത്തിയാല്‍ സകല ആശ്രമങ്ങളിലും പാതിരാത്രിയില്‍ അപ്രതീക്ഷിതമായി ലൈറ്റുവീഴും. 2.അമര്‍ത്തിയാല്‍ ദേശാഭിമാനി പത്രം സത്യങ്ങള്‍ വളച്ചൊടിക്കുന്നത് നിര്‍ത്തും(ചിലപ്പോള്‍ പത്രം തന്നെ അങ്ങനെയാണെങ്കില്‍ നിന്നുപോയേക്കും) 3.അമര്‍ത്തിയാല്‍ ബൂലോക കവിശ്രേഷ്ടന്മാര്‍ പരസ്പരം പുകഴ്‌ത്തുന്നത് നിര്‍ത്തും.(പലരുടേയും കമന്റുബോക്സ് ശൂന്യമാകും)
ഇവരിൽ താങ്കൾക്ക് ആരെയാണു് കൂടുതൽ ബഹുമാനം: K. കരുണാകരൻ, EMS, AKG, സി.എച്ച്. മുഹമ്മദ്കോയ, മന്നത്ത് പത്മനാഭൻ, പാണക്കാട് സയ്യിദ് മുഹമ്മദലി ഷിഹാബ് തങ്ങൾ. Dr. പല്പ്പു. വെള്ളാപ്പള്ളി നടേശൻ	അല്ലാ? ഇതില്‍ എന്റെ പേരെവിടേ?
ഏറ്റവും ഭാഗ്യവാനായ മനുഷ്യന്‍ ആരാണ്?	എന്റെ അച്ഛന്‍. ആനന്ദലബ്ധിക്കിനിയെന്തുവേണം!
സ്ത്രീധന സമ്പ്രദായം: എന്താണു് നിങ്ങളുടെ അഭിപ്രായം? സ്വന്തം ജീവിതത്തിൽ എന്തായിരുന്നു അനുഭവം?	വളരേ നല്ലതാണ്. കാശില്ലാത്ത ഒരുത്തനേയും കെട്ടാനോ ലൈനടിക്കാനോ ഇക്കാലത്ത് പെമ്പിള്ളാരൊന്നും തയ്യാറല്ല;കെട്ടിക്കാന്‍ അപ്പന്മാരും. ചെറുക്കന്റെ അപ്പന്റെ സമ്പാദ്യവും അവന്റെ ശമ്പളവും അളന്ന് മകളെ കെട്ടിക്കണമെന്നുണ്ടെങ്കില്‍ അതുപോലെ അളന്നുകൊടുക്കേണ്ടിവരുമണ്ണാ. ഒറ്റത്തവണയേ കെട്ടൂ എന്നു വാശിയുള്ളവര്‍ അതുകണക്കാക്കി വാങ്ങണം. അനുഭവിക്കാനിരിക്കുന്നതേയുള്ളൂ!
നിങ്ങളെ അടുത്തറിഞ്ഞ സുഹൃത്തുക്കൾ എങ്ങനെ കരുതുന്നു. ഒരു പാവം കൊച്ചു ഗള്ളൻ പുലി പാമ്പ് തമാശക്കാാാാാാാരൻ തണ്ണിച്ചായൻ കുൾസ് പൊടിയൻ തടിയൻ ഇതിൽ പെടാത്ത ഏതെങ്കിലും പേരുണ്ടെങ്കിൽ അതും എഴുതാം.	ക്രൂരന്‍/തല്ലുകൊള്ളി (എന്തോ എന്നെ ഇഷ്ടമാണ് എല്ലാവര്‍ക്കും.കുറച്ചുകാലം മുമ്പുവരെ എനിക്കു ഫയങ്കര ഗ്ലാമറായിരുന്നു-മോഹനന്‍‌ലാല്‍ ചിത്രം: വിശ്വപ്രഭു)
ബ്ലോഗിൽ പോട്ടങ്ങൾ പിടിക്കുന്ന ഏതെങ്കിലും അണ്ണന്റെ ഫോട്ടോ നിരൂപണങ്ങൾ കേട്ട ശേഷം അദ്ദേഹത്തിന്റെ തലയിൽ കാമറ തല്ലി പോട്ടിക്കാൻ തോന്നിയിട്ടുണ്ടോ? (തല്ലിപ്പോട്ടിക്കാൻ ഉദ്ദേശിച്ച camera, lense, എന്നീ വിവരങ്ങൾ കൂടി വിശതീകരിക്കുക)	ചില ചിത്രങ്ങള്‍ കണ്ട് ശരിക്കും തല്ലിയിട്ടുണ്ട്.
നിങ്ങൾ പ്രധാന മന്ത്രിയാകുന്നു. എന്തു ചെയ്യും?	സത്യപ്രതിജ്ഞചെയ്ത് അധികാരമേല്‍ക്കും.
നിങ്ങൾക്ക് മൂന്നു വരം കിട്ടുന്നു എന്തെല്ലാം അവശ്യപ്പെടും? (കൂടുതൽ വരം കുട്ടാനുള്ള വരം ഇപ്പോൾ stockൽ ഇല്ല. അതു ചോദിച്ച് ചളമാക്കരുതു്)	1.ഇഞ്ചിപ്പെണ്ണിനേയും അനോണി ആന്റണിയേയും നേരിട്ടുകാണാനുള്ള വരം. 2.മലയാള മനോരമയിലെ ജീവനക്കാര്‍ക്ക് ബ്ലോഗെഴുതാനുള്ള അനുവാദം കിട്ടാതിരിക്കാനുള്ള വരം. 3.കാപ്പിലാന്റെ ബ്ലോഗുകളില്‍ ഡെയ്ലി 5000 പേരെങ്കിലും ചുമ്മാ വിസിറ്റുചെയ്യുന്നത് കാണാനുള്ള വരം.
സാമ്പത്തിക മാന്ദ്യം നേരിടാൻ നിങ്ങൾ എന്തുചെയ്യുന്നു?	കള്ളനോട്ടടിക്കും. ഡോളര്‍.. നല്ല പച്ച ഡോളര്‍.
1 Billion US$ നിങ്ങൾക്ക് ലഭിക്കുന്നു എന്തു ചെയ്യു?	രണ്ടുകയ്യും നീട്ടിയതങ്ങാ മേടിക്കും.
പ്രാവാസ ജീവിതത്തിൽ എന്തെങ്കിലും നഷടമായിട്ടുണ്ടോ?	സ്വയം ഒരു പ്രവാസിയായി അനുഭവപ്പെട്ടിട്ടില്ല.മനോബലം കൊണ്ട്.
രാഷ്ട്രീയക്കാരെ ഇഷ്ടമാണൊ? ഈ ഇലക്ഷന്‍ കാലത്ത് താങ്കള്‍ നാട്ടിലുണ്ടെന്നും ഒരു സ്ഥാനാര്‍ത്ഥി വോട്ട് ചോദിച്ച് വീട്ടില്‍ വരുന്നുവെന്നും കരുതുക.എന്തു പറയും?	എനിക്ക് രാഷ്ട്രീയക്കാര്‍ നായകന്മാരാകുന്ന കാര്‍ട്ടൂണ്‍ വരകള്‍ ഇഷ്ടമാണ്. അകത്തേക്കുനോക്കി ഉറക്കെ വിളിച്ചുപറയും:“അമ്മേ.. ദേ ഒരു ഭിക്ഷക്കാരന്‍!”
Nostalgia-mania-dingolapi എന്ന അതിഭീകരവും ഭയാനകവുമായ രോഗം ബാദിച്ച മലയാളി ചേട്ടന്മാരെ എങ്ങനെ ചികിത്സിക്കും? ഇവരെ ബീമ പള്ളിയിൽ കൊണ്ടുപോയി ചങ്ങലക്കിടുന്നതിനെ കുറിച്ച് എന്താണു് അഭിപ്രായം.	വളരേ നല്ല അഭിപ്രായമാണ്. പക്ഷേ... അങ്ങനെവന്നാല്‍ ഈ ഗോമ്പറ്റീഷന്‍ പാവം അഞ്ചല്‍ക്കാരന്‍ ഒറ്റക്കുനടത്തേണ്ടിവരുമല്ലോന്നൊരു വിഷമം.അത്രേള്ളൂ.
നിങ്ങൾ ഇപ്പോൾ ഇരിക്കുന്ന സ്ഥലത്തുള്ള ജനാലയിൽ നിന്നും പുറത്തേക്ക് നോക്കുക. അവിടെ കാണുന്ന ദൃശ്യം 100 വാക്കിൽ കുറയാതെ വിവരിക്കുക.	ഒന്നും കാണുന്നില്ല;സെണ്ട്രല്‍ ഏ.സി.ആയതുകാരണം കമ്പ്ലീറ്റ് ജനലുകളും മുള്ളാണിക്കുപകരം മുളയാണിവച്ച് ക്ലോസിയിരിക്കുന്നു.
ബ്ലോഗിൽ അവസാനമായ എഴുതിയ post എന്തിനെഴുതി? ഇനിയും എഴുതുമോ?	ആ പോസ്റ്റ് ഇപ്പോ ഒന്നുകൂടിവായിച്ചിട്ട് ഈ ചോദ്യം മനസ്സിലിട്ടുരുട്ടിനോക്കി. എനിക്ക് ചിരിവരുന്നു... ഈശ്വരാ ,ഞാന്‍ എന്തിനെഴുതി? ഇനിയും എഴുതണോ?
ബ്ലോഗിൽ അവസാനമായി വായിച്ച ലേഖനം ഏതാണു്?	വെള്ളെഴുത്തിന്റെ തെരെഞ്ഞെടുപ്പുകള്‍ സാരിയുടുക്കേണ്ടതുണ്ടോ ?
ബ്ലോഗിൽ അവസാനമായി വായിച്ച അതുന്താധുനിക കവിത വായിച്ച ശേഷം നിങ്ങൾ എന്തു ചെയ്തു? കരഞ്ഞു. ചിരിച്ചോ. തലകറങ്ങി നിലത്തു വീണു്. എഴുതിയവനെ ഫോണിൽ വിളിച്ചു തെറി പറഞ്ഞു. മുകളിൽ പറഞ്ഞ എല്ലാം സംഭവിച്ചു് എന്നു് ഭ്രാന്താശുപത്രിയിൽ എത്തിയപ്പോൾ സുഹൃത്തുക്കൾ പറഞ്ഞു.	കവികളെ,പ്രത്യേകിച്ചും ആധുനിക കവികളെ കളിയാക്കുന്നത് പണ്ടേ എനിക്കിഷ്ടമല്ല.
കവിതകൾ വൃതത്തിൽ എഴുതണം എന്നു പറയുന്നതിനേക്കുറിച്ച് എന്താണു് അഭിപ്രായം.	ദയവായി കൈപ്പള്ളിയും കൂടി കവിതയെഴുതരുത്. അങ്ങനെവന്നാല്‍ അത് മലയാളഭാഷക്ക് ഒരു തീരാനഷ്ടമായിരിക്കും. പല കടുത്ത നിരൂപകന്മാരും(സിനിമയാകട്ടെ/സാഹിത്യമാകട്ടെ) സ്വന്തം സൃഷ്ടിയോടെ ഒതുങ്ങും.
ഒരു hotelൽ രണ്ടു blog meet നടക്കുന്നു. അതിൽ ഒരു barൽ ബ്ലോഗ് കവികളും വേറൊരു barൽ ബ്ലോഗ് ഓർമ്മക്കുറുപ്പ്istകളും ഉണ്ടു്. നിങ്ങൾ ഏതു barൽ കയറും.	ഞാന്‍ മൂന്നാമത്തെ ബാറില്‍ കമന്റടി അസോസിയേഷന്റെ മീറ്റ് സംഘടിപ്പിക്കും.അതാവുമ്പോ പരിപാടികഴിയുമ്പോ ലവന്മാര്‍ രണ്ടാളും ചേര്‍ന്ന് മത്സരിച്ച് ബില്ലടച്ചോളും.
നിങ്ങൾ കൈപ്പള്ളിയെ കണ്ടു മുട്ടുന്നു. എന്തു ചോദിക്കും? (കാശു്, sandwich, വാച്ച്, മോതിരം, ഫോൺ, ചെരുപ്പ് മുതലായവ ചോദിക്കരുതു്)	എനിക്ക് അതോര്‍ക്കാന്‍ തന്നെ പേടിയാവുന്നു. എങ്കിലും ഒരു ചെറുപുഞ്ചിരിമുഖത്തുവരുത്തിക്കൊണ്ട് ഞാന്‍ ചോദിക്കും:“ആധുനിക കവികള്‍ നിങ്ങളോടെന്തു തെറ്റുചെയ്തു?!”
താമരകുളം ഷിബു എന്താണു നിങ്ങൾക്ക് സംഭാവന ചെയ്തതു്.	അയാള്‍ എന്തെങ്കിലുമാണെന്ന് ആരാണ് അഹങ്കരിക്കുന്നത് എന്ന് മറുചോദ്യം.
ഒരു International blog meet വിളിച്ചു കൂട്ടുന്നു. അതിനായി കാര്യപരിപാടികൾ അവതരിപ്പിക്കാൻ ആരെയെല്ലാം ഉൾപെടുത്തും? എന്തെല്ലാം പരിപാടികൾ ഉണ്ടായിരിക്കും?	ഇത്തരം കാര്യങ്ങളില്‍ തലയിടാറില്ല;കഴിവതും പങ്കെടുക്കാതെ ഒഴിഞ്ഞുനില്‍ക്കും. നിര്‍ബന്ധിച്ചാല്‍....
ബ്ലോഗിൽ ആരംഭിക്കുന്ന സൌഹൃദങ്ങളെ താങ്കൾ എങ്ങനെ കാണുന്നു? (കണ്ണു കൊണ്ടു കാണുന്നു എന്നു പറയരുത്, ബാക്കി എല്ലാവരും മൂക്കു കൊണ്ടാണോ കാണുന്നതു്?)	അവനവനാത്മസുഖത്തിനാചരിക്കുന്നവ- യപരന്നുസുഖത്തിനായ് വരേണം.
ബോബനും മോളിയും ഹാരിപ്പോര്‍ട്ടറെ കണ്ടുമുട്ടിയാല്‍ എന്തൊക്കെയായിരിക്കും ചോദിക്കുക? (ചോദ്യം സംഭാവന ചെയതതു: അപ്പു)	അങ്ങനെ ഞാന്‍ ഈ ചോദ്യത്തിന്റെ ഉത്തരം പറയുന്ന ശൈലിനോക്കി അപ്പു എന്നെ കണ്ടുപിടിക്കണ്ട. ഐഡിയാ കൊള്ളാം.
ഈ ലോൿ സഭ തെറഞ്ഞെടുപ്പിൽ നിങ്ങൾ ഏറ്റവും ശ്രദ്ധിക്കുന്ന മത്സരാർത്ഥി ആരാണു്. എന്തുകൊണ്ടു? മത്സരത്തിൽ തിരഞ്ഞെടുക്കപ്പെട്ടാൽ എന്തായിരിക്കും അദ്ദേഹം നടപ്പിൽ വരുത്തുന്നതു്?	കെ.മുരളീധരന്‍ സ്വയം ഞെട്ടി,ബോധംകെട്ട് അദ്ദേഹം ആശുപത്രിയിലാവും.
കേരളത്തിലായിരിക്കുമ്പോള്‍ മലയാളികള്‍ വൈറ്റ് കോളര്‍ ജോലിയും, കേരളത്തിനു വെളിയില്‍ സാഹചര്യം പോലെ എന്തുജോലിയും ചെയ്യുവാന്‍ തയ്യാറാവുന്നത് എന്തുകൊണ്ടായിരിക്കും? (ചോദ്യം സംഭാവന ചെയതതു: അപ്പു)	ഇതിനര്‍ത്ഥം കേരളത്തില്‍ പാല്‍ കറക്കുന്നതും റബ്ബര്‍ വെട്ടുന്നതും ബീഡി തെറുക്കുന്നതും കള്ളുചെത്തുന്നതും ഇംഗ്ലീഷുകാരാണെന്നാണോ?
എന്തുകൊണ്ടാണു് അച്ചടി മാദ്ധ്യമങ്ങൾ online media പൂർണ്ണമായും സ്വീകരിക്കാത്തതു്?	പേപ്പര്‍,മഷി കമ്പനികളുമായുള്ള കമ്മീഷന്‍ ബന്ധം നിലക്കാതിരിക്കാന്‍.
കേരളത്തിൽ internet infrastructure development, വിദ്ധ്യാഭാസ പത്ഥതികൾ വികസിപ്പിക്കാനുള്ള ഒരു പ്രധാന ഘടകമായി കണക്കാക്കുന്നതിനോടു് എന്താണു് അഭിപ്രായം?	ബ്ലോഗര്‍ പ്രൊഫൈലുണ്ടാക്കുമ്പോള്‍ ഒടുവില്‍ ബ്ലോഗര്‍ ചോദിക്കുന്ന ചില അളിഞ്ഞചോദ്യങ്ങളെ ഓര്‍മ്മിപ്പിക്കുന്നു... കാരണം എനിക്കൊന്നുമ്മനസ്സിലായില്ല.
മലയാളം ബ്ലോഗ് ഒരു പ്രമുഖ മാധ്യമമായി വളരാന്‍ ഇന്നുള്ള ബ്ലോഗേഴ്സ് എന്താണ് ചെയ്യേണ്ടത്? (ചോദ്യം സംഭാവന ചെയതതു: വല്ല്യമ്മായി)	ഇപ്പോഴുള്ള രീതിയിലൊക്കെ എഴുതുന്നതു നിര്‍ത്തി എല്ലാം മനോരമക്കും മാതൃഭൂമിക്കും ദേശാഭിമാനിക്കും അടിയറവക്കണം.
ഈ പറയുന്ന എഴുത്തുകാരിൽ നിങ്ങളെ സ്വാധീനിച്ച എഴുത്തുകാരൻ/കാരി ആരാണു്: മാധവികുട്ടി, എം. മുകുന്ദൻ, സാറ ജോസഫ്, സക്കറിയ, ഓ.വി. വിജയൻ, ബഷീർ, ആനന്ദ്, വി.കെ.എൻ, തകഴി, എം.ടി വാസുദേവൻ നായർ, പെരുമ്പടവം, വിശാലമനസ്ക്കൻ, കുറുമാൻ, ഓ.എൻ.വീ കുറുപ്പ്, കുമാരനാശാൻ.	ആരെയും നേരിട്ടറിയില്ല;സ്വാധീനിച്ചിട്ടുമില്ല.
നിങ്ങൾ Dinnerനു് ഈ പട്ടികയിൽ കൊടുത്തിരിക്കുന്ന രണ്ടു പേരിൽ ആരെ ക്ഷനിക്കും? അവർക്ക് എന്തു ഭക്ഷണം കൊടുക്കും? അവരോടു എന്തെല്ലാം ചോദിക്കും? പമ്മന് (ആര്. പി. മേനോന്) കെ. ജെ. യേശുദാസ് കാട്ടുകള്ളൻ വീരപ്പൻ മാമുക്കോയ കൊച്ചുത്രേസ്യ അടൂർ ഭാസി പ്രശസ്ത കവി താമരകുളം ഷിബു കുറുമാൻ കലാഭവൻ മണി സ്റ്റീവ് മൿ-കറി ഭഷീർ സില്ൿ സ്മിത Arundhati Roy Idea Star ശരത് R.K. Lakshman (cartoonist) ഇഞ്ചിപ്പെണ്ണു് മോഹൻ ലാൽ വള്ളത്തോൾ കുഞ്ചൻ നമ്പ്യാർ	കൊച്ചുത്രേസ്യ,അടൂര്‍ ഭാസി കൊ.ത്രേ.ക്ക് പയ്യോളിച്ചിക്കനും പത്തിരിയും കൊടുക്കും.കുടിക്കാന്‍ നന്നാറി സര്‍ബത്ത് അ.ഭാസിക്ക് തേങ്ങായരച്ച മീങ്കറിയും കപ്പപ്പുഴുക്കും.കുടിക്കാന്‍ കടുക്കാവെള്ളവും. ഞാന്‍ ഒന്നും ചോദിക്കില്ല. രണ്ടുപേരുടേയും മണ്ടത്തരങ്ങള്‍ കേട്ട് ചിരിക്കും.വെളുക്കും വരെ.
കാട്ടിലാണോ ഉത്സവപറമ്പിലാണോ ആനകളെ കാണാൻ കൂടുതൽ ഭംഗി?	കെട്ടിയിട്ടിരിക്കുമ്പോള്‍
അടുത്ത മത്സരത്തിനു് ചോദിക്കേണ്ട ഒരു ചോദ്യം നിർദ്ദേശിക്കു.	ഈ മത്സരത്തില്‍ നിങ്ങള്‍ക്ക് ഏറ്റവും ഇഷ്ടപ്പെട്ട ഉത്തരങ്ങള്‍ ആരുടേതായിരുന്നു?